Kristín Elfa Guðnadóttir kennari er fyrirmynd góðra kennara...eða!

Margt áhugavert fer fram í hópnum sem kallar sig Baráttuhópur um ofbeldismenningu. Hvergi er eins miklu ofbeldi beitt og þar. Menn láta sitt hvað út úr sér.

Eldur Kristinsson gerði embættistöku Trump skil á eigin síðu. Eins og mörgum líkar honum vel að forsetinn hafi tekið við völdum og sér í lagi þær vegna þeirra breytinga sem hann ætlar sér að gera. Segir sannleikann, tvö kyn.

Kennari að nafni Kristín Elfa Guðnadóttir, leikskólakennari, fer á kostum inni á síðunni um ofbeldismenningu. Ef orð hennar eru tengd við þessa grein þá blöskrar manni, fyrirmynd kennara í orði og á borði.

Í færslunni tekur hún rangan pól í hæðina. Eldur hatar ekki nokkurn mann. Hann talar hins vegar fyrir því að börn séu ekki send í hormónameðferðir, þeim sé sagður sannleikurinn um kyn (aðeins tvö), að strákar taki ekki sæti stúlkna í íþróttum undir nafninu ,,skilgreini mig sem stúlku eða konu“ og ekki sé hægt að breyta kyni.  Eldur hefur líka talað gegn skurðaðgerðum, s.s. tvöföldu brjóstnámi á unglingsstúlkum en það þekkir hann frá Bretlandi.

Eldur hefur líka sagt, það mega allir skilgreina sig eins og þeir vilja en það á ekki að ganga á réttindi annarra eins og lög um kynrænt sjálfræði gerir nú. Eðlilegt, ekki satt. Þátttaka karlmanna, sem skilgreina sig sem konu, gagna á réttindi kvenna. Ekkert hatur í að segja sannleikann.

Að kennari setji sig upp á móti þeim málflutningi er í hæsta máta undarlegt. Stúlkur virðast ekki njóta réttinda í huga Kristínar Elfu haldi hún þessu fram sem hún skrifar í færslu sem má sjá neðar og kannski ekki börnin heldur.

Kristín Elfa Guðnadóttir er kennarastéttinni til háborinnar skammar en hún merkir sig á forsíðumynd samfélagsmiðilsins sem kennara.

Nú má velta fyrir sér hvort Kennarasambandi Íslands sé ekki misboðið að félagsmaður sinni hafi uppi svo hatursfull ummæli, að sjóarar (með allri virðingu fyrir þeim) verða nunnur í samhengi við þennan málflutnings kennarans!

Þjóðin ætti að vera stolt að fjáfesta í svona kennurum. Vonandi taka nemendur ekki upp orðfæri Kristínar Elfu kennara. 

Danska ríkissjónvarpið líkt og það íslenska dregur taum trans-hreyfinga

Þegar ræða átti hvort karlmenn sem skilgreina sig sem konur mættu spila fótbolta með kvennliðum á þingi DBU-Jótlandi um síðustu helgi sagði danska ríkissjónvarpið frá málinu. Það var ekki hlutlaust í málflutningi sínum og minnir á fréttaflutning Ruv og Stöðvar 2."Það var ekki hlutlaust í málflutningi sínum og minnir á fréttaflutning Ruv og Stöðvar 2.

Í tilefni fréttarinnar var rætt við tvo karlmenn sem vilja spila í kvennaflokki. Ekki rætt við eina einustu konu um af hverju þær vilja ekki karlmenn í liðin sín. Til að tryggja að fréttaflutningur trans-aðgerðasinna á fjölmiðlinum kæmist til skila þá leyfðu þeir ekki athugasemdir við fréttina. Það gerði hins vegar TV2, menn lágu ekki á skoðunum sínum.

Karlmenn, sem skilgreina sig sem konur, eiga ekkert erindi í kvennaíþróttir, baðklefa eða salerni. Mjög skýrt.

DR hefur líka talað um rétt ,,trans-barna“ til að spila fótbolta, sá réttur byggist á að traðka á réttindum annarra barna segir Ulf. Miðillinn ræðir ekkert um rétt stúlkna og kvenna til að spila fótbolta án karlmanna, öryggi þeirra og réttláta keppni. Ulf hefur fjallað um málið á síðunni sinni.

