Sjálfsvígstíðni rúmlega 12 sinnum hærri hjá þeim sem hafa farið í kynstaðfestandi aðgerð

Það er ábyrgðarhluti að hvetja börn til að skipta um félagslegt kyn. Það er ábyrgðarhluti að flagga fyrir þau og fagna eins og um gleðiatburð sé að ræða. Hér er um andlega veik börn að ræða sem þurfa sálfræði- eða geðmeðferð að halda.

Það hefur afdrifaríkar afleiðingar að halda þessu að börnum eins og oft hefur verið nefnt í pistlum bloggara. Þegar búið er að ýta börnum út á þessa braut festast þau í hlutverki sem leiðir of mörg í tilraunameðferðir lækna. Um 80% vaxa frá ónotum í eigin skinni, séu þau látin í friði.

Færst hefur í vöx að fólk sér eftir aðgerðunum. Um það fjalla fleiri fjölmiðlar. Á Íslandi ríkir þögn um trans-málaflokkinn nema hann sé hylltur.

Ný rannsókn sýnir að fólk sem hefur farið í gegnum ,,kynbreytingarmeðferð“ er 12,12 sinnum líklegra til að falla fyrir eigin hendi. Önnur nýleg rannsókn sýnir að flestir vaxa frá ónotunum í líkama sínum.

Áhættusöm kynstaðfesting

Rannsóknin metur áhættuna á sjálfsmorði eða sjálfsskaða tengda ,,kynstaðfestingaferlinu.“

Tölurnar koma frá gögnum sem safnað er af ,, National Institutes of Health og University of Texas“ frá um 90 milljónum sjúklingum á aldrinum 18 til 60 ára.

Flestir þroskast frá þessu

Í langtímarannsókn sem birt var í febrúar voru 2772 manns fylgt frá ellefu ára aldrei til 26 ára. Það sýndi sig að flestir þroskuðust upp úr tilfinningunni um kynósamræmi.

,,Kynvanlíðan er sú tilfinning um vanlíðan og þjáningu sem einstaklingur upplifir þegar kynvitund hans passar ekki við það kyn sem hann fæddist. Þetta getur leitt til alvarlegra geðsjúkdóma eða fötlunar.“

Tengist lélegri sjálfsmynd

Í upphafi rannsóknar sögðu 1 af hverju 10 börnum að þau sveifluðust í kynvitund sinni. Við 15 ára aldur kom í ljós að 1 af hverjum 25 sem lýstu ónotum með kyn sitt sem ,,oft“ eða ,,af og til.“

,,Þrátt fyrir að kynhlutleysi sé tiltölulega algengt snemma á unglingsárum minnkar það almennt með aldrinum og virðist tengjast lakari sjálfsmynd og lakari geðheilsu.“

Eiga erfitt með að staðsetja ,,sannleikann“

Niðurstaða í fyrrnefndri rannsókn er marktæk, aukin hætta er á sjálfsvígstilraunum eftir kynstaðfestandi aðgerð. Það undirstrikar nauðsyn þess að fá ,,alhliða sálrænan stuðning“ eftir aðgerðina.

Rannsóknirnar sveiflast við fullyrðinguna um að kynstaðfestandi aðgerð fyrirbyggi sjálfsmorð.

Ég  upplifi mig sem limlesta, tilraun sem tókst ekki segir ung kona. Lesið hér. Hún segist ekki vita hvað það er að hafa líkama fullorðinna, læknar og trans stofnun tók það frá henni áður en hún varð fullorðin.

Heimildir finnur þú hér, hér, hér og hér.

Glansmyndir af kynóreiðu unglinga í myndböndum

Myndböndin á TikTok og YouTube smita. Ég og margir aðrir telja það slæmt segir Kathrine Larsen geðhjúkrunarfræðingur.

Fjölgun barna og ungmenna sem leita til heilsugæslunnar vegna kynóreiðu hófst fyrir alvöru með fjölskylduþættinum ,,Fæddur í röngum líkama" sem sendur var út á TV 2 árið 2014.

Í dag sjáum við fleiri tilfelli af stelpum sem vilja verða strákar og strákar sem vilja verða stelpur. Og á TikTok og YouTube er fjöldinn allur af myndböndum af ungu fólki með kynóreiðu. Þessi myndbönd hjálpa til við að skapa glansmynd af kynbreytingum og hvetja til efasemda um sjálfsmynd okkar. Þetta hefur skapað smitáhrif sem margir, eins og ég, telja slæmt.

Að auki eru margir hræddir við að segja upphátt hvað þeim finnst. Hræddir við að móðga einhvern og hafa pólitíska ranga skoðun. Við eigum að vera jákvæð gagnvart þessari ,,þróun.” Ef við erum það ekki erum við áreitt og sögð siðlaus. Ég er ekki ein um þessa skoðun og málfrelsi á ekki að nota til að þagga niður þessar raddir.  

Ekki byggt á sönnunargögnum

Það eru ekki bara samfélagsmiðlar sem gera kynóreiðu rómantíska. Námskráin í norskum skólum í dag hvetur börn til að efast um hver þau raunverulega séu. (Sama á við um þá íslensku).

