Afgani handtekinn- ýtti stúlku fyrir lest í Kaupmannahöfn. Ný tegund af ofbeldi.

Nítján ára kona beið eftir lest á Nørreport stöðinni í Kaupmannahöfn. Þegar lestin nálgaðist stökk maður fram, sem faldi sig á bak við súlu, og ýtti konunni út á brautarteinana. Fyrir snör handtök annarra farþega varð henni bjargað.

Fólk á brautarpallinum gat gert lestarstjóranum viðvart um að eitthvað hræðilegt hefði gerst. Lestin nauðhemlaði. Konan komst upp á brautarpallinn. Lögreglan lítur þetta alvarlegum augum og segja brotið tilraun til manndráps.

Torben Madsen, rannsóknarmaður hjá lögreglunni í Kaupmannahöfn sagði við Ritzau eftir verknaðinn ,,Þetta gerist, um það bil þegar lestin kemur inn á stöðina og burtséð frá hvað lestin var langt í burtu, þá gengur rannsóknin út á tilraun til manndráps.“

Lýst var eftir manninum með myndum og á laugardagsmorgninum var hann handtekinn. Þetta er 29 ára útlenskur maður. Hann kom fyrir rétt á sunnudeginum. Hann hafði túlk sér til aðstoðar sem þýddi gögn fyrir hann. Maðurinn er afganskur ríkisborgari. Lögfræðingur mannsins segir hann saklausan samkvæmt Ekstra blaðinu. Hann var úrskurðaður í 25 daga varðhald.

Nýtt form af ógeðfelldu ofbeldi

Undanfarin ár hefur tilfellum fjölgað þar sem fólki er ýtt fyrir lest.

Það hefur gerst í Danmörku:

Árið 2021 var tilfallandi konu ýtt svo hún lenti á brautarteinunum á Valby stöðinni, það var Jórdani sem gerði það.

Það hefur gerst í Svíþjóð:

Í júní var 23 ára manni ýtt fyrir lest í Stokkhólmi. Maður frá Alsír var handtekinn. 

Í Þýskalandi hafa nokkur tilfelli af þessari nýju tegund ofbeldis orðið. Margir af gerendum hafa innflytjendabakgrunn samkvæmt þýska blaðinu BILD.

Eitt fórnarlamanna er Leó sem var átta ára sem var ýtt fyrir lesst ásamt móður sinni í Frankfurt. Móðirin lifði, ekki Leó. Hann dó samstundis. Habte Araya frá Erirea var sóttur til saka árið 2020 fyrir þetta hræðilega morð.

Sum fórnarlömbin þekktu geranda, en mjög oft eru þetta tilfallandi einstaklingar. En sannleikur er, ný tegund ofbeldis er komið til Evrópu og það ógeðfellt ofbeldi.

Heimild.

 

Sjö þúsund konur hafa orðið fyrir kynferðilegu ofbeldi í Þýskalandi

Den korte avis segir frá og vitnar til NZZ (Neue Zürcher Zeitung) ,,að minnst 7000 konur hafa orðið fyrir kynferðislegu ofbeldi af hálfu innflytjenda frá 2015.“

Blaðið hefur undir höndum gögn frá lögreglunni. Samtímis birtir blaðið pistil frá fræðimanni í innflytjendamálum, Ruud Koopmans.

Ruud kemur með athyglisverða aðvörun um afleiðingar af nánast óheftum straumi innflytjenda til Þýskalands. Straumurinn bitnar aðallega á konum og stúlkum í formi kynferðis ofbeldis. 

Frá því að straumur af innflytjendum frá Mið-Austurlöndum og Afríku til Þýskalands varð að veruleika hefur um 7000 konum og stúlkum verið nauðgað, hópnauðgað eða þær orðið fyrir annars konar kynferðislegu ofbeldi. Þetta sýna tölur frá lögreglunni segir í þýska blaðinu. 