Bandaríkin felldu úr gildi lög um að kynvitund ráði frekar en kyn þegar kemur að íþróttum. Loksins er einhver með viti við völd þarna ytra. Konur eiga að fagna þessari niðurstöðu, og það vel. Heimskan á sér engin takmörk þegar taka á mið af upplifun einstaklings fram yfir líffræðilegt kyn þegar íþróttir eru annars vegar og lagasetningar.

Nú hefur Trump tekið við. Sumir gleðjast, aðrir ekki. Eitt er víst, þeir sem fylgja ekki trú trans-hreyfinga um að kynin geti verið mörg fá skítkast frá hinum sem fylgja trúnni. Konur í íþróttum fylktu sig á bak við Trump.

 

Ungar lesbíur vilja ekki karlmenn, sem skilgreina sig sem konu, og segjast vera lesbía

Hér má hlusta á áhugavert viðtal við unga lesbíu, Alison Ellis. Hún segir frá þeim vanda sem ungar lesbíur glíma við í dag vegna trans-hugmyndafræðinnar.

Mjög fljótlega í viðtalinu segir hún frá þegar hún áttaði sig á að hún væri samkynhneigð. Leitaði í hinsegin samfélagið heima hjá sér. Þar uppgötvaði hún hversu rugluð hugmyndafræðin er. Allir voru uppnefndir eitthvað en hún hitti enga lesbíu. Síðan var henni hent út.

Hún bendir líka á hættuna sem fylgir TikTok og þau áhrif sem miðillinn hefur á börn og ungt fólk. Talað um að unga fólkið noti um tvo tíma á dag á TikTok. Læknar sem auglýsa eyðileggingu á líkama barna auglýsir á miðlinum.

Alison Ellis fer yfir hvaða baráttu lesbíur heyja. Mörgum karlmönnum, sem skilgreina sig sem konur, og segjast vera lesbíur hafa atast í þessum ungu konum, sem elska einstakling af sama kyni. Hún segir að margir hafa notað orðið TERF yfir hana. Það orð fundu trans-hreyfingar upp um þá, sérstaklega konur, sem aðhyllast ekki trans-hreyfinguna og allt sem þau gera.

Áhorfandi segir frá hvernig lesbíur í Noregi búi við það sama, ágang karla sem halda að þeir séu lesbíur af því þeir skilgreina sig sem konu.

Hennar tilfinning er að menn reyna að trans-gera samkynhneigða og henni finnst það fáránlegt.

Hér má sjá heimsíðu samkynhneigðra því þeim finnst þær ekki heima í transinu.

Kennari í Menntaskólanum við Sund skekkir niðurstöðu nemanda

Á samfélagsmiðlum birtast oft beiðnir um þátttöku í könnun. Sjálfsagt að aðstoða framhaldsskóla- og háskólanema sé þess kostur með þátttöku.

Bloggari ætlaði að svara einn slíkri, rannsóknarefnið; viðhorf kynjanna til stjórnmála. Þegar könnunin opnaðist blasti þetta við.

 

 

 

 

 

 

Sem sagt þátttakendur spurðir um kyn. Tvö fyrstu er rétt, til eru tvö kyn, karl og kona. Kennari segir nemanda sínum, sem stundar nám í Menntaskólanum við Sund, að hitt verði að vera. Sem sagt lýsingarorð á einhverjum sem vill ekki viðgangast eigið kyn er allt í einu möguleiki um ,,kyn“ hjá fræðimanni sem kallast kennari. Engum ber skylda til að nota þetta orðfæri sem sett er í könnunina.

Valmöguleikinn annað- hvað getur fólk verið annað en karl og kona samkvæmt líffræðinni? Varla dýr, bíll, hús, fatnaður eða?

Veit ekki- hverslags þvæla er þetta, auðvitað vita allir hvort kynið þeir eru. Það stendur á fæðingarvottorðinu. Ef ekki það þá hafa allir lært líffræði um hver munur er á karli og konu.

