Karlmaður sem skilgreinir sig kynlausan tapar dómsmáli

Enn gerast kraftaverkin. Dómur á Spáni virðir orð konu, spænskan rithöfund, sem segir trans einstakling vera karlmann, sem hann er. Hann fór fram á 11 þúsund evra bætur. Taldi sig hafa orðið fyrir sársauka og þjáningu. Hvenær stoppar þessi endalausu málsóknir gagnvart málfrelsinu og sannleikanum, spyr sá sem ekki veit. Virðist vera eins og vírus um allan heim. Líka á Íslandi.

Dómarinn taldi að trans einstaklingurinn, karlmaðurinn, væri það karlmannlegur í útliti og líkamlegum einkennum að hægt væri að kalla hann karlkyn. Því hafi rithöfundurinn verið í fullum rétti að tala um viðkomandi sem karlmann.

Karlinn vildi ekki sættir. Hann sat uppi með allan málskostnað, sinn og rithöfundarins.

Lögfræðingurinn sem vann málið segir þetta góðan dóm þó búið sé að áfrýja honum. Dómurinn er rétt skref í að verja tjáningarfrelsið og gegn þeim sem vilja beita ritskoðun vegna eigin vandamála með sjálfsmyndina. Dómurinn er líka góður, hann er fordæmisgefandi.

Lögfræðingurinn bendir á að hugmyndafræði er ætlað að þjóna tvennum tilgangi. Eyðileggja kjaraviðhorf íbúanna til að auðveldara sé að yfirbuga þá. Og, til að að gaslýsa fólk.

Hér má lesa um dóminn.

Arnar Þór Jónsson forsetaframbjóðandi

Það var ánægjulegt að heyra að Arnar Þór gæfi kost á sér til embætti forseta Íslands. Hann ætti að fá verðskuldaða athygli í fjölmiðlum og meðal lýðsins vegna þeirra málaflokka sem hann talar um. Hann er verðugur forseti. Hjónin myndu sóma sér vel með barnaskarann á Bessastöðum.

Það sem hefur vakið athygli bloggara er hvað fjölmiðlar hafa sýnt framboði hans lítinn áhuga, miðað við sum önnur. Á bloggara virkar það eins og fjölmiðlar sammæli sig um að fjalla sem minnst um framboð Arnars Þórs meðan aðrir frambjóðendur fá alls konar athygli. Rætt við þá um önnur mál en tengjast ekki forsetaframboði. Er það til að vekja athygli á framboði þeirra, umfram annarra? Er það til að breyta ásýnd annarra frambjóðenda? Er það góð fréttamennska að draga taum eins frekar en annars?

Arnar Þór hefur allt sem prýða á góðan forseta. Takið eftir honum og þeim málefnum sem hann fjallar um.

Arnar Þór heldur úti bloggsíðu og hefur gert lengi. Margt áhugavert sem hann skrifar um, m.a. tjáningarfrelsið.

Meistari nýlenskunnar á Ruv kemur henni til varnar

Ekki kom á óvart að Birta Björnsdóttir blaðamaður kæmi nýlenskunni til varnar. Hún er meðal þeirra verstu sem starfa á Rvu hvað nýlenskuna varðar. Hún segir þau þegar á að segja þeir. Hún segir öll þegar segja á allir, flest eða á að segja flestir. Birta er með svo slæmt málfar að stundum er ekki hægt að hlusta á hana. Hlusta ekki þegar hún er á skjánum. Bjánaleg og röng notkun tungumálsins virðist henni hugleikið.

Nei Birta tungumálið á ekki að tala eins og fólki dettur í hug. Málfræðireglur segja til um það. Þú verð tungumál sem 0.5% þjóðarinnar vill að sé talað. Ef þetta fólk móðgast þegar við notum íslenskuna eins og á að gera verður svo að vera. Um 98% þjóðarinnar vill rétt málfar í fjölmiðlum, ekki duttlungamál ykkar blaðamanna. Málfræðin hefur ekkert með kyn einstaklinga að gera. Blaðamenn sýna vont fordæmi með því að tala vitlaust mál. Myndi fólk segja að Osló sé í Danmörku af því einhverjum dettur í hug að endurnefna Kaupmannahöfn. Sambærilegt!

