Óheiðarleg framsetning á ,,Pride“

Faðir í Drammen í Noregi neitar að senda börn sín í leikskólann á meðan ,,Pride“  mánuðurinn stendur yfir.

Bæjaryfirvöld og leiksskólastarfsmenn nota barn hann í pólitískri hugmyndafæði.

Mánuðunum er fagnað m.a. með skrúðgöngum og flöggun trans-fána á opinberum byggingum.

Margir grunn-og leikskólar taka þátt í gleðinni og í Drammen skipulögðu allir skólar viku fjölbreytileikans í maí.

Markmiðið var að leggja áherslu á að skólastofnanir eiga að vera fyrir alla, óháð mismun.

Öll börn og nemendur eiga að fá jafna meðferð, og enginn á að upplifa mismunun, skrifar Thomas Larsen Sola, forstöðumaður skólamála í Drammen, í Nettavisen.

Skrýtið sjónarmið,  var það ekki áður en trans-hugmyndafræðin náði tökum á leikskólafræðunum og pólitíkinni? Bjuggu börn við mismunun á skólastofnunum?

Ekki sáttur

Það er langt í frá að allir séu sáttir með þetta og einn þeirra er Aril Schultzen sem á þrjú börn á leikskólaaldri.

Þetta er annað árið í röð sem börnin hans fá aukafrídag vegna ,,Pride“ gleðinnar í skólum bæjarins.

Hann segir að þetta sé pólitískur gjörningur sem á ekki heima í skólum. Málefnið sé beintengt pólitískum baráttumálum, sem oftast eru umdeild. ,,Pride“ hefur alltaf verið umdeilt.

Horfi maður á hvað gerist í Gleðigöngunni eru pólitísk slagorð til dæmis frelsi þegar kemur að notkun fíkniefna, kynlífskauplöngun, gera ,,polyamori“ að eðlilegum hlut og BDSM, víkka fóstureyðingarlögin og óvísindaleg framsetning á kyni svo eitthvað sé nefnt.

,,Pride“ hefur verið notað af pólitískum aðgerðasinnum alla leið.

Óheiðarleg framsetning á ,,Pride“

Fleiri leikskólar leggja áherslu á að Pride-hátíðin í leikskólunum snúist fyrst og fremst um andlitsmálun og það sé flott að ekki séu allir eins. Schultzen telur þessa framsetningu óheiðarlega.

Þetta er eins og að sjóða lifandi frosk. Pólitíkin er sú sama og leikskólarnir eiga að vera heiðarlegir um hvað þetta er.

Færst hefur í vöxt að foreldrar í Noregi mótmæli þessari trans-hugmyndafræði í skólum landsins.

 Hér má lesa um málið:Pride, Barnehage | Far held barna heime frå Pride-markering i barnehagen: – Politisk ideologi

Eru börn óhult eftir dóminn?

Dómari hefur loksins mótmælt kynjahugmyndafræðingunum og læknisfræðilegum tilraunum þeirra á börnum.

Ástralía tekur stundum seint við sér þegar um pólitísk málefni er að ræða. Gjaldið getur verið hátt. Skortur læknisfræðinnar á meðferð barna sem segjast vera trans (ónot í eigin skinni), umræðan í Bandaríkjunum og Bretlandi undanfarin ár sýnir hve Ástralía tekur seint við sér. Sem betur fer er það að breytast.

Dómur sem hefur áhrif

Nýlegur dómur í fjölskyldudómi leiðir í ljós hvers vegna. Málið snerist um 12 ára dreng í Melbourne, sem með hvatningu móður sinnar sóttist eftir kynþroskablokkum á þeirri forsendu að ,,rétt" kyn hans væri stúlka. Faðirinn, þó að hann væri ekki á móti löngun sonar síns til að ,,kanna" kynvitund sína (hann klæðist til dæmis stelpunærfötum), dró línuna við kynþroskablokka.

Dómarinn Andrew Strum lenti í þeirri erfiðu stöðu að dæma í þessari ömurlegu fjölskyldudeilu. Með dómi sínum ákvað hann að svipta móðurina forræðinu. Hann gagnrýndi einnig harðlega sjúkrahúsið þar sem drengurinn var meðhöndlaður. Þetta er í fyrsta sinn sem trans rétttrúnaði hefur verið mótmælt í áströlsku réttarkerfi.