Þegar ég tjáði rannsakanda af hverju ég tæki ekki þátt í svona könnun, því ljóst er að hann getur aldrei varpað réttu ljósi á viðhorf kvenna og karla til stjórnmála, sagðist hann skilja rök mín og virða af hverju ég tek ekki þátt. Rannsakandinn bætti við ,,… samkvæmt mínum kennarar varð þessi valmöguleiki að vera þarna.“ Trúarstefna kennara yfirtekur skynsemi nemanda.

Þetta er dæmi um hvað kennarar eru komnir langt í hinsegin hugmyndafræðinni. Nemendur skyldaðir til að bera þvæluna á borð fyrir almenning í könnunum. Formaður Félags grunnskólakennara, Mjöll Matthíasdóttir, sagði þessa hugmyndafræði bólu. Kennarar á Akureyri virðast dýrka og dá þessi fræði, eins og lesa má hér.

Vonandi hugsa fleiri sig um áður en tekið er þátt í svona könnun sem skekkir tölfræði kynjanna. Þessu þarf að breyta og það er eingöngu gert með að halda sér til hlés eða hafa því þegar svona kannanir eru gerðar.

 

Danskar konur stofnuðu samtök- taka á ákveðnum þáttum trans-hugmyndafræðinnar

Bloggari tekur hatt sinn ofan fyrir þessum dönsku konum. Þær sjá að kvenréttindafélög, líkt og á Íslandi, ætla sér ekki að berjast fyrir réttindum kvenna. Þessi félög, ásamt mörgum öðrum, hoppuðu á trans-hugmyndafræðina og þá er líffræðilega kynið kona ekki hátt skrifað.

Eins og Dorte Toft segir; Þar sem gömlu kvennasamtökin eru annað hvort algjörlega þögul um líkama karla á kvennasviðum eða samþykkja það, er nauðsynlegt að stofna nýjan hóp sem heitir Kvenréttindi. Baráttan beinist eingöngu þeim þáttum trans-hugmyndafræðinnar sem hefur neikvæð áhrif á konur, börn, ungt fólk og tjáningarfrelsi og nauðsynlegt að berjast á móti. Það er líka trans-fólk sem hefur þá skoðun.

Kvinderettigheder heldur úti síðu þar sem lesa má greinar og annan fróðleik. Þar er líka sagt af hverju félagið var stofnað. Má þar nefna nokkra þætti af síðunni, en þar segir;

Við erum breiður hópur kvenna sem höfuð það að markmiði okkar að vernda rétt kvenna, tjáningarfrelsið og öryggi.

Við teljum að þessum þáttum sé ógnað af trans hugmyndafræðinni og talsmönnum hennar sem halda fram að…

…menn séu konur hafi þeir ,,tilfinningu fyrir að vera kona“

…kynvitund sé fremri líffræðilegu kyni, í öll samhengi

…fólk geti skipt um kyn

…þegar talað er um að vernda eigi kvenkynið tekur það m.a. á:

…þegar íþróttahreyfingar leyfa líffræðilegum körlum að taka þátt í kvennaíþróttum

…bað- og búningsklefar kvenna eru opnir karlmönnum sem skilgreina sig sem konur

…stjórnmálamenn leyfa líffræðilegum körlum að skipta um kyn með lögum um kynrænt sjálfræði án meðferðar, læknaúrskurði o.fl.

…karlmenn séu teknir með í tölfræði kvenna vegna lögfræðilegra kynskipta, þannig að hin raunverulega tölfræði skekkist

…stjórnmálamenn og samtök noti orð eins ,,persónur með leg“ ,,ófríska manneskjan“ og ,,Cis-konur“ til að þess að forðast orðið konur, eins og það sé eitthvað ljótt

 

Er ,,woke“ tímabilinu lokið?

Áður en Donald Trump tekur við embætti má benda á vaxandi andstöðu viðskiptalífsins gegn pólitískt rétttrúnaði s.s. ESG (Environment, Social and Governance) frumkvæði varðandi loftslags- og umhverfismál og woke DEI (Diversity, Equity, and Inclusion), frumkvæði varðandi innflytjendur, minnihlutahópa, LBGT+ o.s.frv.

