Trans ekkjurnar

Kynjahugmyndafræðin hefur margar dökkar hliðar og neikvæðar afleiðingar. Hún er uppspretta þjáninga og fáránleika. Þegar kynjahugmyndafræðin er kynnt til sögunnar þá er allt svo fallegt að það liggur við að hreinleikinn skíni frá hugmyndafræðinni. Svo er ekki.

Sem dæmi hefur kynjahugmyndafræðin mjög neikvæðar afleiðingar fyrir eiginkonur og börn þegar eiginmaðurinn ákveður að skilgreina sig sem konu. Heimildarmyndin ,,Á bak við lokað gler“ sker mann inn að hjartarótum. Myndin fjallar um konur og börn sem hafa kynnst skuggahlið trans-málaflokksins.

Hugmyndafræðin styrkir staðalímyndir um kynhlutverk. Við reynum að milda áhrifin, en með því að halda fram að þú sért fæddur í röngum líkama styrkir þú staðalímyndir. Sem strákur áttu að líta út eins og stelpa og haga þér sem slík og öfugt segir hugmyndafræðin. Börn fá ekki að vera eins og þau vilja vera.

Að vernda réttindi kvenna og samkynhneigðra er mikilvægt í þessari umræðu. Þessir hópar hafa á undanförnum árum misst réttindi til að þóknast minnihlutahópi. Stjórnmálamenn hafa séð til þess.

Hér má sjá heimildarmyndina. Hvet alla til að deila tenglinum og ekki síður að horfa. Þaggað hefur verið niður í  trans ekkjunum og börnum trans-kvenna í áraraðir sem nú stíga fram. Þetta er ein af dökku hliðum trans-málaflokksins. Áhugavert að heyra að ráðgjafar voru flestir hliðhollir mönnunum, sem vilja verða konur, og ætluðust til að konurnar sættu sig við breytt ástand í hjónabandinu. Börn trans kvenna áttu að láta sem ekkert væri og brosa, eins og þau sættu sig við þetta. En svo var ekki!

Enn og aftur eru það konurnar og börnin sem blæða. Ekkjur trans kvenna! Ef þær samþykkja ekki ástand eiginmannsins eru þær kallaðar allt mögulegt. Tilraun til þöggunar. Kunnuglegt.

Kennaraforystan talar ekki á þessum nótum

Áhugaverð lesning. Eftir situr að þeir sem hafa fjallað um menntamál á síðum Morgunblaðsins tala í allt aðra átt en formaður KÍ, Magnús Þór Jónsson og formaður Félags grunnskólakennara Mjöll Matthíasdóttir. 

Formaður Fg er svona hrifin af því sem ráðherra menntamála er að gera að hún virðist ekki halda vatni yfir því. Lesa má umsögn hennar í Samráðsgátt. Mjög líklegt er þau bæði hafi haft puttana í því sem ráðherra leggur fram.

Hermundur hefur mikið til síns máls þegar hann talar. Hann hefur rannsakað menntamál lengi. Velta má upp þeirri spurningu af hverju sauðirnir í Kennarahúsinu hlusti ekki meira á hann.

Hér má sjá brot af því sem sagt hefur verið um menntamálin.

„Málskiln­ing­ur og orðaforði er hlut­ur sem þarf að vinna með allt frá fæðingu og þar til barnið fer út úr fram­halds­skóla. Það virðist líka vera ábóta­vant, þessi orðaforði og skiln­ing­ur.“

„Við erum eina landið fyr­ir utan Portúgal sem hef­ur fimm ára kröfu um leik­skóla­kenn­ara­nám. Við verðum að minnka aft­ur námið niður í þrjú ár. Við verðum að setja kröfu um ís­lenskukunn­áttu fyr­ir þá sem vinna í leik­skól­um lands­ins.“

,,Á sama tíma og Bryn­hild­ur kall­ar eft­ir því að tekið verði á síma­notk­un í kennslu­stund­um, legg­ur hún til að sam­dæmdu próf­in verði aft­ur lögð fyr­ir nem­end­ur. Hún seg­ir mik­il­vægt að hafa mæliein­ing­ar til að meta ár­ang­ur milli ára og sjá hvað þarf að bæta."

Að mati bloggara var það mikil afturför að lengja kennaranámið enda kemur það á daginn að fáir sæki inn í það. Fimm ár er langur tími fyrir ekki meiri laun en raun ber vitni. Að auki bætist sjaldan í sérhæfingu kennara með meistaragráðunni.