 

Tölur frá lögreglunni

Frá 2015 til 2022 voru tilkynningar um nauðganir, kynferðisofbeldi og kynferðisofbeldi af hálfu innflytjenda 8.590. Lögreglan (BKA) notar orðið innflytjendur yfir þá sem komu til Þýskalands í gegnum hælisleitendakerfið. Rúmlega 90% af þolendum kynferðisofbeldis eru konur. Flestar Þjóðverjar segir þýska blaðið.

Það ríkir ákveðin óvissa um búsetu gerenda. Það hefur hins vegar ekki áhrif á þann mikla fjölda fórnarlamba kynferðisofbeldis.  

Greining lögreglunnar (BKA), sem innanríkisráðuneytið óskaði eftir, sýnir samkvæmt NZZ, að frá 2017 hafa rúmlega 1000 konur upplifað kynferðislegt ofbeldi af hálfu innflytjenda á hverju ári. Út frá þeim tölum má gera ráð fyrir að minnsta kosti 7000 konur séu þolendur frá 2015 segir blaðið.

Aðvörun Ruud Koopmans

Ruud skrifar í pistli sínum að á árunum 2017-2020 voru 3000 konur fórnarlömb nauðgana sem ýmist einn eða fleiri innflytjendur voru þátttakendur í. Flest fórnarlömbin þýskir ríkisborgarar.

Frá 2015 eru um 70% af hælisleitendunum karlmenn. Oft ungir menn. Ungir menn með innflytjendabakgrunn skora hátt í tölfræðinni um kynferðisofbeldi.

Í greininni á NZZ segir Ruud Koopmans að mannlegur fórnarkostnaður er mikll undir banvænni hælisleitendastefnu Evrópu. Hann segir brýna þörf sé á umbótum í málefnum hælisleitenda. Núverandi stefna orsakar mörg dauðsföll á Miðjaðarhafinu og í Sahara. Að auki er óheftur straumur innflytjenda hættulegur fyrir Evrópubúa segir hann.  

Lögreglan: Það á að vísa þeim úr landi

Talsmaður stéttarfélags lögreglumanna segir að vísa eigi innflytjendum sem gerast sekir um kynferðisafbrot úr landi, þó það orsaki vanda fyrir þá í heimalandinu.

,,Þeir sem fremja kynferðisglæpi eiga ekki að fá leyfi til að vera í Þýskalandi segir Manuel Ostermann til NZZ og heldur áfram ,,Við upplifum frelsisskerðingu í Þýskalandi, sérstaklega konur“

Christoph de Vries, Evrópuþingmaður, fyrir borgarlega flokkinn CDU, telur að takmarka eigi straum innflytjenda frá arabísku löndunum. ,,Það er augljóst að hættan á nauðgun og öðrum kynferðisafbrotum í Þýskalandi eykst með innflytjendum frá arabísku löndunum,“ segir hann. Þar að auki á að vísa afbrotamönnum úr landi- m.a. til Sýrlands og Afganistan þar sem margir þeirra koma frá. Verndun kvenna á að forgangsraða hærra en verndun kynferðislegra rándýra og annarra glæpamanna,“ segir þingmaðurinn.

Stór hluti Þjóðverja eru mjög ósáttir með stjórnmálamennina sem vilja ekki stoppa straum innflytjenda. Það kemur helst niður á Jafnaðarmannflokknum, SPD, sem er leiðandi í ríkisstjórn. Þetta sýna nýjar mælingar frá Sachen.

Þetta er stórt sveitarfélag með rúmlega 3 milljónir íbúa en landamæri þess liggur að Póllandi. Í könnuninni fær SPD 3% og er samkvæmt spánni horfin út af þingi Sachen. Í kosningunum 7. september fengu þeir 7% 

CDU hefur hert innflytjendastefnuna eftir að Merkel hvarf af braut. Þeir hafa völdin í Sachen með um 30%. Flokkurinn, AFD, sem gagnrýnir innflytjendastefnuna fær 37%. Það er óvenjulegt en endurspeglar vilja þjóðarinnar. Minnstu munar að uppreisn sé í aðsigi vegna frétta um kynferðisofbeldi á 7000 konum.

Heimild.

