Formaður Félags grunnskólakennara vill verkfall í haust

ef marka má skrif hans til félagsmanna á dögunum. Grunnskólakennarar eru með lausan kjarasamning. Ekkert gerist fyrr en í haust. Mjöll Matthíasdóttir kallaði eftir hjálp kennara á haustdögum í pistli sínum. Getur varla þýtt annað en verkfallsboðun. Fram að þessu hefur Mjöll fetað í fótspor annarra formanna og heldur spilum kjarasamninganna þétt að sér. Kennarar eru ekki vel upplýstir um gang mála.

Bjarni Ben. þáverandi fjármálaráðherra notaði pennastrik til að skerða lífeyristréttindi opinberra starfsmanna. Hét jöfnun milli markaða. Bæturnar áttu að koma á 10 árum og nú eru þau brátt liðin.

Eina kjarabót grunnskólakennara í þessum samningi verður þessi skerðing. Í mínum huga verða kennarar af kjarabót í einum samningum ef það er raunin. Eins og fyrr segir, það heyrist ekkert frá Mjöll Matthíasdóttur formanni sem er þvert á það sem hún boðaði í eigin kosningabaráttu.

Einn vandinn við gerð kjarasamningsins, bætingu, er að grunnskólakennarar þurfa að finna viðmiðunarstétt á almenna markaðnum. Það er þrautin þyngri. Höfum vitað það lengi. Bloggari hefur margspurt forystuna hvaða viðmiðunarstétt grunnskólakennarar beri sig saman við. Enn…takið eftir, enn liggur ekki fyrir í höfuðstöðvum KÍ hver viðmiðunarstéttin er, því þangað hef ég beint fyrirspurnum mínum í nokkur ár. Ágreiningur er  á milli samningsaðila um þetta.

Taka þarf tillit til margra þátta þegar viðmiðunarstéttin er fundin, svipuð ábyrgð og starfssvið.

Kíkjum á starf gunnskólakennara, hvað hann gerir ekki:

• Ber ekki ábyrgð á peningum
• Ber ekki ábyrgð á starfsfólki
• Hefur ekki mannaforráð
• Ber ekki ábyrgð á árangri nemenda
• Ber ekki ábyrgð á húsnæði eða munum
• Ber ekki ábyrgð á gerð námsefnis
• Engar árangurstengdar mælingar á vinnu kennara
• Bannað að segja upp þrátt fyrir lélegan árangur
• Heldur stöðu sinni þar til hann brýtur af sér í starfi (þá áminning, ef brotið er ekki alvarlegt)
• Ber ekki ábyrgð á mætingu nemenda

Það sem grunnskólakennarinn gerir:

• Hefur umsjón með börnum, venjulega einum bekk
• Stuðlar að vellíðan nemenda, eins og sjúkraliði gerir gagnvart skjólstæðingum sínum
• Sinnir samskiptum milli heimilis og skóla, oft sem vikulegur tölvupóstur
• Tekur á vægum ágreiningsefnum milli nemenda
• Vísar flóknum málum, s.s. eineltismálum, skemmdum á eigum skólans til teymis eða stjórnenda
• Vísar erfiðum samskiptum við foreldra til stjórnenda
• Skipuleggur nemenda og foreldraviðtöl
• Sér um að búa nemendur undir árshátíð og aðrar uppákomur í skólanum
• Situr fundi sem stjórnendur boða, s.s. kennarafundi, stigsfundi, starfsmannafundi, skilafundi með sérfræðingum og foreldrum
• Situr teymisfundi og með sérkennurum ef á þarf að halda
• Fyllir út lista fyrir sérfræðinga sem sjá um greiningar á börnum
• Heldur stofunni sinni í skikkanlegu horfi
• Kennir margar greinar, s.s. íslensku, stærðfræði, náttúrufræði.
• Kennir hugmyndafræði, s.s. loftslagsmál, trans hugmyndafræði, ranga íslensku (sumir eru komnir þangað), markmið Sameinuðu þjóðanna, hugmyndir UNESCO svo fátt eitt sé nefnt.
• Sérgreinakennarar kenna oftast eina grein án umsjónar með nemendum, s.s. íþróttir og smíðar
• Leggur fyrir kannanir, próf og sér um símat
• Gengur frá vitnisburði í Mentor skráningarkerfið
• Skipuleggur ferðir fyrir nemendur t.d. á vordögum
• Undirbýr þemadaga og tekur þátt í þeim
• Undirbýr skólabyrjun og gengur frá námsgögnum í lok skólaárs

Listinn er ekki tæmandi. Hversu þungt hver einstaka þáttur vegur þegar meta á laun skal ósagt látið. Eitt er víst það verður forvitnilegt að sjá niðurstöðuna. Ekki síður verður forvitnilegt að sjá hvort Mjöll Matthíasdóttir formaður Félags grunnskólakennara leggi boðun verkfalls í hendur kennara þegar þeir mæta til starfa. Skyldi það vera hjálpin sem hún kallar eftir.

