London, England. Trans-aðgerðasinnar slepptu kakkalökkum, engisprettum og mjölormum á ráðstefnu LGB Alliance UK

Þetta segir Katrine Brøgger í færslu á snjáldursíðu sinni. Þeir sem voru til staðar sendu á samfélagsmiðlana hvað var í gangi. Fréttin barst fljótt út og skemmdarvargarnir náðust.

Katrine heldur áfrma, LGB Alliance UK eru fyrstu LGB samtökin sem stofnuð voru til að berjast fyrir mannréttindum lesbía, homma og tvíkynhneigðra á grundvelli líffræðilegs kyns. Samtökin voru stofnuð árið 2019 og eru meðlimir þeirra kerfisbundið og viðvarandi beittir markvissu áreiti af hálfu öfgafullra trans- aðgerðasinna.

Á dögunum hélt LGB Alliance UK ráðstefnu í Queen Elizabeth II Center í London. Þegar fyrsti ræðumaðurinn átti að tala komu sjö trans aðgerðasinnar inn í salinn með poka af kakkalökkum, engisprettum og mjölormum sem þeir slepptu inn í herbergið.

Sú staðreynd að trans- aðgerðasinnar hafa valið að nota skordýr sem eru meindýr, sérstaklega kakkalakka, til að reyna að eyða og koma í veg fyrir að lesbíur, hommar og tvíkynhneigðir safnist saman, er verulegt áhyggjuefni, þar sem samanburður við meindýr er regluleg notkun í afmennsku ferli átakanna. Hútúar kölluðu Tútsa reglulega kakkalakka fram að og meðan á þjóðarmorðinu í Rúanda stóð.

Ásamt stöðugum söngvum trans-aðgerðasinna eins og ,,Kill a TERF*" - beint að kvenréttindafrömuðum - sem og líkamlegum árásum á kvenréttindafrömuði á mótmælum í London, Nýja Sjálandi og Ástralíu - verður enn og aftur að hafa í huga að öfgafullir trans-aðgerðasinnar eiga jafnvel mjög erfitt með að skilja grundvallar lýðræðisreglur.

*TERF er svívirðingarorð sem trans-aðgerðasinnar fundu upp í tilraun til að þagga niður í kvenréttindasinnum sem halda því fram að réttindi kvenna eigi aðeins við um konur, ekki karla sem skilgreina sig sem konur.

Á árunum 2022, 2023 og 2024 hefur sérstakur erindreki Sameinuðu þjóðanna um kynbundið ofbeldi gegn stúlkum og konum, Reem Alsalem, lagt mikla áherslu á að kvenréttindi Sameinuðu þjóðanna nái til líffræðilegra kvenna, ekki karla sem skilgreina sig sjálfa sem konur, þar sem skortur á þessum greinarmun muni styrkja og auka kynbundið ofbeldi gegn stúlkum og konum segir Katrine.

Sjá mátti umfjöllun breskra fjölmiðla um ofbeldið. Euronews lýsir trans aðgerðasinnum sem ,Anti- LGB. Hér má lesa um skemmdarverk og önnur umfjöllun hér.

Það eru margir meðlimir LGB bandalagsins ungir. Þetta eru ekki kynslóðaátök. Þetta er mannréttindabarátta.

Bráðskemmtilegt

Alvöru kynskiptingar tapa á gervifólkinu

Færst hefur í vöxt að karlmenn setji á sig varalit, fari í kjól, punti sig með eyrnalokkum og hálsmeni. Þeir fara jafnvel í há hælaða skó og nota veski. Allt til að vera þykistu kona segir þáttastjórnandi.

Myndbandið í færslunni sýnir hversu kjánaleg þessi hugmyndafræði er orðin. Í myndbandinu má sjá karlmann, Josh, gera grín að alvöru kynskiptingum, því þeir finnast í alvöru. Maðurinn sem sýndur er í þættinum niðurlægir ekki bara konur heldur kynskiptinga líka.

