Skítkast grunnskólakennara

er með ólíkindum inni á síðu grunnskólakennara. Mætti halda að þetta fólk sem þar tjáir sig um viðtalið við mig á Fréttablaðinu vinni á ruslahaugunum ekki í grunnskóla. Málefnalegt er það ekki. Ræðst á fólk, skýtur sendiboðann eins og formaður Félags grunnskólakennara ætlar að gera. Finna sökudólg sem hefur sagt frá eineltinu. Ræða málefnið- nei sei sei nei. Það er ekki í boði.

Þessir kennarar sem gagnrýna persónur fyrir að vekja athygli á málinu áður en kosning verður virðast styðja einelti formannsins. Ekki er annað að skilja á færslum þeirra. Tryggir þetta sama fólk að sami háttur verði ekki á í næstu stjórnartíð formannsins gerist það stórslys að hann verði kjörinn? Því má velta upp. Grunnskólakennarar vita hvernig gerendur eineltis haga sér.

Einn kostulegur sem situr í stjórn, lýsandi dæmi um umræðuna af hálfu sumra.

Sigurður Bibbi er stjórnarmaður í Félagi grunnskóla. Hann er einn þeirra sem þaggar einelti formanns félagsins. Honum finnst svo mikilvægt að birta innihaldslausar fundargerðir svæðafélaga Fg að hann sagði á spjallþræði: ,, Helga Dögg Sverrisdóttir birting er betra en feluleikur.“ Sigurður Bibbi hefur víst ekki sömu skoðun þegar einelti er annars vegar. Stjórn Fg, þar sem Bibbi er ritari, hefur ekki sent frá sér orð frá því að eineltið varð opinbert. Hvað þá hafi stjórnarmenn vitað um það áður. Hvers vegna, er ekki birting betri en feluleikur, það má spyrja sig.

Viðtal við mig birtist í Fréttablaðinu sem fær kennara upp af ruslahaugnum. Hér er viðtalið.

Mikið er gott að dómur

féll, konan sakfelld. Ljótur gjörningur að fara svona með heilabilað fólk. Fólk sem enga ættingja á er berskaldað gagnvart svona illmenni. 

 

Sakfelld fyrir að hafa fé af heilabiluðum systrum

Kjósum Mjöll sem næsta formann grunnskólakennara

Grunnskólakennarar kjósa formann 2. -7. maí. Mikilvægt er að nýta kosningarétt sinn. Þrír einstaklingar gefa kost á sér sem er vel. Gott að kennarar hafi val. Gaman að sjá áhuga kennara á starfinu.

Formannsstarfið er vandasamt. Það krefst mikilla samskipta og hæfni í samskiptum. Því miður hafa ekki allir sömu getu til að eiga samskipti við marga og ólíka einstaklinga. Alls ekki. Ég treysti Mjöll best til að leiða félag grunnskólakennara næstu fjögur árin. Ég treysti henni best til að leiða stefnu félagsins eins og hún leggur upp með í kosningabaráttu sinni.

Formannsstarfið krefst samvinnu margra. Líka víðs vegar um land. Enn kemur að Mjöll, ég treysti henni best til að leiða svæðafélögin saman í góðri vinnu þegar á þarf að halda. Slík samvinna hefur verið lítil undanfarin fjögur ár, bæta þarf úr því. Ekki er nóg að tala um samvinnu, hana þarf að sýna og rækta. Ég treysti Mjöll til að leggja svæðadeildir landsins að jöfnu í slíku samstarfi.

Dreifa þarf ábyrgð. Það er engu félagi til heilla að sama fólkið safnist í kringum formann félagsins í nefndum félags. Ólíkar skoðanir verða að heyrast. Grasrótin, sama hvar á landinu sem hún er, þarf að hafa rödd sem á er hlustað. Ég treysti Mjöll best til að viðra lýðræði, samvinnu og byggja traust milli félagsmanna. Undanfarin fjögur ár hafa sýnt að það er ekki á allra færi að virða umrædd gildi.