Áhugaverður læknir

Eitt nafn stóð sérstaklega upp úr í málinu - Dr. Michelle Telfer, sem bar vitni til stuðnings móður barnsins. Telfer, í stöðu sinni sem yfirmaður lækninga við Royal Children's Hospital í Melbourne, skrifaði það sem sjúkrahúsið lýsir sem ,,bestu starfsvenjum", leiðbeiningum um meðferð barna sem segjast vera trans. Þetta felur í sér gjöf kynþroskablokka, ,,kynstaðfestandi" hormóna og jafnvel tvöfalt brjóstnám fyrir stúlkur þegar þær ná 16 ára aldri. Ótrúlegt nokk tekur Melbourne RCH í Telfer við þriggja ára börnum í meðferð.

Í stað þess að hlýða leiðbeiningunum um ,,bestu starfsvenjur" tók Strum dómari þær til umræðu ,,Ég sætti mig ekki við að barnið, á þessum aldri og fyrir kynþroskaskeið í lífinu, geti skilið almennilega afleiðingar og hugsanlega áhættu kynþroskablokka," skrifaði hann. Eins og allir hugsandi fullorðnir lýsti Strum dómari yfir alvarlegum efasemdum um siðferði þess að leyfa barni að taka lífsbreytandi læknisfræðilegar ákvarðanir. ,,Barnið er enn barn og ekki einu sinni, ef það skiptir máli, unglingur," sagði hann.

Telfer læknir reiddi sig á orðagjálfur og ýkjur til þess að færa rök fyrir máli sínu. Hún sagði fyrir dómi að börn sem finna fyrir ónotum í eigin skinni og fjölskyldur þeirra væru ,,best í stakk búin til að vita hvað væri þeim fyrir bestu.“ Hún líkti meira að segja Cass-skýrslunni, sem fann engar vísindalegar sannanir til að réttlæta notkun kynþroskablokka, við nasisma.

Strum dómari sýndi skynsemi og mannúð. ,,Á þessu stigi í lífi barnsins ættu allir möguleikar að vera opnir, án nokkurrar ásættanlegrar hættu á skaða fyrir barnið," skrifaði hann í dómi sínum.

Réttmæt gagnrýni dómara

Á öðrum augnablikum var gagnrýni Strum dómara á Telfer og Melbourne RCH beittari. Hann spurði réttilega hvernig leiðbeiningar spítalans urðu ,,bestu starfsvenjur", þegar hann hefði ekki ,,samþykki ... samveldisins, ríkis eða yfirráðasvæðis, þar með talin ríkisstjórn eða ráðherra ... eða heilbrigðisráðuneytisins". Með öðrum orðum, það eru bestu starfsvenjur samkvæmt Telfer og sjúkrahúsinu sem hún rak – engra annarra. Strum dómari sagði að vitnisburður hennar í yfirheyrslunni jafngilti því að hún væri sammála sjálfri sér.

Löngu tímabært

Uppgjör fyrir Telfer og Melbourne RHC getur ekki gerst nógu fljótt. Undanfarin ár hefur sjúkrahúsið tekið á móti bylgju ólögráða barna sem segjast upplifa ónot í eigin skinni, úr 100 sjúklingum árið 2014 í meira en 1,000 árið 2022. Þúsundum barna hefur verið ávísað kynþroskablokkum (Strum dómari benti á að ,,engin önnur meðferðarúrræði" væru í boði), en notkun þeirra er í auknum mæli sniðgengin á Vesturlöndum.

Melbourne RCH gæti vel orðið Tavistock í Ástralíu – kynjastofan í London sem vakti hneyksli og neyddist til að loka eftir Cass skýrsluna.

Ástralía gæti hafa verið sein að vekja athygli á hættunni af kynþroskablokkum og hormónameðferðum, en það eru merki um að yfirvöld séu að taka við sér og ætli að vinna hratt.

Í janúar tilkynnti alríkisstjórn Verkamannaflokksins um rannsókn á meðferð barna sem finna fyrir ónotum í eign skinni, með sérstakri áherslu á kynþroskablokka. Þau fylgdu fordæmi stjórnvalda í Queensland, sem fyrr í mánuðinum varð fyrsta ástralska lögsagnarumdæmið til að gera hlé á notkun kynþroskablokka.

Þessi þróun virtist ómöguleg fyrir aðeins níu mánuðum síðan, síðast þegar trans aðgerðasinni flutti mál sitt fyrir áströlskum dómstóli. Í Tickle vs Giggle úrskurðaði dómari að app sem hannað var sérstaklega fyrir konur mismunaði manni að nafni Roxanne Tickle með því að banna honum að nota það. Fordæmið sem sett var í því máli, þ.e. að ,,kyn er breytanlegt og ekki endilega tvískipt", var sem betur fer hunsað af Strum dómara.

