Tvöfalt brjóstnám

Nú þegar landlæknir leyfir tilraunalyfjagjafir á börnum sem líður illa í eigin skinni er ekki laust við að bloggari hugsi, hvað næst. Í útlöndum er tvöfalt brjóstnám unglingsstúlkna vel þekkt. Ekki liggja upplýsingar á lausu hér á landi hvort og þá hve margar unglingsstúlkur hafa farið í slíka aðgerð. Vonandi engin.

Stúlkur sem láta fjarlægja bæði brjóstin gera það á meðan andleg vanlíðan er mikil, kvíði, þunglyndi, rétt eftir áföll o.s.frv. Margir hafa barist gegn þessu og ekki haft erindi sem erfiði. Enn finnast læknar sem auglýsa brjóstnám sem lausn til að leysa andlegan vanda stúlknanna sem halda að þær séu í röngum líkama. Auðvitað er það ekki hægt, þú ert í þeim líkama sem þú fæddist í.

Það hefur færst í vöxt að stúlkurnar sjái eftir þessu þegar þær þroskast. Á unglingatryppinu var þetta ,,kúl og flott“ þegar áróðurinn er hvað mestur. Þarf ekki annað en horfa á samfélagsmiðla þar sem unglingsstúlkur sýna ljót ör yfir brjóstholið.

Að nokkrum lækni detti í hug gera brjóstnám á ungum stúlkum og hvað þá státa sig af svona skemmdarverkum er bloggara huglin ráðgáta. Í sumum löndum er meira að segja leyft að auglýsa þessi skemmdarverk.

Það er von bloggara að Íslendingar vakni upp, fyrr en seinna, og sjái hvert stefnir í málaflokknum.

Tilraunir á börnum? Er það ásættanlegt árið 2024?

Dag­björt Há­kon­ar­dótt­ir, þingmaður Sam­fylk­ing­ar­inn­ar, vill ekki ræða tilraunameðferðir á börnum sem framkvæmdar eru á Íslandi.

Íslendingar eiga ekki von á góðu ef þingmenn vilja þagga niður ágreiningsmál í samfélaginu. Þöggun, þöggun, þöggun virðist vera einkunnarorð Dagbjartar. Þetta kom fram hjá þingmanninum í viðtalsþættinum Dægurmál. Algert hneyksli að þingmaður vilji ekki ræða tilraunir á börnum. Nota má börn sem lyfjatilraunadýr.

Breska þingið hefur bannað notkun hormónablokkara í því skyni að ,,falsa kyn“ barns, þ.e. að reyna að breyta líffræðilegu kyni barnsins. Að sjálfsögðu er það ekki hægt og ekkert lyf getur það. Allt er þetta í kollinum á börnum, væri nær að ríkið kostaði sálfræðimeðferð fyrir börnin í stað þess að gefa þeim tilraunalyf sem víða eru bönnuð.

Auðvitað á að fara fram gagnrýn umræða fram á þinginu. Draga á fram rannsóknir sem sýna hvaða aukaverkanir börnin glíma við eftir svona tilraun. Það á líka að koma fram í dagsljósið að börnin þurfi lyf til lífstíðar hefji þau þessa tilraunameðferð.

Bloggari vonar að umræðan stoppi ekki hér. Landlæknir, Alma Möller, hafði ekki þor eða getu til að taka á málinu, vonandi gerir nýr landlæknir það. Ef ekki, þá hlýtur það að vera krafa lýðsins að þingið láti til sín taka.

Cass skýrsluna má nálgast hér. Ætti að vera skyldulesning hvers þingmanns. Hér má hlusta á þingmann breska þingsins.

Kannski þurfum við ekki að vera hissa á afstöðu Dagbjartar Samfylkingarþingmanns, hún vildi breyta orðunum, amma og afi, sem meðflutningsmaður á frumvarpi, og nota orðagjálfur trans hreyfinga. Hún vildi að ,,transarar“ fengju vegabréf einu sinni á ári, á kostnað ríkisins, ef ske kynnu að þeir vilja hoppa á milli kynja. Gáfulegt!

 

Þakkir til konu

Danska kvenréttindafélagið heyir sömu baráttu og Kvenréttindafélag Íslands, gegn konum, því þær vita ekki hvað kona er. Þær konur sem hafa safnast inn í félögin segja suma karlmenn konur, þó ætla mætti að bæði dómgreind þeirra og menntun segi til um annað. Svo eru það meðvirku sauðirnir.