Þegar bæta átti námskránna um kynfræðslu árið 2020 komu fram leiðbeiningar fyrir kennslu um kyn og kynhneigð. Samtökin Fri (systursamtök trans Samtaka 78) lögðu fúslega til þekkingu sína í þessa námskrá. Það er þekking sem er ekki byggð á sönnunum, heldur trúarkerfi, að mínu mati.

Í námskrá norsku menntamálastofnunarinnar segir: Til kynhneigðar telst m.a. kynvitund, kynhneigð, erótík, nánd, nálægð og æxlun. Lögð er áhersla á að með því að sýna jákvætt viðhorf til kynhneigðar, víðsýni og virðingu fyrir fjölbreytileika kynjanna leggi skólar sitt af mörkum til að efla réttindi nemenda. Nemendurnir læra að kynferði er grundvallarþáttur í sjálfsmynd einstaklingsins sem hægt er að skilja á mismunandi vegu:

1. Líffræðilegt kyn er kynið sem þú fæðist.
2. Sálfræðilegt kyn er það kyn sem þér líður eins og.
3. Félagslegt kyn er það kyn sem aðrir skynja þig sem.
4. Löglegt kyn er það kyn sem þú ert skráður í þjóðskrá.

Mörg viðvörunarljós blikka

Ætlunin er samkvæmt námskránni, að þegar nemendur hitta fullorðna einstaklinga sem hafa innsýn og virðingu fyrir því að hægt sé að upplifa og tjá kyn á mismunandi hátt geti þeir öðlast meira sjálfstraust með eigin kynvitund. Á sama tíma þróa þeir skilning og virðingu fyrir öðrum.

Á vef Landlæknisembættisins eru einnig leiðbeiningar um þetta trúarkerfi: Þjónustan skal nota kyn- og stefnuhlutlaust mál í allri kennslu. Þessi kynhlutlausu hugtök eru kynnt strax í grunnskóla. Það er uggvænlegt að slík kennsluáætlun, sem og kennslubækur frá stærstu útgefendum, byggi nú á nýjum skilningi á veruleikanum á því hvað kyn er í raun og veru. Nemendur í skólanum í dag fá ekki þekkingu sem er fræðilega grundvölluð, sem getur verið skaðlegt.

Við vitum nú að meira en helmingur trans fólks glímir við alvarlegar geðraskanir og að einn af hverjum þremur hefur upplifað kynferðisofbeldi í æsku. Við vitum líka að margt ungt fólk með kynóreiðu er með greiningu innan einhverfurófsins og það gleymist oft.

Svíþjóð, sem áður var brautryðjandi í kynbundinni meðferð, hefur nú hert takmarkanirnar. Geðmeðferð er fyrsti kosturinn þar sem grunur leikur á kynóreiðu í stað lyfseðils fyrir hormónum. Nýlega missti læknirinn, Espen Esther Pirelli sem sjálfur er trans, lækningaleyfið. Ástæðan var margar tilgangslausar ávísanir á lyfseðilskyld lyf til að hefja kynskiptiaðgerð án þess að skoða sjúklingana nægilega. Auk þess voru skráningar ábótavant.

Við sjáum oftar sjúklinga sem sjá eftir kynskiptum. Mörg aðvörunarljós blikka.

Skapar ekki öryggi

DNA er tvöföld sameind, skrifar prófessor í þróunarlíffræði, Glenn-Peter Sætre í bókinni ,,Two Genders.” Frjóvgun er einnig tvöföld sameind. Umfang þróunarinnar, eins víðfeðmt og það kann að virðast, takmarkast í raun af þeirri staðreynd að erfðasameindin er tvíundarsameind. Kyn er því þróunarlega og stærðfræðilega stöðugt fyrirkomulag, hvorki meira né minna.

Sætre leggur áherslu á að það að líta á kyn sem eitthvað fljótandi og breytilegt geri kynin mun erfiðari en þau þurfa að vera. Lög um kynrænt sjálfræði geta heldur ekki breytt þeirri líffræðilegu staðreynd að kynin eru tvö.

Þetta getur skapað vandamál fyrir ungt fólk segir Sætre. Í dag eru börnum talin trú um að með því að taka sum lyf (hormón) sé hægt að afneita raunveruleikanum og setja líffræðina í bið. Þetta er lygin sem er sögð. Hættulegar og tilraunakenndar meðferðir eru gerðar á börnum, samkvæmt bandarísku geðlæknunum og höfundunum Miriam Grossman og Jordan Peterson.

Sannleikurinn er að við getum ekki aðskilið sjálfsmynd okkar frá líkamlegum veruleika. Þetta hefur ruglingsleg áhrif á ungt fólk. Við fögnum afneitun á raunveruleikanum og óvissu um okkur sjálf. Markmið námskrárinnar er að fá börn og ungmenni til að öðlast meira sjálfstraust á eigin kynvitund, en því sem er lýst í námskráinni skapar ekki öryggi.

Við viljum stöðuga sjálfsmynd. Við viljum ekki skapa rugling á geðheilsunni. Fleiri valkostir og tækifæri færir ekki frelsi, heldur meiri kvíða. Þetta skapar ólgu. Ef þú ert það sem þér ,,finnst" að þú vera er þetta siðlaus, óhagkvæmur og öfugur upphafspunktur fyrir stöðugleikann sem við leitum öll að. Getur verið að þetta sé hluti af ástæðunni fyrir því að kvíði og þunglyndi eru svo algeng meðal ungs fólks í dag?