Kynþroskablokkarar eru vafasamir

Í hvert skipti sem kynþroskablokkar og hormónameðferð eru nefnd hafa meðferðirnar verið afhjúpaðar sem vafasamar og skaðlegar. Fólk og stofnanir sem stuðluðu að þessum svokölluðu meðferðum þarf að draga til ábyrgðar. Að lokum eru merki um að þetta gæti gerst fyrr en síðar. Trans hugmyndafræði er að missa tökin á Ástralíu.

Hugo Timms skrifaði greinina en hann er aðstoðarritstjóri Spiked.

Starmer undir þrýstingi, rannsakar nauðgunargengin

Eftir gríðarlegan þrýsting hefur Keir Starmer, forsætisráðherra Bretlands, tekið U-beygju og mun nú láta rannsaka glæpagengin sem hafa misnotað ungar stúlkur um árabil.

Lengi vel lokaði lögregla og yfirvöld augunum fyrir vandamálinu. Niðurstaðan var sú að ofbeldisgengi störfuðu óhindrað í breskum borgum í mörg ár.

Skýrsla sem sýnir hversu hrikalegt þetta var þrýstir á stjórnvöld að bregðast við.

Lögreglan óttaðist kynþáttafordóma

Louise Casey var fengin til að kortleggja og skoða umfang og eðli barnaníðs á grundvelli þessara hópa. Skýrslan var kynnt. Þar segir að lögreglan hafi forðast að rannsaka ofbeldisgengin af ótta við að vera álitin kynþáttahatarar.

Vegna hræðslu ríkisstjórna um ólgu í samfélaginu var upplýsingum og sönnunargöngum haldið leyndum. Þær upplýsingar voru að gerendur væri af asískum uppruna.

Spurningar um þjóðerni voru spurðar, en forðast að svara því í mörg ár. Kynferðisleg misnotkun á börnum er hræðileg, sama hver fremur hana. Gnótt af sakfellingum um allt land réttlætir frekari rannsókn á þessum asísku karlahópum, segir Casey í skýrslunni.

Í stað rannsókna höfum við séð yfirhylmingu. Í tómarúmi eru ófullnægjandi og óáreiðanleg gögn notuð til að þóknast tilgangi þeirra sem setja þau fram. Kerfið heldur því fram að vandamálið með hvíta gerendur sé yfirþyrmandi þegar ekki er hægt að sanna það, heldur hún áfram.

Krefst þess að lögreglan verði rannsökuð

Sammy Woodhouse lifði sjálf af misnotkun nauðgunargengis í Rotherham og berst nú fyrir réttindum fórnarlambanna.

Hún segist hafa heyrt þetta allt áður, að rannsaka eigi málið en ekkert gerist.

Þegar hún var 14 ára var hún misnotuð kynferðislega af Arshid Hussain, sem var tilnefndur sem leiðtogi ofbeldisgengis.

Hún varð fyrir ofbeldi, þar á meðal nauðgun, líkamsárás og þvingun með hótunum um að fjölskylda hennar yrði drepin. Hún varð ólétt af barni Hussain árið 1999 þegar hún var aðeins 15 ára gömul. Hún segist ekki una sér hvíldar fyrr en allir lögreglu- og embættismenn sem hylmdu yfir þessum óhugnaði verði rannsakaðir fyrir þátttöku sína.

Þrýstingur á Starmer hafi áhrif á U- beygjuna

Starmer forsætisráðherra hefur áður hafnað kröfum um rannsókn á landsvísu og haldið því fram að búið væri að rannsaka málin. Þau hefðu verið rannsökuð í sjö ára rannsókn undir forystu prófessors Alexis Jay. Rannsókninni lauk árið 2022. Nú hefur honum snúist hugur.

Ríkisstjórnin hóf endurskoðun undir forystu Casey og skipulagði fimm staðbundnar rannsóknir - eina í Oldham og fjórar á svæðum sem enn hafa ekki verið nafngreind.

Casey telur að rannsókn á landsvísu sé enn nauðsynleg.

Nokkur sveitarfélögum neituðu að rannsaka málið og sum samtök neituðu að tala við rannsakendur hennar skrifar BBC.

Gagnrýni á ráðherrann

Starmer var gagnrýndur fyrir að vera tregur til að framkvæma rannsókn á landsvísu. Íhaldsmenn telja að hann hafi verið beittur þrýstingi til að snúa skoðun sinni við.

Elon Musk hefur einnig gagnrýnt Starmer.

Samkvæmt Le Monde taldi Musk að Starmer væri ,, samsekur í fjöldanauðgunum" eftir að hafa heyrt um virk ofbeldisgengi í borgum í norður- og miðhluta Englands í áratugi.

Vill breyta lögum

Í skýrslunni er mælt með því að herða lögin í Englandi og Wales þannig að fullorðnir séu alltaf ákærðir fyrir nauðgun ef þeir stunda kynlíf með börnum yngri en 16 ára.

