Gott að heyra

og verður fróðlegt að sjá innihaldið. Stundum helst þetta ekki í hendur, gott gengi í samningum og gott innihald. Á nýju ári munu grunnskólakennarar heyra um herlegheitin. Hlakka til. 

Menn spá fyrir um framhald. Falli samningur eru kennarar tilbúnir í verkfall. Engum blöðum um það að fletta að kennarar eru þreyttir á virðingarleysinu sem þeir mæta í samfélaginu og nú síðast að yfirvöld virtu ekki ráð sóttvarnalæknis.

Koma tímar, koma ráð.

Grunnskólakennarar skrifa undir kjarasamning

Maður ársins

hjá rikissjónvarpnu er sóttvarnalæknir. Hann hefur í gegnum veirutímabilið aldrei misst stjórn á skapi sínu þó misvitrir einstaklingar bauni á hann. Hann leyfir mönnum að gagnrýna sig og tekur því vel að mínu mati.

Ekki auðvelt starf sem hann er í.

Til Ruv, hallærislegt að tala um manneskju ársins, maður ársins.

Völdu Þórólf manneskju ársins

Ekkert að því,

fólk bíður bara rólegt. Ekki hægt að ætlast til að sérfræðingarnir vinni allan sólarhringinn við greiningu smita. Þegar sérfræðingarnir eru bara í þessu gerist það sjálfkrafa að greining annarra sýna situr á hakanum, nema þau lífsnauðsynlegu. Fólk hættir ekki að veikjast þó veiran sé á kreiki og við sem erum í samfélaginu þurfum að fá vitneskju um smit eður ei.

Tek hatt minn ofan fyrir öllu þessu fólki sem vinnur baki brotnu að þjónusta samborgara sína, hjúkra og upplýsa.

Allt að 72 tíma bið eftir niðurstöðu

Gott að heyra,

nú getur sótti passað upp á þá sem kæra sig ekki um að fá veiruna. Ekki af því við verðum lítið veik heldur enginn veit hver eftirköstin verða. Enginn veit hvernig eða hvort þau verða, jafnvel hjá lítið veikum einstaklingum. 

Við meðhöndlum aðra smitsjúkdóma og því ættum við að gera það við kóvid líka. Meðhöndlunin er einangrun. Við sumum er sýklalyfjakúr og vera heima þar til hann vinnur á sjúkdómnum. 

Styð aðgerðir sóttvarnalæknis. Styð heilshugar að hugsað sé um vinnuumhverfi heilbrigðisstarfsfólks og að álagið sligi það ekki alveg. Nóg er víst komið. Eins og Már sagði svo skemmtilega, á Alþingi eru kallaðir inn varamenn en á spítalanum eru engir varamenn. Sama má segja um alla boltaleiki- og takið eftir leiki- þar eru varamenn í löngum röðum og hægt að bæta inn. Engir varamenn eru í leik- og grunnskólanum og því mikilvægt að halda smitum þar úti eða í lágmarki.

Héraðsdómur staðfestir 10 daga einangrun

Af hverju halda menn

að rótækir múslimar breytist þó þeir komi til vestrænna ríkja. Stoppa þarf svona í fæðingu. Hægara sagt en gert. Því miður eigum við eftir að sjá róttæka múslima ,,vaða" uppi í samfélögum. Við höfum sofið á verðinum. Hér má sjá sorglega útgáfu af því sem við köllum Danmörk. Segi eins og höfundur, Danmörk óþekkjanleg.

Loka mosku vegna róttækrar predikunar

Munum hvern við biðjum um aðstoð

þegar flugeldakaup eru íhuguð. Einkaaðilar munu ekki svara kalli þínu um aðstoð. Hugnist fólki ekki flugeldar má kaupa rótarskot eða leggja inn á björgunarsveitir landsins. Margir vilja styrkja sína sveit sem er eðlilegt. Látum okkar ekki eftir liggja til að halda úti þessu frábæra starfi sjálfboðaliða. 

Biðja fólk að vera tímanlega í flugeldakaupum

Væri munur ef aðrar starfsstéttir

gætu þetta og óskað eftir breytingum. Sjáið þið heilbrigðisstarfsfólkið víða um heim. Mikið álag á þeim. Líka vegna veikinda samstarfsfólks. Fótboltamenn geta bara spilað sína leiki, sinnt vinnu sinni. Kalla inn varamenn eins og gert er annars staðar. Fótboltamenn eru ekki í sjálfboðnu starfi, síður en svo. Miklu launahærri en aðrar, mun nytsamari, stéttir. Væl í þessu liði!

Óska landsmönnum til sjávar og sveita gleðilegra jóla. 

Leikmenn á Englandi búnir að fá nóg

Kemur ekki á óvart

því álag á heilbrigðisstarfsmenn er mikið. Umönnun sjúklinga í búnaðnum sem krafist er íþyngjandi. Höfum við heyrt starfsfólk kvarta undan því, nei. Þegar álag er viðvarandi og samfélagið tuðar samfellt um að veiran sé ekki nokkur skapaður hlutur heggur andlega heilsu starfsmanna. Þeir sem vinna við þetta þekkja veikindin, líðan sjúklinga með cóvid og þá sem eru fárveikir.

Margir heilbrigðisstarfsmenn fara í sjálfskipaða smitgát og sóttkví til að geta mætt í vinnuna og hjúkrað veikum. Við sjáum ekki slíkt hjá mörgum stéttum ef nokkurri. Höfum það hugfast þegar við röflum um að veiran sé ekkert nema smá kvef. Skaðar fáa ef nokkra.

Heilbrigðisstarfsfólk hefur annað að fara. Samfélagið mun finna fyrir brotthvarfi starfsmanna ef þeir feta í sömu spor og kollegar þeirra í Danaveldi.

Gleðilega jólahátíð. 

Allt að 20% hætt erlendis vegna álags

Aldeilis fínt

að dómur falli stefnanda í vil. Með fleiri slíkum dómum sjá menn vonandi að sér. Það má ekki láta allt út úr sér á samfélagsmiðlum, sem betur fer. Menn eiga að var duglegri að kæra meiðandi og ósönn ummæli. Galli á gjöf Njarðar, það kostar. 

Tilgangur svona ummæla er að sverta þann sem talað er um til að ná sér niðiri á viðkomandi. 

300 þúsund í miskabætur vegna ummæla á Facebook

Víðar er mönnunarvandinn

Mikil starfsmannavelta hjá þeim. Líka á dvalar- og elliheimilum. Ekki kallað út þegar einhver veikist. Fólk vill ekki taka aukavaktir og því er undirmannað. Starfsmenn hlaupa hraðar. Sleppa ekki verkum. Allir baðaðir og klæddir þrátt fyrir undirmönnun. Stjórnendur eða rekstraraðilar finna ekki fyrir vandanum. Samviska starfsmanna ræður för. Vill ekki láta það bitna á notendum þjónustunnar. Menn vinna þessi störf tímabundið. 

Hvað er til ráða? Þegar stórt er spurt er oft fátt um svör.

Hafa ekki efni á að ráða annan