,,Hlutverk kennara er jú ekki að kenna gagnrýna hugsun, að vega og meta, rannsaka og leita sannleikans. Nei, þeirra hlutverk er að mata, heilaþvo og hræða til hlýðni."

Eru kennarar sameinaðir í að steikja hausinn á börnunum?

Um daginn tókst hópi félagsmanna í Bandalagi kennara á Norðausturlandi, BKNE, að losa sig við formann sinn. Í heiðarlegri frétt DV er réttilega komið auga á að ástæðan eru skrif og afstaða formannsins fráfarandi til heilaþvottar á börnum, í boði kennara. Ekkert um vanrækslu, nema síður sé:

„Helga Dögg gerði margt gott í sínu starfi fyrir BKNE en ...“

Lögfræðiálit gengu á milli en að lokum úrskurðað að allskyns lagatækni eins og fyrirvarar og fundarsköp skipti minni máli en að rétta manneskjan sé formaður á hverjum tíma. Og vissara að stytta kjörtímabilið úr tveimur árum í eitt til að tryggja að rétt manneskja sé formaður á hverjum tíma, að mati háværasta þrýstihópsins.

Hughreystandi væntanlega fyrir félagsstarfið í framtíðinni.

Foreldrar ættu líka að vera alsælir. Þeir sjá nú minnkandi varnir gegn því að kennarar geti hreinlega rústað tilfinningalífi barnanna í þeirra umsjón. Kennarar sem láta sér ekki duga að hunsa klámfræðslu ríkisvaldsins og byrja hreinlega að tjá sig opinberlega mega von á miklum vandræðum. Hlutverk kennara er jú ekki að kenna gagnrýna hugsun, að vega og meta, rannsaka og leita sannleikans. Nei, þeirra hlutverk er að mata, heilaþvo og hræða til hlýðni.

Engin lögfræðiálit eða aðrar lagatæknilegar flækjur geta stöðvað þessa flóðbylgju. Ef sonur þinn kemur heim úr skólanum á morgun og vill kalla sig Guðrúnu og fá hormóna til að handtaka kynþroska sinn þá skaltu gjöra svo vel og dansa í takt. Ef þú mætir unglingi þínum eða náfrænda af andstæðu kyni í sundklefa almenningslaugarinnar þá skaltu bara þegja og láta eins og ekkert sé. Eða flýja, með handklæðið í hraði vafið yfir kynfæri þín.

Ég er ekki að segja að við séum komin á háskabraut. Ég segi að skaðinn er nú þegar skeður og að verkefni framtíðarinnar verður að reyna lagfæra hann ef það er þá mögulegt úr þessu.

Þér er kannski alveg sama hvað eitthvað kennarasamband gerir til að þagga niður í kennurum, en vertu viss um að á þeim þunna ís drukkna fleiri en bara þú þegar hann brotnar.

 

Birt með leyfi höfundar, Geirs Ágústssonar.

Hip, hip húrra, nú er hugsað um stelpurnar

Bloggari gladdist við lestur fréttarinnar. Konur, stúlkur, mæður, frænkur og ömmur, reyndar karlkynið líka, ættu að gleðjast stúlknanna vegna. Nú geta þær keppt í sundi án þess að eiga á hættu að trans-kona, með líkamsstyrk karlmanns og kynfæri, komi við sögu. Þrautarganga að fá þessu breytt í Bandaríkjunum en sem betur fer gáðu menn að sér. Betra seint en aldrei.

Mesta hneykslið var að sundstúlkum var boðin sálfræðihjálp til að geta afklæðst með trans-konu (með typpi) sér við hlið á sama aldri. Lia Thomas hirti öll verðlaun vegna líkamsstyrks sem hann öðlaðist sem karlmaður.

Nú keppir þetta unga fólk á jafnréttisgrundvelli eftir að lögunum var breytt. Stelpur við stelpur. Strákar við stráka. Trans-fólk við trans-fólk. Svona á þetta að vera. Reyndar hefur körfuboltasamband Dana ákveðið að trans-fólk megi keppa í karlaflokki enda algengara að trans-kona vilji keppa meðal kvenna en öfugt.

Í fréttinni segir; ,,Við verðum að standa vörð um réttindi íþróttafólks, en við verðum líka að standa vörð um sanngjarna keppni, sérstaklega í kvennaflokki.“ Vel sagt, satt og rétt.

Vonandi fylgja önnur alþjóðasambönd í kjölfarið. Skáksambandið hefur gert slíkt hið sama. Þetta er það eina rétta.

Hér má hlusta á konu sem hafnar trans-konum í íþróttir kvenna.