Hugsið ykkur að við þurfum að ræða þetta, karlmenn í kvennaíþróttum

Það er minnisstætt að hugsa til afstöðu margra kennara til trans-kvenna sem vilja m.a. yfirtaka íþróttir kvenna. Kom berlega í ljós á liðnu ári. Þessir kennarar hafa sett sig upp á móti skoðunum þeirra sem eru á móti trans-konum í kvennaíþróttum. Formaður BKNE sagði í viðtali að kosið væri um skoðanir, svo ekki er hægt að túlka vilja kennara á félagssvæði BKNE öðruvísi en þeir séu hlynntir að líffræðilegir karlmenn keppi í kvennaíþróttum. Skýrari verður afstaða kennara ekki. Kennarar af öllum stéttum, formenn innan KÍ og Félags grunnskólakennara eru þar á meðal, enda hafa þeir talað gegn skoðunum bloggara um málaflokkinn. Í mínum augum fylgir þessi afstaða kennara, að vilja karlmenn í kvennaíþróttir, mikil fyrirlitning í garð stúlkna og kvenna af augljósum ástæðum. Hvað þá inn á einkasvæði kvenna.

Líffræðilegur karl vill boxa við konur

Í boxi af öllum íþróttagreinum er augljóst að líffræðilegur karlmaður hefur yfirburði yfir konu. Trans-konan Mya Walmsley vill gjarnan boxa við konur þó hann sé karlmaður og finnst leiðinlegt að hann sé pólitískt bitbein. Hann krefst þess að keppa við konur þó hann sé karlmaður og neitar að láta mæla magn testósterón því hann telur slíkt próf handahófskennt og niðurlægjandi, en OL nefndin hefur komið slíkum mælingum á.

Mya telur að treysta eigi þjálfurum og boxurum til að ákveða hvort kynið þeir eru þegar þeir vilja keppa. Á ekki að spyrja spurninga.

Þannig að Mya berst fyrir að allir menn megi keppa við konur ef þeir óska þess, en kærir sig ekki um að fylgja reglum. Hann gagnrýnir kvenboxara sem hafa dregið sig út úr keppni. Mya telur að þetta geta leitt til útilokunar íþróttamanna, vanhæfni í kvennaflokki og réttlæt handahófskenndar reglur. Mya nemur heimspeki!

Leita þarf víða eftir slíkri gaslýsingu og kjaftæði. Auðvitað eiga að vera reglur um hver má taka þátt í boxhringnum þegar konur keppa og auðvitað á að banna karlmenn frá kvennakeppnum því annar verða kvennaíþróttir ekki lengur til, bara opinn flokkur.

Karlaflokkar eru öllum opnir eftir því sem best er vitað, ekkert vandamál, en það er ekki að ástæðulausu að kvennaíþróttir eru bara fyrir konur.

Karlmaður verður ekki kona af því hann upplifir það og skilgreinir sig sem konu. Maður fæðist kona, kynið er ekki eitthvað sem er fengið úr sjálfsala eða sem sem hægt er að ákveða þó á einum stað sé hægt að breyta um félagslega kyn eða kynvitund. Líffræðinni verður ekki breytt. 

Í íþróttum er það líffræðilega kynið sem er mikilvægt og um það eigum við að standa vörð, stúlkna og kvenna vegna.

Hér má lesa um málið.

Bubbi hefur mikinn áhuga á boxi, skyldi honum finnast í lagi að líffræðilegur karlmaður keppi á móti konu? Hvað með þig?

Árás Kennarasambands Íslands og kennara minnisstæðast

Margs er að minnast á árinu 2023 sem kvaddi okkur fyrir stuttu. Sumt gott gerist á hverju ári og annað miður gott. Eitt er minnisstæðara en annað.

Á árinu uppgötvaði ég hvernig trans-aðgerðasinnar leggja líf margra unglinga í rúst. Unglingarnir eru hvattir til alls konar breytinga á líkama sínum til að falla inn í box trans-aðgerðasinna. Börnin fá ekki að vera eins og þau eru. Þau eru víða um heim skemmd til framtíðar, bæði andlega og líkamlega undir því yfirskyn að þau fæddust ekki í réttu kyni. Svona meðferð á börnum, í því mæli sem þekkist í dag, er ekki hægt að sætta sig við. Hef skrifað fjölmarga pistla um málið, mikinn fróðleik fenginn frá útlöndum. Sérfræðingar víða um heim hafa á liðnu ári séð skemmdarverkin á unglingunum og þegja ekki lengur. Guðs sé lof fyrir það!