Josh sá viðskiptatækifæri í að ,,breytast“ í konu og reyna að haga sér sem kona. Hann á sér milljónir fylgjenda og græðir á tá og fingri. Karlmaður sem talar fyrir öllum trans-hugmyndunum nær fólki. Menn eru tilbúnir til að borga fyrir að sjá þessa þvælu sem hann ber á borð fyrir okkur.

Bloggari veltir fyrir sér, hvenær rísa alvöru kynskiptingar upp gegn þessum eftirhermum sem eyðileggur málstað þeirra?

Hvet lesendur til að hlusta á þetta, veitir ykkur innsýn í hver þróun trans-málaflokksins er.

Árás trans-aðgerðasinna á samkynhneigt fólk

Trans aðgerðasinnar slógu enn einn naglann í líkkistuna fyrir orðspor transfólks. Á ráðstefnu í gær sem haldin var fyrir homma, lesbíur og tvíkynhneigða í London, LGB Alliance, slepptu trans aðgerðasinnar hjörð af skordýrum inn í salinn til að stöðva konu sem átti að halda ræðu um illa meðferð á börnum og ungmennum með kynama, ónot í eigin líkama.

Árásir á hóp manna sem heldur ráðstefnur og útifundi er ekki ný af nálinni þegar trans-aðgerðasinnar eru annars vegar. Ofbeldi, hatur og hryðjuverk virðast hugnast þessum hópi best þegar þeir mótmæla tali venjulegra borgara. Ást, kærleikur og umburðarlyndi segja trans-aðgerðasinnar. Maður efast!

Dorte Toft mun birta grein um Gallup könnun á samúð trans-fólks í Bandaríkjunum og innlenda könnun á Englandi. Grein hennar birtist á mánudaginn í Berlinske, ef blaðið breytir ekki áætlun sinni. Það verður áhugavert að sjá hvað mun standa í greininni.

Fjórar stúlkur eru í haldi. Vonandi fá þær makleg málagjöld, sektir og fangelsisvist fyrir að stofna lífi fólks í hættu.

Þetta er ekki í fyrsta skiptið sem trans-aðgerðasinnar, þetta friðelskandi fólk sem vill samúð samfélags og virðingu beitir hryðjuverkum og ofbeldi. Lögregluvernd þarf orðið á þá atburði sem haldnir eru vegna ofbeldis trans-aðgerðasinna.

Þegar talað er um bakslag í báráttu hinsegin fólks þá er það klárlega lesbíur og hommar sem fara verst út úr því og það vegna trans-aðgðerasinna. Hér er ekki bara um hatursræðu að ræða heldur hatursofbeldi gagnvart hópi fólks sem telur réttindum sínum ógnað.

Lesa má lesa málið hér og hér upptöku frá einum fundarmanninum.

Hér má sjá ofbeldi af hálfu transaðgerðasinna, hér og hér. Þetta er bara lítið brot af því líkamlega ofbeldi sem trans-aðgerðasinnar beita. Svo er það hið munnlega og kærur til lögreglu og dómsmál sem á að hræða fólk til þöggunar um mjög umdeildt samfélagsmál.

Jú það skiptir máli að rugla ekki saman konu og trans-konu

Kona er fædd með XX litninga og framleiðir egg það er óbreytanlegt. Karlmaður er fæddur með XY-litninga og framleiðir sæði, það er ekki breytilegt. Það er skýr munur á kynjunum og það ber að virða í skólakerfinu, í heilbrigðiskerfinu, félagskerfinu og dómskerfinu.

Þegar sérmál kvenna eru rædd eru trans-konur ekki á dagskrá. Það er sér málaflokkur sem þarf að ræða.