Þrátt fyrir að sjálfræðisaldur sé 16 ár bendir skýrslan á mörg dæmi þar sem kynferðislegri misnotkun er vísað frá eða refsing lækkuð.

Yvette Cooper innanríkisráðherra hefur lofað að fylgja tilmælunum og breyta lögunum. Hún segir einnig að stjórnvöld muni vinna með lögreglu og saksóknara til að tryggja vernd í samskiptum unglinga þar sem samþykki er fyrir hendi.

Heimild

 

Guð minn góður...hvers á þjóðin að gjalda

Hvers á þjóð að gjalda sem hafa svona presta að störfum. Að sjálfsögðu eru kynin bara tvö, allt annað er ósannindi. En það hentar kannski þessum presti og öðrum að halda ekki sannleikanum að fólki, ekki bara börnum heldur söfnuði sínum líka.

Hæstiréttur Bretlands hefur tekið af allan vafa, enda segir líffræðing okkur sannleikann.

Andlega óstöðugt fólk sem telur sig annað kyn en það fæddist er vissulega til, en það er ekki raunveruleikinn fyrir almenning. Menn viðurkenna þessa hugsun og leyfa fólki að lifa samkvæmt lífsskoðun sinni. Ekkert að því.

En að klerkar landsins mengi kirkjuna með svona þvælu að kynin séu fleiri en tvö er of langt gengið.

Nú þarf hinn almenn borgari að segja sig úr þjóðkirkjunni og fara yfir í söfnuði sem boða ekki svona þvælu. Kynin eru tvö og það er óbreytanlegt. 

Það má líka benda þessum fáfróða presti á að til að ,,skipta" um kyn (sem er í reynd ekki hægt) þarf læknisfræðileg inngrip sem skilur fólk eftir með langvinn heilsufarsvandamál og limlestan líkama. Það er kannki eitthvað sem prestar fagna.

 

Trúin útilokar ekki fleiri kyn

Amnesty International lítilsvirðir konur

Reindorf úrskýrir af hverju engin réttindi voru tekin af trans-konum (kvengervlum) þegar úrskurður Hæstaréttar Bretlands var kveðinn upp. Logið að trans-fólki (kyngervlum) allan tímann. Hægt að lesa um það hér.

Hæstiréttur endurheimti réttindi kvenna þeim sem þær höfðu í reynd tapað. Kvengervlar töpuðu engu  við úrskurðinn, vegna þess að þeir höfðu aldrei þau réttindi sem þeir sögðust hafa. Ekkert hefur verið tekið frá trans fólki nema röng trú og konur hafa einfaldlega endurheimt það sem þær hefðu átt að hafa allan tímann.

Chiara Capraro, yfirmaður jafnréttismála hjá Amnesty International í Bretlandi, gagnrýndi ummæli Reindorf.

Hún sagði: ,,EHRC ber skylda til að halda uppi réttindum allra, þar á meðal allra með verndaða eiginleika. Við höfum áhyggjur af því að það sé ekki gert og sé óhjálplega að tefla réttindum kvenna og trans fólks upp á móti hvort öðru." Lesið hér, um þetta talar Chiara Capraro ekki.

Amnesty International gefur skít í réttindi kvenna með þessum orðum sínum. Kvenréttindi og það sem hún kallar réttindi trans-fólks fer ekki saman þegar síðarnefndi hópurinn notar kvennaaðstöðu og treður sér inn í íþróttir kvenna. Samtökin hafa misst sjónar á baráttumálum sínum.

Trans-fólk hefur öll þau réttindi sem aðrir hafa í gegnum mannréttindakafla hverra þjóðar. Forréttindi eru þeim hins vegar hugleikinn og vilja sem mest af þeim, eins og að ganga á rétt kvenna.

Það á ekki að styðja Amnesty International á nokkurn hátt, sérstaklega konur, með stuðningi ganga konur á eigin rétt.

Kyngervill sem skilgreinir sig sem konu verður gráðugur

Mál Sall Grover er áhugavert fyrir margar sakir. Dómari, sem er augljóslega aðgerðasinni, dæmdi að lagalega getur maður verið annað kyn en líffræðin segir um. Hægt að flakka á milli kynja, hvílík þvæla. Dómurinn féll á síðasta ári.

Ástralski dómarinn hljómar eins og saksóknari í máli Páls Vilhjálmssonar sem sagði ,, Saksóknari tók annan pól í hæðina. Hann sagði orðrétt að ,,miðaldra karlar sem brjálast við lyklaborðið" verði að hljóta makleg málagjöld, fjárútgjöld og fangelsisvist. Eðlilega gerði verjandi athugasemd við orðfæri saksóknara.“

Það ríkir ákveðið uppnám eftir dóminn í Ástralíu sem gerir réttindi kvenna að engu, ENGU.