Nú geta kennarar og aðrir sem hafa talið nemendum sínum trú um að trans-kona, með kynfæri karlmanns, eigi erindi í kvennaíþróttir dregið það til baka, leiðrétt þvæluna eins og ég segi. Líður vonandi ekki á löngu þar til allsherjar bann verður við þessari mismunun, að stúlkur þurfi að keppa við trans-konur með vöxt og styrk karlmanns.

Ekkert uppnám hjá Bandalagi kennara á Norðurlandi eystra, bara ólöglegur formaður

Fjölmiðlar hafa gaman af að slá upp fyrirsögnum sem selja. Út á það gengur reksturinn. Ekki vantar heldur dramatíkina þegar Bandalag kennara á Norðurlandi eystra er annars vegar. Allavega um þessar mundir. 

Sá leiði atburður átti sér stað að ekki var farið að lögum á aðalfundi deildarinnar. Á fundinum voru lög virkjuð eftir á og ekki farið að fundarsköpum. Eitt markmið verkalýðsfélaga er að fara að lögum og reglum, ekki síst eigin. Það brást á aðalfundi BKNE.

Í fundarsköpum segir: ,,Hafi dagskrá fundar verið send í fundarboði er hún bindandi nema henni sé breytt í upphafi fundar.“ Á aðalfundi BKNE var þetta ekki gert sem dæmi.

Á öðrum stað segir: ,,Fundarmenn eiga rétt á að framkvæmd dagskrár sé í samkvæmt fundarsköpum.“ Eftir þessu var heldur ekki farið. 

Örugg fundarstjórn segir í fundarsköpum veltur á kunnáttu ekki duttlungum. Sama má segja um stjórn deildar, einingar og félaga. Stjórnarmenn í BKNE létu duttlunga ráða för þegar tvö ósamhljóma lögfræðiálit um sama málefni lá fyrir. Duttlungar þeirra réðu för, segi ég, því hlutverk stjórnar er að virða lögin og gæta þeirra. Því miður bar stjórnarmönnum BKNE ekki gæfa til þess. Ákváðu á eigin spýtur hvort álitið væri rétthærra!

Arnar Þór Jónsson hæstaréttarlögmaður og fyrrverandi dómari var fenginn til að skoða atburðarásina og hann skýrir hana þannig; ,,Endanlegt fundarboð mun hafa verið sent út seint um kvöld 25. september 2023 og þá fyrst tilkynnt um fyrirhugaða breytingartillögu á lögum félagsins. Liðu því ekki fullir 10 dagar frá fundarboði fram að aðalfundinum 5. október, en 6. gr. laganna kveður, sem fyrr segir, skýrlega á um að boðað skuli til aðalfundar með minnst 10 daga fyrirvara. Ennfremur er á það bent að jafnvel þótt talið yrði að fundurinn hafi verið löglega boðaður, þá hljóti kosning til embættis formanns að teljast ógild, því félagsmönnum gafst ekki viðhlítandi tími til að bjóða sig fram til formennsku. Að loknu samþykki lagabreytinganna hefði þurft að slíta fundinum og boða nýjan aðalfund með tilskildum fyrirvara. Með því að þetta var ekki gert og ekki leitað afbrigða á fundinum fyrir því að strax færi fram kosning um nýjan formann samkvæmt nýjum lögum og án tilskilins aðdraganda telst sú kosning ógild. Leiðir þetta af almennum reglum um bann við afturvirkni laga og þess að kosningin fór fram á fundi sem boðaður hafði verið og haldinn á grunni eldri laga.

Með vísan til framanritaðra ágalla telst kosning kosning nýs formanns BKNE á fundinum 5. október sl. hafa verið ógild.“

Annar lögmaður Erna Guðmundsdóttir, sem áður vann hjá KÍ, var fengin til að koma með annað álit sem og hún gerði. Stjórnarmenn sem í upphafi vildu ekki lögfræðiálit óskuðu eftir öðru áliti. Gott mál. Lögfræðingunum greinir á um málið og því er það ekki útkljáð út frá lagalegum grunni. Leysa átti flækjuna.

Öllum var í lófa lagið að viðurkenna mistökin, boða auka-aðalfund og kjósa formanninn löglega. Það var ekki gert og því situr formaður BKNE í völtu sæti.

 

Frá foreldri, eitt þeirra sem vaknað hefur úr dvalanum og er tilbúið að leggja sitt af mörkum

Þetta foreldri sendir baráttumanni bréf, tilbúinn að leggja sín lóð á vogarskálarnar. Ég leyfði mér að setja inn krækjur sem fólk getur smellt á. Fékk leyfi til að birta þetta.