Kennarasamband Íslands, með Magnús Þór Jónsson formann í fararbroddi ákvað að ráðast á skoðanir bloggara sem fagmann í kennslu. Hann gerði það opinberlega í nafni sambands sem bloggara er félagsmaður í. Skylduaðild. Magnús Þór hefur sett annan blæ á Kennarasambandið sem á að vera samband allra skoðana. Minnisstæður atburður sem hefur sett formann KÍ niður.

Sama má segja um formann Félags grunnskólakennara, Mjöll Matthíasdóttur. Hún lagði sitt á vogarskálarnar til að nota Félag grunnskólakennara til að ryðja brautina fyrir hjarðhegðun kennara á Norðurlandi eystra, vegna skoðana félagsmanns. Fyrir milligöngu hennar var álit lögmanns pantað, ekki ósvipað og sagt er frá í þessu bloggi, til að verja ólöglegan eða vafasaman gjörning. Mjöll Matthíasdóttir formaður Fg hefur notað stéttarfélag til að ráðast að félagsmanni fyrir skoðanir.

Kristján Hreinsson skáld skrifaði ,, Skoðanir fólks trufla mig ekki ögn. Það er samfélagsmeinið sem ég á erfitt að sætta mig við. Hjarðhegðun sem brýst út í því að sumt fólk tekur sér það bessaleyfi að væna annað fólk um hatursorðræðu og fordóma, jafnvel þegar umræður snúast um skoðanir. Hjarðhegðunin snýst um að fólk heldur því fram að ein skoðun sé réttari en allar aðrar skoðanir. Eins er það til í dæminu að haldið sé fram rökleysu og hreinni lygi í nafni hjarðhegðunar. Þetta mein er samfélaginu til háborinnar skammar.“  Taka má undir hvert orð sem hann segir og heimfæra á formennina tvo.

Formenn Kennarasambandsins og Félag grunnskólakennara misnotuðu félögin til að þóknast hjarðhegðun.

Danskir kennarar, reyndar norskir líka, sem hafa skrifað um trans-málaflokkinn eiga vart til orð af misnotkun félaganna og árásar á félagsmann. Þeir þekkja þetta ekki og segja má að dönsk kennarasamtök þekki sín takmörk. Í dönsku kennarasamtökunum rúmast allar skoðanir. Því er ekki að heilsa í íslensku kennarasamtökunum.

Virðing fyrir samtökunum er horfin og þeim einstaklingum sem fyrir þeim fara. Formennirnir hafa ákveðið hvaða skoðun sé rétt og hvaða skoðun er röng, án rökstuðnings. Formennirnir nota svo félögin til fordæma ,,ranga skoðun“  til að styrkja eigin málstað. Gert í nafni valds.

Holl lesning fyrir formenn KÍ, Fg og kennara sem fylgja hjarðhegðun.

Ólöglegir innflytjendur streyma til Evrópu

Vandræðaástand skapaðist í Evrópu eftir að Angela Merkel opnaði landamæri Þýskalands fyrir innflytjendum. Margir eru óskráðir. Oftast eru þetta ungir menn sem hafa heilsu og getu til að leggja á sig langt ferðalag. Þeim er ekki auðveldlega vísað á bug. 

Í Den korte avis má lesa að utanríkisráðherrann Kaare Dybvad Bek (S) segir strauminn óhóflegan og tala megi um kreppu í málaflokknum.

Það komu um 355 þúsund ólöglegir innflytjendur í ár segir á vef Útlendingastofnunarinnar.

Það er rúmlega helmingi fleiri en á síðasta ári en þá voru 175 þúsund skráðir innflytjendur í Evrópu. Tölurnar hafa ekki verið svo háar frá því að hin hörmulega stefna Angela Merkels um opnun landamæranna var við líði 2015-2016.