Stjórnmálamenn gleymdu réttindum kvenna þegar þeir með pólitískri umhyggju sinni og aumingjaskap komu lögum um kynrænt sjálfræði á.

Nú varð karlmaðurinn, sem skilgreinir sig sem konu, gráðugur og hefur stefnt Sall Grover fyrir hærri upphæð en áður.

Vonandi snýr æðri dómstóll málinu við og dæmir Sall fúlgu fjár í skaðabætur frá honum.

Fyrirtaka í málinu fer fram 4.-8. ágúst. Hægt að lesa um það hér.

Hér útskýrir Sall Grover málið.

 

 

 

 

Engin brjóst til að gefa barninu næringu

Þegar ung áttavillt stúlka óx úr grasi uppgötvaði hún- of seint- að hún gæti ekki gefið barni sínu brjóst.

Hvers vegna?

Hún lét fjarlægja heilbrigð brjóst, trúandi því að hún væri strákur. Nú stendur hún frammi fyrir því að hún verður móðir og sér hvað ákvörðunin kostaði, veruleikinn blasir við henni. Engin gervibrjóst geta komið í stað brjóst móður. Engin gervibrjóst geta búið þá tengingu sem oft myndast á milli móður og barns í gegnum brjóstagjöf.

Þetta snýst ekki bara um líffræði - þetta snýst um tengingu, ást og þá djúpa ómálga tungumál sem er á milli móður og nýfædda barnsins. Trans-hugmyndafræðin leiðir ungar stúlkur á braut sem gæti stolið þeim frá einni af merkingarfyllstu reynslu kvenleikans. Lykillinn að því, að geta alið líf frá eigin líkama er ekki eitthvað sem á að meðhöndla eða fara með sem léttvægan þátt í lífi kvenna.

Það er tap sem blasir lengi við eftir að ákvörðun hefur verið tekin.

Eins og máltækið segir; ,,Í upphafi skyldi endinn skoða."

Tímabært að rifja upp

Það eru rúm tvö ár síðan ég birti grein í mogganum og Fréttin endurbirti. Greinin á enn fullan rétt á sér. Frá því hún var skrifuð hefur margt komið í ljós í heiminum um kynjaóreiðuna sem þingmenn, heilbrigðiskerfið, skólayfirvöld, skólastjórnendur, forysta Kennarasambandsins og kennarar láta viðgangast hér á landi.

Þessir aðilar hafa meira að segja tekið þátt í að gera lítið úr börnum sem líður illa í eigin skinni. Sem dæmi með því að flagga fyrir andlega óstöðugum börnum. Með því að telja þeim trú um að kynin geti verið fleiri en tvö. Með því að ljúga í skólabókum svo fátt eitt sé nefnt.

Í greininni sagði ég; ,,Ég tel það sær­andi og móðgandi að segja barni að það sé kannski í öðrum lík­ama. Sé ekki það kyn sem það fædd­ist. Að barnið sé strák­ur, án lims, en ekki stelpa sem er þvert á líf­fræðilega staðreynd. Barn hef­ur ekki þroska, getu eða þor til að mót­mæla slíku. Senni­lega á það við í gegn­um leik- og grunn­skól­ann.“

Nú hefur Hæstiréttur Bretlands úrskurðað að kona sé líffræðilegt kyn og að kynin séu tvö.   

Trans-kona er því ekki til í lagalegum skilningi eða trans-barn. Hins vegar er það í kollinum á þessum einstaklingum sem er í fullkomnu lagi. Þvingið okkur hin ekki til að viðurkenna það.

Lyfin

Ég skrifaði; ,,Hef lesið að Sam­tök­in 78 bendi á að horm­óna­blokk­andi lyf séu nán­ast skaðlaus, þvert á vitn­eskju sér­fræðinga sem hafa hver á fæt­ur öðrum stigið fram. Fram­kvæmda­stjóri Sam­tak­anna 78 skrifaði það í grein sem Vís­ir.is birti. Horm­óna­blokk­andi lyf hafa veru­leg­ar af­leiðing­ar fyr­ir börn, skemma þau til lífstíðar. Með mál­flutn­ingi sín­um finnst mér allt benda til að Sam­tök­in ger­ist brot­leg við „... stefn­ir heilsu barns­ins og þroska í hættu“ boði þau þenn­an boðskap í fræðslu sinni til skóla­barna.“

Nú hefur komið í ljós, eins og ég benti á, lyfin eru skaðræði og stórhættuleg börnum. Gera þau heilsuveil til framtíðar og ófrjó. Víðs vegar um heiminn hafa menn vaknað upp við vondan draum og banna nú hormónablokka fyrir börn yngri en 18 ára sem er sjálfræðisaldurinn.