Auðvitað á að draga blaðamenn Ruv til ábyrgðar þegar þeir nota íslenskuna rangt. Hvern annan? Þið stjórnið sjálf hvernig þið talið og veljið að nota tungumálið á rangan hátt, bæði í ræðu og riti. Hættið nú hermennsku ykkur gagnvart tungumálinu. Móðgist einhver smá hluti þjóðarinnar vegna réttrar notkunar á tungumálinu verður svo að vera. Hinum líkar betur og rétt notkun er góð fyrirmynd.

Blaðamenn sem verja kolranga málnotkun þurfa á endurmenntun að halda, rifja upp íslenska málfræði og málanotkun.

Þeir gætu kannski byrjað á þessum skrifum um málfar í fjölmiðlum. Kennir blaðamönnum mikið.

Eiður sálugi Guðason var fréttamðaur sem talaði vandað mál. Blaðamenn ættu að lesa pistlana hans þó gamlir séu. Lesið hér.

Baldur Hafstað hefur skrifað nokkra pistla um afkynjun tungumális, blaðamenn ættu að drekka þá í sig, mikinn fróðleik að finna í þeim.

 

 

 

 

Grunnskólakennari telur sjálfsagt að stjórnendur tjái sig um skoðun kennara

Grein sem bloggari skrifaði í Morgunblaðið olli fjarðarfoki, vægt til orða tekið. Lesið hér. Margir tóku til máls á eigin snjáldursíðum, en ekki um efnistök greinarinnar. Efni ekki krufið og greininni svarað.

Ef nemendur fengju verkefnið að greina textann yrði greining á annan veg en hjá Heiðu Björg Guðjónsdóttur grunnskólakennara. Gerir menntasamfélagið ekki þá kröfu að grunnskólakennari geti greint texta, krufið hvað stendur í honum og hvert umfjöllunarefnið er. Bloggari gerir þá kröfu á kennarastéttina. Kannski óréttmæt krafa.

Geta barna til að greina og skilja texta hefur hrakað, til muna. Hvers vegna virðist mörgum hulin ráðgáta. Velti má upp hvort það séu kennararnir sem hafa misst hæfileikann sjálfir. Þegar færslur Heiðu Bjargar grunnskólakennara eru lesnar má greina slíkan veikleika. Reyndar hjá fleiri kennurum sem tjáðu sig. Allt var þetta á tilfinningalegum nótum, ekki greining texta og engin rök.

Heiða Björg Guðjónsdóttir grunnskólakennari finnur að því í færslu á snjáldursíðu að stjórnendur hafi ekki sagt hvað þeim finnst um skoðun bloggara sem skrifaði greinina. Ekki inntakið. Heiða Björg hafði áhyggjur af, að kennari sem væri annarrar skoðunar en hún fengi að halda starfi sínu í barnvænu samfélagi. Sem betur fer er það ekki hlutverk stjórnenda að ráða og reka fólk eftir skoðunum þess, þó þær falli ekki í kramin hjá kennurum eins og Heiðu Björg.

 

 

 

 

 

 

Það er von mín að Heiða Björg Guðjónsdóttir hafi lært meira og betur um tjáningarfrelsið og að fólki leyfist að hafa skoðanir rétt eins og hún. Enginn, svo bloggari viti, hefur sett ofan í við Heiðu Björg um þá skoðun hennar að reka eigi fólk sem eru henni ósammála. Henni leyfist að hafa þá skoðun hversu kjánaleg sem hún hljómar.

Það verður fagnaðarefni þegar Heiða Björg rýnir greinina og gerir henni skil á málefnalegan hátt. Greinin olli henni tilfinningalegu uppnámi.