Walmart

Áhrif bandarísku smásölukeðjunnar Walmart á bandaríska hagkerfið eru sannarlega mikil. Sem stærsti einkarekni vinnuveitandi og smásali landsins hefur það mótað efnahagsstefnu og neytendahegðun. Áhersla fyrirtækisins á lágt verð hefur verið tvíeggjað sverð: þó að það útvegi milljónum fjölskyldna vörur á viðráðanlegu verði, hefur það einnig verið gagnrýnt fyrir lág laun og neikvæð áhrif á staðbundna smásölu.

Deilt er um hvort hlutverk Walmart í hagkerfinu sé mikið. Nú hefur keðjan gengið til liðs við fjölda annarra stórfyrirtækja – þar á meðal bílaframleiðendurna Toyota Motor, Ford Motor Co., Lowe's, Harley-Davidson, Deere og Co., Boeing, Stanley Black og Deckers og Molson Coors – og er að draga úr frumkvæði sínum þegar kemur að fjölbreytileika, jöfnuði og þátttöku (DEI) til að forðast sniðgöngu íhaldsmanna.

 Þessar víðtæku breytingar hjá Walmart fela í sér að draga sig út úr mannréttindaherferðum, s.s. þeirri sem stofnuð var eftir morðið á George Floyd 2020. Fyrirtækið mun binda enda á ívilnun á grundvelli kynþáttar eða kyns.

,,Við höfum verið á ferðalagi og vitum að við erum ekki fullkomin," sagði Walmart í yfirlýsingu 28. nóvember 2024. Þeir vilja ítreka að þeir eru allra án þess að upphefja einn hóp fram yfir annan.

Walmart og önnur fyrirtæki sem horfðu til DEI frumkvæðinu kemur eftir dóm hæstaréttar sem bannar jákvæða mismunun við inntöku í háskóla.

 Spurning hvort breyting á afstöðu Walmart hreyfi við samkeppnisaðilum eins og Amazon og Target.

Target var gagnrýnt fyrir að selja ,,woke“ vörur í ,,Pride“ mánuðinum. Aðgerðasinnar skipulögðu sniðgöngu og sumir gengu svo langt að hóta starfsmönnum Target sem olli truflunum í verslunum.

Að lokum hætti Target að selja ,,woke-Pride“ vörur í búðunum. 

Amazon fylgir eftir

Vefverslun Amazon minnkar stuðning sinn til fjölbreytileikans og hefur afnumið stefnu sína til að vernda ólíka starfsmannahópa.

Með blikkandi broskall sem lógó hefur netverslunin Amazon reynt að kynna sig sem fjölskylduvænt og fjölbreytt fyrirtæki í mörg ár. Fyrirtæki Jeff Bezos hefur ítrekað lagt áherslu á að það sé einnig skuldbundið til að vernda minnihlutahópa.

 Ekki er langt síðan LGBT-starfsmenn póstpöntunarfyrirtækisins birtust undir titlinum ,,Glamazon" í Pride skrúðgöngum og bara á síðasta ári tilkynntu LGBT-starfsmenn fyrirtækisins fjölbreytta stefnumörkun netverslunarinnar undir kjörorðinu "#ProudToBeMe: Hvers vegna það er eðlilegt að vera öðruvísi hjá Amazon".

 Nú hefur Amazon hins vegar, að því er virðist án mikillar umræðu, fjarlægt nokkrar stefnur af vefsíðu sinni sem miða að því að vernda starfsmenn, þar á meðal loforð um ,,samstöðu" með svörtum starfsmönnum sínum og heilsugæslu fyrir trans-fólk, eins og tímaritið Advocate greindi frá og vitnaði í Washington Post.

 Að sögn talsmannsins var loforð fyrirtækisins um að ,,vinna á alríkis- og ríkisstigi í Bandaríkjunum að löggjöf" sem myndi veita trans-fólki vernd gegn mismunun einnig fjarlægt.

McDonald’s kvaddi líka fjölbreytileikann

Önnur amerísk fyrirtæki eins og skyndibitakeðjan McDonald’s og mótorhjólaframleiðandinn Harley-Davidson hafa líka fjarlægt stefnu sína um fjölbreytileikann.