Þegar ákvörðun er tekin um sameiginleg klósett, baðaðstöðu, íþróttir eða réttindi kynjanna taka stjórnvöld ákvörðun, oftar en ekki þvert á vilja þeirra kvenna

Sáttmálar barna er þverbrotnir þegar trans-málefnin eru annars vegar segir líka í þessu góða viðtali.

Stúlkur biðla

Það er eitthvað að í heimi sem hundsar stúlkur. Heimi þar sem nóg pláss er fyrir alla. Heimi þar sem lítið er gert úr kvennmannslíkamanum. Lítið gert úr íþróttum kvenna. Lítið gert úr einkarýmum þeirra. Lítið gert þeð þeirra óskir.

Það er eitthvað að í þessum heim að lítilsvirðinig fyrir konum gengur svo langt að orð sem gilda um þær eru fjarlægð af stjórnvöldum. Lítilsvirðing við þær að hitt kyni eigni sér orð sem konur eiga, en auðvitað berjast konur á móti. 

Stúlkur hafa misst af ýmsum tækifærum, því hitt kynið er tekið framyfir, jafnvel þegar á við um konur. Hlustið hér.

Stöndum með stúlkum! Dagurinn í dag er tileinkaður stúlkum.

Tímabært að taka flauelshanskana af þegar rætt er um LGBT+

Áhugaverður pistill birtist í Jyllands-posten á dögunum. Stjórnmálamenn í Danaveldi virðast vera að vakna úr meðvirkninni þegar hugmyndafræðin sem skaðar börn og ungmenni er annars vegar. Hvað með þá íslensku?

Millifyrirsögnum var bætt við.

,,Okkur ber skylda til að tryggja að viðkvæmir borgarar – og sérstaklega börn og ungmenni – séu ekki lögð í hættu hvað heilsuna varðar. Það er við hæfi að ræða hvort ekki sé kominn tími til að hætta samstarfinu við LGBT+.

Hættan á að vera kallaður transfóbískur og að við sýnum ekki samúð getur hrætt okkur og verður til þess að við tjáum okkur síður. Þegar láta líta úr fyrir að vera víðsýnn þá lokar þú augunum og gleymir almennri skynsemi. Spurningin er hvort við höfum ekki bara lokað augunum þegar kemur að LGBT+.

Vísað til útlanda

Regnbogaráð Danmerkur hefur lýst því hvernig LGBT+ samtökin vísi fólki á heilsugæslustöðvar erlendis ef því er neitað um hormónameðferð og ,,kynleiðréttingu“ í Danmörku eftir læknisfræðilegt mat. Þar á meðal er heilsugæslustöð sem hefur sætt mikilli gagnrýni og er í málaferlum en auglýsir á heimasíðu sinni: ,,Fáðu kynstaðfestandi lyf á aðeins þremur til fimm dögum.“

Þú getur fengið staðfestingu á þessu með einfaldri skoðun á LGBT+ vefsíðunni.

Það sem verra er, samtökin hafa lagt fram bréfaskipti við dönsku stofnunina sem fer með öryggi sjúklinga, þar sem stofnuninni er gerð grein fyrir þessum ráðleggingum frá LGBT+.

Í tölvupóstinum greinir stofnunin frá ,,house by" og svarar að það sé algjörlega í samræmi við lög að innleysa lyfseðla í Danmörku fyrir stopphormón sem ávísað er frá heilsugæslustöðvum í ESB.

Löglegt með ríkisstuðningi

Eitt er hvort LGBT+ í hlutverki sínu við að hjálpa óhamingjusömu fólki stofni siðferðinu og siðgæðinu í hættu. Annað er að sveitarfélög og ríki vinni saman og styðji fjárhagslega við þá ráðgjöf sem LGBT+ býður upp á og að LGBT+ sé notað sem samráðsaðili í málum sem varða homma, lesbíur og trans-fólks. Vegna þess að hið opinbera í Danmörku gerir það með því að styrkja samtökin og gera ráðleggingar þess lögmætar.

