Hvernig verður maður vók? – sóknarprestur hefur orðið 1

Sóknarpresturinn Merete Bøye skrifaði bráðskemmtilega grein í Jótlands póstinn á dögunum um hvernig best er að verða vók. Greinin er löng og bloggari skiptir greininni í tvo hluta, þýðingin og millifyrirsagnir eru hans.  

Gef prestinum orðin;

Allir hafa rétt fyrir sér? Neibb- ekki ef þú vilt vera vók. Þá eru það nokkrir sem hafa meira rétt fyrir sér en aðrir. Og þeir, sem eru ekki sammála vók skoðunum þínum eru vondir og rasistar og hafa ekki skilning á neinu.

Það er í tísku að vera vók. Sérstaklega ef þú vilt í háskóla eða vilt ekki verða fyrir skömmum, rekinn úr starfi eða slaufað af því þú segir eitt rangt orð, því er nauðsyn að þú lærir hvernig á að vera vók.

En hvað er þetta vók einginlega? Og hvernig verður maður vók? Það getur verið erfitt að finna út úr því, en þú skalt ekki efast, þú færð hjálp með þessum auðveldu leiðbeiningum.

Mikilvægast

Það allra mikilvægasta við að vera vók er að þú viðurkennir að það finnist engin staðreynd. Það finnst ekkert rétt eða rangt. Allt er frásögn, og sannleikurinn finnst ekki. Það er þinn sannleikur og minn, og ef eitthvað er þín upplifun þá er það sannleikur fyrir þig. Sannleikurinn fer eftir augunum. Undantekningin er Donald Trump. Hann lýgur.

Það sem er siðferðilega rétt fyrir þig er ekki endilega rétt fyrir mig. Sem dæmi, maður getur ekki lengur sagt að það sé rangt að nota kynlífsþjónustu (sem maður kallar vændiskonur, ef maður er vók) eða að eiga marga maka eða elskendur á sama tíma.

Það er í raun mjög framsækið og kallast fjölkvæni. Það er heldur ekki vitlaust að æfa ,,fetish“, strippa fyrir framan börn, pissa hvert á annað o.s.frv. Nema auðvitað ef það á við Donald Trump. Þá er það mjög rangt. Trump er siðlaus.

Viðmið og bönn

Viðmið og bannorð eru til þess að brjóta niður. Allt þetta var fundið upp af gömlum hvítum mönnum fyrir mörgum árum, og það er ekki vók að vera gamall hvítur maður. Það voru gamlir, hvítir menn sem fyrir hundruðum ára fóru í krossferðir og hófu landvinningastríð og lögðu undir sig alls kyns brúna og svarta þjóð. Þeir ættu nú að borga fyrir það. Jæja, ekki nákvæmlega sömu gömlu hvítu mennirnir, því þeir eru dánir núna, en það eru samt gamlir hvítir karlmenn á gangi um heiminn í dag. Og þeir ættu að skammast sín fyrir það.

Það er enginn húðlitur sem er betri en annar. Ef einhver segir það, þá eru þeir rasistar - alveg eins og Hitler. Og því höfnum við alfarið. En það er mjög mikilvægt að þú skiljir að húðlitur er samt sem áður það mikilvægasta í öllum heiminum, kannski næst á eftir kyni. Allt snýst um húðlit og kyn. Einfaldlega allt.

Svo eru það auðvitað nokkrir húðlitir sem eru betri en aðrir. Jú það er þannig. Ég veit alveg að ég skrifaði áður að svo væri ekki en það er allt önnur staða núna. Og í þessari stöðu er það lífsreynslan mín sem segir að sumir húðlitir eru betri en aðrir og þannig hefur það alltaf verið. Ertu farin að átta þig á hvað það þýðir að vera vók?

Hversu góður húðliturinn þinn er fer eftir því hversu dökkur hann er. Því dekkri, því betra. Það er rangt að vera hvítur og allt hvítt fólk er illt. Ástæðan fyrir því að þeir eru vondir er vegna þess að þeir eru rasistar. Ef þér finnst sumir húðlitir ekki betri en aðrir, þá ertu rasisti. Eins og Donald Trump. Hann er líka með eina húðlitinn sem er enn verri en hvítur, nefnilega appelsínugulur.

En svo: Endurtaktu bara þetta mottó aftur og aftur þar til þú skilur það: „Svört húð góð. Hvít húð sökkar."

Seinni hluti birtist á morgun.