Óheppileg þróun

Kennsluáætlunin sem við höfum í norskum skólum í dag gefur ranga mynd af kyni. (Sama á við um Ísland). Kyn er aðskilið frá hinu líffræðilega og gert erfitt og óskiljanlegt fyrir nemendur. Þegar kyn verður það sem þú telur þig vera, og ekki eingöngu líffræðileg staðreynd, skapar það óróleika og rugling meðal unga fólksins.

Samkvæmt fræðslulögum skal kennslan byggjast á vísindalegri hugsun. Þegar kyni er miðlað ætti ekki að setja fram gervivísindakenningar sem niðurstöðu. Kyn er ekki fjölbreytileiki. Það er tvennskonar.

Áherslan á fjölbreytileika, umburðarlyndi og þátttöku í skólum, ásamt smitáhrifum og rómantík í gegnum samfélagsmiðla, hjálpar til við að stuðla að óheppilegri þróun. Þegar ungt fólk verður fyrir svo ruglingslegum hugsunum er auðvelt að skilja að fyrir suma er kynóreiða vinsælt fyrirbæri. En það er ekki víst að breyting á kyni verði sú glansmynd sem maður sér fyrir sér.

Greinina má lesa hér.

Verkamannaflokkurinn í Bretlandi sigrar

Nýafstaðnar kosningar í Bretlandi sýna sigur flokksins. Hægt að óska þeim til hamingju. Hvort ástæða sé til að óska landsmönnum með þennan sigur skal ósagt látið. Held að menn hafi ekki hugsað hugsunina til enda.

Í Bretlandi ríkir mikil hinsegin sveifla. Svo mikil að samkynhneigður stjórnmálamaður veit ekki hvað kona er. Hann er samt viss um hvað karlmaður sé því hann er hommi, hann elskar karlmann.  Varla eru hommar með trans-karli, sem er kona? Hér verður hann sér og bresku þjóðinni til skammar. 

Hvernig geta stjórnmálamenn, sem vita ekki hvað kona er, sett lög þeim til verndar eða ávinnings? Ég vona að stjórnarandstaðan í Bretlandi láti Verkamannaflokkinn finna fyrir sér á komandi árum, sérstaklega þegar málefnin varða konur.

Kvennalistinn ,,Party Of Women" bauð fram. Ástæðan var að vekja athygli á hvað kona sé og í hvaða ógöngur bresk stjórnmál eru komin hvað konur varðar. Hér má sjá einn frambjóðandann og hér síðuna þeirra. Flott framtak kvenna sem berjast fyrir stúlkur og konur.

Trans öfgasinnar hafa ráðist að þessu framboði kvennanna. Telja að ógn stafi af konum. áhersla Kvennalistans er þessi ,,Party Of Women: Vote for women's sex-based rights, protection of children and freedom of speech to even talk about these things."

 

 

Ég myndi aldrei falla fyrir iðnaðarmanni, því ég vil kærasta sem hefur metnað!

Þetta sagði kona við mig þegar ég sagði henni að ég væri smiður. Hún  var sjálf læknaritari.

Í alltof mörg ár hefur viðkvæðið verið ,,ef þú getur ekki orðið neitt annað þá getur þú alltaf orðið iðnaðarmaður.“ Þennan misskilning þarf að ryðja úr vegi segir ungur danskur smiður, Anders Nielsen, á snjáldursíðu sinni fyrir ári síðan. Á enn við, bæði hér á landi og í Danmörku.

Það alveg klárt það geta ekki allir orðið iðnaðarmenn!

Í mínum heimi er það alls ekki merki um metnaðarleysi að taka starfsmenntun – þvert á móti. Þú þarft STÖÐUGT að berjast gegn niðurlægjandi sýn samfélagsins og fyrir suma kemur það í kjölfar grunnskólanáms sem var erfitt. Í grunnskólanum var ekki tekið tillit til færni þeirra. Það þarf mikið hugrekki og viljastyrk til að þrauka.

Þú getur náð markmiðum og draumum með því að fara á móti straumnum og verða hæfur iðnaðarmaður, þetta snýst bara um að finna eigin leið og vinna hörðum höndum að því!

Hann segir frá íbúðum sem hann hefur keypt, tekið í gegn og alls konar blöð hafa sýnt verkum hans áhuga. Það var tilviljun að ég hætti við að verða stúdent frá stærðfræðibraut og ákvað að verða smiður.

Hann skrifaði grein 2019 ,,það eru bara þeir heimsku sem verða iðnaðarmenn.“ Tvær milljónir manna lásu greinina, lesið hér. Kennarar hafa einnig nýtt greinina í kennslu. Síðan þá hef ég hitt fullt af ungu fólki sem segist hafa lært smíðar sem mig sem fyrirmynd. Ótrúlegt!

Hann stofnaði þáttinn sveinsprófið, fjallar um störf hans. Færri komust að en vildu þegar selt var inn. Horfa má á þættina á youtube.