Á sama tíma gagnrýndi forstjóri Meta, Mark Zuckerberg, nýlega í viðtali það sem hann lýsti sem ,,menningarlega geldingu" í Umhverfi fyrirtækja og hélt því fram að vinnustaðir þyrftu jafnvægi á milli karla og kvenna til að ná árangri.

Chr. Hansen

Þróun ,,woke“ andstöðunnar í Bandaríkjunum er að hluta til knúin áfram af hótunum um sniðgöngu og fyrirtæki óttast um tekjur sínar. Dönsk fyrirtæki á Bandaríkjamarkaði finna fyrir þessu líka

Matvælarisinn Christian Hansen hætti þegar árið 2023 stuðningi sínum við regnbogafána, ,,pride“ og LGBT+!

Mánudaginn 26. júní 2023 flutti Dagblaðið Børsen þær fréttir að gríðarleg U-beygja ætti sér stað hjá danska matvælarisanum Christian Hansen. Í miðri sameiningu Chr. Hansen og Novozymes hætti Chr. Hansen stuðningi sínum við LGBT+ samfélagið á samfélagsmiðlum og annars staðar þar sem stuðningur hafði verið.

Samkvæmt Børsen voru það hótanir og sniðganga sem fékk Chr. Hansen til að taka ákvörðum um að stoppa allan stuðning við ,,pride“, trans-fánann og lgbt+.

,,Sem forstjóri og stjórnarmaður í framkvæmdastjórn er það á okkar ábyrgð að tryggja að starfsemi Chr. Hansen sé í samræmi við heildarstefnu okkar og viðskiptamarkmið. Þetta þýðir að við tökum stundum erfiðar ákvarðanir eins og þessar þrátt fyrir að vera meðvituð um sársaukann sem það veldur," sagði forstjóri Chr. Hansen, Mauricio Graber, í skilaboðum fyrirtækisins til starfsmanna.

Heimild

Hér má hlusta á Frosta Logason fjalla um málið með svipuðum hætti.

Enn á ný unnu konur karlmenn, sem skilgreina sig sem konur, IX-lögin í Bandaríkjunum

Alþjóð veit að Biden var trans aðgerðasinni og allt hans hyski. Saman sömdu þau viðbót við IX lögin. Biden stjórnin ætlaði sér að láta kynvitund taka yfir kyni. Dómari hafnaði að endurskilgreina kyn eftir kynvitund með dómi sem féll 9. janúar.

Til að átta sig á málinu má lesa þessa færslu frá því í sumar. Biden stjórnin tilkynnti um fyrirhugaða lagabreytingu í júní 2022. Endurskilgreining á kyni fólst í að kynvitund yrði ofan á í IX lögunum. Þurrka átti út kyn. Það myndi í raun þurrka út stúlkur og konur sem kyn. Lögin áttu að taka gildi í ágúst 2024.

Sem betur fer var Kara Dansky með höfuðið rétt skrúfað á hálsinn og þann 17. júní 2024 komst héraðsdómur Kentucky í veg fyrir að Biden lögin yrðu að veruleika í Tennessee, Kentucky, Virginíu, Vestur-Virginíu, Ohio og Indiana. Úrskurðinn má lesa hér.

Þetta var m.a. sagt í úrskurðinum:

Það eru tvö kyn: karlkyn og kvenkyn.¹ Fyrir rúmum fimmtíu árum viðurkenndi þingið að stúlkur og konur fengju ekki menntunartækifæri sem væru jafn verðmæt og karla. Reynt var að bæta úr þessum sögulega ójöfnuði með samþykkt laga um breytingar á menntun frá 1972, almennt þekkt sem titill IX. Og, í meira en fimmtíu ár eiga menntastofnanir um allt land á hættu að missa alríkisfjármagn ef ekki væri farið að fyrirmælum laganna.