Bergsteinn Sigurðsson fréttamaður á Ruv

Í aðdraganda kosninga var fréttamaðurinn með þátt, Forystusætið. Í þættinum var Arnar Þór Jónsson formaður Lýðræðisflokkinn. Bergsteinn undirbjó viðtalið og hafði skrifað niður það sem hann ætlaði að spyrja um, allavega sumt af því.

Bergsteinn hefur einhvers staðar náð í rangar heimildir, gef mér að maðurinn sé ekki svona illgjarn að finna þetta upp hjá sjálfum sér sem hlutlaus fréttamaður. Hann réðist að einum frambjóðanda flokksins með rangfærslum og lygum ef satt skal segja. Allt skrifað á blað. Bergsteinn hefði getað aflað sér upplýsingar hjá þeim sem um ræðir til að kanna hvort sannleikskorn sé í þeim heimildum sem hann fékk eða fann upp. 

Það er góð regla hjá blaðamönnum að tala við fólk en ekki um fólk.

Nú hefur frambjóðandinn krafið Bergstein Sigurðsson og Ríkisútvarpið um miskabætur og ekki að ósekju. Þátturinn var sendur út inn á hvert heimili í landinu og margir fylgdust með formönnunum sem sátu fyrir svörum.

Þessi framkoma Bergsteins vekur upp margar spurningar um tilgang fréttamennsku Ruv. Á hvaða vegferð eru þeir og hver er tilgangurinn!

Blaðamannastéttin er ansi skrautleg, svo ekki sé meira sagt.

 

Maður getur alveg haft samúð

Maður getur haft samúð með afvegaleiddu fólki sem glímir við ónot í eigin skinni, en um leið að eyða sumum lygum sem því fólki hefur verið talin trú um.

Sem dæmi má nefna að með lögum um lagalega ,,kynleiðréttingu“ hafa stjórnmálamenn gefið fólki þá hugmynd að þeir gætu á einhverju stigi öðlast réttindi gagnstæða kynsins, segir Lotte Ingerslev

Og heilbrigðiskerfið hefur ekki- sem þeir ættu auðvitað- sagt við t.d. menn sem vilja ,,skipta um kyn“:

,,Ertu klár á því að þú getur aldrei, aldrei nokkru sinni krafist að aðrar manneskjur meðhöndli þig eins og þú sért kona?“

Og svo erum við með huglausa, mjög huglausa, flokksbundna fjölmiðla sem hafa fjallað um þennan málaflokk eins og það væri útgáfa 2.0 fyrir jafnrétti samkynhneigðra, segja okkur hverja öskubusku söguna á fætur annarri um hvernig þú gætir orðið þitt sanna sjálf, með því að skera eitthvað af líkamanum - sem er svívirðilegasta bullið, en mjög, mjög áhrifaríkt bull.

Svo eru það öll töfraorðin sem hafa hulið og snúið á hvolf það sem rætt hefur verið um - til dæmis: „kynstaðfestingarmeðferð“ (hrollvekjandi, Scientology-legt Reverse Life er orð sem nær yfir mikla líkamslimlestingu sem mjög líklega leiðir til ófrjósemi og lífs sem tengist lyfjaiðnaðinum)

Og þar að auki hafa gagnrýnendur trans sértrúarsafnaðarins átt á hættu að verða afhjúpaðir á samfélagsmiðlum og vera merktir ævilangt með hugtakinu transfóbía, sem er litið á í samræmi við rasista (Ekki gleyma 266b kafla almennra hegningarlaga ), sem gerir það að verkum að fólk þegir, passar upp á starfsferilinn, að tapa áliti fólks og félagslega hringinn sinn.

Þetta hefur gert það að verkum að trans-sértrúarsöfnuðurinn hefur getað dreift handónýtum og eyðileggjandi, vitlausum slagorðum sínum að mestu óáreitt.

Ég gæti haldið áfram, haldið áfram að telja upp hvernig logið hefur verið að fólki og stýrt á þessu sviði.

Það þýðir ekki að þeir séu án ábyrgðar. Fólk getur vel borið einhverja ábyrgð á eigin lífi (þar á meðal lagalega ábyrgð sem fullorðnir bera) á sama tíma og hafa orðið fyrir miklum áhrifum utan frá.

Lotte lýkur máli sínu og segir; Við mennirnir erum bæði frjálsir og bundnir.

Sverðið er voldugra en orð. Því miður.