Rúmlega 2.600 hafa farist eða horfið á ferð sinni um Miðjaðarhafið í ár samkvæmt UNHCR. Hærri tala hefur ekki sést undanfarin fimm ár.

Fram í september hafa rúmlega 800 þúsund hælisleitendur sótt um hæli í Evrópu segir í frétt frá Eurostat.

Orðrétt segir Kaare Dybvand Bek (S) ráðherra útlendingamála: ,,Við erum í miðri innflytjendakreppu. Þrátt fyrir að við höfum ekki endanlega tölu fyrir 2023 þá eru tölurnar mjög háar samanborið við árin áður og við þurfum aftur til 2016 til að finna álíka straum af fólki.“ 

Þessi fjöldi kemur ofan á áratug þar sem landamæri Evrópu hafa staðið galopin fyrir fólki frá Mið-Austurlöndum og Afríku.

Það fór allt í vitleysu 2015. Evrópu var drekkt af milljón ólöglegum innflytjendum, hælisleitendum og kerfið hrundi. Margir voru ekki skráðir. Það hefur sýnt sig að nær ómögulegt er að senda þá aftur til heimalandsins.

Afleiðingarnar eru vaxandi glæpir, hliðstæð samfélög öfgafullra múslíma og velferðarkerfi sem er við það að hrynja. Stjórnmálaflokkar sem vinna gegn þessum straumi fólks sigra kosningar í mörgum löndum. Þetta er svo yfirþyrmandi að stjórnmálamenn rétttrúnaðarins innan Evrópusambandsins hræðast það.

Á fundi þann 20. desember urðu Evrópusambandsþjóðirnar sammála um stefnu í innflytjenda- og hælisleitendamálum. Lagt er til aðhalds í málaflokknum. En þegar vandinn birtist virðist stefnan hrynja. Það má með sanni segja að hér sé um nýjan harmleik að ræða fyrir Evrópu.

Stofna lokaðar búðir

Ein leiðin til að bregðast við er að opna lokaðar búðir við ytri landamæri Evrópusambandsins. Ef rétt er skilið má skerða frelsi hælisleitenda.

Í búðunum á umsókn um hæli að fara í flýtimeðferð á sjö dögum. Þeir sem fá neitun eru sendir heim um leið. Ítalski forsætisráðherrann Georgia Meloni fagnar þessu.

En það eru mörgum spurningum ósvarað: 

Þýða lokaðar búðir að Evrópusambandið geti nú haldið hælisleitendum án aðkomu dómstóla?

Hvað vill Evrópusambandið gera ef búðirnar verða ,,lokaðar“ af Mannréttindadómstólnum?

Hvað vill Evrópusambandið geta þegar það sýnir sig að hröð meðferð umsókna fer út um þúfur?

Hvernig vill Evrópusambandið senda hælisleitendur heim sem hafa fengið neitun, þeir hent pappírum sínum og heimalandið neitar að taka við þeim?

Í samkomulaginu stendur að skoða eigi hvort hægt sé að setja á stofn sameiginlegar búðir í þriðja landinu.

Stefna Bretlands um stofnun búða í Rúganda var stoppuð af dómstólum og Danmörk setti sína stefnu á ís í kjölfarið. Meloni reynir að opna búðir í Albaníu. Hún hefur ekki fylgi með þeirri stefnu.

Vöktun á ytri landamærum Evrópusambandsins

Í samkomulaginu segir að styrkja eigi vörslu við ytri landamæri Evrópusambandsins.

En hvað þýðir það?

Grikkland hefur vaktað landamærin en hafa verið hraðlega gagnrýndir fyrir að senda fólk til baka. Aukin gæsla á Miðjaðarhafinu hefur í reynd aukið straum flóttamanna því fleirum er bjargað af litlum sökkvandi bátum.

Danmörk stendur fyrir utan

Vegna úrsagnar Dana standa þeir utan við samkomulagið. Þannig á það að vera áfram. Fram að þessu hefur það gagnast landinu. Danmörk hefur ekki fundið fyrir þessari gríðarlegu aukningu hælisleitenda eins og Evrópa.