Anders er í 10 manna hópi á vegum ríkisstjórnarinnar sem á að leggja línurnar fyrir starfsmenntun í Danaveldi.

ÉG ÞORI EKKI AÐ HUGSA UM HVERJU ÉG HEFI ÁORKAÐ EF ÉG HEFÐI BARA HAFT METNAÐ!

Smiðurinn þakkar lesturinn og biður lesendur að deila innleggi sínu ef það yrði hvatning til ungmenna að mennta sig í iðnaðargreinum. Hann bendi á að það sé ekki metnaðarleysi að verða iðnaðarmaður. 

Það er þörf fyrir ALLA í samfélaginu - en núna er aðeins meiri þörf fyrir faglærða. Grænu umskiptin þarf fyrst og fremst að leysa út á vinnupallinum frekar en við stillanlegt skrifborð. 

Hér má lesa innleggið, hann festi það efst á síðuna sína.

Grunnskólakennari skrifaði ,,status“ á snjáldursíðuna sína 2

Bloggari heldur áfram að greina ,,status“ kennara sem var mikið niðri fyrir vegna þessarar greinar. Annar hoppaði á vagninn eins og sjá má hér.

Grunnskólakennarinn verður að muna, umburðarlyndi gengur í báðar áttir, sama hvaða skoðun menn hafa á trans hugmyndafræðinni og öðrum umdeildum málefnum. Þess vegna hljómar ,,status“ kennarans undarlega. Sýnir hann mikla víðsýni og umburðarlyndi í skrifum sínum? Fellur hann ekki í sömu gryfju og hann sakar greinarhöfund um? Oft sér maður ekki skóginn fyrir bjálkanum í eigin augum.

Áfram heldur hann og skrifar: ,, (Nafn skólans er fjarlægt úr færslu bloggara) XXX- er frábær skóli og fullur af frábæru starfsfólki sem er ekki á þessari skoðun og fordæmir þessi orð og skoðanir. Við stöndum langflest fyrir einkennisorðum skólans sem eru ábyrgð, virðing, vinátta og við vitum að orð og skoðanir þessa einstaklings einkennast ekki af þeim - sem betur fer er þetta ekki talsmaður skólans og eru eflaust flestir sem myndu vilja taka það skýrt og greinilega fram að við samþykjum ekki þessar skoðanir. Ekki bendla þetta flotta starfsfólk og skólastarf við fordómafullann áróður, við hin eigum það ekki skilið.“

Hvergi í greininni er ýjað að því sem hann skrifar, ekki einu orði. Ekkert mat lagt á skóla hvað þá skólann sem hann starfar við. Enn síður að rætt sé um starfsfólk skóla. Málefni greinarinnar er rætt út frá grunnskólum landsins þar sem trans Samtökin 78 fá aðgang að börnum með ákveðið fræðsluefni. Maðurinn fer með flugufréttir, gott og vel hann má það. Í Noregi hafa sömu vangaveltur eða kröfur skotið upp kollinum, ekki að ástæðulausu. Lesið hér.

Hvergi í greininni er talað um að bloggari sé talsmaður skólans sem hann vinnur við. Skólastjórar hafa það hlutverk í öllum skólum. Aftur talar hann um fordómafullan áróður- án rökstuðnings. Af hverju, hvar eru rökin? Svipar enn og aftur til trans-aðgerðasinna sem hafa ekki rök fyrir málflutningi sínum.

Bloggari segir bara, aumingja börnin í skólanum sem eru ekki sammála kennaranum um trans- málaflokkinn eins og hann er kynntur eða foreldrar þeirra. Þau eru nefnilega líka í grunnskólum landsins. Kennarinn tekur afdráttarlausa afstöðu gegn fólki sem fylgir ekki skoðunum hans ,,… greinilega fram að við samþykjum ekki þessar skoðanir.“ Eins gott að börn og foreldrar þegi til að forðast hrakyrði frá kennaranum og kollega hans. Með þessum orðum kennarans ríkir ekki mikil ábyrgð, virðing og vinátta gagnvart þeim sem hafa andstæða skoðun á málaflokknum. 

Foreldrafélagið, Genid-Norge, eru samtök foreldra barna sem eru ósátt í eigin skinni. Þau hafa talað í sömu átt og greinarhöfundur gerði með sínum vangaveltum. Foreldrarnir gefa skólafólki ráð. Sjá hér.

Það er leyfilegt að hafa skoðun á námsefni sem kennt er í skólum landsins, hvort sem það er 30 ára gamalt íslenskuefni, stærðfræðibækur, dönskuefni, kynfræðslu- eða fræðsluefni trans hugmyndafræðinnar. Námsefni má gagnrýna. Kennarar þurfa ekki að vera sammála um námsefni sem boðið er upp á, hvað þá að nota það. Það má líka gagnrýni hverjir fá aðgang að skólabörnum.