Það er misskilningur sögunnar að orðið vinni alltaf.

En mikið er það líkt þeim sem tapa að drepa hugmyndafræðilega óvini sína af því maður hefur ekki rökin á valdi sínu.

Hvað er þetta með jafnaðarmenn og lítilsvirðingu gagnvart konum

Magnus Heuincke jafnréttisráðherra var tekinn í bólinu í gær. Brotist var inn á síðuna hans SoMe og þá kom sitt hvað í ljós. Það sem þótti áhugaverðast var barátta hans gegn konu sem hefur varið börn, stúlkur og konur. Hann lagði fé til höfuðs henni.

Hann tók þátt í spili, sem trans-aðgerðasinnar bjuggu til og hefur það markmið að ráðast á og sverta konu sem er ekki sammála málaflokknum. Lesið hér.

Í desember 2024 sagði Magnus það sitt hlutverk, sem jafnréttisráðherra að verja trans-samfélagið. Hvað með börn, stúlkur og konur ágæti jafnréttisráðherra. Hvers konar jafnréttisráðherra er það leyfir einum hópi að ganga á réttindi annars til að ná fram réttindum sínum.

Hvers konar ráðherra og þingmaður er það sem vill að börn, stúlku og konur blæði fyrir karlmenn sem skilgreina sig sem konur?

Lélegir ráðherrar og þingmenn. Samfylkingarmaðurinn Sigmundur Ernir er einn þeirra og annar hér.

 

Þorgerður Katrín Gunnarsdóttir utanríkisráðherra styður ofbeldi karla í kvennafangelsum

Íslendingar eiga utanríkisráðherra sem hefur lýst því yfir opinberalega á snjáldursíðu sinni að hún ætli að setja ofan í við Trump vegna forsetatilskipana sem hann hefur gefið út. Af því má ráða að Þorgerður Katrín styður ekki þá framkvæmd hans að vernda konur í fangelsi.

Ein af þessum tilskipunum er þessi þar sem karlmönnum, sem skilgreina sig sem konur, verður gert að afplána í karlafangelsi ekki kvennafangelsi. Verið að vernda einkasvæði kvenna og minna á að kynin eru tvö. Konur í fangelsum er viðkvæmasti hópur kvenkynsins.

Þorgerður Katrín, með því að setja ofan í við forsetann, styður karlmenn í kvennafangelsum. Öðruvísi er ekki hægt að túlka orð hennar. Innan múranna hafa konur mátt þola kynferðislegt ofbeldi og nauðgun af hálfu karla sem fluttir voru í kvennafangelsi í nafni laga um kynrænt sjálfræði sem Þorgerður Katrín virðist svo hrifin af. Hún ætlar sér, með góðu eða illu, að breyta samfélagslegum rétti kvenna og hugmyndafræði með því að þröngva nýjum viðhorfum upp á fólk. Það er synd að Íslendingar sitji uppi með svona ráðherra, sem virðir ekki mannréttindi kvenna í fangelsum, og samflokksmann hennar. Hugur þeirra virðist vera hjá karlmönnunum, sem skilgreina sig sem konur og sitja í kvennafangelsum.

Trump hafnar að karlmönnunum séu gefin hormónalyf á kostnað almennings, líka að karlmenn geti farið í aðgerðir til að breyta lim í píku. Almannafé á ekki að kosta slíkt.

Þessi tilskipun hangir sama við fleiri, sem allar miða að því að kynin eru tvö. Þannig hefur það verið, þannig er það og þannig mun það vera. Kyni og upplifun einstaklings á ekki að rugla saman og enn síður að búa til lög um upplifanir eða skilgreiningar fólks.

Þorgerður Katrín ber ekki hag barna, stúlkna og kvenna fyrir brjósti, það má sjá á yfirlýsingu hennar.

Ráðherrann ætti að nota þessa sem fyrirmynd.

Enginn sigur að málið sé ekki tekið fyrir

Það að máli sé vísað frá er ekki sigur fyrir kennara og tap fyrir foreldra. Málið var ekki afgreitt. Dómari treysti sér ekki til að úrskurða um málið. Að því sögðu geta kennarar haldið áfram í skæruverkföllum og foreldrar að nota sumarfrísdagana sína til að sinna börnum sínum.

Kannski leysist þetta að sjálfur sér, nú þegar tillaga sáttasemjara er til skoðunar. Félagsmenn og takið eftir FÉLAGSMENN, fá ekki að greiða atkvæði, samninganefndir ætla að ákveða framhaldið.