Á síðu Danska kvenréttindafélagsins birtist vafasöm færsla. Feittletrun er bloggara. Þar segir ,,Vinnan fyrir réttindum kvenna er vinna um mannréttindi, burtséð frá kyni. Jafnréttisbarátta er ekki bara kvennamál - það er mannréttindabaráttu og nauðsynleg fyrir réttlæti framtíðar.“ Úbs! Vafa mál hvað kona er?

Það kveður við annan tón í kvenréttindabaráttunni þarna ytra, konur ekki sammála skilgreiningu þeirra sem vilja ráða. Við þekkjum sýkinguna í kvennabaráttunni hér á landi. Miðað við sýkinguna hér á landi má spyrja, er ekki í lagi að leggja niður Kvenréttindafélag Íslands úr því að baráttan snýst ekki eingöngu um konur? Karlmenn, sem skilgreina sig sem karla, virðast eiga hug þeirra allra.

Ung kona skrifar athugasemd við færslu Lotte: ,,Finnast í alvöru einhver kvennahreyfingu sem berst fyrir konur? Kvinfo, Dansk Kvindesamfund, Kvinderådet. Getur maður sagt að þær reyni að bæta aðbúnað kvenna í dag, ef þær þurfa alltaf að rannsaka hvernig önnur kyn vilja haga málum? Eftir 10 ár munu þetta tímabil skaða þær.“

Einhver kona, með viti að sjálfsögðu, gerði athugasemd við dönsku færsluna segir Lotte Ingerslev því færslan hvarf. Þeirri eða þeim konum sem sáu til þess að færslan var fjarlægð er þakkað. Mynd náðist af færslunni og hana má sjá hér.

 

Maður að nafni ,,Olivia" segir kvennærföt skipta höfuðmáli

segir danskur snjáldur vinur minn. Orðin eru látin falla vegna viðtals sem birtist eftir að Gallup könnun Berlinske var birt. Fjórir af hverjum fimm Dönum vilja halda karlmönnum frá kvennaíþróttum, skiljanlega. Karlmenn hafa ekkert að gera í kappleiki með konum.

Neðar má sjá það sem hann sagði bæði í Jyllandsposten og Berlinske. Hann er ósáttur við að svo margir Danir vilja ekki sjá hann og hans líka í kvennaíþróttum. Ekki orð um hvernig stelpunum líður með það. Ekki orð um það hvort það sé réttlætanlegt að hann líffræðilegur karlmaður, sem skilgreinir sig sem konu, keppi við stúlkur.

Hann tekur fram að honum hafi liðið illa innan um karla með kvennanærföt. Ekki orð um að stelpum líði illa innan um karlmann. Eins og snjáldur vinur minn sagði ,,það er afgerandi að hann sé í kvennanærfötum.“

Hann segir líka að það sé erfitt að vera í heim þar sem hann heyrir hvergi til, hann langaði svo að spila fótbolta. Jú hann heyrir til með karlmönnum eða opnum flokki í íþróttum. Stelpur vilja ekki hafa hans líka í sínum röðum. Fyrir ,,Oliviu“ skiptir það engu máli. Hann virðist elska sig meira en svo að hann hugsar hvorki um tilfinningar eða vilja stúlkna og kvenna. Þeim er tamt að gera það sem vilja njóta forréttinda.

Karlmaðurinn ,,Olivia“, sem skilgreinir sig sem konu, hugsar ekki um stúlkurnar og konurnar, það er bara ég, ég, ég og aftur ég.

Í athugasemd við færslu Lotte segir karlmaður:

,,Í raun og veru er þetta geðveikt gróft. Dómur hans um smekk, þar sem hann mun ákveða hvað er meira ,,stelpuleg" nærföt en nokkuð annað.