Auðvitað þarf kennarinn ekki að samþykkja skoðanir greinarhöfundar um að námsefni trans- Samtaka 78 eigi ekki erindi í grunnskólana. EN, ætli maður að beygja skoðanir annarra er góð regla að rökstyðja mál sitt, en viðhafa ekki ókvæðistal um þann sem hefur aðra skoðun en hann sjálfur. Kennarinn rökstyður ekkert. Hann svarar ekki greininni efnislega frekar en annar kennari sem óskaði brottrekstrar vegna skoðanamunar. Sá skoðanamunur sem gæti leynst milli bloggara og kennarana tveggja gæti m.a. verið þessi, hlustið hér, hér og hér.

Þessari konu eru umræddir kennarar ábyggilega ekki sammála, telja hana með trans fóbískan áróður og hvað þau velja að kalla fólk sem er ekki sammála þeim.

Miðað við tilfinningaríkan pistil kennarans er þetta klárlega skoðanamunur. Hér er læknir sem hefur misst lækningaleyfi sitt en hann var eitt helsta gúrú Norðmanna og fyrirmynd FRI (systursamtök trans Samtaka 78).

Vil benda báðum þessum kennurum á, stéttinni og forystusauðum innan KÍ að lesa fyrstu skýrslu sinnar tegundar um börn sem eru ósátt í eigin skinni, hér. Þeir sem lesa verða fróðari fyrir vikið.

Grunnskólakennari skrifaði ,,status“ á snjáldursíðuna sína 1

Statusinn átti að vera svar eða viðbrögð við grein sem birtist í Morgunblaðinu fyrir rúmu ári. Því miður er ekkert efnislegt í ,,statusnum.“ Farið í manninn ekki málefnið! Rétt eins og trans-aðgerðasinnar vinna.

Tilfinningaríkur ,,status", efnislega rýr.

Í greininni er spurt hvort námsefni sem trans Samtökin 78 boða í skólakerfinu brjóti í bága við lög, reglugerðir og sáttmála. Um annað var ekki fjallað.

Kennarinn skrifar:  ,,Það er ekki oft sem ég skrifa einhverja statusa en finnst ég pínu þurfa að gera það núna. Í dag hefur verið mikið í umræðunni pistill sem kennari skrifar í tengslum við neikvæð áhrif Samtakana ‘78 á börn og kemur fram í honum fóbískur áróður í garð trans barna.“

Kennarinn, eins og margir aðrir, kemur með dulin ámæli í skrifum sínum án þess að koma með dæmi hvar hann finnur áróður. Væri ekki við hæfi, sem kennari, að benda á áróðurinn til að sjá hvort skoðun hans eigi við rök að styðjast. Klisjan sem kemur fram í ,,statusnum“ er ekki ósvipuð því sem áróðursmenn nota gegn J.K. Rowling, Kellie-Jay Keen, Tonje Grenvojn, Christina Ellie Ellingsen, Hanne Hjort, Maya Fostater, Lotte Ingerslev , Lucía Etxebarria og Sall Grover svo fáeinir séu nefndir.

Grunnskólakennarinn skrifar: ,,Pistillinn er réttilega gagnrýndur og mikil hitaumræða skapast í kringum hann og margar mikilvægar spurningar á ákveðnum starfsháttum vakna en eitt finnst mér ömurlegt að sjá og það er að skólinn sem umræddur kennari starfar í er dreginn í svaðið.“

Í hvaða svað var skólinn dreginn? Hvar er skólinn nefndur og starfshættir? Hvað er það í greininni sem þolir ekki augu almennings um fræðsluefni trans Samtaka 78? Vantar rök fyrir fullyrðingunni eða skoðun hans sem sett er fram gegn manni ekki málefni. Þegar svona greinar eru skrifaðar er fjallað almennt um málefni, ekki einstaka skóla eða starfsmenn.

Hann skrifar: ,,Ég er kennari í þeim skóla og þykir mér afar leitt að sjá fólk segja að það myndi ekki senda börnin sín í skólann og að skólinn eigi einhverja sök á. Það er sorglegt og þó maður skilur ákveðin sjónarhorn í því þá þykir mér þetta gefa pínu skít í allt það góða starf sem skólinn sinnir.“

Auðvitað er leiðinlegt að fólk vilji ekki senda börn sín í skóla, en svona innantómar hótanir ætti kennarinn að vita að eru meira í orði en borði. Hluti af baráttu trans-aðgerðasinna. Mjög fáir, ekki margir. Orðin sögð til að taka undir tilfinningaríkan pistil og skoðun. Kennarinn gleymir að já kórinn er á síðunni hans, engin gagnrýnin umræða.

Hins vegar láðist kennaranum að tala um foreldra sem fagna umræðunni en þora ekki að stíga fram vegna útreiðar í svipuðum dúr og við urðum vitni að í ,,statusnum.“

Ekkert bannar fólki að hafa umræddar skoðanir, en það er ekki sama og staðreyndir. Af hverju blanda fræðsluefni trans- Samtaka 78 við annað starf skóla? Vissulega forvitnilegt að sjá rökin fyrir því. Tveir aðskildir þættir. Menn verða að kunna að skilja á milli.