Eva Hauksdóttir skrifaði góða grein fyrir um ári síðan um málið, lestu hér.

Páll Vilhjálmsson hefur líka skrifað um tjáningarfrelsi kennara, um það má lesa hér.

Vil ekki Baldur og Felix á Bessastaði

Stuðningsmaður Baldurs sagði m.a. í morgunútvarpinu í gær að þjóðin ætti að sýna heiminum að við séu jafnréttissinnar og því væri kjörið að fá homma á Bessastaði. Mér þykir þetta einkennileg sýn. Kynhneigð eigi að stjórna til að sýna heiminum hve framarlega við erum í mannréttindabaráttunni. Æ, ó, óttalegt kjaftæði er þetta.

Á meðan þessir hommar, Baldur og Felix, eru í kjöri segi ég nei takk. Hefði þetta verið annað hommapar hefði bloggari verið jákvæðari.

Þessir hommar eiga ekkert erindi á Bessastaði. Felix Bergssyni finnst sjálfsagt að karlmenn sem skilgreini sig sem konur (með kynfæri karlmanns) hafi aðgang að rýmum kvenna og keppi í kvennaíþróttum. Hann hefur sjálfur sagt það og skrifað. Þarf ekki að leita lengi.

Vill fólk í alvöru menn á Bessastaði sem finnst sjálfsagt að auka mannréttindin eins hóps (karlmanna sem skilgreina sig sem konu) á kostnað annars hóps (stúlkna og kvenna). Það þykir mér undarleg mannréttindabarátta alveg sama hvernig á það er litið.

Mannréttindabarátta felst í að auka réttindi fólk án þess að aðrir þurfi að fórna sínum mannréttindum. Stúlkur og konur hafa borgað fórnarkostnaðinn sem Felix Bergsson styður. Hann berst fyrir sérstaka tegund af karlmönnum.

Víða um heim hafa íþróttakonur risið upp. Stjórnmálamenn og konur í íþróttahreyfingum mótmæla veru karlmanna í rýmum og íþróttum kvenna. Hefur Felix breytt um skoðun eða hefur Baldur tekið upp hanskann fyrir kvenþjóðina?

Stuðningsmaður Baldurs sagði líka að hann væri gott sameiningartákn fyrir þjóðina. Af og frá, menn sem bera ekki virðingu fyrir konum og réttindum þeirra verða aldrei neitt sameiningartákn.

Hér má lesa góða grein um forsetaembættið. Í greininni segir ,, Þar sem stór hluti almennings fólks virðist haldinn þessari trú – að forsetinn eigi fyrst og fremst að vera sameiningartákn þjóðarinnar – er ljóst að þessu takmarki hefur að vissu marki verið náð. Það helsta sem almenningur sér af forsetanum eru veisluhöld, punts-athafnir og verðlaunaafhendingar. Það gefur ekki endilega rétta mynd af mikilvægi embættisins, en ýtir öllu heldur undir þá ranghugmynd sem við erum haldin – um að forsetinn sé bara upp á punt.“

Í greininni segir líka ,, Í stjórnarskrá lýðveldisins Íslands má lesa um hlutverk og réttindi forsetans. Auk málskotsréttar hefur forseti Íslands m.a. vald til að rjúfa þing og stofna til nýrra kosninga, rétt til að láta leggja fyrir Alþingi frumvörp til laga, og gefa jafnvel út bráðabirgðalög við sérstakar aðstæður. Sjaldan eða aldrei hefur reynt á þessi ákvæði stjórnarskrárinnar. Við lestur ritsins er ljóst að forsetinn getur gripið til ýmissa úrræða þegar á reynir, hefur vald til að verja almenning frá ofríki stjórnvalda ef út í slíkt er farið, og er sannarlega ekki bara upp á punt.“

Við ætlum ekki að kjósa forseta til hafa hann upp á punt, höldum því til haga. Hvað þá að fara í þykjustuleik með mannréttindi og jafnrétti. Þjóðin stendur sig vel hvað jafnrétti varðar.