Formaður á í nánum samskiptum við aðra formenn aðildarfélag Kennarasamband Ísland. Oft eru þrumuský á lofti og ágreiningur um mál. Nauðsynlegt er að hafa einstakling í formannsembætti Félags grunnskólakennara sem hefur góð samskipti í fyrrúmi. Nauðsynlegt er að hafa formann sem getur hlustað á ólík sjónarmið innan KÍ og ber virðingu fyrir fólki. Nauðsynlegt er að hafa formann sem miðlað getur málum þegar á þarf að halda. Nauðsynlegt er að hafa formann sem stendur fast á sínu án þess að hleypa öllu í bál og brand. Í þeim efnum treysti ég Mjöll best af þeim frambjóðendum sem bjóða sig fra.

Kennarar kjósum Mjöll fyrir okkur öll.

Höfundur er grunnskólakennari. Birtist á visi.is 29. apríl 2022

Formaður KÍ tjáir sig um þetta

en við höfum ekki heyrt orð um einelti formanns Félags grunnskólakennara. Magnús ætti að skoða í eigin ranna, þó ég mæli orðum Sólveigar ekki bót. 

Magnús er formaður Kí þar sem einelti átti sér stað og sitjandi formaður aðildarfélags beitir. Væri áhugavert að heyra skoðun formanns KÍ á innanhúsmáli hjá honum. Fréttablaðið flutti frétt um málið, hér.

Hafa ekki stimplað sig út úr samfélaginu

Formaður grunnskólakennara ber einn sök

Á framboðsfundi frambjóðenda í félag grunnskólakennara staðfesti formaður félagsins að hafa lagt starfsmann Kennarasambandsins í einelti. Formaðurinn sagði frá starfi sálfræðiskrifstofu sem rannsakaði málið. Niðurstaðan var einelti af hálfu formannsins. Grunnskólakennari vakti athygli á málinu á snjáldursíðu kennara og ég sendi inn fyrirspurn til að fá málið staðfest. Annar kennari, sem var á fundinum, spurði hvort formaðurinn hefði ekki átt að segja frá eineltinu áður en hún gaf kost á sér í formannskjörið.

Formaður Félags grunnskólakennara fannst ástæða til að nafngreina umrædda kennara í máli sínu á framboðsfundinum. Tilgangur óljós en ósmekklegur í meira lagi. Formaðurinn talað um að skýrsla hafi lekið. Getgátur, til að gera málið ótrúverðugt. Til að kallast gerandi verður að vera þolandi ofbeldis. Þolandi hefur fullt leyfi til að tjá sig um eineltið. Í samfélaginu viljum við að þolendur ofbeldis fái áheyrn. Gildir það ekki um þetta mál? Vilja grunnskólakennarar þagga málið, trúi því ekki.

Nú berst mér til eyrna að formaðurinn hafi meðaumkun meðal grunnskólakennara af því málið bar á góma. SVO BREGÐAST KROSSTRÉ SEM ÖNNUR TRÉ,  hugsaði ég. Á ég að trúa að kennarar, af öllum stéttum, ætli að sætta sig við að gerandi ofbeldis haldi áfram eins og ekkert hafi í skorist. Á ég að trúa að kennarar af öllum stéttum ætli ekki að tjá sig um ofbeldið sem formaður þeirra beitti. Á ég að trúa að kennarar sætti sig við að einstaklingur sem hefur beitt annan einelti, sem er ofbeldi, fái brautargengi til að leiða félag grunnskólakennara. Á ég að trúa að stétt sem öllu jöfnu hefur afleiðingar eineltis á sinni könnu sætti sig við að starfsmenn KÍ búi við að slíkt sem getur endurtekið sig aftur og aftur.

Í hjarta mínu segi ég nei, ég trúi ekki að kennarar séu svo grunnhyggnir. Ég trúi ekki að kennarar þori ekki að mótmæla slíkum gjörningi. Nei ég trúi ekki að kennarar samþykki slíkt ofbeldi.

Ég hef fulla trú á að kennarar samþykki ekki einelti í sínum röðum.

Einelti hjá Kennarasambandi Íslands!

Á framboðsfundi, formannsefna Félags grunnskólakennara, í gærkvöldi kom fram að sitjandi formaður lagði starfsmann Kennarasamband Íslands í einelti. Samkvæmt formanninum er úrvinnsla málsins hafin. 

Á Vísi.is stendur ,,Á fundinum barst fyrirspurn um færslu sem birtist í Facebook-hóp fyrir grunnskólakennara á Íslandi þar sem fram kom að samkvæmt samskiptaskýrslu sem gerð var innan kennarasambandsins, flokkist hegðun sitjandi formanns, Þorgerðar Laufeyjar, gagnvart öðrum starfsmanni sem einelti. Samskiptin voru skoðuð af sálfræðistofu sem komst að þessari niðurstöðu." Hér má lesa fréttina.