Talandi um skóla, kennara og ábyrgð, hvet fólk til að hlusta á viðtalið við Jón Pétur Zímsen hér.

Grunnskólakennari skrifaði tilfinningaríkan pistil

Það var áhugavert að lesa pistil kennara um grein sem birtist í Morgunblaðinu fyrir rúmu ári. Þar veltir greinarhöfundur upp námsefni trans Samtakanna 78 og hvort það eigi erindi inn í grunnskólann. Tilfinningar kennarans fóru á fullt. Að mati bloggara lét hann skynsemi ekki ráða för heldur tilfinningar.

Hefði skynsemin ráðið för myndi kennarinn brjóta greinina niður og svara efnislega. Hann hefði tekið hverja efnisgrein fyrir sig og rökstutt af hverju fræðsluefnið eigi fullt erindi til barna niður í leikskóla. Hann hefði átt að benda á hvað það gerir börnum gott, og af hverju, að heyra um trans- málaflokkinn. Hann hefði getað rökstutt af hverju fámennur hópur fólks eigi að hafa svona mikil áhrif í grunnskólann. Kennarinn hefði getað rakið inntak greinarinnar, eða ekki!

Kennarinn ætti í rökstuðningi sínum, að mati bloggara, að benda á hvernig börn skipta um kyn. Hvernig hægt er að verja að börn séu ekki nógu góð eins og þau eru heldur þurfi að ,,skipta um kyn" (sem er að sjálfsögðu ekki hægt) og félagslegt kyn. Kennarinn gæti bent hvernig það brjóti ekki í bága við lög eða sáttmála þegar því er haldið fram að börn séu í meiri sjálfsvígshættu ef þau breyta ekki félagslegu kyni sínu eða fá læknisfræðilega aðstoð við að eyðileggja líkama sinn og gera sig ófrjó af hormóna blokkurum. Kannski gæti kennarinn líka bent á rannsóknir máli sínu til stuðnings. Cass skýrslan er tilvalin til að auka þekkingu sína á málaflokknum. Hvet stjórnendur skóla og allt skólafólk til að kynna sér innihald skýrslunnar, hér. Barna- og unglingageðlæknir fer vel yfir málið hér, en umræddum kennara finnst ábyggilega læknirinn fordómafullur og spjallið fullt af fordómum.

Greining texta er lykilatriði í hvernig maður les texta. Menn eru misgóðir í því eins og hefur komið á daginn. Kennarinn sakar greinarhöfund um fordóma án þess að benda hvar í textanum þeir koma fyrir. Efast ekki, þetta er hans tilfinning og hugsun. Ekki staðreynd. Með þessum orðum var ýtt undir heitingar sem m.a. þessi kennari tók þátt í.

Það væri áhugavert að heyra skoðanir kennarans á afleiðingum trans málaflokksins á konur, hlustið.

Góður kostur í fari kennara, að mati bloggara, er að geta skoðað mál frá ólíkum hliðum, líka þau umdeildu, rétt eins og rithöfundur gerir, hlustið hér. Kennararnir misstu sjónar á aðalatriðunum í tilfinningalegum rússíbana að mati bloggara. Þau eltu manninn ekki málefnið.

Þetta er pistill grunnskólakennarans á eigin snjáldursíðu.

                                       

Breskir hjúkrunarfræðingar kvörtuðu undan trans-konu í búningsklefa þeirra

Bylgjan ,,Metoo“ er ekki yfirstaðin. Fyrir stuttu létu danskar konur í tónlistarbransanum í sér heyra. Mikið gekk á þegar bylgjan náði hæstu hæðum víða um heim. Bylgjan átti að vekja athygli heimsins á rétti kvenna til eigin líkama og einkarýma. Líkaminn væri þeirra og ekki ætlaður karlmönnum sem tækju sér valdið.

Nú er öldin önnur. Líka meðal ,,metoo“ kvenna sem allt í einu hafa vent sínu kvæði í kross. Nú skiptir konulíkami ekki miklu máli, einkarýmin eða kvennaorð.

Trans-æðið tekur á sig nýjar myndir. Breskur hjúkrunarfræðingur sem segist vera kona, með kynfæri karlmanns, afklæðist með kvenhjúkrunarfræðingum, þær eru ósáttar.

