Fjórar fylkingar, ásamt Hamas, stóðu að hryðjuverkunum 7. október segir Human Right Watch.

Fimm hreyfingar Palestínumanna gerðu óvæntar árásir á Ísrael að sögn mannréttindasamtakanna Human Rights Watch. Samtökin sameinuðust um árásina þann 7. október. Human Right Watch birti skýrslu um árásina.

Auk herskáru hreyfingarinnar Hamas tóku vopnaðar sveitir frá Islamic Jihad, Lýðræðisfylkingunni fyrir frelsun Palestínu, Alþýðufylkingunni fyrir frelsun Palestínu og al-Aqsa píslarvottasveitunum þátt í hryðjuverkunum. Sú síðastnefnda var talin vera hernaðarvængur stjórnmálaflokksins Fatah en Yasser Arafat leiddi flokkinn til ársins 2004. Fatah var - og er enn - við völd í palestínsku heimastjórninni á Vesturbakkanum.

Árið 2007 voru píslarvottasveitir al-Aqsa ásamt öðrum herskáum hreyfingum á Vesturbakkanum formlega leystar upp af palestínskum yfirvöldum. Þrátt fyrir það héldu samtökin áfram starfsemi sinni, hafa enn tengsl við Fatah og eru talin pólitískt tengd flokknum.

Samtökin sem tóku þátt í árásinni á Ísrael eru öll aðilar að sameiginlegum aðgerðavettvangi á Gaza, samkvæmt Human Rights Watch. Á þessum vettvangi vinna þeir saman að þjálfun, skipulagningu og framkvæmd vopnaðra aðgerða gegn Ísrael.

Þekkjast á myndum

Mannréttindasamtökin Human Rights Watch hafa fyrst og fremst bent á hreyfingarnar fimm og meðlimi þeirra út frá ljósmynda- og myndbandsefni. Efnið kemur úr eftirlitsmyndavélum og myndavélum sem vígamennirnir  báru sjálfir. Hluti gerendanna báru ennisbönd í sérstökum litum, sem gáfu til kynna hvaða fylkingu þeir tilheyrðu.

Mannréttindasamtökin Human Rights Watch komast að þeirri niðurstöðu að hreyfingarnar fimm hafi beint spjótum sínum að óbreyttum borgurum í árásunum 7. október - óháð kyni og aldri óbreyttra borgara.

Hamas hefur áður haldið því fram að hreyfingin hafi reynt að hlífa konum, börnum og öldruðum. Mannréttindasamtökin Human Rights Watch hafna þessu. Öll fimm Palestínsku samtökin frömdu stríðsglæpi og glæpi gegn mannkyni í árásinni, segir í skýrslunni.

Þeir skutu skotum á óbreytta borgara sem reyndu að flýja. Þeir köstuðu handsprengjum og skutu skotum inn í sprengjuskýli í ísraelskum borgum og kibbutzim (ákveðin tegund byggðar í Ísrael).

Þeir kveiktu í heimilum almennra borgara, brenndu og kyrktu íbúana. Þeir skutu þá sem sluppu úr eldinum eða tóku til fanga. Að auki frömdu vígamennirnir kynferðisbrot að sögn mannréttindasamtakanna Human Rights Watch.

Við gerð skýrslunnar tók Human Rights Watch viðtöl við 144 manns sem urðu vitni að árásinni, aðstandendur fórnarlambanna, björgunarmenn og heilbrigðisstarfsfólk. Að auki greindu samtökin yfir 280 myndir og myndbönd sem voru tekin upp meðan á árásinni stóð og síðan birt á samfélagsmiðlum eða deilt beint með Human Rights Watch.

Í árásinni 7. október létust um 1200 manns, þar af 260 ungmenni sem voru drepin á tónlistarhátíð. Að auki voru 250 manns teknir í gíslingu.

Heimild.

Leikskólastjóri á Múlaborg, Kristín Árnadóttir, notar íslenskuna rangt

Í Skólavörðunni sem gefin er út af Kennarasambandi Íslands segir skólastjóri Múlaborgar frá starfinu. Þyngra en tárum taki að sjá skólastjóra nota íslenskuna á rangan hátt og á að kallast faglegur leiðtogi og  fyrirmynd barnanna. Verra er að starfsmenn útgáfusviðs Kennarasambandsins leiðrétta ekki ranga málnotkun. Breiðletrun er bloggara.