Fjölmiðlar

Ég skrifaði; ,,Vand­inn í dag er vilja­leysi fjöl­miðla til að ræða trans­mála­flokk­inn frá fleiri hliðum en Sam­tök­in 78 sýna. Víða um heim hef­ur umræðan um mála­flokk­inn breyst. Marg­ir hafa stigið fram og sagt miður góðar reynslu­sög­ur og sér­fræðing­ar benda á margt fróðlegt sem á er­indi við al­menn­ing. Ný­verið kom út norsk skýrsla sem fer hörðum orðum um þann iðnað sem er í gangi. Ekki orð um það hér á landi.“

Fjölmiðlar hér á landi (fyrir utan Fréttina og Nútímann) eru enn við sama heygarðshornið. Fjölmiðlar víða um heim hafa látið af heimsku sinni og þegja ekki lengur um trans-málaflokkinn. Kannski þurfum við að bíða í áratug áður en fjölmiðlamenn fletta ofan af lygum sem opinberir aðilar halda að börnum.

Greinin sem ég skrifaði á sínum tíma kölluð fram þessi viðbrögð og þessi, svo ekki sé talað um þessi.

Hægt að bæta þessum við og þessum.

Kyn verður aldrei dregið í efa nema í svo sára­fá­um til­fell­um og þá vita menn að eitt­hvað hef­ur farið úr­skeiðis.

Greinin

Nauðgunin í Gleðigöngunni

Getur þú verið ,,karl“ í þjóðskrá en ,,kona“ í réttarsal, ,,karl“ í fjölmiðlum og svo ,,kona“ í fangelsi. Allt er mögulegt á tímum sem einkennist af kynjarugli og afneitun staðreynda.

Gerendur skiptu um kyn ári áður en þeir nauðguðu stúlkunni sem var í umsjá barnaverndar.

Rifjum aðeins upp. Í Gleðigöngunni í Bergen 2024 nauðguðu tveir kvengervlar, karlar sem skilgreina sig sem konu, ítrekað 14 ára stúlku og beittu hana grófu kynferðisofbeldi eftir að hafa hellt hana fulla. Sá elsti nauðgaði henni þegar hún var 12 ára, en káfaði bara á henni 14 ára.

Í báðum tilfellum hafði stúlkan strokið af barnaverndarstofnun. Barn í mjög viðkvæmum hópi.

,,Þetta er það grófasta sem ég hef nokkurn tímann lesið“ skrifaði Mahmoud Farahmand, þingmaður Íhaldsflokksins:

,,Það fáránlegast er að tveir líffræðilegir karlmenn sem nauðguðu stúku undir lögaldri í nánast varnarlausu ástandi ætla að afplána nauðgunardóm sinn í kvennafangelsi. Þetta er óforsvaranlegt og stuðlar að vantrausti á ríkið.“

Fjölmiðlafræðingur spyr hvenær fjölmiðlar fari í alvöru rannsóknarvinnu þegar svona óhugnaður kemur upp, til að miðla réttmætum upplýsingum til almennings sem ættu að vega þungt í fréttaflutningi.

Vantar lagalegan grundvöll

Noregur var eitt af fyrstu löndunum til að taka upp lög um kynrænt sjálfræði. En í þessu tilviki skortir lagalegan grundvöll. Það eina sem er til staðar er munnleg sjálfsauðkenning nauðgarana.

Mikilvægar stofnanir í samfélaginu virðast sætta sig við kyn einstaklings út frá óskum þeirra. Jafnvel þegar kemur að fólki sem notar karlkyns kynfæri sín til að beita ofbeldi. Jafnvel þegar það þóknast þeim í dómsferlinu og eftir það.

Velta má fyrir sér: Eiga nauðgarar að fá að skilgreina sig og breyta kyni sínu eins og þeir vilja, til að komast eins ódýrt frá glæpnum og mögulegt er?

Frjálst val á kyni í réttarsal

,,Hann hefur endurteknar samfarir í leggöng…“ má lesa í ákærunni. Um einstakling sem kallar sig Desiree (skáldað nafn sem líkist nafni sakborningsins).

Síðar í dómnum má lesa um sama einstakling: ,,hún var aum eftir fyrri kynmök.“ Og um glæpafélagann, Enya, komumst við að því að ,,hún missti stinninguna.“

Saksóknari notar ,,hann“ um sakborning en Héraðsdómur Hordaland notar ,,hún“ og vísar til þess að þær séu karlmenn og skilgreina sig sem konur, kvengervlar.