 

 

„Þetta er auðvitað í höndum kennara núna“

Fundur með dómsmálaráðherra

Danska regnbogaráðið óskaði eftir fundi með dómsmálaráðherra landsins vegna laga um kynrænt sjálfræði frá 2014 og fyrir börn 2024. Ásamt forsvarsmönnum ráðsins mætti Lasse Sørensen barna og unglingageðlæknir.

Við lögðum fram í hverju vandinn er fólginn segir á síðu Danska regbogaráðsins:

1. Lögin um kynrænt sjálfræði eru ekki vel hugsuð, það sagði Margrethe Vestager sjálf á sínum tíma en lagði þau samt fram með von um að kannski yrði tekið á vanköntunum þegar þeir kæmu í ljós.
2. Lögin fjalla um lygi sem sannleik, nefnilega að fólk geti bara breytt síðustu tölunum í kennitölunni og þannig ,,skipt um kyn.“ Að menn geti á þann hátt orðið konur og öfugt.
3. Samkvæmt ákvæði dönsku hegningarlaganna §266b um tjáningarfrelsi (áður þekkt sem ,,kynþáttafordómaákvæðið"), getur það verið refsivert ef þú samþykkir ekki lygina í opinberum yfirlýsingum og notar til dæmis kvenkyns fornöfn um karla sem hafa skipt um kyn. Einkamálið sem er í gangi gegn aðgerðasinnanum Lotte Ingerslev mun sýna hvort réttarkerfið ákvarði að svokölluð miskynjun verði refsiverð eins og Regbogaráðið hefur fjallað um.
4. Lögin hafa leitt til skerðingar á réttindum kvenna til að geta dvalið í kvennaathvörfum, búningsklefum og einkarýmum kvenna. Kvennafangelsin verða einnig fyrir áhrifum af lögunum um kynrænt sjálfræði vegna fjölda karla, sem skilgreina sig sem konur, og óska eftir að afplána í kvennafangelsi.
5. Kynrænt sjálfræði fyrir börn er ekki bara skrifborðsæfingin sem dregur úr vanlíðan barns í eigin skinni. Barna- og unglingageðlæknirinn Lasse Sørensen fór yfir málið með ráðherranum, hvernig svona mikil og skaðleg sálfélagsleg íhlutun getur haft þveröfug áhrif, m.a. valdið barni ónotum með kyn og haldið barninu í þeim ónotum.

Á fundinum ræddum við aðeins um grein í Barnablaðinu frá 21. janúar s.l. þar sem hin 11 ára Eva, sonur formanns félags ,,Transbarna“ Helge Sune Nymand, segir um sjálfræna kynskráningu ,,Nú hef ég pappír upp á að ég er stúlka.“

Þetta er auðvitað ekki rétt, en drengurinn fékk breytingu á kynskráningu sinni og kerfið til að fallast á lygi. Sennilega styttist í að barn eins og Eva fái stopp hormóna og síðan krosshormóna, m.a. af því hann hefur leikið í hlutverki, lygi í kringum hann frá því hann var 5 ára og vildi vera í kjólum í leikskólanum.

Afleiðingar af stopp- og krosshormónum t.d. á líkama Evu mun verða varanleg og krefjast ævilangrar lyfjanotkunar þar sem þekktar aukaverkanir eru beinþynningu, stóraukin hætta á að fá krabbamein, útlit sem samræmist ekki líffræðilegu kyni þeirra, vansköpuð eða vantar kynfæri, vantar brjóst, vangeta til að fá fullnægingu - og varanlega ófrjósemi.

Peter Hummelgaard dómsmálaráðherra hlustaði með athygli á Lasse Sørensen og annað sem við sögðum. Hann fagnaði því, að hann sem dómsmálaráðherra og fyrrverandi jafnréttismálaráðherra fengi nú gjörólíka sýn á einstök mál og almenna þætti LGBT umræðunnar, sem hingað til hafa aðeins verið miðlað til stjórnmálakerfisins af samtökum eins og LGBT+ Danmörku og Samtökum til stuðnings ,,trans“ börnum, sem hefur m.a. fengið stuðning frá Heilbrigðisráðuneytinu.