Greinin heitir Öll jöfn… þá er hún væntanlega bara að tala um börnin í leikskólanum. Starfsmenn falla ekki undir orðið öll. Þannig myndi það hljóma,  ,,öll leikskólakennararnir“ ,,öll starfsmennirnir“ eða ,,öll manneskjurnar, eða ,,öll einstaklingarnir.

Eins og sjá má á orðanotkuninni virðist skólastjórinn ekki beita íslenskunni rétt. Hún segir „Það er samt alltaf smá hreyfing á starfshópnum,“ segir Kristín skólastjóri. Sum starfa bara við skólann í eitt eða tvö ár á meðan þau eru að fóta sig í lífinu, til dæmis undirbúa sig fyrir háskólanám, eða næstu skref, sem er líka gott,“ Kristín notar sum um starfsfólkið sitt sem hljómar eins og sum dýr, eða sum börn. Ekki er hægt að segja ,,sum starfsmenn“ ,,sum leikskólakennarar.“ Og foreldrar treysta svo leikskólastjórum fyrir börnunum sínum. Röng málnotkun. Hvernig eiga börn að læra rétta íslensku þegar þetta er fyrirmyndin?

Enn heldur Kristín að tala um dýrin sín, nema það séu börnin, ,,  Þau koma gjarnan inn…“, ekki getur það verið ,,þau starfsmennirnir“ eða ,,þau leikskólakennararnir“ eða ,,þau starfsfólkið.“

Síðar í greininni batnar málnotkunin ,,…hver manneskja…allir jákvæðir…“ Dásamlegt að hún mundi eftir að nota íslenskuna rétt. Kannski er ekki öll von úti.

Hér má lesa greinina.

Læt fróðleik um íslenskuna fylgja með. Smella þarf á myndina. Vona að leikskólastjórar sem beita íslenskunni rangt lesi sér til fróðleiks.

Þá fylgist Magnús Þór ekki nógu vel með

Dönskukennarar í framhaldsskólum hafa sagt þetta lengi. Einkunnarverðbólga. Börn sem koma úr grunnskólanum fá of háar einkunnir í dönsku í grunnskóla. Það eru nokkur ár síðan bloggari, sem dönskukennari, heyrði það á sameiginlegri ráðstefnu dönskukennara í grunn- og framhaldsskóla. Þetta veldur börnunum meiri vanda en kennurum, þarf að færa börnin niður á næsta þrep og stundum upprifjunaráganga þau kunna of lítið.

Nú síðast í vor fór þessi umræða aftur fram meðal dönskukennarana. Nemendur koma í allof mörgum tilfellum með einkunnina B þar sem næg kunnátta er ekki á bak við þá einkunn.

Bloggara kæmi ekki á óvart að svipað væri í öðrum greinum. Þess vegna á að taka upp landspróf í öllum skólum til að fá aðgöngumiða inn í framhaldsskólana þannig að kennarar þar vissu nákvæmlega hver þekking grunnskólabarna sem koma inn í skóla sé.

Í stað þess að taka ábyrga umræðu um málið þá sakar Magnús Þór málshafandi um aðdróttanir. Ekki það, kemur ekki á óvart þegar Magnús Þór er annars vegar. Hef sem félagsmaður ekki séð Magnús Þór axla ábyrgð eins og formaður kennarasamtaka ætti að gera ef hann á yfirleitt að skipta sér af svona málum. En frá mínum bæjardyrum séð hefur Magnús Þór yfirtekið alla umræðu, aðrir formenn virðast hafa misst málið.

Kennarasamtökin eiga að ræða um málaflokkinn. Viti Magnús Þór ekki af óánægju kennara með námsmatið og einkunnargjöf í bókstöfum þá fylgist hann einfaldlega ekki nógu vel með. Hann hefur formann Félags grunnskólakennara, Mjöll Matthíasdóttir, sér við hlið. Ef Magnús sem virkar frekar eins og skólastjóri vill ekki í málið er það hlutverk Mjallar formanns grunnskólakennara að taka málið upp. Helst í því skyni að fella núverandi námsmatsform úr gildi.