Svona stórkostlegt dekur/athyglisleit verður hvort sem er aldrei fullnægt. Maður getur - því miður - ekki annað en ímyndað sér sífellt meiri ,,hysterískar“ kröfur til þess kyns sem maður tilheyrir á engan hátt.“

Astrid bætir við: ,,Af hverju hefur engin sagt Oliver að hann geti skipt um föt heima, ef hann kærir sig ekki um að liðsfélagar hans sjái hann í kvenundirfötum? Það er alls, alls ekki nauðsynlegt að kalla sig konu og troða sér inn í kvennalið og búningsklefa þeirra, þar sem hann á hvort eð er ekki heima.“

Þetta er kynfölsun

Breska deildin innan WDI (Womens Declaration International) sendi þann 5. desember bréf til forsætisráðherrans Keir Starmer og annarra ráðherra þar sem þeir voru hvattir til að afnema alla kynfölsun ("sex falsification")- sem þýðir að orðin ,,kynskipti“ og ,,kynvitund“ verði fjarlægð úr öllum lögum, reglum og að afnema eigi lögin um kynrænt sjálfræði ,,The Gender Recognition Act"- því kynfölsun ÓGNAR KONUM, BÖRNUM OG ÖÐRUM MINNIHLUTAHÓPUM. Þetta skrifar Lotte Ingerslev á snáldursíðuna.

Svo, danskir stjórnmálamenn, og bloggari ávarpar þá íslensku, nú er kominn tími til að afnema lögin um kynrænt sjálfræði- með hraði.

Leyfði mér að endurtaka mig:

Ef við ætlum að vinna baráttuna er algjört lykilatriði að við hættum að nota skrautleg tungumálatöfrabrögð trans aktívista.

Engin manneskja er ,,trans.“ Trans finnst ekki nema orð. Þetta fólk er kynjahermur. Og við verðum að segja það upphátt.

Margir þeirra hafa auðvitað verið leiddir til þess af fjölmiðlum, læknum og stjórnmálamönnum. En nú verður aðlögun SAMFÉLAGSINS að kynjaeftirlíkingu þeirra að STOPPA. Það sviptir annað fólk réttindum – þar á meðal málfrelsi og hugsunarfrelsi, öryggi og friðhelgi einkalífs stúlkna og kvenna – og það eyðileggur líkama og líf barna og unglinga.

Lögin um kynrænt sjálfræði ber að afnema- nokkuð hratt. Einnig ber að fjarlægja á orðin kynvitun úr öllum dönsku lögum. Tel að sama eigi við um Ísland.

,,Transfólk", ,,kynsegin" og ,,kynvitund" eru ósannanlegar fullyrðingar um innri reynslu sem eiga ekki heima í löggjöf sem flokkar og fólki er deilt í - og úthluta fólki réttindum eftir því - og svipta aðra réttindum fyrir vikið.

Hér má lesa færslu Lotte og fyrir neðan má sjá bréfið sem ráðherrar fengu. Vildi óska að þessi umrædda deild sendi íslenskum stjórnmálamönnum slíkt bréf.

Kynfölsun í sinni skýrustu mynd, lesið hér.

Svona ! Skýrara verður það ekki

Kærar þakkir til Mille Sørensen og Berlingske fyrir að vekja athygli á réttlætinu, fótboltastelpum og öryggi kvenna segir Katrine.

Rökin um að það ,,séu svo fáir sjálfskilgreinandi sem þetta fjallar um„ heldur ekki vatni af mörgum ástæðum. Þetta hafa verið helstu rök þeirra DBU manna til að koma körlum í kennafótboltann.

Fyrir það fyrsta mun einn drengur eða maður í stúlkna- eða kvennaliði, sem mætir 10 -20 öðrum liðum í keppni, verða fyrir áhrifum, allt í einu eiga þær að geta það sem karlmannslíkaminn getur, ekki hvað kvenlíkaminn getur.

Í öðru lagi mun ofsafengin tækling frá manni gegn minni konu geta valdið óásættanlegum skaða. Á Jótlandi hafa þeir leyst þetta vel, herraliðin eru opin fyrir alla. Enginn ætti að veera útundan, sem eru önnur rök DBU manna fyrir körlum í kvennabolta.

Og nei, það er ekki trans-fóbía að vekja athygli á réttlæti og öryggi stúlkna og kvenna í íþróttum. Það er umhyggja.

Ný Gallup skoðanakönnun: Danir segja þvert nei við að líffræðilegir karlmenn séu í kvennaíþróttum.