Óttast má að Evrópusambandið þori ekki að láta slag standa um eigin stefnu sem kveður á um að herða hælisleitendastrauminn.

Það sem við upplifum nú, hælisleitendur frá Mið-Austurlöndum og Afríku, er bara forsmekkur af þeirri martröð sem bíður. 

Heimild.

 

 

 

Lélegur lesskilningur, líka meðal kennara

Að þessu sinni fær Kristján Hreinsson skáld orðið. Margt sem hann segir á við um bloggara. Kennarar hafa verið duglegir að opinbera lélegan lesskilning þegar þeir tjá sig um greinar og pistla sem ég hef skrifað. kannski ekki undra að PISA komi út eins og hún gerir hjá nemendum. Sé kennari ekki betri í lesskilningi en raun ber vitni hjá mörgum kennurum er ekki von á góðu frá nemendum.

HIN ÍSLENSKA AFSÖKUN

Á árinu sem er að líða mátti ég þola meiri fúkyrðaflaum en nokkru sinni áður. Ég lærði að meta gildi sannrar vináttu og einlægrar virðingar frá fólki sem virkilega vill skilja það sem ég hef fram að færa. Samtímis varð ég fyrir margs konar aðkasti vegna skrifa minna, yfirleitt vegna þess að orð mín voru rangtúlkuð. Ég var meira að segja rekinn úr vinnu vegna þess að fulltrúar vókismans misskildu orð mín. Svo var ég endurráðinn eftir þegar skynsemin var virkjuð.

 

Ég hef aldrei hatað neinn en ég ögra fólki með orðum mínum og ég hef skoðanir sem eru yfirleitt allar fjöldanum til hagsbóta. Ég hef hvergi verið fordómafullur og hvergi ráðist að samtökum eða einstaklingum. Ég er sanngjarn og vil öllu fólki vel.

 

Margt fólk hefur kosið að misskilja mig og hefur ákveðið að ég sé vondur maður.

 

Misskilningur þessa fólks hefur ekki kostað mig neitt, nema það að svokölluðum vinum hefur verið ýtt út af vinalistanum. Að vísu sárnaði mér mörg að sjá óvægin ummæli. Opinberlaga var ég sagður úrhrak og sagður tilheyra dreggjum samfélagsins, ég var sagður lélegt skáld, lélegur rithöfundur og fordómafullt karlrembusvín. Hið merkilega er að öll þessi ummæli eru reist á misskilningi þeirra sem létu dómana falla. Fulltrúar rétthugsunar og vókisma telja sig vera eina fólkið sem má beita fordómum. Erfiðast og sárast þótti mér að sjá börn svokallaðra vina minna ata mig auri með orðahröngli, eftir að þetta unga fólk ákvað að misskilja orð mín. Eins tók mig sárt þegar fólk sem tengist mér heimtaði að ég eyddi myndum af síðu minni, vegna þess að þetta fólk þorir ekki að tengjast manni eins og mér.

 

Þessi fúkyrðaflaumur orsakaði það að 1% af svokölluðum vinum mínum hér á síðunni fengu að hverfa af vinalistanum. U.þ.b. 50 manns fengu að hverfa af listanum og síðan hafa aðrir komið í þeirra stað. Þeir sem ég hef ýtt frá hafa einnig fengið útilokun. Af því sem næst 100 einstaklingum sem sýndu mér ósvífni eða óvandaða framkomu á árinu sem er að líða hefur einungis einn, Egill Helgason, séð ástæðu til að biðjast afsökunar. Auðvitað var fyrirgefningin sjálfsögð. Hinum mun ég einnig fyrirgefa um leið og beiðnir berast.

Fólk tekur sér leyfi, það ákveður að leggja vissa merkingu í orð og síðan er eigandi orðanna dæmdur – á röngum forsendum. Þetta er hið yndislega andlit vókismans, þetta er hinn yndislegi pólitíski rétttrúnaður, þetta er hin íslenska afsökun.