Þetta mál varðar tilraun framkvæmdavaldsins til að breyta verulega tilgangi og merkingu titils IX með reglusetningu. En sex ríki, samtök kristinna kennara og ein fimmtán ára stúlka mótmæltu. Eins og þeir halda réttilega fram, nýja reglan brýtur í bága við einfaldan texta titils IX með því að endurskilgreina ,,kyn" sem felur í sér kynvitund og á þann hátt brýtur gegn réttindum ríkisstarfsmanna og er afleiðing  handahófskenndrar og duttlungafullrar reglugerðar. Ef nýja reglan tekur gildi 1. ágúst 2024 munu allir stefnendur verða fyrir tafarlausum og óbætanlegum skaða. Vegna þess að stefnendur eru líklegir til að sigra á grundvelli krafna sinna…verður beiting hennar stöðvuð.

Þetta var það sem kallað er ,,bráðabirgðalögbann." Það þýddi að reglan gilti ekki í þessum ríkjum á meðan málareksturinn var í gangi.

Þann 9. janúar kvað sami dómstóll upp endanlegan úrskurð í sama máli. En í þetta skiptið gekk það miklu lengra - það hafnaði endanlegu regluna í apríl 2024, algjörlega. Dómurinn fjarlægir regluna úr reglugerðinni. Lokareglan frá apríl 2024 er ekki til lengur. Það gildir hvergi í landinu. Þegar dómstóllinn komst að niðurstöðu benti hann á að stjórnin hefði farið út fyrir lögbundnar heimildir sínar og að lokareglan bryti í bága við fyrsta viðaukann og útgjaldaákvæði stjórnarskrárinnar sem væri handahófskennd og duttlungafull.

Dómstóllinn minnti stjórnina einnig á að ákvörðun hæstaréttar frá 2020 í Bostock sem verndar ,,transfólk" á vinnustað á ekki við um menntun eða nokkurn vettvang umfram atvinnu. Þetta er mikilvægt vegna þess að Biden-stjórnin og aðrir talsmenn ,,trans" réttinda hafa reitt sig mikið á Bostock til að þrýsta á um aukna vernd sem hæstiréttur hafði sérstaklega undanþegið frá gildissviði ákvörðunar sinnar.

Nokkrir hafa spurt hvers vegna úrskurðurinn eigi við á landsvísu. Ástæðan er sú að dómstóllinn vék frá lokareglunni í apríl 2024. Það hefði einfaldlega getað ,,fyrirskipað" (hindrað) það í ríkjum stefnanda og með tilliti til annarra stefnenda. Dómstóllinn gekk lengra og felldi það úr gildi í heild sinni. Að auki hafði stjórnin beðið dómstólinn um að viðhalda að minnsta kosti sumum í lokareglunni í apríl 2024, jafnvel þótt hún teldi að aðrir hlutar væru ólöglegir. Dómstóllinn hafnaði þess í stað allri lokareglunni í apríl 2024, eftir að hafa ákveðið að endurskilgreining á kyni til að fela í sér ,,kynvitund" smitaði regluna í heild sinni og að ekki væri hægt að bjarga neinum hluta reglunnar.

Þetta er stór sigur og því ber að fagna.

Margir héldu að komandi stjórn gæti einfaldlega afturkallað lokaregluna frá apríl 2024 með pennastriki. Það sem þeir gerðu sér ekki grein fyrir var að lokareglan var ekki bara framkvæmdatilskipun; það var regla sem hafði farið í gegnum allt alríkisreglugerðarferlið (hún var frábrugðin framkvæmdaskipunum sem Biden eyddi fyrri hluta árs 2021). Ef komandi stjórn vildi fjarlægja lokaregluna í apríl 2024 úr reglugerðum titils IX, hefði hún þurft að hefja allt reglugerðarferlið frá grunni. Nú þarf það ekki að gera það.

Þetta er endanlegur úrskurður sem hægt er að áfrýja, sem þýðir að stjórnin getur enn áfrýjað til áfrýjunardómstóls Bandaríkjanna og hugsanlega til Hæstaréttar (ólíklegt er að það gerist, í ljósi þess að stjórnin mun skipta um hendur eftir fáa daga).

Engu að síður er þessi úrskurður fagnaðarefni: Kyn er enn og aftur raunverulegt í öllum tilgangi Title IX (skólar og íþróttir), sem eru frábærar fréttir fyrir konur og stelpur.

Heimild.