Kennarinn skrifar: ,,Þessi skrif og skoðanir endurspegla held ég á engan hátt skoðanir okkar hinna og við erum ekki ánægð með þetta. Við erum að vinna gott starf í því að reyna að efla nemendur í víðsýni og umburðarlyndi og gerum okkar allra besta hvað það varðar og það er mjög fúlt að sjá að þessar skoðanir og orð einstaklings séu að skyggja á það.“

Hvergi kemur fram að höfundar séu fleiri en einn. Hvergi er minnst á kennsluaðferðir annarra greina eða efni sem kennt er í skólum. Greinin fjallar eingöngu um námsefni trans Samtakana 78 og veru þeirra í grunnskólanum. Námsefnið sem trans Samtökin 78 koma með inn í skólana má kenna með öðrum hætti s.s. víðsýni og umburðarlyndi. Í mínum augum er hér skáldskapur á ferð til að gera ,,statusinn“ áhugaverðari. Hér má lesa um málin í Noregi.

Hér má hlusta á föður sem bloggari er sammála, sennilega er þetta skoðanamunur á milli hans og kennara, m.a. þess sem skrifar  sem ,,statusinn."

Framhald á morgun…

 

Vesturlöndin beygja sig undir Islam- engar konur með

Vesturlönd hneigja sig fyrir bókstafstrú íslam. Vesturlönd eru ráðvillt og valdalaus.

Nýjasta dæmið er þriðji fundurinn í því sem kallað er ,,Doha-ferlið“ en Antonio Guterras, framkvæmdastjóri Sameinuðu þjóðanna, kom því á koppinn. Ferlið miðar að því að finna leið fyrir framtíð Afganistan.

Tveggja daga gestgjafafundur/ráðstefna Sameinuðu þjóðanna hófst í Doha í Katar 30. júní. Í fyrsta skipti munu talíbanar taka þátt. Þeir hafa samþykkt þátttöku vegna þess að Sameinuðu þjóðirnar hafa komið til móts við skelfilega kröfu þeirra.

Án kvenna

Talíbanar samþykktu að taka þátt með því skilyrði að engar konur taki þátt í ráðstefnunni og að ekki verði tekin upp nein kvenréttindamál. Sameinuðu þjóðirnar samþykktu það!

,,Mikilvægast er að halda viðræðunum opnum," segja Sameinuðu þjóðirnar.

Þetta minnir á rökstuðning norsku ríkisstjórnarinnar þegar hún greiddi fyrir einkaþotu svo hægt væri að fljúga leiðtogum Talibana á fund í Noregi. Þetta gerðist án þess að gera Talíbana ábyrga fyrir kerfisbundinni kúgun kvenna og stúlkna, skrifar norska netblaðið. 

Ráðstefna Sameinuðu þjóðanna verður haldin í Katar, landinu þar sem æðsti leiðtogi Hamas býr í íburðarmiklum lúxus og landinu sem styður hryðjuverkasamtökin Hamas. Þetta er algjörlega í samræmi við veikburða viðbrögð Sameinuðu þjóðanna við árás Hamas á Ísrael, ekki síst hryðjuverkaárásina 7. október.

Sameinuðu þjóðirnar og aðrir vestrænir leiðtogar vilja ekki sjá samhengið milli kúgandi alræðis og kvenna og bókstafstrúar íslams.

Þeir munu ekki berjast gegn íslam sem alræðishugmyndafræði. Þess í stað kjósa þeir að beygja sig undir kúgandi íslam, eins og við sjáum nú Sameinuðu þjóðirnar gera í Doha-ferlinu.

Fréttina má lesa hér.

Hér má líka sjá umfjöllun um málið.

Fri á að fara út úr skólakerfinu (systursamtök trans Samtakana 78)

Fleiri og fleiri eru á þeirri skoðun að Fri (systursamtök Samtaka 78) eigi að hverfa með námsefni sitt úr skólum í Noregi sem fjallar um kynjamál. Hinir sömu vilja sjálfstæða sérfræðinga til að sjá um fræðsluna.

Ósjálfbærar starfsvenjur

Rosa Kompetanse er fræðsludeild FRI sem notuðu er í nokkrum skólum víðs vegar um landið. En Rosa Kompetanse er frekar eins og róttæk pólitísk aðgerðasinna og hagsmunasamtök. Helst fyrirmynd þeirra undanfarna áratugi er læknir sem missti starfleyfi sitt, Esben Esther Pirelli Benestad, sjá hér.  

Faglegt?

Í Noregi hafa bæði norska lýðheilsustofnunin, Rannsóknarnefnd heilbrigðismála (UKOM) og allir yfirlæknar í fjórum heilbrigðisumdæmum okkar talað í aðalatriðum gegn FRI. Sama hefur National Treatment Service for Gender Incongruence á Ríkisspítalanum.

Viðbrögð aðgerðasinna og fréttaskýrenda FRI er að þeir eru ekki sammála fagfólkinu. FRI hefur hafnað skýrslum og faglegum yfirlýsingum. Segja engan þeirra hafa faglegan grundvöll!

FRI segir að fræðslan byggist á að ,,kennari vinni með kennara.“ (Trans-Samtökin 78 eru með sömu stefnu, þjálfa fólk í að vera hinsegin þjálfari). Eru þessir kennarar menntaðir sálfræðingar eða læknar?