Talið var að vísað væri til lagalegs kyn einstaklinganna. En á hverju byggði ákæruvaldið þegar þeir kölluðu þá karlmenn? Líffræðilegt kyn? Í því tilviki væri það vísindalega rétt.

Leitað eftir upplýsingum

Tölvupóstur var sendur til lögreglusaksóknara. Hún svarar:

,,Við gerð ákærunnar hefur ákæruvaldið tekið tillit til þess kyns sem skráð er í kerfi lögreglunnar sem samsvarar skráningu í þjóðskrá.“

Í Noregi er lagalegt kyn það sem einstaklingur er skráður í þjóðskrá. Desiree og Enya hafa þar af leiðandi ekki breytt lagalegu kyni sínu.

Fjölmiðlar hylma yfir með transinu

Þegar fjölmiðlamenn sem voru viðstaddir réttarhöldin spurðu þeir nauðgarana hvernig þeir vildu láta tala um sig. Þeir sögðu, karlmenn. Þegar innt var eftir því hjá fjölmiðlunum af hverju sannleikurinn væri ekki sagður, að um trans-einstaklinga væri að ræða,  var svarið að þeir vilji ekki ræða málið í smáatriðum.

Skýringin er frekar að menn vilja ekki stimpla trans-fólk, kyngervla. Á sama hátt og maður gefur ekki upp þjóðernisvitund eða upprunaland geranda í sakamálum.

Fáeinir fjölmiðlar hafa fjallað um málið eins og það kemur fyrir, kvengervlar nauðguðu stúlkunni. Sumir gengu svo langt og kölluðu það fáránlegt og hættulegt trans-umburðalyndi.

Þessir ofbeldismenn vildu vera konur fyrir dómstólum vegna þess að það gagnaðist málstað þeirra. En vildu svo vera karlmenn í fjölmiðlum, því það lítur betur út að karlmaður nauðgi frekar en kvengervill.

Karlar í kvennafangelsum

Fáir gera sér grein fyrir, að í Noregi afplána karlmenn í kvennafangelsum. Það gera þeir án þess að hafa breytt lagalegu kyni sínu. Þar af leiðandi munu þessi tveir nauðgarar fara í kvennafangelsi. Þeir eru ekki í hættu sjálfir en skapa hættu fyrir aðra fanga, sem eru konur.

Tveir þingmenn eru í uppnámi vegna málsins á meðan vinstrisinnaður lagaprófessor telur ekki að maður þurfi að hafa áhyggjur af konunum í fangelsinu þó þessir nauðgarar séu vistaðir þar.

Þrjár kvenhetjur

Það er þremur stúlkum að þakka að ódæðismennirnir náðust. Þær tóku eftir að karlmaður þreifaði á ofurölvi stúlkunni. Þær hringdu í lögregluna og hófu upptöku á símana sína. Þær eltu fólkið og fundu íbúðina sem notuð var. Þær spurðu gagnrýnna spurninga þegar lögreglan kom og tók við. Þær ættu að fá verðlaun fyrir hugrekki.

Ef stúlkurnar hefðu sé séð karlinn þreifa á stúlkunni er ekki víst að þær hefðu áttað sig á hvað væri í gangi. En af því vinur kvengervlanna, þriðji karlmaðurinn, átti við stúlkuna kveiktu þær á perunni.

Heimild

Trans-fólk hafði aldrei þessi réttindi- því var logið að þeim

Akua Reindorf, einn af átta fulltrúum hjá Jafnréttis- og mannréttindaskrifstofunni (EHRC), sagði að trans fólk hefði verið blekkt um réttindi sín og að nú sé tímabært að laga það og viðurkenna rétt kvenna til einkarýma. Trans-fólki (kyngervlar) blekkti sjálft sig mest.

Menn hafa logið að trans-fólki í mörg. Hafa talið þeim trú um að það megi fara inn í rými sem eru aðeins fyrir konur, einkynja rými, að sögn háttsetts meðlims í jafnréttiseftirliti Bretlands. Lögin leyfðu það aldrei.

Trans-fólk kvartar um réttindamissi sem aldrei var til staðar. Upplogið frá upphafi til enda. Menn tóku sér vald í hönd sem þeir höfðu ekki. Eftir úrskurð Hæstaréttar Bretlands gera menn það sem rétt er og hefur verið, útiloka trans-konur, sem eru karlmenn, frá íþróttum, búningsklefum og salernum kvenna.