Hann er ekki fórnarlamb- varð að skila gullinu vegna breytingar á kyni

Hér er áhugaverð saga einstaklings frá Austurríki segir á síðunni Kønsdebat. Hann ólst upp í þeirri trú að hann væri stúlka. Við fæðingu sást enginn limur né eistu. Hins vegar gerðist nokkuð merkilegt á kynþroskaskeiðinu, það komu ekki brjóst og hann fór ekki á blæðingar.

Undir nafninu Erika vann hann gullmedalíu á heimsmeistaramóti í skíðahlaupi í alpagreinum árið 1968. En þegar litningapróf var tekið kom í ljós að hann hafði XY samsetninguna, þar að segja hann er karlmaður. Hann skipti yfir í nafnið Erik, fór í aðgerð til að gera kynfæri karlmanns sýnileg. Að hann sé karlmaður sést best á að hann er giftur og er faðir stúlku og nú síðast orðinn afi.

Þegar í ljós kom að hann er karlmaður varð hann að afhenda gullmedalíuna. Austurríska skíðasambandið reyndi að telja heimsbyggðinni trú um að hann væri kona með óvenjuhátt testósterón í líkamanum og vildu að hann færi í meðferð og fengi kvenhormón. Hann neitaði því. Honum fannst alltaf hann vera karlmaður og leið best þannig. Þegar hann var ,,kona“ virkaði illa að eiga konur sem félaga, þ.v.s. honum fannst hann félagslega einangraður.

Hann skrifaði bók um líf sitt, sem var lesin víða, og síðan var búin til mynd. Hann er lifandi dæmi um það að ef drengur er alin upp sem stúlka, og heldur sjálfur að hann sé stúlka, þá gerist það samt að hann þroskast í að vera karlmaður. Hann er sáttur við að hafa skilað gullinu og upplifir sig ekki sem fórnarlamb.

Í dag talar hann gegn ,,trans-konum“, sem eru fæddir karlar en skilgreina sig sem konu og taka þátt í kvennaíþróttum. Hann er á móti ,,woke“ hugafarinu þar sem fólki sem er útilokað frá íþróttakeppnum ætti að vorkenna og koma fram sem fórnarlömb ósanngjarnrar mismununar. Hann lifir sáttari með sitt rétta kyn, einstaklingur með XY-litninga. Það hefur veitt honum mikla gleði að vera pabbi og eignast barnabörn- hann metur það meira en gullið sem hann fékk.

Á unglingsárunum hafði hann aldrei áhuga á rómantískum samböndum við karlmenn og laðaðist meira að konum. Svo lengi sem hann var Erika hélt hann að þetta væri bara hlutskipti sitt í lífinu og hann yrði að lifa með því. Enginn af læknunum, sem hann hafði leitað til á þeim tíma, vildi segja honum að sjálfsmynd hans sem kvenkyns væri mistök, af ótta við að það myndi valda miklum sálrænum skaða. Hugmyndin um kynjamisræmi hvarflaði aldrei að Eriku fyrr en hið sanna kyn kom í ljós með litningaprófinu. Eftir það var ákvörðun um leiðréttinguna tekin mjög fljótt.

Hér má lesa um málið.

 

Ný stefna í Þýskalandi- þjóðerni afbrotamanna verður gefið upp

Eina ferðina enn hafa Þjóðverjar upplifað mikið ofbeldi og vandræði á gamlárskvöld. En þegar öllu er á botninn hvolft hefur eitthvað nýtt gerst?

Eftir ofbeldisfullan tíma í Berlín tók borgarstjóri borgarinnar í fyrsta sinn það skref að tilkynna opinberlega að flestir gerendurnir eru með innflytjendabakgrunni. Á sama tíma tilkynnti hann að lögreglan muni fljótlega tilkynna af hvaða þjóðerni gerendur eru.

Lögreglan vill gefa upp þjóðerni gerendanna

Það er nýtt að þýsk yfirvöld ætli að tilgreina svo skýrt þjóðerni gerenda og benda í því samhengi á sérstök vandamál innflytjenda þegar ofbeldismál eru annar vegar.