Góður fundur

Að lokum útskýrði Jesper W. Rasmussen áhyggjur sínar af almennri, áralöngu gáleysi í málaflokknum, sem LGBT+ Danmörk, meðal annarra, hefur á samvisku sinni. Formaðurinn sér almennt fyrir sér augljósar afleiðingar, því umfang tjónsins er greinilega farið að renna upp fyrir hinum almenna borgara. Danska regnbogaráðið óttast minnkandi virðingu meðal samborgara og aukningu á ofbeldi gegn hinsegin fólki þegar kemur að því að benda á sökudólga - þá ábyrgu - fyrir fyrirbærum eins og ,,kynleiðréttingu“ á börnum ásamt mörgu öðru sem hefur átt sér stað.

Við hvöttum Dómsmálaráðherra og aðra fagráðherra til að setja þetta í forgang með réttu hugarfari á næstunni og skoða vel hvort ekki sé nauðsynlegt að afnema lög um kynrænt sjálfræði. Fyrir börn ætti þetta auðvitað aldrei að vera mögulegt vegna ofangreindra ástæðna. Fyrir fullorðna þarf að finna allt aðra lausn sem skerðir ekki réttindi kvenna og persónulegt öryggi.

Danska regnbogaráðið þakkar áheyrnina og vonast eftir að geta haldið samtalinu áfram við ráðherrann.

 

Trans-aðgerðasinnar vilja nú aðskilin fangelsi

Danskur sjáldurvinur skrifar að trans-aðgerðasinnar á X- kvarti yfir yfirfærslu trans-skilgreindra karlmanna frá kvennafangelsunum og vilja nú allt í einu og mjög gjarnan fá aðskildar deildir langt frá körlunum vegna áhættu ofbeldis og nauðgunar.

Hún segist vera áhugalaus vegna þessa.

Konur skulda þeim ekkert.

Við höfum í langan tíma bent á þessa lausn, því konur í fangelsum voru lagðar í einelti og þeim nauðgað af þeim sem voru settir í kvennafangelsin, en trans-aðgerðasinnar vildu ekki heyra á það minnst og við vorum kallaðir ,,terf“ og nasistar.

Hún lýkur máli sínu; Maður uppsker eins og maður sáir.

Annar snjáldurvinur fjallar líka um fangelsin. Hún segist hafa fengið að vita að ,,trans“ fjalli ekki um kyn. En aftur og aftur er þetta látið hljóma eins og það sé um…brjóst?

Fyrir neðan er skjámynd úr grein sem er ókeypis í The New York Times sem segir frá írafárinu sem greip um sig meðal karlmanna, sem skilgreina sig sem konur, í kvennafangelsum í USA og eiga nú að fara yfir í það fangelsi sem þeir heyra til, fangelsi fyrir karlmenn.

Þeir eiga á hættu að verða nauðgað, er okkur sagt í greininni.

Ef þeir fá ekki estrógen, kvenhormón, á kostnað samfélagsins geta þeir orðið þunglyndir. Af því brjóstin ,,hverfa“.

En hvernig hefur það verið fyrir konurnar að vera lokaðar inni með afbrotamönnum- og haft hættuna á nauðgun yfir höfði sér?

Enginn áhugi er fyrir að skrifa um það í greininni.

Terf fólkið er ánægt með tilskipanir Trumps. Konur losna við karlmenn, sem skilgreina sig sem konur, frá stöðum sem á að tilheyra konum, bara konum.

 

 

 

Heimskulegt af ráðherra

Við erum með jafnréttisráðherra sem ruglar stöðugt saman líffræðilegu kyni og kynvitund. Og hann endurspeglar gaspur strámanna trans-aðgerðasinna og þeirra sem vilja stjórna umræðunni: ,,Kyn er flóknara en bara tvö kyn. Ég bregst við þegar fólk virðir ekki við trans fólk, kynsegin fólk eða fólk með kynmisræmi." Þetta skrifar Kjetil Rolness á síðunni sinni og vitnar til greinar sem Jenny Klinge skrifaði.

Það er bara vandræðalegt og heimskulegt. En þakkir til Jenny Klinge fyrir að hafa enn og aftur styrk til að tjá sig - og útskýra hvers vegna staðreyndir um líffræðilegu kynin tvö stangist hvorki á við fjölbreytileika í kynvitund né kyntjáningu, hvað þá virðingu fyrir þessum fjölbreytileika:

,,Kyn eru alveg jafn skipt og áður, jafnvel þótt sumir telji sig vera í ,,röngu kyni" en það auðvitað vandamál viðkomandi. Samfélagið verður að veita góða meðferð og eftirfylgni fyrir þá sem þurfa á henni að halda. Þeir sem halda að persónuleg reynsla þeirra af því að vera af öðru kyni sé gjöf er velkomið að halda því fram.