Hópur kvenna kvörtuðu til yfirdeildar spítalans en fengu þau svör að þær þyrftu að ,,mennta sig“ og víkka hugann.

Að heilbrigðisstarfsmönnum sé sagt að hundsa líffræðilega staðreynd, að kona sé kona og karlmaður sé karlmaður er í meira lagi undarlegt.

Bethany Hutchison, 34 ára, skurðhjúkrunarfræðingur, sagði m.a.: ,,Ég held að konur þurfi að hætta að óttast þetta og nota rödd sína. Við höfum barist svo lengi fyrir réttindum kvenna en það hefur orðið bakslag og ég er ekki tilbúin að viðurkenna það."

Konur verða að hafa leyfi til að tala fyrir kynbundnum réttindum, rými og þjónustu án þess að vera hótað, lagðar í einelti eða hótað til að fylgja hugmyndafræði sem hafnar raunveruleikanum og hafnar gagnreyndum vísindum.

Lesa má um málið hér.

Hlustið á hjúkrunarfræðinga hér.

Bloggari fagnar því að konur sjái í raun hvað sé í gangi. Vonandi er þetta bara byrjunin á vakningu kvenna í heiminum á gjörð þingmanna að samþykkja lög um kynrænt sjálfræði. Bloggari notar orð transhreyfinga, BAKSLAG hefur orðið í kvennabaráttunni með tilkomu laganna.

Sundkonur í Bandaríkjunum sýndu að þær standa saman gegn trans konum-með kynfæri karlmanns- í sundi. Breskir hjúkrunarfræðingar gera það vonandi líka, burt með trans-konu úr búningsklefa kvenna. Lesið hér um sundkonuna sem sannaði máltækið, oft lítil þúfa veltir þungu hlassi.

Lög um kynrænt sjálfræði ber að afnema

Trans hugmyndafræðin um kynrænt sjálfræði var sett í lög. Þessi lög ber að afnema. Þetta er lögfræðilegur skáldskapur segir Lotte Ingerslev. Lygi er færð í lög.

Við heyrum endalaust sagt ,,en þessi lög skipta engu máli“ og ,,að vandamálin verði leyst þegar þau koma upp“ á sundstöðum og í fangelsunum svo eitthvað sé nefnt.

En að við höfum viðtekið lög í Danmörku (og á Íslandi) sem senda sterk skilaboð. Við getum átt á hættu að dæmdir karlmenn segjast vera konur og þess vegna eigi þeir að afplána í kvennafangelsi, svo dæmi sé tekið. Karlinn getur kært synjun danskra dómstóla um ósk sína og alþjóðlegra stofnana sem telja að leysa eigi vandamálið í ,,vinsemd“ og ,,á einstaklingsgrundvelli.“

Áfrýjunarnefndir munu geta byggt úrskurði sína á því að við höfum innleitt ,,kynrænt sjálfræði" í Danmörku. Hér má lesa um málið í Berlingske.

Á Íslandi voru þessi ólög samþykkt. Við höfum enn ekki lent í að karlmaður segist vera kona og vill afplána í kvennafangelsi. Spurningin er hvenær ekki hvort. Á grundvelli laga um kynrænt sjálfræði, sem er að setja lygi í lög, hafa karlmenn aðgang að einkarýmum kvenna.

Alþingismenn hafa gengið svo langt að útrýma orðum sem eiga við um konur til að þóknast þessum fáum sem falla utan hefðbundinnar kynskráningar. Fæðandi einstaklingur er sagt um fæðandi konu, leghafi, átt við um konu, manneskja með barn á brjósti um móður með barn á brjósti o.s.frv. Lesið hér.

Hvað er kona?

,,Þó hlutirnir séu öðruvísi þýðir það ekki að eitthvað hafi breyst“- Irena Peter

Lög um kynrænt sjálfræði ber að afnema

Trans hugmyndafræðin um kynrænt sjálfræði var sett í lög. Þessi lög ber að afnema. Þetta er lögfræðilegur skáldskapur segir Lotte Ingerslev. Lygi er færð í lög.

Við heyrum endalaust sagt ,,en þessi lög skipta engu máli“ og ,,að vandamálin verði leyst þegar þau koma upp“ á sundstöðum og í fangelsunum svo eitthvað sé nefnt.