Akua Reindorf, einn af átta framkvæmdastjórum jafnréttis- og mannréttindanefndarinnar, sagði að transfólk hefði verið blekkt um réttindi sín og það tíma til að viðurkenna rétt kvenna til einkynja rýma.

Reindorf lét þessi ummæli falla í umræðum um úrskurð hæstaréttar um að orðið ,,kyn" í jafnréttislögum vísi aðeins til líffræðilegs kyns, en ekki til kynvitundar einstaklings.

Úrskurðurinn staðfesti að það væri löglegt fyrir þróttaambönd að banna trans-konur í kvennaliðum og að trans-fólki væri meinað að fara á salerni og búningsklefa sem ætlað væri hinu kyninu. Þetta var síðar stutt af bráðabirgðaleiðbeiningum frá EHRC.

Aðspurð af áhorfanda, á viðburði þar sem hún talaði, um áhyggjur af því að úrskurðurinn hafi skert réttindi trans fólks sagði Naomi Cunningham, lögfræðingur og pallborðsþátttakandi í kappræðunum, að trans-fólk ,,verði að víkja" og bætti við: ,,Það er ekki hægt að gera neitt við því." Eins og hún áður sagði, þessi réttindi voru aldrei til staðar.

Reindorf tók næst til máls og sagði: Því miður hefur verið logið að ungu fólki og trans fólki í mörg ár um hver réttindi þeirra eru.

Sjálfsauðkenning ,,aldrei leyfð"

Reindorf, sem einnig er lögfræðingur og tjáir sig persónulega, sagðist telja að sökin lægi hjá trans hagsmunagæslumönnum (aðgerðasinnum og samtökum).

Áður en hæstiréttur úrskurðaði voru lögin almennt misskilin, sagði hún og kenndi þrýstihópum um sem héldu því fram að trans fólk sem skilgreindi sig ætti að fá meðferð í samræmi við þá kynvitund sem það velur sér.

Reindorf bendi á þá staðreynd að trans-fólk hefur verið afvegaleitt um lagaleg réttindi sín. Lögin hefðu aldrei leyft sjálfsauðkennandi fólki að nota einkarými gagnstæða kynsins.

,,Leiðrétting á reglum og starfsháttum um sjálfsauðkenningu mun óhjákvæmilega leið til þess að trans- fólk líði og tali eins og um réttindamissi sér að ræða. Þessi óheppilega staða er yfirgnæfandi afleiðing rangra upplýsinga sem var kerfisbundið dreift á löngum tíma af hagsmunahópum og aðgerðarsinnum."

Í erindi sínu á viðburði, sem skipulagður var af London School of Economics lagadeildinni, sagði Reindorf að áhrif úrskurðar hæstaréttar væru mjög skýr. Hún fordæmdi það sem hún kallaði múgæsingu og hópamyndanir þar sem menn lýsa áhyggjum af að nú hafi trans-fólk engan stað til að fara á salernið.

Endurheimt kvenréttinda

Reindorf naut stuðnings JK Rowling, höfundar Harry Potter. Rowling tísti: ,,Hagsmunahópar trans aðgerðasinna lugu um það sem lögin sögðu. Þeir héldu því fram að karlar, sem skilgreina sig sem konur, ættu rétt á öllu sem konur ættu rétt á, samkvæmt lögum.

,,Þessi rangtúlkun, sem fjarlægði kynbundin réttindi kvenna og stúlkna og veitti trans-konum aukin réttindi, kann að hafa verið þröngvað upp á stóran hluta samfélagsins, en hún var alltaf ólögleg, eins og ótal lögfræðingar og grasrótarsamtök kvenna börðust fyrir og er viðurkennt.“

,,Hæstiréttur endurheimti réttindi kvenna [það] sem þær höfðu tapað í reynd. Kvengervlar töpuðu engu  við úrskurðinn, vegna þess að þeir höfðu aldrei haft þau réttindi sem þeir sögðust hafa. Ekkert hefur verið tekið frá trans fólki nema röng trú og konur hafa einfaldlega endurheimt það sem þær hefðu átt að hafa allan tímann.

Talsmaður EHRC sagði við The Guardian að það sé hlutverk nefndarinnar að framfylgja jafnrétti og mannréttindum samkvæmt jafnréttislögum frá 2010 og tryggja að allir fái sanngjarna meðferð í samræmi við lögin. Ákvarðanir okkar byggjast á sönnunargögnum og lögum.  

Konur eiga að fagna, lausar við karlmenn, sem skilgreina sig sem konur, úr einkynja rýmum og íþróttum. Nú vona konur að þetta breiðist út um gjörvalla heimsbyggðina, í það minnst þann vestræna þar sem réttindi kvenna eru skert vegna rangtúlkana á lögum.

Lesið hér.