Fjórir af hverjum fimm Dönum eru andstæðingar þegar kemur að karlmönnum í kvennaíþróttum, sem skilgreina sig sem konu. Sem, eins og sérfræðingur segir, að í íþróttum er það ,,líffræðilegir líkamar, ekki sjálfsvitund“ sem keppa.

Samkvæmt einum sérfræðingi ,,höfum við djúpa tilfinningu og innsæi“ fyrir því að munur sé á kynjunum í íþróttum og það séu ,,mikilvægar breytur.“

Líffræðilegir karlmenn eiga að keppa á móti öðrum karlmönnum í íþróttum og líffræðilegar konur eiga einar að keppa á móti konum.

Svarið er afgerandi hjá Dönum þegar kemur að spurningunni um kyn og sjálfvitundin í íþróttum.

Svarið kom í nýrri Gallup könnun sem gerð var af Verian fyrir Berlinske.

Brjóstagjafir karlmanna

Mikið gengur á íslensku samfélagi. Samkynhneigður karlmaður sætir rannsókn lögreglu vegna ummæla sem hann lét falla um brjóstagjöf útlendings sem tekur hormón til að framkalla einhvers konar vökva til að gefa barni. Útlendingurinn leggur síðan barnið á brjóst og lætur það sjúga geirvörtuna. Hann er ekki sá eini heldur fer þeim fjölgandi sem uppfylla hvatir sínar á þennan hátt.

Víða um heim

Það er ekki bara hér á landi sem menn hafa orð á því hve ónáttúrulegt þetta er. Nokkrir karlmenn hafa státað sig af að gefa barn brjóst og birta myndir af sér á samfélagsmiðlum, með hvítvoðung á brjósti. Væri barnið aðeins eldra myndu menn sennilega tala um kynferðislegt ofbeldi gegn barni.

Karlmaður hefur ekki líffræðina til að hafa barn á brjósti og því ætti heimurinn að hafna þessu. Vissulega má undrast læknana sem láta hafa sig af fíflum og gefa karlmönnum, með einkennilegar hvatir, hormón í þessum tilgangi. Það er eitthvað verulega mikið að þegar læknar eru komnir út á þessa braut. Kannski eru peningar hvatinn.

Réttur barns

Sam­tök­in 78, Kven­rétt­inda­fé­lag Íslands, Barna­heill, Trans Ísland, Stíga­mót, Geðhjálp og UNICEF hafa ekki látið heyra frá sér um málið. Þessi samtök vilja þagga niður tjáningarfrelsið, það gerðu þau með ályktun í aðdraganda kosninganna. Svo má undrast að Barnaheill, Geðhjálp og UNICEF séu þarna á meðal. Allt eru þetta félagssamtök á ríkisspenanum.

Reyndar þögðu Samtökin 78 ekki, þau ákváðu að kæra Íslending fyrir að segja það sem flest okkar hugsa. Þetta er misnotkun á barni. Ómálga barn er þarna notað til að upplifa fantasíu um hvernig er að hafa barn á brjósti. Konur vita að þegar barn er á brjósti dregst leg þeirra saman, það er annar tilgangur með þessu en fóðra barnið. Hvaða tilfinningu fær karlmaður við sog barns á geirvörtu?

Myndir þú kona góð vilja að barnið þitt væri notað á þennan hátt?

Lögreglan

Vissulega er lögreglan komin út á hálan ís þegar hún er farin að rannsaka tjáningarfrelsið. Hvar mun löggan draga línurnar? Hvað má segja og hvað ekki. Hver móðgast og hver ekki?  Í Danaveldi, segja mér Danir, yrði svona kærum vísað frá ,,med det samme“ því tími lögreglu er verðmætari en svo að þeir fari í tittlingatog um hvað móðgar hvern, hvernig og hvenær.

Bloggari sendi bæði Mannlíf og Vísi þennan greinarstúf. Hvorugt blaðið birti. Hvað segir það okkur?

Húrra stelpur, sigur!

Stjórnmálamaðurinn Moira Deeming, sem berst fyrir réttindum barna og kvenna, vann dómsmálið í Ástralíu. Hún lagði formann sinn John Pesutto, hann fleygði henni út úr flokknum og gerði lítið úr henni með ummælum um að hún hefði svert flokkinn. Ástæðan var að hún tók þátt í einum af fundum Kellie-Jay-Keens ,,Let Women Speak" í Melbourne, þar sem hópur nýnasista birtist allt í einu.