Börn og ungmenni

Þegar börn og ungmenni í viðkvæmri stöðu eiga í hlut og grunur leikur á að það grafi undan danska heilbrigðiskerfinu – eða stofni heilsu og öryggi sjúklinga í hættu – verður hið opinbera að bregðast skjótt við.

Og ef danska heilbrigðiskerfið hefur sagt ,,nei" við meðferð, þá liggur læknisfræðileg ástæða að baki. Það má því búast við því að danska öryggis stofnunin hafi dregið rauðan fána að húni þegar athygli hennar er vakin á hvað hefur gerst.

Þrátt fyrir að stofnunin hafi ekki eftirlitshlutverk með fagfólki sem er ekki heilbrigðisstarfsfólk, eins og LGBT+, er samt ábyrgðin á herðum þeirra að vernda börn og ungmenni gegn siðlausri eða hugsanlega hættulegri heilbrigðisþjónustu.

Þegar börn og unglingar fá aðgang að kynþroskablokkurum og hormónum, utan við danska lækniseftirlitið, geta komið upp alvarlegar afleiðingar sem uppgötvast ekki í tæka tíð. Það getur leitt til læknisfræðilegra mistaka, rangra skammta eða aukaverkana sem ekki greinast. Ef grunur vaknar um að slíkt eigi sér stað á erlendum heilsugæslustöðvum ætti að upplýsa ráðherra svo hægt sé að grípa til varúðar ráðstafana.

Ónot í eigin skinni

Börn og ungmenni – sérstaklega þau sem upplifa ónot í eigin skinni – er viðkvæmur hópur sem getur átt við alls kyns erfiðleika að stríða sem tengjast ekki endilega kyni. Þau geta því verið viðkvæm og í hættu þegar ákvarðanir sem hafa gríðarlegar afleiðingar eru teknar. Það ætti ekki að afhenda börnin í fangið á heilsugæslustöðvum þar sem meðferðir eru ekki háðar sömu eftirliti eða gæðastöðlum og í Danmörku.

Okkur ber skylda til að tryggja að viðkvæmir borgarar – og sérstaklega börn og ungmenni – verði ekki fyrir alvarlegri heilsufarsáhættu. Og það er við hæfi að ræða hvort ekki sé kominn tími til að hætta samstarfinu við LGBT+.

Þetta felur í sér að hætta öllum niðurgreiðslum og fjarlægja samtökin sem ráðgjafaraðila þar til ítarleg rannsókn hefur farið fram á ráðgjafarþjónustu þess – og tryggja þannig að hún grafi ekki undan danska heilbrigðiskerfinu.“

Pistilinn skrifuðu ; Dina Raabjerg talsmaður jafnréttismála KF (Íhaldsflokkurinn) og Per Larsen talsmaður KF um heilbrigðismál.

Minni tilfinningar meiri staðreyndir

Fátt gleður mig meira en deilur um hvernig við kennum um kyn í leik- og grunnskóla í staðarblaðinu okkar segir Helén. Bloggari vildi óska að hægt væri að segja það sama um blöðin á Íslandi sem leyfa enga umræðu um málaflokkinn, þöggun í gangi.

Ég las færslu samstarfsmanns míns Handegards af áhuga og nú ætla ég að reyna að svara sumu af því sem ég lít á sem spurningar til mín.

Ég vil byrja á að leiðrétta orðanotkun Handegards. Hann blandar umræðunni um undanþágu frá kynfræðslu og umræðunni um kynjafræðslu saman. Ég tel að það séu tvær ólíkar umræður.

Til að taka umræðuna um undanþágu frá kynjafræðslu fyrst. Handegard heldur því fram að ég hvetji foreldra til að taka börn sín út úr kynfræðslu nútímans.