 

Sæll Eldur

Ég vil byrja þetta bréf með því að senda þér þúsund þakkir fyrir allt það sem þú hefur gert til þess að berjast gegn transfaraldrinum sem nú herjar á börn okkar. Ég get ekki ímyndað að þetta hafi verið auðvelt að standa í undanfarin ár og átt þú þúsund þakkir skilið fyrir óeigingjarnt starf í þágu barna okkar.

Eins og má gefur að skilja þegar þú skoðar prófil minn þá er þetta tröll reikningur

Hvað um það þá er ég þér liðsinna varðandi transmál. Ég er frekar andpólitískur að eðlisfari og læt mér lítið finnast um samfélagslegar breytingar - sama hvort að þær þróist fram eða aftur og eyði mestum tíma mínum í að nördast yfir náttúruvísindum þar sem hlutverk kvenna, karla, homma og lessa spila litla rullu (sem ég notabene hef ekkert issue yfir...)

Hvað um það, það kemur punktur þar sem jafnvel tilfinningasnauðir hrútar eins og ég setja klaufina í sandinn! – Og það er þegar fólk byrjar að skaða börn

Ég held ég þurfi ekkert að útlista mína skoðun nákvæmlega á trans, en þegar þú finnur sjálfan þig í samfélagi þar sem læknar, með samþykki almennings, eru byrjaðir að vísvitandi eitra, örkumla og beinlínis limlesta börn og ungmenni er augljóst að eitthvað alvarlegt hefur farið úrskeiðis í samfélaginu.

Ég skal viðurkenna að ég stóð þögull hjá undanfarin áratug á meðan undarleg orðræða um yfirnáttúrulegar sálfarir, þar sem fólk gat fæðst í röngum, og jafnvel ferðast milli líkama, orðræða sem tók yfir margar helstu stofnanir samfélagsins, heimspekileg umræða (sem er án efa kolröng og trúarleg) er líklega að einhverju leyti rót þessa vanda. Þrátt fyrir það, tel ég að hressilegar umræður um heimspeki þar sem lítið er gert úr þessum "cult-members" sem aðhyllast trans sé ekki leiðin til sigurs, þó mig langi ekkert frekar en að gera lítið úr þessum lítilmennum sem reka áróður sem skaða börnin okkar. Ég held að eina leiðin til sigurs sé gegnum venjulegt fólk, sérstaklega foreldra ungra barna sem vilja bara það besta fyrir börnin sín. Vandinn er að þetta er sama fólkið og er svo innilega viðkvæmt fyrir trans áróðri.

Hvað um það! (afsakið ofurlangan inngang) þá tel ég tíma komin til þess að láta mitt eftir og gera eitthvað í þessu máli. Ég er búin að safna saman netföngum allra foreldra á Íslandi, sem eiga lítil börn og er að einhverju leyti virk í starfi barna sinna. (við erum tala um mjög bitastæða prósentu af þýði!) - Svo nú er tækifæri að setja saman bækling, eða síðu með mikilvægum skilaboðum sem geta bjargað lífum komandi kynslóðar. Og þá er bara vandinn hvað skal senda?

Ég að sjálfsögðu myndi ég senda/ eða tengja innan á þinn mikilvæga vettvang en ég myndi helst vilja senda eitthvað sem grípur fólk og gefur því gagnmiðaðar upplýsingar um málefnið.

Svo hugmyndin mín var að setja saman hnitmiðaða heimasíðu, með þremur greinum, ein stutt, önnur lengri og sú þriðja ítarleg um trans og hvaða afleiðingar slík meðferð hefur í för mér sér fyrir barna þitt. Ég er búin að safna saman góðum bunka af rannsóknum um hversu vel transfólki dafnar á lífsleiðinni (ekki góðar fréttir á þeim vettvangi, því miður).

Svo datt mér í hug að hlekkja inn á síðuna heimildamyndina „What is a Woman?“ en eftir að hafa horft á þá mynd þá tel ég hana henta einstaklega vel til þess að fá „venjulega fólkið“ til þess að velta þessu fyrir sér.

Það sem ég væri til í að fá hjálp við væri aðstoð með texta, og jafnvel túlkun gagna, og jafnvel hvaða efni skal senda o.s.frv.. Eru einhverjir í þínum hring sem hefðu áhuga á slíku verkefni?

Ekki gleyma að ef slík heimsíða fer loftið, og vel heppnast, þ.e. fólk opnar linkinn og les aðeins þá höfum við tækifæri til þess að hafa áhrif á leitaniðurstöður Google og þar sem almenna umfjöllun um trans, okkar skilaboð kæmi sér mjög vel þegar foreldrar eru að googla um þetta í fyrsta skipti.