 

Magnús um viðtalið: „Alvarleg aðdróttun“

Þrír miðaldra karlmenn

Það er ekki ofsögum sagt, karlmenn gera sig gildandi á öllum sviðum. Af hverju ekki þeir eru helmingur mannskynsins. Hinn helmingurinn eru konur.

Breski verkamannaflokkurinn lét loksins eitthvað vitrænt úr úr sér. Bann við hormónablokkurum og lyfjagjafir fyrir börn í tilraunaskyni verða áfram bannaðar og sennilega um ókoman framtíð. Tilraunum á breskum börnum verður hætt, er það ekki fagnaðarefni hverrar mannveru? Hvað getur maður annað sagt en sem betur fer. Ekki eru allir á því. Börn skulu notuð í tilraunir.

En víkjum að þessum þremur miðaldra karlmönnum. Tveir af þeim segjast vera konur og einn tvíkynhneigður. Hann ruddi brautina. Veit svo ekki hvað braut en það er annað mál. Þessir þrír miðaldra karlmönnum finnst af og frá að banna eigi tilraunameðferðir á börnum. Einum finnst nú forkastanlegt að banna karla sem upplifa sig sem konu í kvennaklefa kvenna og stúlkna. Lesið skáskotin ykkur til fróðleiks.

Einn karlinn sem upplifir sig sem konu, og vill æstur karla inn í kvennaklefa, segir:

Alexandra Briem

1dagar  · 

Ekki það, Verkamannaflokkurinn í Bretlandi var alltaf skárra valið samanborið við Íhaldið. En mér fannst eiginlega nóg um hvað sumir íslendingar, og íslenskt stjórnmálafólk sérstaklega gekk langt í að mæra flokkinn og leiðtoga hans, Keir Starmer í aðdraganda kosninganna, í ljósi þess að þau hafa í raun algjörlega kastað trans fólki út um gluggann.

Fyrir kosningar talaði Keir Starmer um að trans konur ættu ekki að eiga væntingu um að vera í 'kvenna rýmum' og ef einhver var að vona að það væri kannski bara ákveðin taktík í ljósi orðræðu í Englandi, en þau ætluðu sér samt ekkert að gera neitt mikið, þá var að birtast frétt um að þau ætli að endurnýja bann síðustu ríkisstjórnar við lyfjameðferð sem hægir á eða kemur í veg fyrir kynþroska.

Þá er kannski von að ég spyrji hvað fólkið sem var mest að hampa þessum vinum sínum hafi um þessa stefnu að segja? Er ekkert skrítið að styðja svona transfóbískan flokk með ráðum og dáð? 

 

Þessir svara.

Áhugaverð heimildarmynd

Bloggari horfði á heimildarmynd í gær, rétt rúmur klukkutími. Alveg þess virði að hlusta á þennan blaðamann, Tommy Robinson, sem fæddur er og alin upp í Luton. Honum líst ekki á hvernig Bretland er að verða eða orðið.

Hann hefur áhyggjur af frjálsri blaðamennsku því blaðamenn frávelja fréttir í fjölmiðlana. Þeir vega og meta hvað almenningur fær að hlusta á og það samrýmist oft því sem stjórnvöld vilja.

Hann hefur áhyggjur af tjáningarfrelsinu. Það hafa 3300 manns verið handteknir fyrir ummæli á samfélagsmiðlum á meðan 400 manns hafa verið handtekin fyrir það sama í Rússlandi.

Fjölgun múslíma veldur honum áhyggjum. Óþarfa handtökur af hálfu lögreglunnar koma við sögu. Afstað lögreglunnar til ákveðinna málaflokka. Mótmæli í London og víðar þar sem hann kemur við sögu. Hræðsluáróður yfirvalda vegna Covid er eitt umfjöllunarefnið.

Hvet lesendur til að horfa, Tommy Robinson’s New Documentary #LawFare (youtube.com)

Líður börnum vel í skólanum ef það er logið að þeim

Spjall við stjórnanda í skóla vakti bloggara til umhugsunar. Umfjöllunarefnið var trans-málaflokkurinn. Í samtalinu heyrði ég að hann hafði ekki aflað sér upplýsinga umfram það sem trans-Samtökin 78 boða. Þegar bloggari spurði út í eitt og annað sem gerist t.d. Norðurlöndunum og Bretlandi vissi hann ekkert. Eitt sagði stjórnandinn, ,,við viljum bara að börnunum líði vel í skólanum.“ Um það geta allir verið sammála. Allir vilja að börnum líði vel.

