Sorgardagur í dag 1. nóvember

Í dag öðlast ný lög gildi í Þýskalandi. Víða um heim mótmæla konur fyrir framan þýska sendiráðið. Þarna hefði Kvenréttindafélag Íslands átt að skipuleggja mótmæli líkt og kynsystur þeirra gerðu víða um heim.

Send var út tilkynning til fjölmiðla og í henni segir;

Við mótmælum þýsku lögunum ,, Gesetz über die Selbstbestimmung in Bezug auf den Geschlechtseintrag“ eða á íslensku, Lög um ákvörðunarrétt á kynskráningu. Eða bara sjálfákvörðunarlögin.

Framvegis getur maður breytt fæðingarkyni sínu með því að sækja um hjá þjóðskrá sem sér um skráningu þýskra borgara sem fæðast þar í landi.

Börn geta breytt kyni sínu. Ef barn er 14 ára á það sjálft að geta sótt um breytingu. Ef barnið er undir 14 ára eiga foreldrar að senda umsóknina og barnið á að vera til staðar þegar umsóknin er afhent. Ef barnið er 5 ára þarf það að gefa samþykki sitt fyrir umsókninni. Ef foreldrar eru ekki á einu máli getur fjölskylduhúsið tekið ákvörðun.

Fulltrúi Sameinuðu þjóðanna, Reem Alsalem, um ofbeldi gagnvart konum og stúlkum hefur áhyggjur af öryggi kvenna og stúlkna þegar lögin öðlast gildi. Alsalem hefur látið í ljós áhyggjur sínar á mannréttinum kvenna og stúlkna því sjálfákvörðunarlögin gleymdu að gera ráð fyrir hvað á að gera við þá karlmenn sem misnota lögin og taka sér rétt til að nota einkarými kvenna og stúlkna, almenningssalerni, kvennaathvörf, kvennafangelsi o.s.frv. Hvernig hafa menn hugsað sér að vernda stúlkur og konur?

Það eru sérstaklega konur sem hafa orðið fyrir ofbeldi sem geta fengið áfall að hitta karlmann í búningsklefa sundlaugar. Til að forðast það gætu þær valið að halda sig frá sundlaugum. En hvernig hafa menn hugsað sér að tryggja öryggi stúlkna og kvenna í búningsklefum?

Það verður forkastanlegt þegar lögin banna að spyrja einstakling hvort hann sé fæddur karlmaður, eða ef maður vill segja öðrum frá að í reynd er þetta ekki kona heldur karlmaður. Það verður bannað að vara stúlkur og konur við karlmanni, sem klæðir sig eins og kona, en er í reynd karlmaður.

Lögin gera 14 ára gömlu barni kleift til að breyta kynskráningu sinni án samþykkis foreldra. Lögin vernda ekki hagsmuni barna - sérstaklega stúlkna - og tryggja ekki að þau fái bestu mögulegu meðferð þegar þau glíma við ónot í eigin skinni og sjálfsmyndina á kynþroskaaldrinum.

Þýskaland tryggir ekki misnotkun á lögunum.

Hér má lesa meira um lögin.

Hér má sjá myndband sem hefur farið um eins og eldur í sinu. 

Hér verður mótmælt kl. 12 á hádegi. 

Oceanien:

Wellington, New Zealand

Asien:

Taiwan

Indien

Japan

Europa:

Berlin, Tyskland

Portugal

Paris, Frankrig

Belgien

Norge

Spanien

Milan, Italien

Luxemburg

Østrig

Bern, Schweiz

Holland

Edingburgh, Skotland

Dublin, Irland

London, United Kingdom

Reykjavik, Island

Nordamerika:

New York City

Atlanta, Georgia

Minnesota, Midtvesten

Chicago, Illinois

Los Angeles, Californien

San Francisco, Californien

Boston, Massachusetts

Montreal, Canada

Sydamerika:

Rio de Janeiro, Brasilien

Brasilia, Brasilien

Sao Paulo, Brasilien

 

Breyta þarf fánalögum

Þau orð Einar borgarstjóra að fáni Úkraínu muni blakta við hún hjá ráðhúsi borgarinnar þar til sigur Úkraínu er í höfn er óboðlegt. Hér er um ríkisstofnun að ræða og enginn þjóðfáni, annar en sá íslenski, á að blakta þar. Í undantekningatilfellum þegar ráðamenn annarra ríkja eru í heimsókn.