Ég vona að þú vitir hversu þýðingarmikill þú ert fyrir okkur mörg og hversu mikið þitt starf hefur gert gagn. Ég óska þér alls þess besta í framtíðinni og vona að við megum halda áfram að njóta leiðsagnar þinnar og stuðnings.

Baráttukveðjur – Tröll

Konur geta fætt börn- stúlkur og drengi. Það er ekki eitthvað sem við köllum þau

skrifar Lasse Bak Sørensen rithöfundur í grein sem hann skrifaði. Ákvað að þýða brot úr henni. Feitletrun er mín.

Það er framför að fleiri taki sig til og hafni rasista og kynjamisrétti, en þessi nýi meirihluti á ekki að nota vald sitt til að þvinga minnihlutann í að tjá sig ekki. Óþol á ekki að mæta með óþoli.

Mannveran hefur líffræðilegar og félagslegar þarfir og tilfinningar lætur þær ekki hverfa. Gefum ágreiningi svigrúm.

Merkilegt, segir Lasse, eftir að mannfólkið hefur gefið náttúrunni fingurinn byrjum við efumst um okkar eigin tilverurétt.

Við drekkjum höfnum með plasti og drasli. Við eyðileggjum lífsmöguleika okkar og aðra við að nota jarðefnaeldsneyti. Við ryðjum regnskóga.

Ég undrast að stjórnmálahreyfing sem gefur sig út fyrir að hugsa um hvort annað og jörðina missir vitið þegar kemur að spurningum um líffræðilegt kyn, kynvitund og kynama barna og ungmenna.

Verið er að eyðileggja sýn okkar á náttúruna með krossferð gegn okkar eigin eðli- líffræði mannskynsins og félagsveru okkar.

Nei, líffræðilegir karlmenn geta ekki fætt börn

,,Sko, það eru karlmenn sem geta fætt börn” sagði Pernille Skipper úr ræðustól Alþingis í nóvember 2021. Staðhæfing sem fer gegn öllu sem við þekkjum, rétt eins og hún myndi staðhæfa að jörðin væri flöt. Það sem hún átti við er að konur sem upplifa sig sem karlmann og lagalega viðurkenndar sem slíkar geta eignast barn. Það er rétt.

Vandinn er bara sá, að konur sem upplifa sig sem karlmann eru ekki líffræðilegir karlmenn.

Lasse veltir upp hvort stjórnmálaflokkur í Danaveldi sem reynir að halda uppi vísindalegum metnaði í pólitískum greiningum og yfirlýsingum eða hvort þeir séu hlynntir óhóflegri huglægni svo lengi sem hún er vinsæl eða nógu öflug?

Þorið þið, um leið og þið eruð á móti hvers konar kúgun og ofsóknum á trans-fólk, að halda fram að það séu líffræðilegar staðreyndir um kyn og æxlun manna sem láta ekki stjórnast af tilfinningum?

Orð Pernille Skippers var ekki þannig meint, en staðreyndin er sú að það er móðgun við allar konur að halda fram að karlmaður geti fætt barn.

Það geta karlmenn ekki. Karlmenn hafa sæði og það er ekki svo slæmt því það ákveður kyn barnsins. Ef kynlitninginn X blandast eggfrumu verður barnið stúlka. Ef sáðfruman hefur Y litningi verður barnið drengur.

Eftir getnað sjá konur um afganginn. Ganga með barnið í um 40 vikur. Það eru konur sem fæða börnin og það eru líka þær sem geta framleitt brjóstamjólk sem gerir það að verkum að barnið hefur möguleika á góðri næringu á fyrstu vikum ævi sinnar. Svo einfalt (og kannski krefjandi) er þetta fyrir mæður mannkynsins.

Þessi stutti pistill um æxlun mannsins er ekki til þess fallin að flokka konur í útungunarvélar eða körlum í sæðisgjafa.

Pernille Skipper á að draga orð sín til baka.

Rangar yfirlýsingar stjórnmálamanna hafa tilhneigingu til að lifa og ef þær eru ekki dregnar til baka helst mjög fljótt skapar það vandræði og glundroða.

Hjá stjórnmálaflokkum hefur orðið kona verið á reikni. Kona er fullorðin mannvera af kvenkyni sem hefur þann einstaka hæfileika til að bera, fæða og fóðra mannveru.

Mega konur vera ósáttar við að afklæðast í sama rými og líffræðilegur karl? Finnst ykkur í lagi að ásaka konur sem óska ekki eftir að hitta einstakling með typpi í búningsklefanum fyrir að vera trans-fóbískur, afturhaldssamur, slæma manneskju eða útiloka hana? Á að útiloka Harry Potter bækurnar sem J.K. Rowlings rithöfundur skrifaði því hún telur að orðið kona sé betra orð en ,,einstaklingur sem er á blæðingum?