Leyfðu mér að skýra þetta betur: Undanþága er síðasta úrræðið og að taka börn úr námi er ekki markmið. Ég vil góða, staðreyndabundna og örugga kennslu fyrir alla, þar sem kynhlutverk eru víkkuð. Það ætti að vera pláss fyrir kvenlega stráka og karlmannlegar stelpur, án þess að vera spurður hvort þú sért fæddur í röngum líkama.

Við skulum nú einbeita okkur að kynjakennslu í leik- og grunnskólum.

Handegård skrifar: Rosvold Andersen sver sig við vísindin. Þetta er ekki aðeins kaldhæðnislegt heldur líka rangt.

Leyfðu mér að skýra þetta betur: Ég fæ mínar upplýsingar frá rannsóknarnefnd um heilbrigðis- og umönnunarþjónustu. Á síðasta ári mæltu þeir með því að innlendum leiðbeiningum um kynjaósamræmi yrði breytt. Stjórnvöld telja að skilgreina þurfi kynþroskablokkara, hormóna- og skurðaðgerðir fyrir börn og unglinga sem tilraunameðferð, þar sem vísindalegur grundvöllur er of veikur. Nú staðfestir embætti landlæknis einnig að þeir muni skilgreina meðferðina sem tilraunameðferð.

Handegard skrifar: Á hverju ári fæðast börn með óákveðið kyn í Noregi.

Leyfðu mér að skýra þetta betur: Hann hefur rétt fyrir sér, á milli fimm og fimmtán börn fæðast í Noregi með óákveðið kyn á hverju ári. Það þýðir að ekki er hægt að ákvarða hvort um strák eða stelpu er að ræða með því að skoða ytri kynfæri. Háskólasjúkrahúsið í Osló og Haukeland-háskólasjúkrahúsið bera sameiginlega ábyrgð á mati og meðferð þessara barna. Í matinu eru bæði ytri og innri kynfæri skoðuð ítarlega. Hormónagreiningar (blóðprufur) eru teknar og kynlitningar og ákveðin þekkt gen sem stjórna kynþroska skoðuð. Matið getur tekið allt að tvær vikur og leiðir alltaf til kynferðis barnsins.

Handegard skrifar: Að mínu mati leggur Rosvold Andersen lítið af mörkum til góðrar umræðu eða örlátt samfélags þar sem fólk biður aðeins um að vera það sjálft.

Leyfðu mér að skýra þetta betur: Ég tel að þú ættir að segja sannleikann um kyn í skólanum. Kyn er líffræðilegt, þau eru aðeins tvö og þú getur ekki breytt kyni þínu. Opinberar stofnanir miðla í dag takmarkalausum skilningi á kyni sem er frábrugðinn þeim sem læknisfræði og líffræði byggja á. Ég held að þetta sé ekki það besta fyrir börnin, því skortur á ramma líffræðinnar skapar óþarfa rugling.

Höfundur greinarinnar er Helén Rosvold Andersen og er í forsvari ásamt fleirum fyrir foreldrafélagið Foreldre.net

Opið bréf til móður trans-drengs

Í fyrradag steig dönsk móðir fram til að segja sögu sína og stúlkunnar sem breytti kennitölunni sinni í því skyni að verða karlmaður. Móðirin óskaði líka eftir að fólk talaði beint við hana. Karen M. Larsen tók áskorun móðurinnar og sendi henni opið bréf. Millifyrirsögnum er bætt við.

,,Kæra Hannelouise Kissow,

Ég las greinina þína frá 5.10.2024 nokkrum sinnum, þar sem þú, eins og sannkölluð ljónynja, kastar þér út í baráttuna fyrir réttindum trans-fólks – út frá því að þú ert móðir ungs trans-drengs. Þú skrifar í greininni að þú vildir að einhver myndi raunverulega tala við þig sem foreldri trans-barns, og mig langar að taka þeirri áskorun.