Ég er sú sem spurði út í eineltið á umræddum fundi. Trúði ekki að um sannleik væri að ræða. Við fyrirspurn minni átti ég von á að formaðurinn segði að þetta ætti ekki við rök að styðjast. Gæti hrakið það sem fram kom í færslunni. Síðan reynir formaðurinn að gera mig tortryggilega og aðra sem hafa tjáð sig um málið. Það þykknaði í mér. Ljóst að formaður Félags grunnskólakennara hengir sendiboðann. 

Fréttablaðið kom líka með fréttina í morgunsárið, má lesa hér. Fréttablaðið segir ,,Heimildir Fréttablaðsins herma að niðurstaða fyrirtækisins sem gerði samskiptaúttektina hafi verið óvenju afgerandi ef miðað er við sambærileg mál sem upp koma og leiða til rannsóknar."

Vissulega má spyrja áleitinna spurninga eins og af hverju á að þagga svona gróft eineltismál niður eins og formaðurinn virðist vilja. Á þann veg mátti túlka orð hans á fundinum. 

 

 

Formannskjör í Félagi grunnskólakennara

Annað kvöld verður framboðsfundur frambjóðenda í formannssæti Félags grunnskólakennara. Fundurinn hefst kl.20:00. Sá hæfasti að mínu mati er Mjöll Matthíasdóttir. Hún hefur starfað innan kennarasamtakanna í fjölda ára og þekkir málefni Fg og Kennarasambandsins sem er kostur. Kosið verður 2.-7. maí n.k. Rafrænar kosningar.

Margt hefur gengið á í félagi grunnskólakennara undanfarin fjögur ár. Ég missti traust á forystunni þegar þau létu óátalið að formaður Félags kennara í Reykjavík hélt embætti sínu þrátt fyrir dóm. Skattsvik. Sem formaður svæðisfélags hefur viðkomandi með peninga að gera og stjórn Fg hefði átt að beina því til formannsins að hann léti af störfum á meðan dómurinn rynni út, á tveimur árum. Skilorð. Formaður félagsins verðlaunaði manninn með setu í viðræðunefnd. Foj, foj. Taka þarf á lögum félagsins um svona mál, getur alltaf komið upp.

Valddreifing er lítil sem engin innan félagsins. Skoði maður nefndir á vegum Fg er ljóst að formaður félagsins vill vini sína nálægt sér. Það sést. Undir hælinn lagt hvort varamenn séu kallaðir til. Skólamálanefnd er gott dæmi. Formaður nefndarinnar, sem er varaformaður Fg, fer í annað starf og þá tekur formaður Fg starfið að sér í stað varaformanns sem er eðlilegur hlutur.

Á stjórnarfundum eru gestir, sömu gestirnir, mjög oft á fundi stjórnar félagsins sem getur ekki talist eðlilegt, þó þeir sitji í viðræðunefnd. Sjá má þetta í fundargerðum, sem oft á tíðum eru illa skrifaðar og stundum rangfærslur.

Gerð var athugasemd við fundargerð ársfundar. Þar var fólk skráð á fund sem var ekki. 

Samvinna er lítil og svæðadeildir hafa nánast ekkert verið með í ráðum, hef samanburð frá því að Ólafur Loftsson var formaður. Kann illa við það. 

Mikil læti eru á starfsstöð Kennarasambandsins og samvinna af skornum skammti. Formaður Fg á sinn þátt í því. 

Formaður félagsins hefur hug á að draga Félag grunnskólakennara út úr samstarfi við KÍ. Kann því illa. Betra er að vinna saman en vinna gegn hvorum öðrum. Til slíkrar samvinnu þarf samvinnufúst fólk sem kann að taka og gefa. Ekkert er svo gott að ekki megi bæta það.

Við þurfum á leiðtoga að halda sem sátt er um. Við þurfum leiðtoga sem dreifir valdi. Við þurfum leiðtoga sem er tilbúinn að vinna með öllum. Við þurfum leiðtoga sem getur átt í góðum samskiptum við þá aðila sem á þarf að halda.

Þetta eru hugleiðingar mínar nú þegar ég má velja formann fyrir félagið sem ég greiði háar upphæðir til, Félags grunnskólakennara.