Verið er að útiloka stjórnmálamanninn Ulf Harbo frá Enheldslistanum því hann hefur gerst sekur um að halda fram að kynin séu tvö- konur og karlmenn, og að líffræðilegir karlar sem upplifa sig sem konur eigi ekki að nota rými kvenna og ekki vera í keppnisíþróttum kvenna vegna aflsmundar kynjanna (bloggari, hóst, hóst, hóst).

En ein aðalástæða þess að henda eigi Ulf út úr flokknum er sýn hans á kynskipti meðferðum á börnum og ungmennum með kynama (líða ekki vel í eigin skinni).

Á meðan læknaheimurinn hefur breytt skoðun sinni og aðgerðum heldur Enhedslisten ásamt öðrum stjórnmálaflokkum fast í að yngri börn, stúlkur og drengir, með kynama geti enn valið hvort þau stoppi kynþroskann með stopp hormónum og skipta um kyn með kross hormónum og skurðaðgerðum.

Ulf Harbo hefur án árangurs reynt að fá stjórnmálaflokinn til að hlusta á alvarlegar aðvaranir lækna um læknisfræðilegu inngripin og afleiðingarnar sem þau hafa.

Svíar tóku U-beygju í meðhöndlun af kynama haustið 2019. Tilvísanir um kynskiptimeðferðir féll um 65% á stuttum tíma.

Þeir sem hafa áhuga að lesa afganginn finna krækjuna hér.

Maður verður að stíga ölduna

þegar ólgusjór ríður yfir mann og annan. Til að lifa af. Annars deyr maður. Ægir getur verið grimmur. Þarf ekki Ægi til, mannfólkið er það líka.

Margir amast út í skoðanir annarra og ákveða að vera riddarar réttra skoðana. Eru þær skoðanir réttari þó viðkomandi haldi það. Má vissulega deila um það. Rógur, ásakanir og vondar raddir fá oft hjarðhegðun til að blómstra. Af hverju, því verður hver og einn að svara.

Ég les sérstaklega mikið eftir tvo dani sem hafa fengið smjörþefinn af ,,röngum“ skoðunum að mati fólks. Grimmdina hefur ekki vantað (bloggari: hóst, hóst, hóst). Útiloka átti annan úr stjórnmálum, honum er umhugað um börn sem líður ekki vel í eigin skinni. Eirðarleysi í sálinni einkenna þau.

Hinn hefur skrifað töluvert um trans-málaflokkinn. Hún hefur þýtt rannsóknir, birtir danskar rannsóknir og skrifar á bloggsíðuna sína. Tek hatt minn ofan fyrir þessu fólki. Mikill fróðleikur í því sem þau hafa skrifað og bloggari fengið leyfi til að þýða frá þeim. Engar gróusögur þar á ferð. Á Íslandi skrifar enginn um fróðleikinn sem þau miðla til annarra. Límband er sett fyrir munn þeirra sem vilja tjá sig á annan hátt en leyft er í samfélaginu og í fjölmiðlum. Einstefnuumræða!

Las góða lífsspeki eitt sinn sem nauðsynlegt er að hafa í huga:

Ekki taka neitt persónulega: ekkert sem annað fólk gerir er þín vegna.

Það sem aðrir segja og gera er speglun af þeirra eigin veruleika, þeirra eigin hugarástandi.

Þegar þú hættir að taka skoðanir og gjörðir annarra nærri þér, verður þú ekki lengur fórnarlamb ónauðsynlegrar vanlíðunar.

Aðgagnsharðir trans-aðgerðasinnar sýna ógnandi hegðun gagnvart foreldrum

Þann 21. október hittust foreldrar til mótmæla í Reykjavík. Fyrirmyndin eru mótmæli í Kanada sem heitir ,,1 Million March 4 Children.” Víða í borgum þar ytra hittast foreldrar og mótmæla trans-hugmyndafræðinni í skólakerfinu.

Með stuttum fyrirvara ákváðu nokkrir foreldrar að gera slíkt hið sama í Reykjavík. Fyrsti fundurinn, sennilega ekki sá síðasti. Í útlöndum hefur það gerst að trans-aðgerðasinnar reyna að skemma þessa göngu og fundi, með svona framferði, og noti til þess öll ráð. Ýmis samtök og verkalýðssamtök reyndu það líka.