Tilgangurinn með nýju aðhaldsstefnunni er að bæði yfirvöld og almenningur fái skýrari mynd af gerendum ofbeldis og vandræðunum sem þeir skapa í landinu. Þýska lögreglan mun væntanlega opinbera með beinum hætti bakgrunn þessara manna til að bregðast við andfélagslegri hegðun þeirra. 

Yfirvöld telja – og ekki að ástæðulausu – að þetta sé mikilvæg forsenda þess að grípa inn í gegn þeim öflum sem herja á umhverfið með ofbeldismenningu sinni.

Upplýsingum er miðlað til almennings

Með auknu upplýsingaflæði um árásarmenn mun almenningur fá betri innsýn í hverjir standa að baki ofbeldinu og vandræðunum t.d. á gamlárskvöld.  

Á undanförnum árum hafa stærri borgir m.a. Berlín orðið fyrir barðinu á hópum sem beita ofbeldi á gamlárskvöld. Stundum mjög ofsafengnu.

Er tími flauelshanskanna liðinn?

Auðvitað er auðkenning á bakgrunni gerendanna engin trygging gegn frekari ofbeldi. En það sendir skilaboð til gerenda um að fylgst sé með þeim. Og það sendir skilaboð til almennings um að yfirvöld séu að búa sig undir að berjast gegn ofbeldisfullum hópum.

Þetta gefur von um að yfirvöld í Berlín og annars staðar – þar á meðal í Danmörku – muni búa sig undir frekari uppgjör við andfélagslega og ofbeldisfulla hópa.

Í Svíþjóð eru það útlendingar

Fréttablaðið Þjóðólfur sagði frá ofbeldishópum í Svíþjóð. Á miðlinum segir ,, Ný rannsókn Bulletin sýnir að allir sem dæmdir voru fyrir morð, tengd glæpaklíkum árið 2022, eru af erlendum uppruna.“ Miðillinn skoðaði öll dómsskjöl og dóma til að kanna málið. Þar sem miðlar í Svíþjóð fjalla ekki um uppruna glæpamanna er rannsókn af þessu tagi erfið.

Hér á landi stefnir í það sama. Þöggun um þjóðerni glæpamanna. Auðvitað á þjóðin rétt á vita hvaða bakgrunn afbrotamaður hefur. Til að hafa tölfræðina í lagi verður það að koma fram.

 Heimild.

Danska ríkissjónvarpið líkt og það íslenska dregur dám trans-hreyfinga

Þegar ræða átti hvort karlmönnum, sem skilgreina sig sem konur, á þingi DBU-Jótlandi í fyrradag, fái að spila í kvennafótbolta sagði danska ríkissjónvarpið frá málinu. Það var ekki hlutlaust í málflutningi sínum og minnir á fréttaflutning Ruv.

Í tilefni fréttarinnar var rætt við tvo karlmenn sem vilja spila í kvennaflokki. Ekki rætt við eina einustu konu um af hverju þær vilja ekki karlmenn í liðin sín. Til að tryggja að þessi aðgerðasinna fréttaflutningur kæmist til fólks þá leyfðu þeir ekki athugasemdir við fréttina. Það gerði hins vegar TV2, menn lágu ekki á skoðunum sínum. Karlmenn, sem skilgreina sig sem konur, eiga ekkert erindi í kvennaíþróttir, baðklefa eða salerni. Mjög skýrt.

DR hefur líka talað um rétt ,,trans-barna“ til að spila fótbolta, sá réttur byggist á að traðka á réttindum annarra barna segir Ulf. Bloggari getur ekki sagt annað, hér er um forréttindi að ræða. Miðillinn ræðir ekkert um rétt stúlkna og kvenna til að spila fótbolta án karlmanna.

Ulf hefur fjallað um málið á síðunni sinni.

Bandaríkin felldu lög úr gildi um að kynvitund ráði frekar en kyn þegar kemur að íþróttum. Loksins er einhver með viti við völd þarna ytra. Konur eiga að fagna þessari niðurstöðu, og það vel. Heimskan á sér engin takmörk þegar taka á mið af upplifun einstaklings fram yfir líffræðilegt kyn þegar íþróttir eru annars vegar og lagasetningar.