Líður börnum vel þegar logið er að þeim? Líður barni vel þegar logið er að því að kynin séu fleiri en tvö? Líður barni vel þegar því er sagt að pabbi og mamma hafi getið sér til um kyn þess? Líður barni vel þegar logið er að því að kona geti verið með typpi? Líður barni vel að logið sé til um að karlmaður geti átt barn? Líður barni vel þegar því er sagt að það eigi eftir að velja kyn sitt? Líður barni vel þegar því er sagt að mamma geti verið með yfirvaraskegg? Líður börnum vel þegar sagt er að þau séu það sem tilfinningin segir þeim? Líður börnum vel þegar þeim er sagt að þau séu kannski fædd í röngum líkama? Líður börnum vel með lygar trans hugmyndafræðinnar?

Til að skerpa á þekkingu um líffræðina sem á að kenna börnum má horfa á þetta.

Bloggari á ekki von á svörum enda myndi enginn faglegur leiðtogi fara út í slíkt. Við sjáum bæði í Smáraskóla í Kópavogi og Breiðholtsskóla hver takturinn er, lygin má blómstra í nafni fjölbreytilega hinsegin hugmyndafræðinnar.

Undanfarin áratug hefur andlegt ástand skólabarna versnað. Umhugsunarvert sem þessi rannsóknar blaðamaður segir (alvöru rannsóknarblaðamaður, ekki eins og þeir íslensku).

Danskur sveitastjórnarmaður

Ulf Baldrian segir það vera honum til ama að lygar og blekkingar, um að börn sem fá ekki meðferð til að stoppa kynþroskann og gera sig ófrjóa með kynhormónum, séu í aukinni sjálfsvígshættu. Það er ekki bara að kyn sé þurrkað út heldur einnig samkynhneigð og kynbundin réttindi kvenna, t.d. í íþróttum og fangelsum. Tek undir með honum.

En svona erum við ólík.

Ulf segir ,,Trans börn eru ekki til. Það eru bara til börn og ekkert barn er fætt í röngum líkama.“ Barni getur liðið illa með líkamann og glímt við sálræna erfiðleika sem veldur upplifun um að líkaminn og kynið sé rangt.

Sem betur fer komast langflestir sem eru greindir með röskun vegna líkamsímyndar og Kynvanlíðan yfir það eftir kynþroskann. Börnum ferst betur að samþykkja sig eins og þau eru, jafnvel þó að það sé eilíf áskorun sem við vinnum öll með í gegnum lífið segir hann. 

 

Áhugaverð grein eftir Atla Harðarson á Vísi.is í gær

Atli fjallar um bók sem gefin var út á þessu ári. Höfundur bókarinnar talar um breytingar á lífskjörum barna og  ungmenna. Atli segir að meginefni bókarinnar séu sálfræðilegar útskýringar og hvernig breytingarnar spilli heilsu barna.

Atli segir; ,, Óheftur aðgangur að klámi veldur minni félagsfærni, einkum hjá piltum; Sífellt streymi mikið unninna glansmynda af grönnum líkömum ýtir undir átröskun og fleiri kvilla, einkum hjá stúlkum; Orsakir versnandi geðheilsu valda jafnframt versnandi námsárangri.“ Því miður nefnir Atli ekki kvillann ónot í eigin skinni, kynama, Því sprenging hefur orðið meðal stúlkna sem líður illa í eigin líkama.

Hér má hlusta á greinargóðan fyrirlestur um áhrifin og glansmyndina sem búin er til um málaflokkinn. Þeir vita sem vilja að áhrif samfélagsmiðlanna eru gífurleg þegar kemur að sálarkvillanum kynami.

Vitað er að átröskunarhópar eru víða til á miðlunum og ekki ýkja langt síðan einum slíkum hópi var eytt í Danaveldi. Þar þótti sannað að stúlkurnar lofsungu hvor aðra í sjúkdómsástandi. Sama gera stúlkur sem glíma við ónot í eigin líkama. Þær horfa á glansmyndir sem birtast á samfélagsmiðlunum um brjóstnám, trans-ferli og ,,kynskipti.“ Skammgóður vermir, því eftirköstin koma rétt eins og timburmenn eftir mikla áfengisdrykkju. Og það sem þekkt er sálræni kvillinn hverfur ekki.