Fyrsti fundurinn hér á landi var ekki fjölmennur, en vonandi rætist úr síðar. Ég las frásögn móður sem tók þátt en ekki frá byrjun og svei mér þá, trans-aðgerðasinnar hér á landi hafa lært af sömu sauðum í útlandinu. Af hverju er þeim illa við að fólk sem aðhyllast ekki trans-hugmyndafræðina í skólakerfinu hittist og tali hvort við annað? Finnst hinum almenna borgara í lagi að svona árás sé gerð á foreldra og velunnara barna?

Móðir segir svo frá:

,,Takk fyrir mótmælin hér í borg sl laugardag, ég náði að bruna niður á Austurvöll með yngsta son minn með í kerru og ég má til með að segja aðeins frá þessum herlegheitum...

Þegar ég nálgast þá sé ég allt morandi í allskonar gleðigöngufánum og fyrst hélt ég að það væru svona margir frá samtökunum 78 að styðja málstaðinn okkar, en nei það reyndist ekki vera raunin heldur þveröfugt.

Ég sá hópinn sem stóð fyrir mótmælunum og kom mér fyrir til að hlusta á þá sem voru að tjá sig og tók eftir því hvað allir voru skýrir og friðsamlegir í sinni framsögn

Ég myndi giska á að hátt í 100 manns frá samtökunum 78 hafi verið mætt til að umkringja ca 20 manneskjur sem voru í mótmælunum okkar!

Þetta fólk leyfði sér að öskra, froðufella, hnussa, góla og gjamma yfir þau sem voru að tjá sig og ég hef bara sjaldan eða aldrei upplifað aðra eins steik eins og ég varð vitni að þarna! Ein manneskja tók meira að segja á því að hoppa í kringum mig og bulla eitthvað og tók sér svo allt í einu stöðu fyrir aftan mig nánast alveg uppvið mig, fór að veifa regnbogafána og regnhlíf í andlitið á mér og 2.ára syni mínum sem sat í kerrunni. Þetta var svona smá eins og fá Jókerinn í Batman uppa sér, eða þannig leið mér og ég ákvað að láta eins og ég sæi ekki þessa manneskju enda var hún líklega að reyna að fiska einhverskonar átök/slagsmál.

Syni mínum var svo nóg boðið á einum tímapunkti og ég gekk þá áleiðis í burtu en þá heyri ég hvernig skríllinn brast í söng til þess að yfirgnæfa alveg þá sem voru að tala, og sungu þau "ég er eins og ég er" á hæsta styrk með hroka sem segir meira en þúsund orð

Það er með ólíkindum að sjá hvað þessi tilteknu félagasamtök þola akkúrat enga gagnrýni og þau sýndu af sér svo lágkúrulega framkomu að ég held að þau hljóti að vera skjálfandi á beinunum innst inni

Höldum áfram að veita aðhald og ég má til með að þakka ykkur hugrakka fólk fyrir að leiða þessa göngu, tjá ykkur, standa af ykkur fáránlegt áreitið og halda þannig áfram að uppræta ruglið!”

Skiljanlega sárnar börnum þegar þau lesa sannleikann

Í kjölfar umræðunnar að móðir geti ekki verið pabbi eða ,,pabbinn sem var óléttur“ fjölluðu fjölmiðlamenn um trans-málaflokkinn. Fjölmiðlamenn virðast gera þetta af og til og eru svo sannarlega ekki hlutlausir. Þeir virðast ekki hafa meiri hæfni og færni en svo að þeir geta ekki fjallað um málaflokkinn án þess að draga einstaka barn/fjölskyldu inn í umfjöllunina, þó rætt sé almennt um málaflokkinn. Í víðu samhengi meira að segja. Best þykir fjölmiðlamönnum og viðmælendum þeirra að draga einhvern í drullupollinn. Þeir sem fara verst út úr því eru viðmælendurnir sjálfir. Rökstyðja ekkert, gaspra bara.

Fjölmiðlamenn sækjast ekki eftir staðreyndum þegar fjallað er um málaflokkinn. Enginn fjölmiðlamaður talaði um dóm Mannréttindadómstólsins í tengslum við umræðuna. Óskir og langanir foreldrar til að vera annað en þau eru standast ekki mannréttindalög.

Fjölmiðlamenn hafa ekki velt öllum steinum. Hvað er verið að gera börnum sem búa við lífsskoðun þar sem trans-hugmyndafræðin passar ekki inn? Hvernig líður þeim? Hvers eiga börn að gjalda í kennslu þegar hugmyndafræðin er rædd og jafnvel kennd? Munur á kynningu og kennslu. Hafa fjölmiðlar rætt um og við þá foreldra sem hafa frábeðið sig, fyrir hönd barna sinni, kennslu trans-hugmyndafræðinnar? Hafa fjölmiðlar rætt við skólastjóra um þá kennara sem hafnað er, af foreldrum, vegna ofuráherslu á trans-hugmyndafræðina? Hafa fjölmiðlamenn leitað til fræðslunefndar Samband íslenskra sveitarfélaga og spurt þá hvernig þeir sem regnhlífasamtök takist á við þessa hlið málsins?