Mörg lönd eru í stríði. Borgarsjtóri ákveður að betra sé að styðja eitt land með flöggun fána en annars. Við flöggum fyrir landi sem var það spilltasta í heimi áður en stríði braust út. Skyldi það vera enn! Forseti Úkraínu neitar að halda kosningar og situr á forsetastóli án umboðs. 

Það kemur ekki nægilega skýrt fram í fánalögum að bannað sé að flagga öðrum fánum en þeim íslenska við opinberar byggingar en það þarf inn í lögin. Dæmin hafa sýnt það.

Sama á við um marga skóla, sem nota fánastangir sínar fyrir áróður sem nemendur og starfsmenn þurfa að hafa fyrir augum sér hvern dag. 

Hér má lesa fánalögin; 34/1944: Lög um þjóðfána Íslendinga og ríkisskjaldarmerkið | Lög | Alþingi

Allar konur ættu að vera sammála Rowling

Las frétt eftir Árna Sæberg um að Jón Magnússon sé sammála J.K. Rowling í skoðunum sínum um baráttumál kvenna. Ástæðan er að hann er á lista Sjálfstæðisflokksins. Allar konur ættu að vera sammála þeim.. Árni fellur í þá gryfju að apa upp hvað trans-hreyfingum finnst en ekki hver eru baráttu mál hennar. Hún segir alla mega vera eins og þeir vilja en ekki ganga á réttindi annarra fyrir að vilja vera eitthvað annað en þeir fæddust.

Í stuttu máli:

1. Trans-konur eru karlmenn sem skilgreina sig sem konur.

2. Trans-konur eiga ekki heima í kvennafangelsum.

3. Trans-konur eiga ekki heima í kvennaíþróttum.

4. Trans-konur eiga ekki heima í kvennaathvörfum.

5.Trans-konur eiga ekkert erindi inn í búnings- og baðklefa kvenna.

6. Trans-konur hafa ekkert með að ganga á mannréttindi kvenna.

 

Er ekki tímabært að blaðamenn flytji fréttir af því sem sannara er?

 

Ljótar lexíur grunnskólakennara!

Svo bregðast krosstré sem önnur, hver hefði trúað því að grunnskólakennarar ætli að kenna börnunum okkar jafn ljótar lífslexíur eins og raun ber vitni.

 

Þegar þeir taka höndum saman í verkfallsaðgerðum og ákveða að taka fyrir lítinn hóp saklausra barna og nota hann sem vopn í kjarabaráttu sinni spyr maður sig hvort þeim þyki alveg sjálfsagt að velja úr fórnarlömb, að mismuna og beita öllum mögulegum bolabrögðum til að ná fram markmiðum sínum. Allt á kostnað þeirra sem síst skyldi. Kannski er hugmyndin sú að kenna börnunum mikilvægi þess að berjast fyrir sínum eigin sérhagsmunum, jafnvel þótt það þýði að troða á réttindum annarra.

 

Ég velti líka fyrir mér hvort þetta sé ekki brot á jafnræðisreglu stjórnarskrárinnar, að fámennur hópur barna sé sviptur sínu námi, á meðan öll önnur njóta, en hvaða máli skipta landslög þegar kjarabarátta grunnskólakennara er annars vegar. Er ekki bara í góðu lagi að skapa fordæmi sem grefur undan grunngildum samfélagsins?