Það er óheiðarlegt og afar siðlaust að þrýsta á foreldra að samþykkja umskipti barna með því að ýkja sjálfsvígshættu

Finnski prófessorinn Riittakerttu Kaltiala bendir á að þær rannsóknir sem heilbrigðisstarfsmenn horfðu til sem dásömuðu ,,kynskipti” barna sem líður illa í eigin skinni voru ekki eins góðar og áreiðanlegar og menn héldu. Þvert á móti, aðgerðirnar höfðu slæm áhrif á unglingana. Hún var sjálf í þeim hópi sem framkvæmdi aðgerðir á börnum en hefur nú skipt um skoðun eftir rannsókn sem hún ásamt fleirum gerðu 2015.

Nokkur lönd hafa tekið í handbremsuna þegar kemur að ,,kynskiptum” bara og unglinga. Skortur er á sönnunum fyrir því að heilsa barna og ungmenna batni almennt með kynskiptismeðferð. Því miður er það ekki svo í Bandaríkjunum, þar ríkir iðnaður í málaflokknum. Henni hefur verið meinað að taka þátt í ráðstefnum tali hún gegn ,,kynskiptum” barna og unglinga.

Vísindin verða ekki þögul. Læknar sem neita að taka tillit til sönnunargagna sem gagnrýnendur leggja fram setja öryggi sjúklinga í hættu segir hún.

Hún er einnig í uppnámi að læknar og stofnanir vara reglulega bandaríska foreldra við að barn þeirra sé í sjálfsvígshættu standi þau í vegi fyrir ,,kynskiptum.” Sama söngur kyrjaður hér á landi af transaðgerðasinnum.  

"Dauði hvers einasta ungmennis er harmleikur, en nákvæmar rannsóknir sýna að sjálfsvíg eru mjög sjaldgæf. Það er óheiðarlegt og afar siðlaust að kúga foreldrar til að samþykkja kynjameðferð með því að ýkja áhættuna á sjálfsmorði," skrifar hún í The Free Press.

Læknar sem segjast hafa lækningu við öllum sársauka lífsins ætti að vera viðvörun til okkar allra.

Kaltiala sér sértrúarsöfnuð þar sem heilbrigðisstofnanir byrja skyndilega trúa því að flókin vandamál ungs fólks hafi alltaf eina og sömu lausnina: ,,kynskiptiaðgerð.”

Faraldur hefur ríkt í þessum málum. Á samfélagsmiðlum virðist það hafa verið knúið áfram að trans-aðgerðasinnum og hópþrýstingi að eðlilegur kynþroski og óöryggi með líkama sinn sé eitthvað óeðlilegt. Fái barn að fara í gegnum kynþroskann jafnar unglingurinn sig.

Heimild

Hugrökk stelpa og heimurinn þarf á fleirum svona að halda

Það er áhugavert að fylgjast með þessari stúlku. Hún sagði í ræðu sem hún hélt í september, ,,ef við stöndum ekki upp fyrir okkur sjálfar gerir það enginn.“ Það var meinið, það stóð enginn upp fyrir stúlkurnar. Það er aldrei eðlilegt að karlmaður geti unnið kvennakeppni. Riley undrast eins og margir aðrir hvernig má vera að karlmanni sem dettur í hug að skilgreina sig sem konu sé hleypt inn í kvennaíþróttir. Enginn hafði heyrt um hann tveimur árum áður en hann mætti í kvennakeppnina, skiljanlega, hann keppti í karlaflokki. Þegar hún vissi upprunalega nafn hans skýrðist málið. Hann er karl, ekki kona.

Hér segir Riley frá þingnefndarfundi þar sem þingmaður kallar hana ljótum nöfnum. Þegar hún svarar fyrir sig vill þingmaðurinn láta fjarlægja ummælin. Reglurnar eru fyrir ykkur, ekki okkur er boðskapur þeirra sem líkar illa að heyra sannleikann um kynin. Sem betur fer voru ummæli hennar ekki þurrkuð út, þau standa, enda sönn.

Konur þurfa fleiri svona baráttumenn, ekki bara í íþróttum heldur víðar. Konur þurfa að standa upp fyrir réttindum kvenna og stúlkna. Konur þurfa að mótmæla ágangi karla sem vilja skilgreina sig konu í annarlegum tilgangi, því þeir eru til eins og dæmin sýna. Konur þurfa svona konu eins og Raily á þing til að berjast fyrir réttindum kvenna.

