Ætli þjóðin að láta taka

mark á sér hefur ráðherra ekkert val. Getur ekki sýnt umheiminum að reglur gilda fyrir suma og aðra ekki. Tennisleikarinn laug að hann hefði fengið kóvíd, eða hann braut sóttvarnarlög sem sýnir að honum er ekki treystandi. 

Hann kærir, verður forvitnilegt hvort dómari telji stjórnina hafa sett lög sem ekki er mark á takandi.

 

Ógilda landvistarleyfi Djokovics aftur

Stefna hennar í innflytjendamálum

er mér ekki að skapi. Við skulum læra af Svíum og Dönum. Óheft frelsi til að taka við innflytjendum og sér í lagi múslinum hefur ekki gefið góða raun í hvorugu landinu. Vanda á valið. Stúlkukindin vill opna landamærin fyrir öllum.

Þessi stúlka sýndi ekki mikið umburðarlyndi gagnvart kristinni trú.

Í Danaveldi vilja menn sem fæddir eru í landinu aukin réttindi fyrir múslima. Ekki falla inn í samfélag sem þeir fæddust í. Ledið hér. 

Fordæma hatur og rasisma í garð Lenyu

Mikil fátækt

hjá Samfylkingunni þegar gamlir stjórnmálamenn er dregnir fram í sviðsljósið. Endurnýjun virðist af skornum skammti hjá fylkingunni. Miðaldra hvítur karl- hvernig skyldi honum reiða af?

Guðmundur Árni vill oddvitasætið í Hafnarfirði

Hefði skólum verið frestað

er ljóst að mun færri smit væru í samfélaginu. Sóttvarnalæknir veit hvernig á að berjast við veiruna en misvitrir stjórnmálamenn tóku fram fyrir hendurnar á honum. Ákváðu óbreytta skólabyrjun. Smit meðal barna gífurlega mörg.

Ráðherra heilbrigðismála byrjar ekki vel að mínu mati. Sóttvarnalæknir virðist þurfa að vera mjög skorinorður til að ríkisstjórnin skilji málið. Sennilega eru vinsældir meira virði en heilsa fólks og álag heilbrigðis- og umönnunarstétta. Þeir fresta ekki aðgerðum að gamni sínu. Nauðsyn. 

Vona að sóttvarnalæknir verði afgerandi í tillögum sínum og það fyrir helgi.

Á blaðamannafundi áðan er fjölmiðlafólki leyft að spyrja. Fréttin.is spyr svo kjánalegra spurninga að ég spyr sjálfa mig hvort konan vilji láta taka sig alvarlega. Þríeykið svarar henni vel. Á meðan fer kjánahrollur um mig sem áhorfanda.

Jafnvel von á hertum aðgerðum fyrir helgi

Mildari reglur um einangrun

hjá handboltamönnum sem spila á EM 2022. Danir segja frá því. Ekki hugnast öllum breyttar reglur. Greinist handboltamaður með covid fer hann í 5 daga einangrun. Síðan fer hann í PCR- próf dag hvern. Reglunum er breytt til að tryggja að sem flestir spili með aðalmenn. Áður var einangrunin 14 dagar svo þetta er um 70% stytting. Þá vonar maður að slíkar ákvarðanir hafi ekki afdrifaríkar afleiðingar.

Forsvarsmenn EM segja ástæðuna vera þróun veikindanna í faraldrinum sem er höfuðástæða breytinganna. Hana nú!

Hið besta mál,

þjóðin þarf varla að vera með nefið ofan í öllu sem lögreglan víða um land gerir. Sama með fleiri opinberar stofnanir. 

Mötunin sem á sér stað í gegnum alls konar samskiptamiðla er ótrúlegt. Áreitið og streitan sem fylgir þessu öllu á sinn þátt í að fólk kvíðir nánast öllu í dag. Fæ ég þumal eður ei. Sendir einhver hjarta, eða ekki. Lesa margir, skoða margir, hver skoðar og hver skoðar ekki. Ærir óstöðugan. 

Lögreglan á Suðurnesjum hættir á Facebook

Hvílík notkun á

tungumálinu. Held að blaðamenn nenni ekki að setja sig inn í rithátt íslenskunnar. Afbökun á orðum en þetta má finna á mbl.is

,,Fattaði ungt að hán væri hvorki strák­ur né stelpa (fyrirsögnin)

Hekla Bjart­ur Har­alds er 14 ára grunn­skóla­nemi og aktív­isti sem fattaði ungt að hán væri hvorki strák­ur né stelpa og not­ar kynseg­in per­sónu­for­nafnið hán."

 

Í dag virðast fréttamiðlar gera litlar kröfur til blaðamanna sinna. Reyndar eftirtektarvert að blaðamönnum hentar best að lepja upp af samfélagsmiðlum fólks til að þurfa ekki að skrifa fréttir. 