 

Sama gildir um Barnasáttmála Sameinuðu þjóðanna, sem tryggja á öllum börnum menntun án mismununar. Eru öll börn jöfn þegar ákveðið er að kasta hluta þeirra fyrir ljónin? Helgar tilgangurinn alltaf meðalið? Jafnrétti er greinilega ekki ofarlega í huga kennara sem hafa ákveðið að þessi alþjóðlegu mannréttindi eigi ekki við á okkar litla Íslandi.

 

Sömu sögu er að segja um siðareglur kennara, sem kveða á um að þeir skuli gæta velferðar nemenda sinna og sýna þeim virðingu, en kannski eru siðareglurnar bara tillögur, frekar en reglur því sum börn eru greinilega jafnari en önnur þegar kennarar ætla að ná fram betri launakjörum en aðrir landsmenn hafa þurft að gera sér að góðu í því árferði sem nú er.

 

Kannski ættum við bara að þakka kennurum fyrir þessa dýrmætu lexíu. Börnin okkar munu nú skilja hvernig heimurinn virkar í raun og veru. Þau munu sjá að jafnvel þeir sem eiga að vera fyrirmyndir og verndarar þeirra geta brugðist og sett sína sérhagsmuni ofar öllum öðrum. Það er víst í lagi að nota valdastöðu sína til að réttlæta mismunun ef málstaðurinn snýst um peninga!

 

En í alvöru talað, er þetta sú samfélagsmynd sem grunnskólakennarar vilja skapa? Engum dylst að kjarabarátta er nauðsynleg en það hljóta að vera til leiðir sem virða réttindi allra barna, óháð því hvaða skóla þau sækja. Við skulum krefjast þess að börnin okkar fái þá menntun sem þau eiga rétt á, án þess að vera notuð sem peð í kjarabaráttu kennara.

 

 

Höf: Einar Magnús Einarsson, birt með hans leyfi.

 

 

Efni í menntamálaráðherra

Eins og Jón Pétur hefur fjallað um menntamálin er hann gott efni í ráðherra menntamála. Hann talar tæpitungulaust og komist hann í sæti ráðherra hefur hann tök á að sýna hvað í honum býr. Jón ætti að vera fyrsti valkostur allra flokka sem ná inn á þing í embættið.

Oft hafa menn alls konar ráðgjafa með í ráðuneyti sitt. Án efa fengi Jón Pétur úrval af góðum ráðgjöfum sem tekur á því sem Ásmundur hefur sofið yfir undanfarin ár, mörg ár.

Jón Pétur í þriðja sæti hjá Sjálfstæðisflokki

Heiður og múslímasystkin

Öll þekkjum við sögur af heiðursmorðum og ofbeldinu sem fylgir því að fara ekki eftir trúarbrögðum íslams. Eitt mál hefur ratað í dómskerfið hér á landi. Með fjölgun múslíma má búast við fleiri málum af sama toga. Í langflestum tilfellum eru það stúlkurnar sem lenda í þessu.

Í Danaveldi er þetta vel þekkt. Dómar hafa fallið. Hér má lesa um einn slíkan.

Stúlka var beitt hrottalegu ofbeldi af bróður sínum, hann er íranskur ríkisborgari. Krepptur hefni, spark í höfuðið og ryksuga notuð til að berja hana. Nú hefur hann, sem er 25 ára, verið dæmdur í átta mánaða fangelsi skilorðsbundinni brottvísun og heiðursofbeldi gagnvart systur sinni sem er 24 ára.

Hún vann það til saka að fylgja karlmönnum á Instagram segir bróðirinn og farið gegn ramma trúarinnar.

Læsti hurðinni svo hún gæti ekki stungið af

Ofbeldið átti sér stað þann 10. júní þegar fórnarlambið kom heim í íbúðina móður sinnar í Árósum. 

Hún hitti bróður sinni sem sakaði hana um að fylgja mörgum karlmönnum á Instagram, með því telur hann að hún hafi brotið gegn trúnni. Hann æsti hurðinni svo hún gæti ekki stungið af. Hann sló hana mörgum sinnum með krepptum hnefa, sparkaði í höfuðið meðan hún lá í gólfinu og sló hana með ryksuguröri.