Aukið þunglyndi og kvíði

Í greininni stendur; ,,Tölurnar sem reifaðar eru í fyrsta kafla bókarinnar sýna að á milli 2010 og 2015 jókst tíðni þunglyndis og kvíða meira hjá stúlkum en piltum.“ Hér má geta þess að vanlíðan stúlkna með ónot í eigin líkama jókst líka á þessum árum og hefur þúsund faldast í sumum löndum frá því sem var. Skyldi þetta ekki haldast í hendur? Margir sérfræðingar hafa bent á að það sé ekkert eðlilegt við fjölgun barna sem glíma við ónot í eigin líkama. Í kjölfarið samþykktu mörg lönd ólögin um kynrænt sjálfræði. Hlusta má góða fyrirlestur hér.

Áfram heldur Atli; ,, Könnun á tengslum netnotkunar og geðsjúkdóma bendir til að töluvert meira sé um að stúlkur verði fyrir miklum skaða þegar á aldrinum 11 til 13 ára en hjá strákum byrji þetta oftast að bíta nokkru seinna eða á aldrinum 14 til 15 ára.“ Þegar börn horfa á myndband eins og þetta án þess að foreldrar grípi inn í, og kannski fleiri af þessum toga, er voðinn vís. Eins og Atli segir, stelpur eru viðkvæmari fyrir þessu en drengir og kannski ekki tilviljun að maðurinn í myndbandinu klæðir sig eins og lítil stúlka. Hvern á að veiða?  

Hér getur þú lesið þessa áhugaverðu grein.

Kvenna- og jafnréttisráðherra Breta gagnrýndur

Ekki að ósekju hefur J.K. Rowling gagnrýnt val á nýjum ráðherra kvenna og jafnréttismála í Bretlandi sem kemur úr Verkamannaflokknum. Hún leggst á sveif með öðrum sem hafa gagnrýnt valið. Ráðherrann gat ekki svarað hvað kona sé. Ráðherrann, 46 ára Anneliese Dodds, var kynnt til sögunnar ásamt nýrri stjórn í síðustu viku.

Höfundur Harry Potter kallar sjónarmið ráðherrans á samfélagsmiðlinum X, þvælu. Rowling birti viðtal við ráðherrann sem heitir ,,Woman’s Hour“ frá BBC og var sent út á kvennadaginn 8. mars 2022. Í þættinum var spurt um skilgreiningu Verkamannaflokksins á hvað kona sé.

Anneliese Dodds svaraði að það væru ólíkar skilgreiningar, lagalega séð hvað kona sé. Svarið var ófullnægjandi eða í reynd ekkert svar svo hún var spurð aftur. Dodds sagði sína skoðun, það færi eftir samhenginu. Sem sagt fer eftir samhenginu hver skilgreining á konu er. Segi eins og Rowling, þvæla.

Síðan segir Dodds, ég tel þetta mjög mikilvægt. Það er fólk sem hefur ákveðið að fara í gegnum trans-ferli. Ég hef talað við marga af þeim. Þetta var erfitt ferli fyrir marga. Skiljanlega af því þeir lifa sem konur og vilja láta skilgreina sig sem konu sagði Dodds sem þá var talsmaður jafnréttismála hjá Verkamannaflokknum. Hér má lesa um málið.

Það er ekki ofsögum sagt, konur niðurlægðar af eigin kyni og Verkamannaflokknum í Bretlandi. Ekki langt síðan að þessi kjánalega útskýring kom frá öðrum. Getur maður verið svona heimskur, spyr bara. Hvað höfum við að gera með fólk á þingi sem veit ekki hvað kona er?

Verra er þegar leik- og grunnskólakennarar vita ekki hvað kona er, hvaða líffæri tilheyra konu. Þetta er fólkið sem á að fræða æsku þessa lands. Kemur mér ekki á óvart að traust til kennara fari þverrandi. Hver vill að logið sé að barni sínu í leik- og grunnskóla!

Ha, afsökunarbeiðni frá Kennarasambandi Íslands

Bloggari var spurður hvort hann hefði fengið afsökunarbeiðni frá Kennarasambandi Íslands vegna upphlaups stjórnarmanna í tengslum við trans-málaflokkinn. Bloggari kannast ekki við það.