Ég vil byrja á því að leggja áherslu á að mér finnst virkilega sorglegt, já svívirðilegt, að heyra að það sé til fólk sem áreitir barnið þitt á almannafæri með hrópum og þaðan af verra. Sem manneskja sem var lögð í einelti í gegnum grunnskólaárin, og hefur einnig sem fullorðinn einstaklingur upplifað hrekki í opinberu rými, get ég aðeins sagt að slík hegðun gagnvart barninu þínu er auðvitað algjörlega óásættanleg. Við verðum öll að geta verið ótrufluð í almenningsrými, óháð því hvernig við lítum út.

Skiptir sköpum

Ég skil grein þína svo að þú telur það skipta sköpum fyrir líf barnsins að við viðurkennum öll að barnið þitt sé karlmaður, jafnvel þótt það hafi fæðst með líkama stúlku/konu. Mér sýnist þú trúa því að ef barnið þitt fær ekki þessa viðurkenningu algjörlega skilyrðislaust, þá muni aðrir meiða það – eða barnið þitt muni skaða sig.

Þú segir okkur hins vegar ekki hvers vegna þú sjálf ert svona sannfærð um raunverulegt kyn barnsins. Ég veit ekki hvort þú hefur átt alvarlegar samræður við barnið um hvað það þýðir að vera karl eða kona. Ég veit ekki hvernig barnið hefur réttlætt fyrir þér að það sé strákur/karl en ekki stelpa/kona. Ég veit heldur ekki hvernig þú myndir skilgreina ,,karl" og ,,konu.“ Mér sýnist að þér finnist það ekki viðeigandi. Barnið þitt heldur að það sé karlmaður – þess vegna trúir þú því – og þess vegna ættu allir aðrir að trúa því líka. Við ættum öll að trúa því vegna þess að samkvæmt þínu mati hefur barninu batnað andlega eftir að hafa breytt kennitölunni og byrjað að taka testósterón.

Mín túlkun

Ég túlka grein þína þannig að þú sért mjög reið yfir því að sumir trúi því bara ekki þegar þú segist eiga son en ekki dóttur. Þú þarft trú okkar (eða að minnsta kosti að aðrir þykist trúa?) – og hvers vegna ekki bara að trúa, af því að trúin skaðar engan að þínu mati! Tilhugsunin um að það særi einhvern að viðurkenna barnið þitt sem karlmann virðist koma þér beint upp í rjáfur. Hver vogar sér að gefa slíkt í skyn?

Ég trúi ekki persónulega að barnið þitt sé hættulegt öðrum – en ég hef í raun áhyggjur af því að barnið þitt hafi farið inn á braut sem gæti skaðað það alvarlega.

Að mínu mati er kyn eingöngu spurning um hvers konar líkama þú fæddist með. Hið meðfædda líkamskyn er hlutlægur veruleiki, það er grundvallar staðreynd þess hver við erum. Líkaminn er ekki bara handahófskenndur hjúpur af holdi – hann er hluti af okkur, já við erum líkamar okkar, þeir gera okkur að því sem við erum. Sama hvað þér og barninu kann að finnast, barnið þitt er líkamleg kona. Þetta mun alltaf setja ramma um líf barnsins. Ég get ekki annað en velt því fyrir mér hvort þér finnist virkilega að barnið þitt ætti að skipta um föt meðal karlmanna? Ef slys yrði og barnið þitt þyrfti að gista á farfuglaheimili eða væri fangelsað, myndir þú halda að það ætti að gista eða afplána með karlmönnum nú þegar þú ert svo sannfærð um að barnið þitt SÉ karlmaður?