Að auki þvingaði hann hana til að fjarlægja alla karlkyns reikninga eða blokka þá.

Fjölskyldumeðlimur kallaði eftir hjálp. Lögregla og sjúkralið mætti á staðinn. Stúlkan meiddist töluvert eftir árásina og var færð á slysavarnadeildina.

Viku eftir árásina fann lögreglan bróðurinn sem var kærður og settur í varðhald.

Dómstóllinn: Trúarbrögð og heiður veldur harðari refsingu

Fyrir dómi lagði ákæruvaldið fram nokkur bréfaskipti í farsíma hins 25 ára gamla þar sem hann skrifar bróður sínum um gjörðir systur sinnar á samfélagsmiðlum.

Tilefni árásarinnar skiptir miklu máli í þessu máli og dómstóllinn taldi það sannað bróðurinn vildi að systirin hagaði sér í takt við trúarskoðanir þeirra. Hann var dæmdur fyrir gróft ofbeldi sem var knúið áfram af trúarbrögðum og heiðri sagði dómarinn í málinu.

Hann neitaði sök og áfrýjaði málinu.

Slæmt að heyra

Presturinn er ekki góður kostur inn á Alþingi Íslendinga. Hann styður að logið sé að börnum í skólakerfinu og kirkjunni af því hann er tvíkynhneigður, að eigin sögn. Hann hefur lagt sitt að mörkum til að rugla börn í ríminu, sem eiga við andleg veikindi að stríða og halda að þau séu ekki það kyn sem þau fæddust. Kynin eru tvö og enginn getur breytt því.

Vinstri grænir eiga hvíld skilið, allavega næstu fjögur ár ef ekki lengur. Svandís sýndi sitt rétta andlit þegar nú misnotaði fé almennings og lét tvær milljónir í pólitísku samtökin Kvenréttindafélagið. Sennilega kaupir hún sér einhver atkvæði með gjörningnum. 

Sindri Geir leiðir VG í Norðausturkjördæmi

Barnamálaráðherra lætur eins og hann hafi tekið við embætti fyrir viku eða svo!

Það er þyngra en tárum taki að hlusta á barnamálaráðherra tjá sig um hinn hörmulega atburð sem átti sér stað á Stuðlum. Votta aðstandendum samúð mína. Það eru ekki til orð sem lýsa því hve sárt það er að missa barnið sitt.

Rætt var við Ásmund ráðherra barna og menntunar í landinu. Bloggari skilur ekki hvernig maður sem hefur verið í ráðherraembætti í nokkur ár skuli tala eins og hann hafi tekið við fyrir nokkrum dögum. Hann harmar að kviknað hafi í, að sjálfsögðu, en svo gefur hann í skyn að það hafi verið ástæða þess að svona illa gangi í þessum málaflokki. 

Segi eins og Davíð Bergmann, þér ber að víkja sem ráðherra. Ekkert í embættisfærslum ráðherrans réttlætir að hann sitji áfram. Kannski sjá kjósendur til þess að hann komi ekki nálægt ráðherraembætti meira.

Málaflokkurinn hefur mætt afgangi hjá ríkisstjórninni það sjá það allir sem það vilja sjá. Ásmundur hefur verið of upptekin við annað, m.a. að kippa samræmdum prófum úr gildi án þess að nokkuð komi í staðinn. Orðspor ráherrans verður ekki á jákvæðu nótunum þegar hann hættir, það er nokkuð ljóst.

Hér er frétt og spjall við Davíð Bergmann.

Hvað gerist ef við fækkum skjátíma niður í þrjár klukkustundir á viku?

Í danskri rannsókn var rannsakað hvaða áhrif fækkun skjátíma hefur á fjölskyldu. Markmið rannsóknarinnar var að kanna áhrif tveggja vikna íhlutunar, til að draga úr skjánotkun, á geðheilsu barna og unglinga. Alls tóku 89 fjölskyldur þátt í rannsókninni.