Stúlkur hafa nú farið í herferð til að verja rétt sinn.  

Mikilvægt innlegg frá kennara í Dramman- gæti allt eins verið hér á landi

,,Mikilvægi þess að búa til stað sem gott er að vera á ætti að vera markmið. Mannfólkið þarf að tilheyra einhverju, og skólinn er stærsta félagslega rýmið fyrir barn, fyrir utan heimilið, þar sem byggja á upp stað til að tilheyra.“

,,Fjölbreytileikinn er markaður með því að flagga regnbogafánanum í öllum skólum. Þetta er ekki hlutlaus fáni heldur fáni sem notaður er í pólitískum og hugmyndafræðilegri baráttu um að kynin séu fleiri en tvö og að maður sé mögulega fæddur í röngum líkama. Hugsanagangur sem finnst ekki í öllum fjölskyldum og viðurkenna ekki sem sannleik.“

,,Sú staðreynd að stjórnmálamenn í borginni noti umdeilt tákn til að merkja fjölbreytileika í skólanum þýðir að mér sem kennara finnst að vinnan sem ég vinn á hverjum degi til að skapa skóla án aðgreiningar hverfi.

Mín reynsla er sú að notkun fánans hrindir nemendum frá frekar en að byggja upp raunverulegan fjölbreytileika. Hvernig væri að skipta fánanum út fyrir fána sveitarfélagsins og sýna að í sveitarfélaginu Drammen sé gott að búa, hér eigum við öll heima?"

Hér má lesa um málið.

Þorsteinn V. kynjafræðingur fór illa með venjulega konu

Það var áhugavert að lesa spjallið við Ester í Bónus eins og hún hefur verið kölluð frá því að Þorsteinn V. sigaði þúsundum manna á hana. Ástæðan, hefndaraðgerð af því bókin hans fór ekki í sölu í Bónus.

„Þetta var allt saman svo skrítið og fáránlegt. Ég hef aldrei lent í öðru eins. Að fara í vinnuna einn daginn, segja nei og fá svo þessi svakalegu viðbrögð,“ rifjar Ester upp.

Ester er einlæg og segir eins og satt er, hún hefur aldrei lent í öðru eins. Hvernig hefndarþorsti Þorsteins V. kynjafræðings skók líf hennar og tilveru geta sennilega fáir ímyndað sér. Allt út af lélegri bók sem enginn spurði eftir. Aðdáunarvert að lesa hvernig vinnuveitandi stóð með henni. Að sjálfsögðu, þannig eiga vinnuveitendur að vera gagnvart starfsfólki sínu. Samt er ekki á vísan að róa. Fer eftir því hvort stjórnandi er þátttakandi í bergmálshelli hugmyndafræða sem t.d. Þorsteinn V. reyndi að koma á framfæri í bók sinni.

Þorsteinn V virðist ekki kunna að skammast sín. Hann reyndi að bera í bætifláka fyrir sig. Hann hefur enga afsökun sem er nógu góð til að fyrirgefa það ofbeldi sem hann beitti sárasaklausan einstakling sem vann vinnuna sína.

Hér má lesa spjall við Ester í Bónus.

Hafa læknanemar í Ungverjalandi aðgang að íslenskum sjúkraskrám?

Bloggari hlustaði á viðtal við Hall Hallsson blaðamann. Hér má hlusta á viðtalið. Rætt var um kæru á hendur honum vegna skrifa um fóstursvísamálið. Hreint engum til framdráttar að nota lögreglu til þess að þagga niður mál, sama af hvaða toga það er.

Í viðtalinu segir Hallur að fjölmargar flettingar hafi verið skráðar í sjúkraskrá aðila að málinu. Þar á meðal eru nöfn læknanema sem eru eða voru í Ungverjalandi að læra. Mhmmmm! Maður verður hugsi. Hallur segist geta sannað það með gögnum. Uppflettingar í sjúkraskrár einstaklinga er ekki hægt að fela.