En að við höfum viðtekið lög í Danmörku (og á Íslandi) sendir sterk skilaboð. Við getum átt á hættu að dæmdir karlmenn segjast vera konur og þess vegna eigi þeir að afplána í kvennafangelsi, svo dæmi sé tekið. Karlinn getur kært synjun danskra dómstóla á ósk sinni og alþjóðlegra stofnana sem telja að leysa eigi vandamálið í ,,vinsemd“ og ,,á einstaklingsgrundvelli.“

Áfrýjunarnefndir munu geta byggt úrskurði sína á því að við höfum innleitt ,,kynrænt sjálfræði" í Danmörku. Hér má lesa um málið í Berlingske.

Á Íslandi voru þessi ólög samþykkt. Við höfum enn ekki lent í að karlmaður segist vera kona og afplána í kvennafangelsi. Spurningin er hvenær ekki hvort. Á grundvelli laga um kynrænt sjálfræði, sem er að setja lygi í lög, hafa karlmenn aðgang að einkarýmum kvenna.

Alþingismenn hafa gengið svo langt að útrýma orðum sem eiga við um konur til að þóknast þessum fáum sem falla utan hefðbundinnar kynskráningar. Fæðandi einstaklingur- er sagt um konu í fæðingu, leghafi- átt við um konu, manneskja með barn á brjósti- um móður með barn á brjósti o.s.frv.

Hvað er kona?

Kennarar í Garðabæ og kennarinn á Akureyri gengu lengst allra kennara á Norðurlöndum

í því að fá lífsviðurværi kennara tekið frá honum vegna ágreinings á skoðunum. Víða á Norðurlöndunum hafa kennarar haft uppi efasemdir um innreið trans málefna inn í skólana. Menn hafa skipst á skoðunum í blaðagreinum og sjónvarpsþáttum. Notuð eru rök fyrir málflutningi.

Kennararnir í Fjölbrautarskólanum í Garðabæ og kennarinn á Akureyri gerðu það ekki. Hvergi á Norðurlöndunum, svo bloggari viti, hefur kennari farið fram á að annar kennari missi atvinnuna vegna málaflokksins. Heiða Björg, kennarinn á Akureyri og kennarar í Garðabæ hafa gengið lengst í þeim efnum svo vitað sé. Gott eða slæmt. Veit ekki, en heimskan ríður ekki við einteyming að mati bloggara þegar fólk hagar sér svona. Að auki setja þessir kennarar stéttina niður með þessu háttarlagi sínu. Stétt sem á að kenna umburðarlyndi, víðsýni, hlustun, gagnrýni o.fl. sem þeir ættu sjálfir að beita í þessum málaflokki.

Lesið um málið í Garðabæ hér og hér á Akureyri. Hinsegin fræðin er sálfræðilegur hernaður og í honum taka þessir kennarar þátt með háttarlagi sínu, lesið hér.

Nokkrir trans aðgerðasinnar hafa sent stjórnendum kennara ábendingar um hatursorðræðu og trans fóbíu og skal það tekið fram að um þeirra skoðun er að ræða. Stjórnendur í útlöndum hafa gefið lítið fyrir slíkar kvartanir en ekki íslenskir stjórnendur. Þeir hafa hoppað á ,,woke“ vagninn.

Sænskur kennari vildi ekki nota trans fornafn um barn í bekk sem hún var umsjónarkennari í. Foreldrar héldu fram að barnið væri trans og kennaranum bæri að nota fornafnið. Vegna lífsgilda Selmu sagðist hún ekki geta það en hún myndi nota nafn barnsins. Foreldrar létu ekki laust við fast, sviptu rúmlega tuttugu 7 ára gömul börn umsjónarkennara sinn til að þóknast eigi duttlungum. Hinir foreldrarnir létu hræða sig til hlýðni. Skólastjórinn varð nauðbeygður að gefa eftir frekju trans aðgerðasinnanna, foreldra barnsins og sagði Selmu upp.

Norskur kennari lét í veðri vaka að hann óttaðist atvinnumissi vegna andstöðu sinnar við hinsegin daga í skólum. Gerðist ekki þess í stað stóðu 56 kennarar með honum. Vel gert. Hér má lesa um málið.

Skrif kennarans á Akureyri, Heiðu Bjargar Guðjónsdóttur, til vinnuveitenda um brottrekstur greinarhöfundar, má rekja til birtingar á greinarinnai ógurlegu og pistil grunnskólakennara í kjölfarið, sjá neðar. Sá pistill lýsir skoðun kennarans sem hann skrifar, en er að mati bloggara er hann ómálefnalegur. Þar ákveður kennarinn að ráðast að einstaklingi en ekki málefni. Pistilinn er yfirfullur af fullyrðingum sem eiga hvernig heima að mati bloggara þegar málefni eru gagnrýn og menn ekki sömu skoðunar. En færslan lýsir hans skoðun sem kennara er frjálst að hafa.