,,Stafræn tæki er miðlægur hluti af daglegu lífi barna og ungmenna og aukin áhersla hefur verið lögð á hugsanlegar afleiðingar of mikils skjátíma. Nokkrar rannsóknir benda til mögulegra tengsla milli langtíma skjánotkunar og áskorana með bæði andlega og félagslega heilsu í huga. Ný rannsókn er komin fram og þar skoðuðu menn hvað íhlutun hafði að segja. Skjátíminn var takmarkaður í þrjár klukkustundir á viku. Tveggja vikna íhlutun með að hámarki þriggja klukkustunda skjátíma á viku var skoðað.

Einn höfundur rannsóknarinnar, prófessor Anders Grøntved, deildarstjóri rannsókna við Háskólann í Syddanmark, segir: "Niðurstöður rannsóknarinnar sýndu fram á bætta andlega heilsu barna og ungmenna vegna minni skjánotkunar í frítíma fjölskyldunnar. Sérstaklega sáum við minnkun á innri einkennum samanborið við samanburðarhópinn. Einkennin sem minnkuðu var meðal annars tilfinningalegir erfiðleikar eins og áhyggjur og taugaveiklun. Geðrænum kvörtunum fækkaði eins og höfuðverkur eða magaverkur án líkamlegrar ástæðu, og erfiðleikar í tengslum við jafnaldra.

Félagslega bætt hegðun

Við sáum merki um bætta félagslega hegðun, þar á meðal aukna vinsemd, hjálpsemi og tillitssemi. Niðurstöðurnar styðja því þá tilgátu að mikil neysla á skjámiðlum geti átt þátt í þeim andlegu áskorunum sem mörg börn og ungmenni upplifa í dag. Ein möguleg skýring á bættri geðheilsu barna gæti verið sú að minni skjánotkun í fjölskyldunni gefi börnum og unglingum meiri tíma til að vera líkamlega með foreldrum, systkinum og vinum. Það sem við vitum, er að það skiptir sköpum fyrir geðheilsuna.

Önnur skýring gæti verið sú að foreldrarnir upplifðu einnig bætta andlega líðan, sem við höfum áður skráð í tengslum við skap þeirra og almenna líðan. Það reyndist einnig betra miðað við foreldra úr samanburðarhópnum. Þetta hefur skapað jákvæðara andrúmsloft á heimilinu og gefið foreldrunum meiri orku.

Að lokum getur tegund og innihald skjánotkunar, svo sem samfélagsmiðlanotkun, haft áhrif á geðheilsu, þar sem sýnt hefur verið fram á, í fyrri alþjóðlegum slembiröðunum rannsóknum,2 að takmarkanir á samfélagsmiðlum meðal ungmenna draga úr einkennum einmanaleika og þunglyndis."

Hér má lesa umfjöllunina og hér má lesa um rannsóknina.

Tjáningarfrelsið til umræðu á Barnamálaráðstefnu

Eins og áður er nefnt komu margir fyrirlesarar að ráðstefnunni. Páll Vilhjálmsson flutti erindi um tjáningarfrelsi og þöggun. Áhugaverður fyrirlestur. Hann varpaði ljósi á samþykkta hegðun og ósamþykkta í samfélaginu. Gerði það á skemmtilegan hátt.

Hann nefndi sem dæmi ef karlmaður vill vera kona á laugardögum er ekkert mál að samþykkja það. Við köllum hann Maríu á laugardögum. Konur myndu gera það líka. Hins vegar ef María vill í búningsklefa kvenna væru margar konur sem samþykkja hann ekki lengur sem konu og þá hegðun að vilja inn í kvennaklefann. 

Í kjölfarið ræddi Páll um þöggunina sem oft er fylgifiskur þegar ræða á sannleikann. Von er á öllum fyrirlestrunum frá ráðstefnunni á netið.