Öðruvísi kennaramenntaðir einstaklingar koma inn í skólakerfið. Nú koma þeir með bakkalárnám í öðru fagi, taka M.Ed. og verða kennara. Þá vantar alla undirstöðu í því sem kennaranámið (B.Ed.) býður upp á. Þetta er ekki sama kennaramenntunin og ef fólk fer í B.Ed. og síðan M.Ed. Það vantar undirstöðurnar í menntunina hjá þessum einstaklingum.

 

Börnin kunna jafnvel enga bókstafi

Kennarasambandið kyndir undir

Þá er herferð kennara hafin, fjárfestum í kennurum. Veitir ekki af því í stéttina vantar hæft fólk. Launin hins vegar, segja flestir kennarar, mega vera hærri. Vinnuaðstæður valda kennurum meiri höfuðverk en launin. Ástandið í samfélaginu endurspeglar álag á kennara.

Þegar útlendingum er endalaust bætt við inn í bekki án þess að aðstoð komi á móti verður eitthvað undan að láta. Útlenskir nemendur fá sáralitla kennslu í íslensku, svona almennt séð, í skólum. Einstaka skóli gerir kannski betur. Hafi útlendingurinn tök á ensku þá notar hann hana í samskiptum sínum við íslenska nemendur. Það er ekki gott.

Aukið agaleysi á heimilum hefur áhrif í kennslustofunni. Fleiri og fleiri nemendur telja það rétt sinn að geta hagað sér eins og þeir vilja. Lítið og jafnvel ekkert tillit tekið til þeirra sem vilja læra í skólanum og nýta tímann sinn. Svona er lífið margslungið.

Grunnskólakennarar eru með lausan kjarasamning og því er þessi upphitun Kennarasambandsins liður í baráttunni. Þegar fólk er meðvitað um vanda stéttarinnar lítur það kannski öðrum augum á þegar kosning um verkfall verður, ef ekki næsta mánuðinn þá á skólaárinu. Bloggari hefur enga trú á að kjarasamningur, sem kennurum líst vel á, náist án frekari baráttu. Vonandi hefur hann rangt fyrir sér. Kyndingin er í það minnsta á fullu.

Fagmennska

Sigurður Kristinsson segir á Vísindavefnum, ,,Niðurstaðan er að fagmennska er siðfræðilegt hugtak sem krefst þess að verk séu unnin heiðarlega og fyrir opnum tjöldum. Fagleg vinnubrögð kalla á gagnsæi. Fleiri siðferðileg hugtök einkenna einnig fagmennsku og má þar helst nefna ábyrgð og traust.“

Í auglýsingum sínum dregur KÍ fagmennsku fram í sviðsljósið. Sambandið vill að kennarar sýni ábyrgð, traust og fagleg vinnubrögð.

Það er engin fagmennska í því að nauðga íslenskunni eins og forystusauðir KÍ og margir kennarar gera. Í anda öfgahreyfinga, sem hafa ekki meiri þekkingu en svo að þeir halda að málfræðilegt kyn og líffræðilegt kyn haldist í hendur, hafa sauðirnir hoppað á kynjavagninn. KÍ og kennarar hafa horfið frá fagmennsku þegar þeir reyna að þóknast minnihlutahóp og hverfa frá grundvallaratriðum málfræðinnar. FAGMENNSKA!

Formaður félags grunnskólakennara, Mjöll Matthíasdóttir, auglýsti eftir dýrum eða börnum, m.a. í siðaráð KÍ. ,,Þau sem áhuga hafa á að starfa að ofantöldum verkefnum…“ FAGMENNSKA! Þau hver? Þau kennarar, þau félagsmenn, þau félagsfólk (eins og MM heldur svo upp á), Þau starfsmenn skóla, þau karlar, þau konur? Hefur Mjöll Matthíasdóttir, formaður Félags grunnskólakennara gleymt hvernig íslensk málfræði virkar? 

Það er lítil fagmennska hjá KÍ, bókaútgefendum námsbóka og þeim kennurum sem halda fram að kynin séu fleiri en tvö. Að menn geti sér til um kyn barns við fæðingu. Að barn eigi eftir að ákveða kyn sitt. Að hægt sé að breyta um kyn. Að kyn sé fljótandi. Að trans-fáninn sé í anda fjölbreytileika, sjá hér.  Er það ekki fagmennska að halda sig við staðreyndir og vísindi þegar kemur að líffræðinni? Þegar logið er að börnum í kennslustofunni hundsar kennari fagmennskuna sem á að byggja á ábyrgð og trausti. Hvernig eiga foreldrar og nemendur að treysta kennurum sem ljúga vísvitandi að börnum?

