Fjárans sjálfhverfa

Ég um mig frá mér til mín. Svona hugsa þeir sem brjóta sóttkví. Ekkert sem minnir á að viðkomandi búi í samfélagi þar sem taka þarf tillit til annarra. Vona að viðkomandi fái háa sekt og ætti í raun að dúsa í fangelsi, alvöru frelsissviptingu. Manni gremst þegar svona fréttir koma.

 

Hópsmit í leikskólanum rakið til brots á sóttkví

Þingmenn tapa fyrir nýliðum

Eftirtektarvert að margir núverandi þingmenn tapa fyrir nýliðum. Bjarkey tapaði hjá Vg og nú Líneik. Sömu sögu er að segja sunnanmegin á landinu. Hér er um ákveðið vantraust að ræða á störf þingmanna. Hvort nýliðarnir veiði fleiri atkvæði á eftir að koma í ljós.

Ingibjörg mun leiða Framsókn í Norðausturkjördæmi

Kann ekki góðri lukku að stýra,

handvalið fólk inn á lista. Samfylkingin ætlar að höfða til kvenfrelsunarsinna og hafa lagt áherslu á það. ,,Líka ég hreyfingin" tröllríður öllu þar innan dyra sem og hjá fleirum flokkum. Hreyfingin misnotuð. Málefnin sem Samfylkingin talar fyrir sem og einstaka meðlimur innan hennar eru ekki áhugaverð.

Hef stundum kosið Samfylkinguna en eftir framkomu Heiðu varaformanns í garð feðra held ég mig langt frá henni. Staðan batnaði ekki þegar liðhlaupinn Rósa Björk bættist í hópinn en hún vill að ríkið sjái um fóstureyðingar á pólskum fóstrum. 

 

Kraumandi óánægja í Samfylkingunni

Samherjamenn gefa sig ekki

Skattsvik. Skúffufyrirtæki. Aflandsfélög. Afkomendur félaga. Dómur féll í Héraðsdómi. Eimskip skal greiða skatta hér á landi. Eigendur fallast ekki á það. Meirihlutaeign er hjá Samherja. Málinu skotið til Landsréttar. Vonandi eru þeir sama sinnist og Héraðsdómur. Hvað rekur fyrirtæki til að svíkja þjóð sína um lögmætar skattgreiðslur. Menn hanga ekki á horreiminni. Fyrirtækjum og stjórnendum til skammar. Vona að dómarar nái í skottið á sem flestum skúffufyrirtækum, með góðu eða illu. 

Lesa má um fréttina hér, Eimskip tapar dómsmáli um dótturfélög í lágskattaríki | RÚV (ruv.is)

Yndislegt

að lesa, eldra fólkið kemst aðeins út fyrir landssteinana. Vel gert að heimsækja frændur vora. Við hin bíðum bara róleg þar til röðin kemur að okkur. Njótið ferðarinnar segir ekki meir!

Fyrsta hópferð Íslendinga er til Færeyja

Flónin...

eru tveir stjórnmálamenn og einn ritstjóri. Margir stjórnmálamenn gera sóttvarnir að kosningamálum. Þeir gera lítið úr sér. Pistlahöfundur í Kjarnanum tekur það saman hér Af djúpvitringum (kjarninn.is)

Sorglegt. Stjórnmálamenn í kreppu. Þurfa málefni til að hafa möguleika. Krækja í atkvæði fyrir flokkinn. Vilja á þing. Aumkunarvert að mínu mati að nota sóttvarnir og bólusetningar til þess. Fælir vonandi sem flesta frá þessu fólki.

Löggan leitar einstaklinga sem brjóta sóttkví...

segir Þórólfur í viðtali við Inga Björn á Viljanum. Góð umfjöllun sérfræðinga. Þingmenn í kosningaham. Þeir sem brjóta sóttkví og einangrun valda hertum sóttvarnaráðstöfunum. 

Þórólfur segir að ráðherra dómsmála hafa opnað landamæri þvert á álit hans og viðvörun. Ráðherra veit meira en sótti og ákvað engu að síðu að hleypa fólki inn í landið með vottorð. Annað kom á daginn, ekki góð ákvörðun. Ráðherra hugsar um æskuna. hugsar ekki málið til enda. Kári segir á mjög penan hátt að ráðherra dómsmála sé kjáni. 

Hér má hlusta á viðtal við Þórólf og Kára, „Þarna gerði Alþingi Íslendinga illa í buxurnar“ - VILJINN

Aumt er það

þegar samflokksmenn haga sér svona. Í Noregi eru gerðar ríkari kröfur til þeirra sem fara fyrir landi og þjóð í tengslum við sóttvarnir en hér á landi. Hér geta ráðherrar og þingmenn hagað sér að vild án afleiðinga. Norski forsætisráðherrann fékk háa sektargreiðslu vegna brota á sóttkví með þeim orðum að hún eigi að fara eftir því sem hún boðar. Tveir ráðherrar Sjálfstæðisflokksins hafa gerst brotlegir við sóttvarnarlög og hvað gerðist? Einn þingmaður spókar sig í tilefnislausri ferð á Spáni þrátt fyrir tilmæli sóttvarnalæknis um að fólk geri það ekki. Vondar fyrirmyndir.

Ekkert athugavert að þeir sem standa fyrir sóttvörnum í landinu láti heyra í sér. Orðaval- hver og einn ber ábyrgð á því.

Úr frétt á mbl.is ,,Sør-Øst, Ole B. Sæ­verud, sagði á blaðamanna­fundi í morg­un að Sol­berg væri í fram­varðasveit lands­ins og þrátt fyr­ir að all­ir væru jafn­ir fyr­ir lög­um hefði hún staðið fremst þegar kom að ákvörðunum er vörðuðu sótt­varn­a­regl­ur. Því væri henni gert að greiða sekt en ekki eig­in­manni henn­ar þrátt fyr­ir að hann sé tal­inn bera ábyrgð."

Sigríður sendir Kára pillu vegna Trump-samlíkingar

Ber að bólusetja

Mannréttindadómstólinn komst að góðri niðurstöðu. Foreldrum ber skylda að bólusetja börn sín gegn ákveðnum sjúkdómum ætli þau að nota þjónustu leikskóla. Gott að fá þetta á hreint. Væri skelfilegt að eitt barn geti sett önnur í hættu vegna andstöðu foreldrar við bólusetningar.

Í fréttinni segir ,,Þetta var fyrsti úrskurður dómstólsins um bólusetningar barna. Sextán dómarar af sautján voru sammála túlkun tékkneska ríkisins. Samkvæmt lögum þar í landi ber foreldrum skylda til að mæta með börn sín í bólusetningu við níu sjúkdómum, þar á meðal við mislingum, kíghósta, stífkrampa og barnaveiki."

Hér má lesa fréttina á Ruv.

Góðar fréttir...en

hugsanlega geta margir verið mjög veikir heima hjá sér. Eftirköstin geta líka verið langvinn og erfið þó fólk hafi ekki veikst mikið. Slíkt kemur fram í Danaveldi sagði læknir sem rætt var við. 

Mikilvægt að passa sig og umhverfi sitt. Þannig næst árangur.

Færri innlagnir en spítalinn óttaðist