 

Að fagna jólum

Langflestir fagna jólunum á einhvern hátt. Sumir sækja kirkju aðrir láta vera. Flestir gera betur við sig í mat og drykk. Því miður hefur einhver farið offari í notkun korta sinna og peninga fyrir jólin- höfuðverkurinn kemur við greiðsludaga.

Það er mikilvægt að muna að eyða ekki um efni fram um jólin frekar en aðra daga. Jólahátíðin kemur, alveg sama hvað. Peningar og eyðsla þeirra er ekki mælikvarði um gæði jólanna.

Svo er það heilsan. Því miður er góð heilsa ekki sjálfsagt mál og því nauðsynlegt að menn hugi að henni. Eins og hendi sé veifað getur hún versnað til muna eða menn misst hana.

Hógværð er gott orð inn í jólahátíðina.

Óska lesendum mínum gleðilegra jóla.

Kæra á lögreglumenn sem láku upplýsingum um barnsránið, ef satt reynist

Það er ótrúleg lesning að lesa um lekann innan lögreglunnar í tengslum við barnsrás Eddu. Í þessu tilfelli á lögreglan í glímu við barnaræningja sem gerir allt til að hindra að börnin komist til forsjáraðila. Nútíminn segir ,, Samkvæmt heimildum Nútímans innan úr lögreglunni var mál drengjanna þriggja búið að skipta upp embættinu í tvö lið – þar voru starfsmenn sem láku upplýsingum til vina og vandamanna Eddu Bjarkar og höfðu mikla samúð með málstað hennar en svo hópur starfsmanna sem hélt leitinni linnulaust áfram en með mikilli leynd frá miðjum desember þar sem grunur um leka hafði ítrekað komið upp. Síðarnefndi hópurinn fann svo drengina í gær.”

Öllum er ljóst að svona vinnusiðferðin lögreglu kallar á rannsókn. Hver lak? Láta viðkomandi lögreglumenn sæta ábyrgð. Ef þeir sem rannsaka sakarmál hafa ekki metnað til þess heldur láta eigin skoðanir og tilfinningar ráða för er viðkomandi ekki hæfur í starfi. Trúverðugleiki lögreglunnar og traust er í húfi. Þessir lögreglumenn hafa brugðist.

Lögfræðingnum á að refsa að sjálfsögðu. Leggst á sveif með skjólstæðingi síum að fela börnin frá forsjáraðila þeirra.

Landsamband tálmunarmæðra (Líf án ofbeldis) hefur sitt hvað að segja um málið og auðvitað byggist það á kyni Eddu, engu öðru. Konum á að trúa segja landssamtök tálmunarmæðra alveg sama hvað þær segja eða gera. Margir vita hvað slíkt hefur í för með sér og hefur haft.

Vel  þekktur sálfræðingur, Ágústa Gunnarsdóttir, meðal forsjárlausra feðra er líka þátttakandi í málinu. Sálfræðingurinn er þekktur fyrir hlutdrægni sína í sálfræðimati. Konur eiga hug hennar allan, börnin skipta minna máli. Vonandi verður hún kærð fyrir embættisglöp í starfi og þátttöku í barnsráni.

Réttarskjölin frá Noregi voru þýdd til að auðvelda öllum að sjá hve staða málsins er.

Hvað Eddu sjálfa varðar á hún skilið langa vist á bak við múrana. Best væri að hafa hana í Noregi svo börnin geti heimsótt hana og viðhaldið tengslum. Edda hefur skaddað líf og sál barna sinna. Hún lagði á þau mikila óvissu. Það er engu barni eðlislægt að vera á flótta frá foreldri sínu að undirlagi hins.

Íslendingar geta og verða að láta sverfa til stáls í þessu máli. Láta alla sem komu að barnsráninu finna að svona verði ekki liðið, skiptir þá engu hvort faðir eða móðir á í hlut. Þegar forsjá er falin öðru foreldrinu er engin lausn að ræna barni eða börnum. Það er glæpur!