Baldur Hafstað er með góða grein, smellið á myndina til að lesa.

Hvað segja landsliðskonurnar okkar?

Það færist í vöxt að karlmenn sem skilgreina sig sem konur sæki í kvennaíþróttir. Hefur gerst hér á landi. Sú grein er einstaklingsgrein sem reynir á styrk handleggja og því skiptir máli hvort þú keppir við konu eða karl. Enginn hefur gert athugasemd og alls ekki stúlkurnar sem voru nauðbeygðar til að keppa á móti trans-konu.

Búum til dæmi.

Nú má spyrja, af því danska fótboltasambandið (DBU) vill blanda kynjum ef trans-einstaklingi sýnist svo, hvað ef tveir landsliðsmenn í fótbolta myndu skilgreina sig sem konur og keppa með kvennalandsliði Dana.

Þessir tveir hafa spilað með karlalandsliðinu. Hvernig litist íslenskum landsliðskonum á að fá þá gegn sér í leik við Danmörku? Hvað myndi þjóðin segja? Er keppnin réttlát milli kvennalandsliðanna þegar tveir karlmenn spila í öðru liðinu?

 

 

 

 

 

 

 

 

 

 

 

 

 

 

 

Þessir tveir eru þekktir handboltamenn. Hvað ef þeir ákveða að skilgreina sig sem konur og spila með landsliði kvenna í handbolta, hvernig myndu íslenskar landsliðskonur bregðast við eða þjóðin? Er þetta réttlátt gagnvart íslenskum konum að Danir tefli fram tveimur trans-konum í liði sínu?

 

 

 

 

 

 

 

 

 

 

 

Konur víða um heim hafa mátt þola að karlmenn komi sér inn í kvennaliðin af því þeir ná ekki árangri í karlaliðunum eða einstaklingskeppni. Þá er um að gera að níðast á konum og hafa af þeim sigur. Sundsamband Bandaríkjanna tók á málinu eftir mikla baráttu kvennanna. Trans-konur, fæddir karlmenn, mega ekki keppa í kvennaflokkum og alls ekki í landsliðinu. Vonandi rís upp öflug mótmælabylgja eftir sigur karlanna í hnefaleikum á OL.

Menn sem tala fyrir trans fólki inn í íþróttir segja engan getumun vera á kynjunum þegar þau eru börn/unglingar og því sé í lagi að blanda kynjunum í nafni trans-virðingu. Það er líkamlegur munur á kynjunum sem eru tvö og getu þeirra.

Því miður hefur Þjóðverjum ekki tekist að halda karlpeningnum utan við kvennalið. En kannski einn góðan veðurdag tekst þeim, og öllum heiminum, að úthýsa karlmönnum úr kvennaíþróttum.

 

Undarlegt félag og lélegir blaðamenn

Það er ekki ofsögum sagt að Blaðamannafélag Íslands sé undarlegt félag. Virðist í eigu fámenns hóps sem öllu vill ráða. Hópurinn virðist hafa sniðið Blaðamannafélagið að sínum þörfum ef marka má fréttaflutning félagsmanna af félaginu.

Sigríður Dögg er einstakt eintak. Skattsvikari og fer fyrir verkalýðsfélagi. Fer þetta saman? 

Blaðamenn eiga undir högg að sækja. Þeir flytja ekki hlutlausar fréttir, eru ,,vók" sinnaðir og margir nauðga tungumálinu í nafni hugmyndafræði, rétt eins og forystusauðir Kennarasambands Íslands og fleiri verkalýðsfélaga. Gæði blaðamann hefur rýrnað ef svo má segja. Aðalmálið er að segja frá eigin skoðunum og áhugamálum.

Til að fá fréttir af því sem gerist í heiminum þarf inn á erlenda fréttamiðla því íslenskir blaðamenn sinna ekki starfi sínu eða sinna því illa.

Verkalýðsfélög á Íslandi virðast eiga það sammerkt að til valda komast menn sem vilja öll ráða og stjórna. Misvitrir að sjálfsögu. Félagsmenn virðast oft á tíðum verða aukahlutur í félaginu nema fyrir peningana.