Tilfallandi hafði hins vegar orð á að það réttast hjá Kennarasambandinu. Við vitum að Magnús Þór Jónsson fer með sambandið eins og honum þóknast. Þarf ekki mjög viti borið fólk til að sjá það. Hann var forsprakkinn af ályktun sem hann sendi blöðunum til að þóknast aðgerðasinnum í trans-málaflokknum. Betra að ljúga en segja sannleikann!

Bloggari hallast að því að stjórn KÍ sé ekki vel að sér í trans-fræðum heldur láti trans-Samtökin mata sig á áróðri sem þau kalla fræðslu. Kennarasamband sem styður kennara í að kenna samkvæmt sannleik, vísindum og staðreyndum horfir nú allt í einu fram hjá því. Nú má hugmyndafræði einstakra einstaklinga sem byggist á lygi ráða för. Norskir kennarar hafa látið í sér heyra um málaflokkinn.

Af hverju ætti KÍ að biðjast afsökunar?

Frá því að bloggari hóf skrif um málaflokkinn hefur hann eingöngu stuðst við sannleikann, vísindi og rannsóknir á málaflokknum. Eitthvað sem Magnús Þór formaður KÍ og fylgisveinar hafa virt að vettugi. Nú þegar hver stofnunin á fætur annarri hættir eða dregur úr starfsemi vegna vísindalegrar þekkingar og staðreynda. Þessu ber að fagna því eins og norskur sálfræðingur skrifar, þetta verður einn af myrku tímar sögunnar.

Cass skýrslan ætti að vera skyldulesning fyrir starfsmenn KÍ, hvort sem þeir eru ráðnir til starfa eða kosnir. Sama með kennara. Í skýrslunni kemur fram margt, ef ekki allt, sem bloggari hefur bloggað um. Fagfólk stígur í auknu mæli fram til að andmæla þeirri meðferð sem trans-samtök víða um heim vilja að börn undirgangist, s.s. félagsleg kynskipti og breyti fornafnanotkun sinni. En, kannski taka forsprakkar KÍ ekki mark á öðru fagfólki. Gúru Norðmanna í trans- málaflokknum missti lækningaleyfið, full ákafur í að koma börnum á hormóna blokkandi lyf. 

Formaður KÍ og stjórn hans virðast ekki vilja vita sannleikann, í það minnsta verja þau hann ekki. Fyrir það verður þeirra minnst.

Halda menn að börnum líði vel með lygina sem borin er á borð í leik- og grunnskólum? Hvaða lygi, jú sem dæmi, kynin eru fleiri en tvö. Hér má sjá góð skrif um það.

Prófessor í þróunarlíffræði segir réttilega og náttúrufræðikennarar kunna og þekkja, ,,Frjóvgun er einnig tvöföld sameind. Umfang þróunarinnar, eins víðfeðmt og það kann að virðast, takmarkast í raun af þeirri staðreynd að erfðasameindin er tvíundarsameind. Kyn er því þróunarlega og stærðfræðilega stöðugt fyrirkomulag, hvorki meira né minna.“ Ekkert heyrist frá íslenskum náttúrufræðikennurum.

Enn sem komið hefur engin afsökunarbeiðni borist frá Kennarasambandinu, sjáum til.

Lobotomi okkar tíma- tilraunir á börnum!

Við getum ekki leyft þeim að gera svona tilraunir á börnum, lobotomi okkar tíma!

Kynþroska blokkandi lyf, brjóstnám og kynfæraaðgerðir munu verða ennisblaðskurðlækningar (lobotomi) okkar tíma segir Silje Schevig sérfræðingur í sálfræði. [Í þessum aðgerðum voru tengingar við og frá heilaberki rofnar hjá geðsjúklingum með skelfilegum afleiðingum. Tilraunameðferðir á geðsjúkum.]

Aleksander Linkowski var ungur maður þegar hann gekkst undir kynfæraaðgerð og hormónameðferð til að verða kona. Hann var lagður í einelti vegna skorts á karlmennsku og hélt að hann yrði að vera stelpa til að fá samþykkt. Nú sér hann eftir því og segir mér að hann hafi í raun bara þurft einhvern til að segja honum að hægt sé að samþykkja hann eins og hann er.