Pesutto hélt fram í réttinum, að Moira Deeming hefði átt að hlaupa burt um leið og hún sá nýnasistana.

John Pesutto sverti ekki bara flokksmann sinn heldur líka Kellie-Jay Keen með ógeðfeldum ummælum m.a. að hún væri í slagtogi með nýnasistum2. Ummælin voru þess eðlis að Kellie hótaði honum málsókn. Hann baðst síðar opinberlega afsökunar á ummælunum á heimasíðu sinni.

Við skulum vona að stjórnmálaferli Johns sé lokið. Hann hefur ekki viðurkennt konur sem konur heldur eitthvað félagslegt fyrirbæri. Konur sætta sig ekki við það.Hann viðurkennir heldur ekki þær skelfilegu afleiðingar sem hormónalyfjagjafir hafa á börn. Svona stjórnmálamenn eiga ekki að sjást eða heyrast í. Lítitllækkan konur. Hér á landi finnast slíkir stjórnmálamenn.

Einstaka orustur tapast en sigurinn verður okkar stúlkna og kvenna að lokum.

Hér má lesa og hlusta á hana.

Hún sendi frá sér yfirlýsingu.

Lögum um kynrænt sjálfræði þarf að breyta eða fella úr gildi

Margir láta í sér heyra og tala um kyn sem eitthvað huglægt. Að við getum valið kyn allt eftir hvernig okkur líður. Það er ekki rétt. Kyn er ekki valkvætt. Kyn er líffræðilegt og óbreytanlegt, segir í steigan.no.

Hvernig komumst við, í alvöru, á þann stað að huglægur skilningur á raunveruleikanum yfirgnæfir náttúruvísindin, og segir okkur að hægt sé að skipta um kyn?

Jæja, við erum með ríki sem hefur ákveðið að það sé huglægur skilningur á raunveruleikanum sem eigi við, að konur geti verið með getnaðarlim og að karlar geti fætt barn. Þegar þetta er nú í fararbroddi í leikskólum og skólum, er maður ekki hissa sá sem ,,gúgglar“ þetta og fær upp sem,,staðreynd" að karlar geti farið á blæðingar skal engan undra, en það er bein afleiðing af lagabreytingum um kynrænt sjálfræði.

Það var áhugavert að heyra þingmanninn sem datt úr af þingi, vegna þess að fólk fékk nóg af ,,vókinu“ sem Píratar og Vinstri grænir hafa boðið undanfarin ár, að halda fram að jafnrétti hinsegin fólks væri í hættu. Þórhildur Sunna talaði ekki orð um réttindamissi stúlkna og kvenna, einkarými þeirra. Hinsegin fólk hefur nákvæmlega sömu réttindi og aðrir.

Í Noregi hafa foreldrar risið upp gegn klámvæðingu í bókum ætlað börnum. Hér má lesa færslu um að skólabókasöfn hafa fjarlægt ákveðna bók, of mikil klámvæðing fyrir börn. Þessi sama bók var þýdd hér á landi, íslenskir foreldrar hvar eru þið? Fræðslustjórinn sem fékk málið í sínar hendur var sammála foreldrum sem kvörtuðu. Börnin í fyrirrúmi þarna.

Engin trygging þó skilgreiningin sé kona

Rannsóknir sýna að ,,trans konur“ (það vil segja, karlmaður sem segist vera kona) eru ekki síður hættulegir konum en aðrir menn- heldur ekki, þegar þeir hafa látið fjarlægja typpið-kannski þvert á móti segir Lotte Ingerslev. 

Í nýju færslunni minni, segir Lotte, færðu gögnin fyrir:

- Hversu margar ,,trans konur" hafa framið ofbeldisglæpi (þar á meðal kynferðisglæpi) eftir að limur þeirra var fjarlægður

- Hversu margar ,,trans konur" eru með lim – öfugt við það sem flestir gætu haldið

- Hversu oft ,,trans konur" fremja ofbeldis- og kynferðisglæpi – samanborið við aðra karla

- Hvaða glæpi eru ,,trans konurnar" sem sitja í fangelsi venjulega dæmdar fyrir

Hér má lesa, og í blogginu er að finna krækjur á heimildirnar sem hún bendir á.