Kennarasamband Íslands er eitt dæmi. Regnhlífasamtök kennarastétta. Félag grunnskólakennara ber það uppi með mjög háum félagsgreiðslum. Á síðast þingi KÍ var samþykkt að ráðast í félagsgjaldalækkun en stjórnin dregur lappirnar. Í könnun meðal félagsmanna kom í ljós að margir líta á KÍ sem stofnun sem hefur fjarlægst félagsmanninn. Mesta skömm forystusauða sambandsins er NAUÐGUN íslenskrar tungu.

Umdeild tillaga stjórnarinnar

Talibanar og Ástralar þagga niður í konum

Þegar konur tala opinberlega reyna ofbeldisfullir karlar að þagga niður í þeim.  Fyrir tveimur vikum Í Melbourne þurftu 100 lögreglumenn til að vernda 20 konur gegn árásum karla og í Brisbane þurftu 60 lögreglumenn til að vernda konur svo þær gætu talað opinberlega. 

Ríkisstjórnir vilja koma í veg fyrir að konur tali og setja lög í Ástralíu til að loka á þær.  Það er sameiginlegt milli Talíbana og áströlsku ríkisstjórnarinnar, og allra annarra ríkisstjórna í Ástralíu, til að sýna hatur sitt á konum.

Vissulega eru ástæður þöggunar ólíkar en engu að síður, þagga á niður í konum. Tjáningarfrelsið er í hættu víða um heim. Ekki bara hjá Talibönum. Ef vestrænu þjóðirnar hætta ekki árásum á tjáningarfrelsið, staðreyndir og sannleikann endum við eins og Talibanarnir.

Trans-aðgerðasinnar og ákveðinn hópur trans-kvenna vilja líka þagga niður í konum. Það er gert með ofbeldishegðun á kvennafundum, dómsmálum og kærum um hatursorðræðu þegar sannleikurinn er sagður. Sumir ganga svo langt að óska eftir atvinnumissi kvenna sem segja sannleikann.

Enn ein lögsóknin vegna sannleiksorða

Það er ekki að trans-konum eða aðgerðasinnum að spyrja. Með valdi ætlar þeir að hafa réttindi af konum. Kosta það sem kosta vill. Bloggari veltir fyrir sér hvenær konur og karlmenn opni augun fyrir því sem gerist víða um heim. Konur lögsóttar fyrir að segja sannleikann um líffræðina, konur og réttindi þeirra.

Í nóvember 2023 sagði Louise Elliot bæjarfulltrúi, í einu versta ,,vók“ bæjarfélagi sem finnst í Ástralíu, frá kæru á hendur sér. Hún segir; fyrst voru það rýmin okkar, síðan íþróttirnar okkar, tungumálið okkar, tækifærin okkar og börnin okkar. Nú koma þeir í veg fyrir hugsanir okkar og raddir.

Mér er fullkunnugt um trú- og tjáningarfrelsi. Ég veit hvað umburðarlyndi er og hvað felst í þátttöku í lýðræðissamfélagi. Grundvallarréttindi sem liggja til grundvallar lýðræðislegum lífsháttum okkar í Ástralíu eru undir árás af því tagi að slíkt hefði verið óhugsandi fyrir fáeinum árum.

Af hverju kærð

Brátt um ég mæta fyrir borgar- og stjórnsýsludómdómstóll Tasmaníu vegna áskana um að hafa hvatt til haturs á grundvelli kynvitundar. Meintur glæpur minn? Ég sagði sannleikann. Ég talaði á viðburði á kvenréttindasamkomunni ,,Let Women Speak“ fyrir utan þinghúsið í Hobart í mars 2023.

Í ræðu minni kom fram að trans-konur eru trans-konur og eru áfram líffræðilegir karlmenn og að ekki er hægt að nauðga einhverjum með getnaðarlim ef það er ekkert typpi til staðar, með vísan til að konur þurfi örugg rými. Skýrt hugsandi fólk veit að þetta er sannleikur og fáránlegt að draga mig fyrir dómstóla fyrir sannleikann.

Það sem við sjáum segir Louise er hápunktur brjálæðisins í kynjahugmyndafræðinni. Brjálæðið er að konur missa rými sín, eins og búningsklefa. Nauðgarar eru vistaðir í kvennafangelsi. Konur hafa glatað tungumálinu sínu þar sem ,,hún“ og ,,kona“ eru í eigu karlmanna. Ekki kom á óvart að það var karlmaður sem var aðalræðumaður á alþjóðlegum baráttudegi kvenna. Að lokum, stjórna skoðunum, hugsunum og tali annarra.