Maður spyr sig, ef satt reynist hvað gerir landlæknir í málinu. Embætti sem á að verja almenning gegn svona lögbroti. Ef læknanemar á erlendri grund hafa aðgang að íslenskum sjúkraskrám er þá ekki eitthvað verulega mikið að hjá embætti landslæknis, Ölmu Möller?

Annað sem er athyglisvert, tveir lögreglumenn koma að sunnan til að sjá um skýrslutökuna. Á samfélagið virkilega að borga undir tvo lögreglumenn norður og tvo vinnudaga í slíkt. Hefur lögreglan á Akureyri ekki getu til að sjá um skýrslutökuna? Forgangsröðun!

Það hlýtur að vera krafa lýðsins að gengið verið í fósturvísamálið, það rannsakað þannig að botn fáist í það.

Barnvænt samfélag átti að segja kennara upp

Heiða Björg Guðjónsdóttir grunnskólakennari nýtti tjáningarfrelsi sitt þegar þessi grein birtist í Morgunblaðinu fyrir rúmu ári. Innihald greinarinnar fór fyrir brjóstið á henni og fleirum sem höfðu ekki sömu skoðun á fræðsluefni trans Samtakanna 78 í grunnskólanum og höfundur greinarinnar. Spurt er einfaldra spurninga, stangast fræðsluefni á við lög og reglugerðir. Enn sem komið er hefur enginn svarað greininni málefnalega. Hins vegar voru margir skítadreifarar í gangi m.a. Heiða Björg.

Grunnskólakennarinn Heiða Björg Guðjónsdóttir taldi að barnvæna samfélagið, Akureyri, ætti að segja öðrum kennara upp þar sem hann er ekki sömu skoðunar og hún. Skipti þá engu hvort sveitarfélagið yrði bótaskylt. Fórnarkostnaður sagði Heiða Björg. Barnvænt samfélag á ekki að líða fjölbreytta umræðu um umdeildan málaflokk að mati Heiðu Bjargar. Skoðun hennar og þeirra sem fylgja henni að málum er æðri skoðunum annarra. Heiða Björg ræðir ekki málefnið heldur manninn. Hún hefur ekki svarað greininni á málefnalegan hátt. Segir meira um hana en þann sem hún gagnrýnir. Hér má hlusta á góða umræðu um framkomu eins og Heiða Björg sýndi.

Skilningur bloggara á barnvænu samfélagi er að slíkt samfélag hugar að öllum börnum. Samfélagið á að taka utan um öll börn, líka þau sem hugnast ekki trans-hreyfingar og málefni sem þær bera á borð fyrir almenning. Mörg börn mega sitja undir trans-fræðslu hvort sem þeim líkar betur eða verr. Sagt að það séu mannréttindi að koma skoðunum trans hreyfinga á framfæri við börn. Talið mannréttindi að segja börnum að kynin séu fleiri en tvö, sem stangast á við líffræðina. Talið mannréttindi að segja börnum að þau geti skipt um kyn, passar ekki, enginn getur skipt um kyn. Líffræðin sér til þess.

Málefni trans-hreyfinga eru þess eðlis að ekki líkar öllum, skiljanlega. Umdeildur málaflokkur. Ef Heiða Björg mætti ráða væru málsvarar þessara barna reknir úr starfi sínu. Þá myndu málsvarar og boðberar trans hreyfinga, eins og Heiða Björg virðist vera, blómstra í barnvænu samfélagi. Cass skýrslan, sem má lesa um hér, varpaði ljósi á margt af því sem bloggari hefur skrifað um. Kannski tímabært að hópur grunnskólakennara og forysta Kennarasambands Íslands kynni sér innihald skýrslunnar.