Ég veit ekki hvort þið hafið talað um afleiðingar þess að taka testósterón þegar þú ert með kvenmannslíkama. Kannski hefur þú talað um við barnið eftir hverju það vonist ná með þessu, eins og dýpri rödd og skeggvöxt - eiginleikar sem gætu gert barninu þínu kleift að ,,líða" eins og karlmanni. Og þú hefur greinilega tekið eftir vellíðaninni sem þetta hormón getur kallað fram – tímabundið, en endist ekki endilega. En hefur þú líka talað um aukaverkanirnar? Barnið þitt er 20 ára, skrifar þú. Hefur þú talað um að þetta þýði að barnið þitt geti farið í gervitíðahvörf áður en það verður 25 ára? Hefur þú talað um hvernig testósterón, þegar það er tekið af líffræðilegum konum, getur valdið alvarlegum kynfæravandamálum sem geta eyðilagt möguleikann á góðu kynlífi? Hefur þú talað um aukaverkanir sem geta verið lífshættulegar eins og lifrarskemmd og blóðtappa? Þú skrifar að testósterón meðferð hafi bjargað lífi barnsins – en veistu að í versta falli getur það kostað barnið þitt lífið?

Ekki hægt að skipta um kyn

Hefur þú talað við barnið um þá staðreynd að þú getur í raun ekki skipt um kyn? Þú getur breytt kennitölunni þinni, þú getur breytt útliti líkamans en þú getur aldrei fengið líkama hins kynsins. Svo hefur þú talað við barnið um að það geti ekki haft líkama sem samsvarar líffræðilegum manni?

Og síðast en ekki síst get ég ekki annað en velt því fyrir mér hvort þú hafir íhugað að barnið þitt – og þar með líka þú – gætir haft rangt fyrir þér. Barnið þitt er ung manneskja. Að vera ungur þýðir líka að kynnast sjálfum sér og finna sína leið í lífinu. Og í þessu sambandi getur þú týnst á ferðalagi lífs þíns og lagt af stað á braut sem reynist vera blindgata. Að finna réttu leiðina er sérstaklega erfitt þegar barnið þitt glímir við alvarlegar geðrænar áskoranir.

Svo hvað ef barnið þitt, þegar það er 25-30 ára, kemst að því að það er ekki karl, heldur kona eftir allt saman? Hvað ef hann sér eftir óafturkræfum afleiðingum testósterónsins sem hann hefur tekið og hugsanlegum skurðaðgerðum sem þið íhugið sennilega? Hvað myndir þú segja við barnið þitt? Myndir þú  hafna barninu af því hann er ekki sá sem þú varst sannfærð um að hann væri? Myndir þú kenna barninu þínu um að hafa rangt fyrir sér? Verður þú reið út í alla þá sem studdu sjálfsmynd barnsins sem trans? Eða myndir þú axla ábyrgð – ef í ljós kemur að þú og barnið hafið rangt fyrir ykkur um hver það er og barnið situr uppi með óafturkræfar líkamlegar breytingar sem það sér sárlega eftir? Hvað ætlar þú þá að gera? Skrifa nýja grein?

Lokaorð

Að lokum get ég aðeins sagt, ég vona allt það besta fyrir barnið þitt. Ég vona að það rati í gegnum lífið – vonandi gott og hamingjusamt líf. En ég verð að viðurkenna að ég hef verulegar áhyggjur af því að af einskærri ást gætir þú endað með því að meiða barnið þitt. Stundum er ekki nóg að elska bara barnið og samþykkja skilyrðislaust allt sem það vill og gerir. Stundum getur ,,nei" líka verið kærleiksríkt svar.“

Karen M. Larsen skrifaði pistilinn og kynnir sig á þennan hátt: Ég er dósent í sögu og trúarbrögðum og kennari við VoksenuddannelsesCenter Frederiksberg. Ég er kristin og samkynhneigð.

Pistilinn má lesa hér.

 

Barnamálaráðstefna laugardaginn 19. október

Nokkrir einstaklingar hafa tekið sig saman og standa fyrir ráðstefnu 19. október. Eiga góðar þakkir skildar. Ráðstefnan hefst kl. 13:00. Staðsetning kemur síðar en hún er á höfuðborgarsvæðinu.