Til að kóróna þetta eru hugmyndadrifin samtök vel fjármögnuð og þeirra vopn eru dómsmál til að þagga niður í fólki sem aðhyllist ekki kynjahugmyndafræðina.

Lög sem uppræta á raunverulegt hatur og ofbeldi eru án efa nauðsyn, en að setja þröskuldinn svo lágt er á árás á trú- og tjáningarfrelsi auk pólitískra samskipta.

Biðjast afsökunar

Ég hefði getað beðið afsökunar og hrökklast í burtu þegar kæran kom. En sannleikur, raunveruleiki, vísindi, öryggi og sanngirni fyrir konur og stúlkur eru mikilvægari en tilfinningar sumra karla. Við getum öll móðgast yfir einhverju en að vera móðguð er hluti af því að vera í samfélagi. Til eru staðreyndir sem við vildum að væru ekki sannar, en þær eru það og engin hneykslan getur breytt því. Að móðgast er hluti af fjölbreytileika, umræðu og lýðræði.

Louise segir að langflestir Ástralar séu á sömu blaðsíðu og hún. Við óskum trans-konum einskis ills og við viljum ,,vera góðar“ en við munum ekki ljúga og við munum ekki fórna þörfum og gildum kvenna.

Það er ekkert ,,framsækið" við að forgangsraða kröfum og tilfinningum sumra karla fram yfir öryggi, sanngirni, reisn og réttindi kvenna.  Það er ekkert réttlátt við það að lýsa því yfir að staðreyndir sé hatur og aðeins ein skoðun sé leyfð. Það er of mikið í húfi til að berjast ekki á móti þessu ruddalega stigi ritskoðunar.

Hér má lesa um málið.

Árásagjarnir trans-aðgerðasinnar

Í Melbourne héldu konur útisamkomu til að tala um kvennamál. Samkomurnar eru alltaf friðsamlegar af þeirra hálfu. Það er ekkert launungarmál að þessar konur segja trans-konur ekki konur, heldur karlmenn því það er þeirra líffræðilega kyn.

Trans-aðgerðasinnum er mjög illa við að konur komi saman og ræði málefni er varðar konur. Á annað hundrað aðgerðasinnar mættu til að skemma fund kvennanna. Þeir köstuðu eggjum og vatnsblöðrum að konunum.

Lögreglan sýndi þeim enga miskunn, enda á ekki að gera það. Löggan bjó til varnarvegg fyrir konurnar og sumir lögreglumannanna notuðu hesta. Það  hefur ekki alltaf verið svo, löggan hefur stundum látið hjá líða að aðstoða konurnar þó aðgerðasinnarnir hafi sýnt ofbeldishegðun. Kannski er það af því sumir í lögregluliðinu eru vókismar.

Konurnar eru kallaðar TERF. Hér má sjá stutt fræðslumyndband um hvað TERF þýðir.

Aðgerðasinnar sýndu puttann. Þeir voru með skilti máli sínu til stuðnings. Þeir vilja kalla karlmenn, sem skilgreina sig sem konur, kvenmenn. Það breytir ekki staðreyndum, líffræðilegur karlmaður getur ekki verið kona.

Eftir situr, af hverju eru aðgerðasinnar svona árásargjarnir, dónalegir og vilja ekki leyfa konum að ræða sín mál. AF HVERJU? Kann einhver skýringu á því?

Hér má sjá upptöku af fundi kvennanna og hér myndir.

Nei, gervipíka og plastleggöng gera þig ekki að konu

Dómurinn í ,,Tickle vs. Giggle“ er ótrúlegur og móðgandi fyrir konur, en hann var ekki óvæntur. Bardaganum um réttindi kvenna lýkur ekki hér. Úrskurður dómarans um að kyn sé jafn breytilegt - rétt eins og fötin okkar, veðrið eða árstíðirnar - er byggt á misvísandi löggjöf í Ástralíu um sjálfsauðkenningu og samruna kynferðis og kyns.

Hugrekki Sall Grover hefur opnað augu margra fyrir hættunni af lögunum um kynrænt sjálfræði og mikilvægi þess að vernda réttindi kvenna.  Maya Fostater tapaði líka sínu máli í fyrstu umferð en vann á æðri dómstigum, það er von fyrir konur í Ástralíu og heim allan á næsta dómstigi.