Í færslu hér að neðan má lesa að Heiða Björg ætlar að skrifa til bæjaryfirvalda. Hún segir að þetta sé ekki í lagi. Hvað er ekki í lagi? Að aðrir hafi ekki sömu skoðun og hún! Brottrekstrarsök að mati grunnskólakennarans Heiðu Bjargar Guðjónsdóttur. Misnota á barnvæna samfélagið á Akureyri í þágu ákveðins málaflokks.

 

 

 

 

 

 

Heiða Björg var þátttakandi, eða kannski upphafsmaður, í slaufun eða útilokun (nýyrði yfir einelti) sem tókst ekki. Mæli með að fólk hlusti á þetta viðtal við mann sem hefur lent í árásum frá fólki sem notar eineltisaðferðina á menn í samfélaginu.

Kannski vill Heiða Björg Guðjónsdóttir að þeir séu brenndir á báli sem hafa ekki sömu skoðanir og hún!

 

 

Villuráfandi sauðir í Jafnréttisnefnd Kennarasambandsins

Grein Völu Hafstað hefur fengið mikla athygli. Menn eru sammála henni um tungumálið okkar, íslenskuna. Vala kallar þá sem herja á tungumálið, eins og veira herjar á líkamann, hermenn nýlenskunnar. Grunnskólakennarar leggjast svo lágt að láta börn leiðrétta rétt málfar segir Vala. Þeir grunnskólakennarar fara í búning hermannanna. Hvers eiga börnin að gjalda? Hvaða skólastjóri samþykkir slíkt skemmdarverk á íslenskunni?

Jafnréttisnefnd lagði fram ályktun á tveimur síðustu þingum Kennarasambandsins. Undir forystu kynjafræðingsins Hönnu Bjargar Vilhjálmsdóttur skyldi hernaðurinn um kynlaust tungumál hefjast. Vanþekking nefndarmanna á íslenskri málfræði er hrópandi. Ragnar Þór, fyrrverandi formaður KÍ, notaði ekki stöðu sína til að eyðileggja tungumálið. Sama gerði Þorgerður Diðriksdóttir, fyrrverandi formaður Félags grunnskólakennara. Þau sýndu tungumálinu virðingu og notuðu eins og kennarar og lýðurinn hefur lært.

Annað er upp á tengingum nú þegar Magnús Þór Jónsson og Mjöll Matthíasdóttir sitja í formannssætunum. Breyta skal íslenskunni til að þóknast umræddum hermönnum. Afkynjun tungumálsins heitir það hjá Kennarasambandi Íslands. Formennirnir virðast hafa gleymt að líffræðilegt kyn og kyn í tungumáli er ekki það sama eins og Vala Hafstað hefur bent á. Það eru aumir formenn í stjórn Kennarasambands íslands sem standa ekki með íslenskri tungu. Enginn úr stjórn gerði það á þingunum. Ekkert ÞEIRRA!

Svo langt ætlar formaður KÍ og stjórn hans að ganga að þeir leita nú að nýju orði fyrir formaður. Magnús Þór gerði góðlátlegt grín af því á ráðstefnu sem KÍ hélt í byrjun apríl, en fullur ásetningur til staðar, afkynja á íslenskuna sem notuð er í sambandinu.

Aðför að málfræðigrunninum segir Vala og Kennarasamband Íslands státar sig af slíkri aðför. Breytir félagsmanni í félagsfólk, breytir allir í öll, þau í stað þeir… o.s.frv. Formenn KÍ og Fg setja kennarastéttina niður sem þau segja á góðum dögum að séu sérfræðingar.

Tungumálið er bundið með málfræðinni er hvorki skoðun eða tilfinning manna. Málfræðinni verður ekki breytt nema tungumálið verði tekið til alls herjar endurskoðunar.

Kennarar sitja uppi með stjórnir sem er á valdi hermanna nýleskunnar. Hvernig dettur þessu fólki í hug að ræða verndun tungumálsins á tyllidögum en nauðga íslenskunni inn á milli?

Hér má lesa ályktun Kennarasambandsins 2022.

Hér má hlusta á Völu.

Hér má lesa greinina.