Innheimtustofnun kappkostar að vinna með meðlagsgreiðendum,

skrifaði sakborningur einu sinni. Skyldi það eiga við rök að styðjast. Einn af þeim eru til skoðunar hjá Innheimtustofnun sveitarfélaga er Jón Ingvar Pálsson. Fyrir nokkrum árum reyndi formaður meðlagsgreiðenda að vekja athygli á störfum hans og fleiri innan stofnunarinnar. Kom á daginn að formaðurinn hafði rétt fyrir sér og nú er málið rannsakað.

Jón Ingvar skrifaði grein í mbl.is árið 2013 og ber af sér allar sakir. Hann hafði og hefur rangt fyrir sér.

Hann skrifar m.a. ,,Enn á ný fer Gunnar Kristinn Þórðarson, formaður Samtaka meðlagsgreiðenda, fram á ritvöll Morgunblaðsins í grein sinni þann 25. maí síðastliðinn. Þar fullyrðir hann meðal annars að opinberar stofnanir, þar á meðal Innheimtustofnun sveitarfélaga, stundi ítrekuð og alvarleg lögbrot. Er þetta reyndar ekki í fyrsta skiptið sem Gunnar Kristinn beinir slíkum ásökunum að Innheimtustofnun. Stofnunin hefur leitast við að svara Gunnari Kristni málefnalega þegar hann hefur beint formlegum fyrirspurnum til stofnunarinnar. Það er kappsmál Innheimtustofnunar að vinna með meðlagsgreiðendum og í langflestum tilvikum er það raunin."

Hér má lesa greinina þar sem Jón Ingvar Pálsson ber af sér alla sök. Annað kom á daginn.

Axla ábyrgð,

kann það einhver stjórnmálamaður eða ríkisbubbi? Undafarna áratugi hefur það ekki sést. Áslaug Arna tekur mann úr embætti skattstjóra eins og hún hafi fulla heimild til þess. Hún notar þyrlu í ríkiseign í einkanotum. Bjarni brýtur sóttvarnarlög. Frú Reykfjörð sömuleiðis. Sigríður Andersen skipar í dómstóla landsins eftir hentugleika með blessun kvenþingmanna. Átti að rétta af kynjahalla, löglegt eður ei skipti víst minnsta máli. Svona gætum við haldið áfram.

Yrði nýlunda í íslensku samfélagi ef þingmenn axli ábyrgð. Kæmi skemmtilega á óvart.

Telur að lög hafi verið brotin

Dæmdur skattsvikari býður sig

áfram fram í formannsstól Kennarafélags Reykjavíkur, en aðalfundur félagsins er 28. apríl n.k. Formaður félags grunnskólakennara lagði blessun sína yfir setu formannsins, þrátt fyrir sakfellingu, og benti á félagsmenn máli sínu til stuðnings, félagsmenn hefðu kosið hann. Þá var ekki vitað að hann væri skattsvikari, hvað þá að dómur væri fallinn. Síðan átti sagan eftir að breytast. Hérðasdómur og Landsréttur töldu manninn sekann.

Nú gefur skattsvikarinn aftur kost á sér. Hann hefur aðgang að fjármunum félags sem á nóg af peningum. Er honum treystandi? Maður spyr sig. 

Nú ríður á að grunnskólakennarar í Reykjavík sýni í verki að þeir vilji ekki skattsvikara sem formann. Galli á kosningafyrirkomulaginu er að fólk þarf að mæta á staðinn og kjósa, getur aftrað mörgum að gera það. 

Stjórn Félags grunnskólakennara er rúin trausti í mínum augum eftir að stjórnarmenn létu óáreitt að hafa skattsvikara í fremstu röð og gerðu honum hátt undir höfði. Sem betur fer er komið framboð í formannssæti Félags grunnskólakennara þannig að gefi núverandi formaður kost á sér hafa kennarar val. 

Hér má lesa frétt um málið, en þar segir. ,,Jón Ingi Gíslason, formaður Kennarafélags Reykjavíkur, var í dag dæmdur í fjögurra mánaða fangelsi og til greiðslu tæplega 20 milljóna króna sektar í ríkissjóðs. Jón hafði í héraði verið dæmdur í tveggja mánaða skilorðsbundið fangelsi og til greiðslu sambærilegrar sektar. Dómurinn er því þyngdur nokkuð."