Sjúklingasamtök um kynbundið ósamræmi (PKI) hafa mótmælt sérfræðingum á sviðinu og saka þá um að nota börnin. Að hafa áhyggjur af börnum og nota þau í málflutningi sínum. Kalla það and trans hreyfingu. Þeir hafa ráðið sér lögfræðing til að fara í málið.

Eru faglegir stjórnendur okkar hluti af and-trans hreyfingunni?

Anne Wæhre, yfirráðgjafi hjá Ríkisspítalanum gefur okkur vísbendingu um hvar vandamálið liggur. Þegar sagt er við hana að FRI telji að það séu ,,faglegar sannanir fyrir því að hormónameðferð sé örugg", svarar hún: ,,Þá hafa þeir ekki skilið hvað það er að rýna í fræðirit og gögn og hvernig á að gefa rannsóknargreinum einkunn."

Alþjóðavettvangurinn

Á alþjóðavettvangi líta hlutirnir ekki mikið betur út. Í mörgum nágrannalöndum okkar hafa ítarlegar faglegar úttektir fagyfirvalda á heilbrigðismálum komist að þeirri niðurstöðu – á faglegum grunni – að takmarka eða leggja eigi niður þau meðferðarform sem FRI hefur þrjóskast við að nota um nokkurra ára skeið verði að takmarka eða leggja niður.

Fyrir nokkru kom út faglegasta úttekt á meðferð ungs fólks með kynósamræmi, nefnilega Cass-skýrslan í Bretlandi. Hún var í stórum dráttum skipuð fagfólki úr ólíkum áttum.

Ég hef lesið og skrifað um skýrsluna, segir Espen Goffeng, og það eru fáir snerti punktar milli þessa faglega risa og hugmynda FRI um meðferð. Eina sem þessir aðilar eru sammála um er að ungt fólk sem glímir við ónot í eigin líkama eigi að fá góða meðferð í heilbrigðiskerfinu. Þar með skilja leiðir.

Það sem eftir stendur, alþjóðleg tilvísun, eru bandarísku samtökin WPATH. Í Cass skýrslunni getur þú lesið ítarlega umfjöllun um rannsóknirnar sem þessi stofnun byggir á. Og það er,  til að segja það mildilega , ekki sérstaklega fræðilega áhrifamikið ef þú veist eitthvað um hvernig fræðilegar rannsóknir eru mældar.

Af hverju skólarnir?

Hvers vegna hafa norskir stjórnmálamenn gefið FRI tækifæri til að vera einu samtökin sem fara um landið og hafa áhrif á norska kennara, starfsfólk leikskóla og nemendur? (Hér má spyrja þess sama varðandi trans Samtökin 78).

Vegna þess að slík ákvörðun er pólitísk, ekki fagleg. Reyndar er það eina skýringin sem ég get nú fundið.

Allar skýrslur benda til margföldunar á unglingum sem glíma við ónot í eigin skinni. Hér er um félagsleg áhrif að ræða. Helst til of mikil. Áhrifin koma frá jafnöldrum, meðferðaraðilum og fullorðnum. En fyrst og fremst í gegnum samfélagsmiðla.

Cass skýrslan bendir á að ,,félagsleg umskipti", þ.e. breyting á félagslegu kyni en ekki læknisfræðilegu, geti einnig leitt til læknismeðferðar, jafnvel þótt það sé rangt.

Hvers vegna er börnum niður í leikskólaaldur sagt að þau geti verið fædd í röngum líkama?

Hvaða áhrif hefur það á kennara og grunnskólanemendur þegar ,,fagfólk" kemur og ræðir við það um málefni sem mikill ágreiningur er um meðal leikna og lærðra? Og hvað með þær fjölmörgu faglegu skýrslur sem telja að ungt fólk fái greiningu sem hentar því ekki?

Og hvað gerir það þessum nemendum að raunverulegt fagfólk tali ekki við það?

Þetta ójafnvægi ætti nú að vera nokkuð augljóst. Og við þessu verða stjórnmálamenn að bregðast, ef þeir bera einhverja virðingu fyrir faglegum vinnubrögðum.

Þó það geti verið erfitt þá þarf að gera eitthvað í málinu. Hér má lesa greinina.

,,Anyone who thinks it's okay to chemically castrate children, should never be allowed anywhere near a child.” Lena Clevenger

Heilar kynjanna eru ólíkir

Vísindaniðurstöður á heilum kvenna og karla breytast stöðugt. Þeir eru ólíkir. Þegar ég (Kåre Fog) skrifaði textann um ,,Staðreyndir og goðsagnir um konur og karla“ árið 2022 mátti sjá skörun á milli heila kvenna og karla. En skörunin var lítil. Um 94% heilanna sem voru skannaðir var hægt að flokka rétt eftir kyni út frá mismunandi stefnu taugaþráðanna.

Í dag aðeins tveimur árum síðar hefur þróun átt sér stað. Skannaðir voru 1500 heilar ungmenna og ungs fólks og nýtt reiknirit fengið til að greina niðurstöðurnar sem gefa til kynna að ekki sé lengur skörun á milli kynjanna. Í 100% tilfella var hægt að flokka sneiðmyndirnar rétt eftir kyni. Engin skörun.