Nóg um það. Deigir fjölmiðlamenn.

Ljóst er, að ef foreldrar, stjórnmálamenn, hagsmunasamtök og starfsmenn skólastofnana segja barni ósatt t.d. um að líffræðilegu kynin séu fleiri en tvö og barn les það svo annars staðar að svo er ekki þá hlýtur því að sárna. Það er ekki hægt að rökstyðja fullyrðinguna að kynin séu fleiri en tvö, XX og XY-litningaberar. Meira að segja sumir þjónar kirkjunnar taka þátt í að segja börnum ósatt um kynin tvö.

Sé barni sagt að það sé fætt í röngum líkama af foreldrum, hagsmunasamtökum og starfsmönnum skólastofnana og það les síðar að ekki sé hægt að fæðast í röngum líkama hlýtur barninu að sárna. Líkama er ekki hægt að skipta út.

Sé barni sagt að hormóna- og krosshormónalyfjagjafir hafi ekki áhrif á líkamann og les síðar að svo sé er skiljanlegt að því sárni. Það uppgötvar jafnvel að foreldrar, hagsmunasamtök og starfsmenn skólastofnunar hafa ekki sagt satt og rétt frá.

Svona væri hægt að telja upp nokkra þætti þar sem barni er kannski ekki sagt satt í tengslum við málaflokkinn. Er von að barni sárni! Hvort það sé þeim að kenna sem segja sannleikann get ég fullyrt að svo er ekki. Þeir sem fylla barn af ranghugmyndum verða að bera ábyrgðina sjálfir. Þeir hafa sært barnið.

Hjá því verður ekki komist að staðreyndin um að kynin séu tvö fer fyrir brjóstið á þeim sem eru því ósammála. Vera kann að börnum víða um land þyki óþægilegt að til sé fólk sem tjáir skoðanir sínar og sannleikann um að líffræðilegu kynin séu tvö, ekki sé hægt að skipta um líkama, að lyfjagjafir hafi afleiðingar og sér í lagi hafi þeim verið sagt annað og það jafnvel af foreldrum, skólafólki og stjórnmálamönnum.

Hvað gerist svo í huga barna, eirðaleysi í sálinni sem þarf að sefa, er allt önnur Ella. Eirðarleysið getur stangast á við hið líkamlega og líffræðina.

Foreldrar barna sem líður ekki vel í eigin skinni hafa stofnað foreldrafélög í Svíþjóð og Noregi. Þau telja að börnunum sé ekki sagður allur sannleikurinn hjá trans-hagsmunasamtökum og víða í skólakerfinu. Hér má sjá síðuna þeirra í Svíþjóð. Því miður hefur foreldrafélagið á Íslandi runnið inn í trans-hagsmunasamtökin. Starf þess og málflutningur litast af því og hugmyndafræðinni sem þar ríkir.

Hlutverk foreldrafélagsins í Svíþjóð er m.a. ,,þau vilja styðja börnin sín í leit sinni að persónuleika sínum og lífsháttum án að þess að þau stjórnist af kynhlutverki og viðmiðum. Þau eru miður sín yfir vanlíðan barna sinna í líkama sínum. Foreldrarnir vilja að ungu fólki sem líður ekki vel í eigin skinni sé mætt með hreinskilni, varúð og rannsóknartengdri umönnun.“ Verðug markmið.

Leyfi fyrsta erindinu að fljóta með:

Ef ætlarðu að svívirða saklausan mann,
þá segðu aldrei ákveðnar skammir um hann,
en láttu það svona í veðrinu vaka,
þú vitir, að hann hafi unnið til saka.

Konan sem ég sagði frá um daginn er grunnskólakennari

Hanne Hjort vinnur með börn í veikri stöðu, andlega. Hún varð stjórnarmeðlimur í Dansk Regnbueråd s.l. sumar og berst fyrir réttindum kvenna og þann vanda sem trans-hugmyndafræðin veldur. Hún lætur m.a. í sér heyra á samfélagsmiðlum.

Hanne hefur bent á rétt kvenna til einkarýma, s.s. kvennaathvörfum og salernum. Vegna málsins hefur hún eignast óvini. Menn ganga svo langt að óska eftir að hún verði rekin. Sá sem eys úr viskubrunni sínum er almennur borgari í Danamörku og heldur fram að kennarinn sé hatursfullur og trans-fóbískur. Að auki segir borgarinn að trans-börnum geti stafað hætta af kennaranum og fjölskyldum þeirra. Svona bréf hafa atvinnurekendur Hönnu Hjört fengið, ekki einn heldur fleiri (bloggari: hóst, hóst, hóst).