Prófessor í þróunarlíffræði, Glenn-Peter Sætre, hefur staðfest staðreyndir um kyn í ýmsu samhengi (...) Sætre leggur áherslu á að kyn komi fram í æxlun. Á sama tíma leggur hann áherslu á að innan tveggja fastra flokka, karls og konu, sé gríðarlegt svigrúm fyrir ólíka einstaklinga og fjölbreytileika.

Ég er mjög hrifinn af þessari nálgun skrifar hann. Að fullyrða að enginn geti skipt um kyn er langt frá því að vera það sama og að gera lítið úr fjölbreytileikanum. Þvert á móti er opnað fyrir það að þessi fjölbreytileiki leiði ekki til breytinga á heilbrigðum líkama.

Sem samfélag ættum við ekki að hvetja til skurðaðgerða sem fjarlægja ung kynfæri og æxlunargetu að eilífu, né ættum við að hvetja til hormónameðferða sem eru skaðlegar beinbyggingunni og leiða til frekara andlegs ójafnvægis. (...)

Já, við ættum að bera virðingu fyrir tilfinningum. Við megum þó aldrei vera svo hrædd við særandi staðreyndir um kyn, að við látum hrikalegar lygar ná sífellt meiri fótfestu til lagasetningar og réttinda.

Við verðum líka að skilja að félagslegt smit er einn þáttur í þessu. Aðrar staðreyndir um kyn geta haft áhrif á aðra sem getur ýtt undir að þeir verða óöruggir með kyn sitt. Þetta getur sérstaklega haft áhrif á ungt fólk sem í reynd er ,,samkynhneigt." Það er lýsandi tjáning í þessu; ,,að transa samkynhneigð burt".

Heilbrigð skynsemi rennur ekki út né úreldist í umræðunni um kyn. Og eins og ég hef lagt áherslu á áður: Staðreyndir í sjálfu sér er ekki gagnrýni. Ef staðreyndir móðga einhvern eru það ekki staðreyndirnar sem er vandamálið.

Kjörnir fulltrúar geta ekki gert málamiðlanir við sannleikann. Ráðherrar ættu heldur ekki að gera það.

Heimild.

Búið að gjaldfella hugtakið trans-fóbía

Þegar menn grípa til hugtaksins, trans-fóbía, í tíma og ótíma, yfir allt og ekkert þá gjaldfellur hugtakið og meiningin á bak við það. Það hefur gerst bæði hér á landi og í útlöndum.

Þegar stúlkur segja upphátt að þær vilji ekki karlmenn í kvennaíþróttir – trans-fóbía.

Skynsamt fólk sem heldur sannleikanum á lofti um tvö kyn- trans-fóbía.

Þegar menn hafna hormónalyfjagjöfum fyrir börn, sem skemma líkama þeirra – trans-fóbía.

Ef fólk segir fornöfn trans-hreyfinga séu ekki fornöfn og nota þau ekki – trans-fóbía.

Séu menn ekki sammála að trans-hreyfingar fái að mata börn á röngum upplýsingum um líffræðina – trans-fóbía.

Vilji fólk vernda börn fyrir svokölluðum trans-áhrifavöldum (sem eru gífurlega margir) – trans-fóbía.

Hafi fólk þá skoðun að trans-fáninn eigi ekki að hanga uppi við skóla og stofnanir – trans-fóbía.

Foreldrar sem vilja hugmyndir trans-hreyfinga út úr skólakerfinu og námsefni – trans-fóbía.

Stjórnmálamenn sem benda á að kyni sé ekki úthlutað við fæðingu -trans-fóbía.

Fólk sem bendir á að karlmaður, sem skilgreinir sig sem konu, er ekki kona- trans-fóbía.

Svona er hægt að halda áfram. Ekkert af þessu er trans-fóbía.

Sannleikurinn er sagður. Mjög margir hafa aðra skoðun en trans-hreyfingar og aðgerðasinnar. Það er leyfilegt, í ræðu og riti.

Áhugavert spjall manna á milli hér.

Trans-aðgerðasinnar töpuðu í Ameríku segir hann, vonum að þjóðin láta þetta aldrei yfir sig ganga aftur. Góð greining á ákvörðun Trump sem ákvað á dögunum að sannleikurinn lifir, kynin eru tvö.