Enn fremur kom í ljós að taugabrautirnar mjög greindar karlmanna eru ekki sérstaklega mikilvægar fyrir konur. Aftur á móti hafa taugaleiðirnar mjög greindra kvenna hefur enga sérstaka þýðingu fyrir karla, segir Kåre Fog líffræðingur um rannsóknina.

Fram kemur í greininni að annað hvort er ekki betra en hitt, bara öðruvísi. Heilar kvenna og karla eru ólíkir segir höfundur greinarinnar. Hann bendir líka á að rannsakendur hafi ítrekað komist að því að konur þjást frekar af þunglyndi og kvíða en karlar sem hins vegar glíma oftar við einhverfu, athyglisbrest og geðklofa.

Rannsóknin var framkvæmd af vísindamönnum við Stanford háskóla. Höfundur greinarinnar sagði niðurstöðurnar koma sér á óvart, en hann hefur skrifað um efnið í rúm 20 ár. Hann vonast eftir framhaldsrannsókn og þá sé kynlaust fólk (hvernig sem það er hægt) og þeir sem glíma við kynvanlíðan rannsakað. Hér má lesa greinina og í henni eru krækjur að ýmsum fróðleik.

Ekki deilir bloggari við dómarann, en allir menn sem fæðast hér á jörð eru annað hvort, karlmaður eða kvenmaður. Heilinn hlýtur alltaf að taka mið af því. Ef bloggari mætir í rannsókn og segist kynlaus, skyldu aðrar niðurstöður fást úr heilarannsókninni en ef ég segist vera kona? Efast.

Sex barna faðir og maður sem lokkar börn

Á vordögum skrifaði grunnskólakennari og faðir varnaðarorð á vegginn sinn. Maður reyndi að lokka dóttur hans inn í bíl. Vildi vara aðra við sem er gott. Bregðast við þegar hætta steðjar að. Til allra hamingju vissi stúlkan hvað gera skyldi, koma sér í burtu. Lét foreldra sína vita sem gátu varað aðra foreldra við.

Samfélagið líður ekki svona framferði og nauðsynlegt að koma í veg fyrir að aðrir lendi í hinu sama. Best væri að ná þessum manni eða mönnum. Það er m.a. gert með því að benda öðrum foreldrum á hættuna, lýsa eins og kostur er bíl viðkomandi og útliti sé það hægt. Hér má sjá frétt um málið.

Í Danaveldi reynir sex barna faðir sem skilgreinir sig sem konu að komast í kvennafangelsi. Vill afplána þar. Hann skilgreindi sig sem konu árið 2015, klæðir sig karlmannlega, er með tólin sem fylgja karlmanni og segist vera með lesbískar tilhneigingar. Hans upplifun og tilfinningar. Ibi - Pippi Overgaard var dæmdur fyrir skemmdarverk á listaverki og á að sitja inni. Nú berst hann, af því hann hefur skipt um kennitölu, fyrir að afplána í kvennafangelsi. Þetta er afleiðing af lögum um kynrænt sjálfræði sem danska þingið samþykkti. Sama hafa íslenskir þingmenn gert.

Nú spyr bloggari, er einhver munur á þessum tveimur mönnum, manninum sem reynir að lokka börn og manni sem vill í kvennafangelsi en hefur kynfæri og líkama karlmanns? Nei því stúlkum og konum getur stafað hætta frá þeim báðum. Kvenfangar er einn af viðkvæmustu hópum samfélagsins. Á að hleypa úlfi inn í hænsnakofa? Fá konur ekkert að tjá sig? Hvar eru baráttuhópar kvenna?

Í þessu viðtali, ýttu hér, segir danskur þingmaður að lög um kynrænt sjálfræði átti ekki að gefa mönnum möguleika á að valsa um í einkarýmum kvenna, fangelsum og kvennaíþróttum. Það hafi aldrei verið ætlunin. Hann segir, og bloggari sammála honum, fólk má skilgreina sig hvað sem það vill en þegar réttindi annarra eru skert af þeirra völdum er mál að linni. Þetta er angi af baráttu trans hreyfinga víða um heim. Réttindi kvenna og stúlkna skert.

Þingmaðurinn sagði að þingið hefði hlustað á þá sem líður illa yfir að hafa kennitölu þess kyn sem það fæddist og því var komið á móts við tilfinningar þeirra. Spyrill spyr, er það hlutverk ríkisins að koma á móts við tilfinningar fólks? Hann segir eins og satt er, í mínum huga eru líffræðilegu kynin tvö en fólk getur skilgreint sig hvað sem er. Eins og talað úr munni bloggara.

Í spjallinu benti spyrillinn á að Ibi-Pippi hafa verið dregin út í rannsókn um breytingarskeið kvenna af því hann hefur kennitölu kvenmanns. Er eitthvað að marka slíka rannsókn þegar karlmaður eða karlmenn taka þátt í rannsókn um kvennamál? Þingmaðurinn sagðist vona að Ibi noti skynsemi sína og tæki ekki þátt. Karlmaður getur að sjálfsögðu ekkert lagt til málanna um breytingarskeið kvenna.

Það þarf að finna aðrar leiðir til að mæta þessu fólki, búa til sér kennitölur fyrir trans fólk og réttindi þeirra eiga að fylgja líffræðilegu kyni.