Klikkið á myndina og þá skýrist textinn. 

Lífeyrissjóðir kaupa í Blá lóninu

Fréttin á Mannlíf var áhugaverð en Frosti Logasyni les hana upp. Ljóst er að hætta er á að Bláa lónið fari undir hraun því enginn vissi hvernig móðir náttúra muni haga sér. Þegar kaupin áttu sér stað vissi enginn hvernig hver þróunin yrði og því áhættan mikil. 

Lífeyrissjóðir kaupa fyrir 4 milljarða, til að losa einkaaðila undan skuldbindingum. Keypt á yfirverði. Hvað er í gangi? 

Hvernig voga stjórnir lífreynissjóðanna sem fara með peningavöldin að fara í svona áhættukaup.

Spilling? Vissulega í augum almennings. 

Trans áróður ekki áberandi í Danmörku

Kaupamannahöfn og sum sveitarfélög í kringum höfuðstaðinn eru ekki undirlögð af trans áróðri líkt og í Reykjavík og sumum bæjum á Íslandi, t.d. Akureyri. Bloggari hefur ekki rekist á einn trans fána í þá viku sem hann hefur dvalið í ríki Friðriks tíunda. Afar ánægjulegt að vera laus undan áróðrinum.

Kirkjur sem bloggari hefur séð hafa heldur ekki notað stöðu sína til að flagga áróðri í formi málningu á tröppum eða inngöngum. Á Íslandi er vókið hjá prestum óhugnanlegt. Að hugsa sér, í sumum kirkjum er ekki hægt að ganga inn í kirkju án þess að ganga á áróðrinum.

Mér hugnast ekki svona áróðurstengd málefni þar sem ríki, sveitarfélög og kirkjan tekur þátt í. Hvað þarf til að menn sjái að sér á Íslandi? Þegar stórt er spurt er fátt um svör.

Hafi menn haldið að trans fáninn sé sameiningartákn, tákn um ást og fjölbreytileika þá skjátlast þeim. sá íslenski er eini fáninn sem allir Íslendingar falla undir, enginn annar. 

 

Að vera kona- er ekki upplifun eða tilfinning

Það er beinhörð líffræðileg staðreynd. Blæðingar, ólétta, fæðing, breytingarskeiðið o.s.frv. sem gerir það að verkum að þetta er hluti af grunnstoðum kvennasamfélagsins.

Við viljum ekki útiloka neinn, við erum ekki blindar á þá staðreynd að aðrir hópar og minnihlutahópar glíma við áskoranir og vandamál. En við viljum fá að vera konur í líffræðilegum veruleika okkar. Og við viljum halda í réttindi okkar sem við höfum barist fyrir, sögu um kyn okkar og samfélag okkar sem fæddist í baráttunni fyrir því að fá að vera sjálfstæðar, frjálsar verur.

Það er ekki hatursfullt. Það er ekki útilokun. Það er sjálfsbjargarviðleitni.

Það er einmitt málið.

Þannig er það!

Svo mörg voru orð Line Appel.

Karin Joy bætti athugasemd við færslu Line: ,,Og svo þetta smáatriði, maður getur ekki sjálfur VALIÐ hvort maður er kona því það gerist sjálfkrafa þegar við fæðumst sem stúlka. Það gerist líka fyrir þá sem vilja vera drengur. Kyn ákvarðast rétt eftir frjóvgun og varir allt lífið burtséð frá hvað okkur finnst um það.“

Lia- karlmaður bannaður á OL

Sigur stúlkna í íþróttum leit dagsins ljós. Lia Thompson var útilokaður frá keppni í sundi á OL. Hugsið ykkur dómsmál þurfti til. Dómsmál til að sanna að stúlkur eigi að keppa við stúlkur ekki stráka. Nú þurfa allar konur og stelpur, karlmenn og strákar að stíga fram og hafna karlmönnum í kvennaíþróttum.Hér lesa um málið. 

Þorsteinn V. röflar endalaust í blöðin að kyn skipti ekki máli. Jú fyrir allt venjulegt fólk skiptir kyn máli. Þó Þorsteinn hafi ekki áhuga að vita hvort kynið er væntanlegt í heiminn hjá óléttri konu þá má hann það. Hins vegar er óþolandi að þessi maður fái pláss í fjölmiðlum til að tjá sig um hvað öðrum á að finnast. Það eru tveir möguleikar strákur eða stelpa.

Kyn skiptir máli á öllum aldurskeiðum og þau eru tvö. Eitthvað sem kynjafræðingar eiga erfitt með að skilja.