Sá sem sendir bréfið bendir á að kennarinn vilji að trans-konur (með typpi) afpláni í karlafangelsi, ekki meðal kvennafanga svo fátt eitt sé nefnt. Fleira er tínt til og sýnir hversu heimskt fólk getur verið og þröngsýnt. Auðvitað á Hanne og má hafa skoðun á samfélagsmálum án þess að það komi vinnuveitanda hennar við. Enda gerðu þeir ekkert með þessi bréf. Að kennarinn sé ekki sömu skoðunar og trans-aðgerðasinnar gerir hann hvorki óhæfan né trans-fóbískan. Hvað þá óhæfan til að vinna með börnum. Í bréfinu segir að skólastjórinn ætti í alvöru að skoða hvort slíkur kennari eigi að starfa í skólanum (bloggari: hóst, hóst, hóst).

Hanne bendir á að það sem hún gerist sek um, samkvæmt borgaranum, er að henni finnst rangt að menn sem skilgreina sig sem konur hafi aðgang að einkarýmum kvenna, kvennaathvörfum og fangelsum. Að auki finnst henni mjög óréttlátt að menn, bara við það að kalla sig konur, fái að taka þátt í kvennaíþróttum því þeir keppi ekki á jafnréttisgrundvelli.

Ég hef líka verulegar áhyggjur af þeim mikla fjölda stúlkna sem allt í einu segjast upplifa sig í röngum líkama, frá 2014 til 2020 hefur tilvísinum fjölgað úr 3 í 135 á hverju ári. Prósentutalan gífurlega há segir Hanne Hjort.

Það er galið að nokkrum manni detti í hug að taka eigi lífsviðurværi af mér vegna skoðana minna segir Hanne (bloggari: hóst, hóst, hóst).

Innleggið má sjá hér, en það var birt 19. október á snjáldursíðu Dansk Regnbueråd. Lausleg þýðing er bloggara.

Mynd af grein Hanne.

Kona getur ekki verið faðir barns samkvæmt dómi Mannréttindadómstóls Evrópu

Fyrr á árinu féllu tveir dómar hjá ME. Þar sem málavextir voru nokkuð svipaðir dæmdu þeir í báðum málunum á sama tíma.

Það sem ég undrast er að fjölmiðlar hafa ekki fjallað um þennan dóm, ekki einu sinni þegar blaðamaður á Visi flutti þjóðinni fréttir af ,,ég er ólétti pabbinn.“ Hefði blaðamaðurinn haft snefil af áhuga og nennu til að kynna sér málaflokkinn hefðu hún kannski geta sagt frá dómum ME í leiðinni og bent á að um tvískinnung sé að ræða.

Hafi heilbrigðisyfirvöld skráð annað en móðir eða faðir á fæðingarvottorð barns er um skjalafals að ræða eftir því sem ég fæ best séð. Reyndar er ég ekki lögfræðimenntuð en slík skráning virðist í andstöðu við dóm Mannréttindadómstólsins.

Tveir einstaklingar, í jafnmörgum málum, vísuðu máli sínu til ME þar sem þeir voru ósáttir við æðsta dómsvald í Þýskalandi.

Dómarnir fjalla um:

A) Tveir einstaklingar eignuðust barn og báðir kröfðust að vera skráð móðir. Ástæðan er að sá sem frjóvgaði egg konunnar með sæði sínu skilgreinir sig sem konu.

 B) Í þessu tilfelli varð viðkomandi ófrísk eftir sæðisgjafa, bar barnið undir belti og fæddi. Þar sem viðkomandi skilgreinir sig sem trans-karl vildi viðkomandi vera skráður faðir.

Þjóðverjar sögðu að sá sem leggur til sæði er faðir og skráður sem slíkur. Þeir sögðu líka að kona sem gengur með barn og fæðir er móðir þess og verður skráð sem slík.

Mannréttindadómstólinn tók undir þýsku dómana. Að auki leggur ME áherslu á að vega þurfi mannréttindaákvæði á móti hvort öðru í svona málum og í þessum tilfellum er réttur barnsins til að þekkja líffræðilegan bakgrunn sinn rétthærri en foreldrana til að fá viðurkenningu á hlutverki sem þeir óska sér

ME lýkur dómum á orðunum ,,motherhood and fatherhood, as legal categories, were not interchangeable and were to be distinguished both by the preconditions attached to their respective justification and by the legal consequences which arose therefrom.”

Í Noregi var skrifað um dóminn, sjá hér.