Bloggari hallast að dómarinn sé smitaður af vókisma. Hann óttast kannski um líf sitt því trans aðgerðasinnar hafa sýnt ofbeldisfulla hegðun þegar þeim mislíkar eitthvað. Hér má hlusta á hvað vók er.

Sall Grover var spurð ýmissa spurninga í réttarsalnum. Málið varðar ekki bara réttindi kvenna. Það fjallar um rétt okkar til að halda í raunveruleikann og trúa sannleikanum.

Tveir plús tveir verða aldrei fimm. Heldur ekki þó menn skrifi það í lögin. Það verða heldur ekki fimm þó menn reyni að halda því fram. Staðreyndum breytir maður ekki. Að karlmaður kaupi sér föt í kvennadeild gerir hann ekki að konu. Að karlmaður noti kvenmannsnafn gerir hann ekki að konu. Að karlmaður fái hormón til að stækka brjóst sín gerir hann ekki að konu. Að karlmaður láti setja upp gervipíku og plastleggöng gerir hann ekki að konu. Svo einfalt var svar Sall Grover, sjá skjáskot.

 

Trans-konur eiga ekki að hafa sömu réttindi og konur

Marie Bjerre Jafnréttisráðherra Dana er í áfalli yfir skilaboðum og athugasemdum sem hún hefur fengið sem eru miður falleg. Henni finnst þau hatursfull á köflum. Á Íslandi þekkjum við þetta. Hún er kölluð allt mögulegt, tranfóbísk, hatursfull og þaðan af verra.

Ég get alveg kallað þig ,,hún” og ég mun virða þitt val. En ég verð svo sannarlega fúl ef ég sé þig í búningsklefanum með mér.” Þannig hljóma skilaboðin til trans- kvenna frá Jafnréttisráðherranum Marie Bjerre.

Marie hefur verið í kvörninni hjá fólki eftir að hún skrifaði grein þar sem hún kom inn á afleiðingarnar, sérstaklega fyrir konur, eftir að lögin um kynrænt sjálfræði voru samþykkt. Vókisminn gengur of langt. Glymur í bergmálshellinum!

Grein ráðherrans hefur m.a. fengið ritara LGBT+ í Danmörku upp í rjáfur. En það hefur ekki hrætt Marie Bjerre sem hefur haldið sig við málflutninginn og segir að það eigi ekki að meðhöndla trans-fólk það kyn sem það hefur skráð sig sem í gegnum kynrænt sjálfræði.

,,Það er ekki það að ég vilji draga lögin um kynrænt sjálfræði til baka, ég er að reyna að koma því á framfæri að þau valda alvarlegum vandamálum og að það geti bara ekki verið sjálfkrafa breyting á kynrænu sjálfræði að réttindin fylgi með.

Verðum að hafa mörk

Hún heldur áfram, ,,það er nauðsynlegt að hafa mörk.” Trans konur eigi að halda sig frá búningsklefum kvenna, sem eru t.d. réttindi sem trans fólk á ekki að hafa eftir kynrænt sjálfræði.

Henni datt ekki í hug að umræðan um málaflokkinn væri svona mikið vandmál. Að maður megi ekki segja maður og kona. Að maður megi ekki segja að kona fæði barn, heldur manneskja. Þetta er rangt. Segja má að málaflokkurinn sé tifandi tímasprengja.

Þulurinn hælir henni fyrir að þora. Það er ekki á allra færi að taka þátt í baráttunni. Kynin eru tvö og því verður ekki breytt segir ráðherrann.

Mjög auðvelt er fyrir stjórnmálamenn að segja já við kynrænu sjálfræði en það hefur sýnt sig að mörg vandamál hafa komið upp. Eitthvað sem menn sáu ekki fyrir.

Hér má hlusta á viðtal við Marie Bjerre.

Á Íslandi eru menn kærðir ef þeir segja sannleikann um málaflokkinn. Í sumum tilfellum er kraftist brottrekstrar. Kærðir af fólki sem hugnast ekki umræða um trans málaflokkinn. Segja má að þetta fólk sé úlfur í sauðagæru. Þa nær hylli almennings í nafni umburðarlyndis og fjölbreytileika en bítur svo frá sér þegar reynt er að ræða af skynsemi um trans málaflokkinn. Svo ekki sé talað um að fyrirtæki og opinberar stofnanir sem gerðar eru að féþúfum.

Hvað þá þegar sannleikurinn er sagður. Þá fyrst verður allt vitlaust.