 

Fer ekki í umræðu um hán. Stend fast á því að hvert mannsbarn fæðist annað tveggja strákur eða stelpa. Kynhneigð kemur svo með tímanum og þá getur hún verið alla vega. Tíunda það ekki frekar hér.

 

Femínistalestin á leið út af sporinu...

Nú hefur svívirðumenningin einfaldlega farið yfir strikið!

Um er að ræða svívirðustríð í blaðagreinum um mig segir Inger Støjberg: Hælana á skónum, rauðu neglurnar, fötin mín og töskuna.

Við erum komin þangað að konur láta ekki duga að fikta við eigin nafla þegar svívirðingar eru annars vegar heldur eru þær komnar í nafla annarra kvenna. Þeim er misboðið vegna annarra. Stoppið núna!

Málið er að fréttamaðurinn, Kasper Løvkvist á blaðinu Avisen Danmark, lýsti fötum mínum um daginn í tengslum við yfirheyrsluna í Ríkisréttinum. Femínistinn Christiane Vejlø misbauð og tísti um málið. Hún taldi- eigin skoðun- að slíkt myndi aldrei gerast að karlmaður yrði fyrir slíkum svívirðingu (sem þetta virðist vera), að hann læsi um lýsingu á fötum og skóm sem hann væri í við yfirheyrsluna hjá Ríkisréttinum. Og svo hélt femínistalesin áfram ...

Ég hef í áratugi leitað eftir manni sem tæki eftir hvort fötin mín klæddu mig, hvort hárið væri í lagi, sem það á að gera, og um hælana á skónum mínum, en þegar loksins karlkyns fréttamaður stendur undir væntingum mínum þá fellur femínistahamarinn. Jøsses!

Ég vil gjarnan leggja til að við höfum eftirfarandi reglur, áður en femínistalestin keyrir algerlega út af sporinu:

1. Sé manni misboðið, láttu það vera á eigin vegum. Ekki annarra. Fiktaðu við eigin nafla- ekki nágrannans.
2. Reyndu að berjast fyrir alvarlegum málefnum ekki svona hégóma. Það er t.d. galið að ég skuli vera í Ríkisréttinum af því nokkrar ungar stúlkur voru þvingaðar í hjónaband með eldri mönnum og femínistarnir ærast af því þeir vilja vernda mig. Notið kraftana til að vernda þá sem minna mega sín. Sem dæmi, notið kraftana á stúlkur og konur sem hafa ekki frelsi. Ekki mig sem situr og lakkar neglurnar eitt sunnudagskvöld til að vera tilbúin fyrir næstu viku í Ríkisréttinum.
3. Vilji þið samt sem áður moka kolum á svívirðulestina- þegar þið upplifuð svívirðingu vegna annarra- þá spyrjið þann sem málið fjallar um, hvort hún hafi verið útsett fyrir svívirðingu.

PS: Hælarnir voru annar 12 cm og liturinn á naglalakkinu var ,,deep red burgundy” og frá Nailberry.

Að auki get ég lofað ykkur að ég mun skarta hvoru tveggja þegar við hittumst á þriðjudag í Ríkisréttinum. Það er líka rétt að enginn af þeim fimm sem áður hafa mætt fyrir Ríkisrétt hafa fengið lýsingu á fatnaði sínum. En ég er viss um að ef Erik Ninn-Hansen árið 1995 eða Andreas Frederik Krieger árið 1877 hefðu mætt með rautt naglalakk og háhæluðum skóm hefðu blöðin talað um það.

Krækja á færslu Inger má finna á snjáldursíðu hennar frá 27. september 2021.

Lausleg þýðing er höfundar.

Arnar, varaþingmaður

misbýður mér sem grunnskólakennara. Vil benda honum á að ég sem fagmaður í kennslu hef ekkert með bólusetningar barna að gera. Hvorki að hvetja til þeirra né letja. Sem kennari hef ég ekki ákvörðunarvald yfir byggingum sveitarfélaga, sem kallast grunnskólar. Hann ætti að biðja grunnskólakennurum afsökunar á framhleypni sinni.

Foreldrar, einir og óstuddir, bera á byrgð á hvort þeir láti bólusetja börn sín. Taka ábyrgð á ákvörðuninni og eftirköstum verði þau. Að blanda kennurum inn í þessa umræðu er dónaskapur og vanvirðing við kennara.

Leitt að heyra

en óumflýjanlegt. Hins vegar eiga íbúar alla mína samúð sem geta ekki tjáð sig um einkennin. Getur brotist úr í reiði og jafnvel ofbeldi, ræður ekki við sig vegna verkja, særinda í hálsi o.s.frv. Vona svo sannarlega að hægt verði að stoppa útbreiðsluna.

Til viðbótar kallar kóvidsmitaður einstaklingur á meiri mönnun. Vonandi finna þau heimili sem eru útsett fyrir kóvíd veirunni fólk til að vinna. 

Hópsmit á Brákarhlíð í Borgarnesi