Í skoðanagrein í Nettavisen gefur sálfræðingurinn Peder Erlend Anda í skyn að ég fari með rangt mál um LGBTQ+ samfélagið og að ég ali á fordómum og hatri gegn hinsegin fólki. Hann skrifar enn fremur: ,,Fullyrðingar Silje Schevig virðast byggðar á goðsögnum og hálfsannleika, ekki vísindum." (svipað orðalag notuðu kennararnir á Akureyri vegna orða bloggara)

Höfum það alveg á hreinu: Ég er að tala um þetta vegna umhyggju fyrir börnunum. Ég er ekki að tala um lesbíur eða homma heldur aukinn fjölda barna sem eru ekki viss um hvort þau hafi fæðst í röngum líkama. Sem sagt, ég styð hinsegin ást og vil að allir geti verið þeir sjálfir.

Það sem ég hef áhyggjur af er ill og óbætanleg meðferð á börnum og ungmennum.

Ennisblaðskurðlækningar (lobotomi)  okkar tíma

Það eru margir myrkir kaflar í sögu læknisfræðinnar, en einn sá myrkasti er ennisblaðskurðlækningarnar (lobotomi). Á þeim tíma var samstaða í fræðasamfélaginu um vinnubrögð sem við fordæmum. Nú hryllir okkur við því hvernig geðsjúklingar urðu fyrir heilaskaða í þeirri trú að meðferðin hjálpaði.

Góður ásetningur er engin trygging fyrir góðum árangri. Ég tel að kynþroska blokkandi lyf fyrir börn, hormónameðferð, brjóstanám og kynfæraaðgerðir á ungu fólki geti verið ennisblaðskurðlækningar (lobotomi) okkar tíma. Ég byggi þessar fullyrðingar á vísindum.

Alvarlegar aukaverkanir

Óháð rannsókn á öllum rannsóknum sem gerðar hafa verið á þessari svokölluðu ,,kynstaðfestandi" meðferð fyrir börn og unglinga leiðir í ljós að við vitum ekki með vissu hvort meðferðin geri meira gagn en skaða og að meðferðin sé tilraunakennd.

Kynþroska blokkandi lyf hafa þekktar aukaverkanir eins og óeðlilega þyngdaraukningu, útvíkkaðar æðar, ógleði, aukna svitaframleiðslu, minni hæðarvöxt, orkuleysi, ládeyðu, tap á kynhvöt, beinþynningu og svefnvandamál.

Langtímaáhrif af notkun lyfjanna í þessum tilgangi er ekki vel þekkt

Að auki segja niðurstöður í skýrslunni að við getum ekki verið viss um að hve miklu leyti kynþroska blokkar hindri eðlilegan þroska á heila sem á sér stað við kynþroska. Heilbrigðisráðherra Bretlands segir vinnubrögðin einkennast meira af hugmyndafræði en vísindum og staðreyndum.

Getur skaðað fleiri en við hjálpum

Áður var talið að hindra kynþroska með lyfjagjöf væri pásuhnappur en nú vitum við að mikill meirihluti barna sem sett hafa kynþroskann á ,,pásu“ halda áfram að breyta kyni sínu með kynhormónum og skurðaðgerðum.

Rannsóknir á börnum með kynvanlíðan sem hafa ekki stoppað kynþroskann sýna að þau sættast við líkama sinn eftir kynþroskaskeiðið.  Með kynstaðfestingaraðferðum nútímans sviptum við börn því tækifæri og eigum á hættu að skaða fleiri en við hjálpum.

Ætti það ekki að vera markmið að flest börn séu ánægð í þeim líkama sem þau fæðast í?

Hippókratesareiðurinn, eða læknaeiðurinn, segir að við eigum ekki að valda skaða. Við gætum verið að skaða heilbrigða unglinga sem hefðu undir venjulega kringumstæðum sætt sig við líkamann. 

Við getum ekki leyft okkur að gera tilraunir með börn á þennan hátt.

Þess í stað ættu börn og ungmenni að fá meira rými til að vera og tjá sig jafn karlmannlega eða kvenlega og þeim finnst hverju sinni. Að auki ættu þau að fá sálrænan stuðning til að aðstoða þau með sjálfsmyndina í heild sinni, mannskepnan er flókin.  

Hér má lesa greinina.