Skráning á ráðstefnuna er á netfangið [e-mail]

Sætapláss er takmarkað, þess vegna er skráning æskileg. Þeir sem skrá sig frá upplýsingar um hvar ráðstefnan er þegar nær dregur. Ekki er komið á hreint hvort ráðstefnunni verður streymt. Ekkert kostar á ráðstefnuna en tekið á móti frjálsum framlögum. Kaffi selt á staðnum.

Þessi ráðstefna er sú fyrsta sinnar tegundar hér á landi. Frummælendur koma víða að með ólík málefni. Reiknað er með að hvert erindi taki um 20 mínútur og ráðstefnunni lýkur með pallborðsumræðum þar sem fundargestir geta spurt spurninga.

Meðal þess sem rætt verður um er; Tjáningarfrelsið og þöggun, sveitarfélög og samtök, Menntakerfið, Samfélagsmiðlar, Heilbrigðismál, Menning og trú, Lög og reglur og Cass-skýrslan.

Hér er auglýsingin. Hvet áhugasama til að mæta, 13 dagar þangað til.

Íþróttastúlku hótað eftir að hún sagði frá trans-konu, karlmanni sem skilgreinir sig sem konu

Háskólastelpur koma nú hver á eftir annarri til mótmæla þátttöku karlmanna, sem skilgreina sig sem konur, í kvennaíþróttum. Þó fyrr hefði verið segir bloggari.

Ein blakkvennanna slóst í hóp Riley Ganes sem er með dómsmál í gangi gegn NCCA, íþróttasamtökum í Bandaríkjunum. Stelpurnar kæra samtökin fyrir að leyfa karlmönnum að spila með og gegn stúlkum, þeir leggja þær í hættu. Þær kæra líka fyrir að þeim sé gert að keppa við ofjarla sína, karla sem skilgreina sig sem konur. Um það er ekki deilt, líffræðilegur karlmaður hefur mun meiri styrk, þol og krafta en kona.

Slusser fyrirliði San Jose liðsins var sú sem slóst í málsóknarhópinn en liðsfélagi hennar reyndi að leyna líffræðilegu kyni sínu. Það var afhjúpað. Nokkur lið hafa nú neitað að spila við liðið þar sem karlmaðurinn er, skiljanlega.

Nokkur kvennalið neita að spila við San Jose State University liðið þar sem karlmaður er liðsmaður segir Irena BritUSA fjallaði um málið. Þegar menn segja ekki sannleikann, blanda kynjum saman í íþróttum gerist þetta segir Irena. Verður aldrei sanngjarnt að strákur keppi í kvennaliðið.

Hér fjallar ung koma um lögin og börn eru hvergi undanskilin.

Víðar er barist fyrir réttinum kvenna, eða réttara sagt að viðhalda þeim. Það er synd og skömm að baráttan um réttindi kvenna sem formæður okkar börðust fyrir hverfa nú eitt af öðru til að þóknast karlmönnum sem skilgreina sig sem konu. Frekjan og yfirgangurinn er þvílíkur. Þeir sætta sig ekki við sömu mannréttindi og aðrir heldur vilja þeir hafa réttindi af konum, s.s. einkarýmum og íþróttum.

Andspyrnuhreyfing kvenna

Í Þýskalandi hóft ráðstefna kvenna hófst í gær og verður til morguns. Ráðstefnan ber nafnið Heroica. Konurnar sem þar eru mótmæla þýskum lögum sem taka gildi 1. nóvember. Þrengt er að réttindum kvenna, foreldra og tjáningarfrelsinu. 

Lesbíur verða illa úti vegna trans-hugmyndafræðinnar. Karlar sem skilgreina sig sem konu vilja vera lesbíur. Í huga bloggara og margra annarra eru þeir gagnkynhneigðir, einhvern veginn liggur það í augum upp. Eru með lim og pung, vilja konur. Lesbíupar eru tvær konur, ekki karl og kona.