Kynin eru tvö- alveg sama hverju kynjafræðingar og Páll Óskar halda fram

Meginstraums fjölmiðlar eru samir við sig. Eftir að Snorri Másson bendir á það augljósa, kynin eru tvö, vinna ákveðnir fjölmiðlar markvisst að því að hleypa lyginni að í fjölmiðlunum. Til þess eru dregnir fram kynjafræðingar sem verja ósannindi sem börnum í leik- og grunnskóla eru sögð. Þeir sem segja sannleikann fá ekki aðgang. En það er alvanalegt.

Nú síðast fékk Páll Óskar að viðra lífsskoðun sína- ekki sannleik í beinni útsendingu hjá áróðursmiðlinum Ruv.

Hópurinn Drenglyndi á Akureyri, foreldrar og kennara, er á móti innrætingu í skólakerfinu. Það er innræting að halda fram ósannindum um líffræðina og reyna á þann hátt að hafa áhrif á börn, ómótaða heila í þroskaferli.

Þeim sem hugnast ekki áróðursfáni trans Samtakanna 78 á fánastögum skóla eru málaðir upp sem einhverjir hatursmenn þó þeir vilji vernda börn sín frá innrætingu. Áróður á ekki heima í skólaumhverfi barna.

Í nýrri bók segir þróunarlíffræðingurinn Richard Dawkins, að vísindalegur sannleikur verði að sigra ,,persónulegar tilfinningar" og heldur því fram að akademískar stofnanir verði að verja staðreyndir umfram tilfinningar. Það hefur gleymst hér á landi og ekki bara í háskólum landsins heldur framhaldsskólunum líka.

Langlundargerð fullorðinna gagnvart ósannindum um líffræðina er ótrúlegt. Heyrst hefur að nemendur séu hræddir um að falla í kynjafræðiáfanga skrifi þeir ekki það sem kennaranum hugnast, þá oftast kynjafræðingar. Meðal þeirra er ekki umburðarlyndi fyrir sannleikanum, þegar m.a. er sagt í kennslustundum að kynin séu nánast óteljandi, að hægt sé að skipta um kyn og að kyn sé róf.

Rúsínan í pylsuendanum er þegar kynjafræðin segir að foreldrar geti sér til um kyn eigið barns og að kyni sé úthlutað. Og menn kokgleypa þetta!

Höldum okkur í það minnsta við sannleikann þegar leik- og grunnskólabörn eru annars vegar.

 

Margir konur eru dregnar inn í þetta, með sektarboðorði

Höldum kvennaflokkum fyrir konur og karlaflokkum fyrir karla. Oft er þörf en nú er nauðsyn.

Mikið er rætt um kvennaíþróttir og ekki af góðu. Karlmenn sem skilgreina sig sem konur hópast inn í kvennaíþróttirnar og hirða sigur og sigurlaun af konum. Konur fá ekki að keppa við verðuga andstæðinga.

Karlaíþróttirnar hafa ekki glímt við þennan vanda, því engin kona sem skilgreinir sig sem karl gerir kröfu á að komast inn í karlaíþróttirnar. Ástæður augljósar. 

Lia Thomsen er þekkt dæmi. Hann gerði sér grein fyrir að hann átti ekki möguleika á vinningssæti í karlaflokki og því nýtti hann lög um kynrænt sjálfræði, skráði sig sem konu og inn í kvennakeppni. Sem ofjarl kvennanna var sigur vís.

Hann, Lia, er ein tegund svokallaðra trans-kvenna eða kvengervla en tegundirnar eru þrjár. Hinar eru þeir sem hafa ónot í eigin líkama frá barnsaldri og svo eru það unglingsstúlkurnar sem eiga í sjálfsmyndavanda. Töluverður fjöldi er af þeim sem veldur sérfræðingum áhyggjur víða um heim.

Stúlkurnar sem gerðu svo athugasemd við þátttöku Liu í kvennaflokki fengu að finna fyrir því. Þær voru kallaðar öllum illum nöfnum, urðu fyrir áreiti og þeim hótað. Þær sögðu sannleikann. Lia er karlmaður og á ekki að keppa í kvennaflokki. Seint og um síðir var hann sviptur verðlaunum, en það var ekki fyrr en Trump, af öllum, sagði skýrt og greinilega sannleikann, kynin eru tvö.

Margir konur eru dregnar inn í þetta, með sektarboðorðið. Hlýddu og vertu góð, sýndu körlunum virðingu. Þetta er jaðarhópur sem þarf að sýna tillitssemi.

Stúlkurnar eiga að sýna mildi, umburðarlyndi, vera kurteisar og bjóða karlmann velkominn í kvennaíþróttina. En þær, með þessari kúgun ganga á eigin réttindi, tækifæri og rými kvenna.

Konur þurfa fleiri karlmenn sem standa upp og tjá sig um þennan fáránleika að karlmaður geti keppt í kvennaíþrótt. Konum starfar hætta af karlkyninu sem keppir í kvennaflokki. Af hverju halda karlar að sér höndum. Stígið upp fyrir stelpurnar ykkar og konur.

Amy Sousa sálfræðingur segir þetta vel, hlustið.

Fæða karlmenn í gegnum endaþarmsopið?

Trans hreyfingar og áhangendur niðurlægja konur, ófrískar konur.

Það er ekki ofsögum sagt að trans hugmyndafræðin er ein sú vitlausasta sem fram hefur komið á sjónarsviðið, í það minnsta það sem snýr að kyni.

Kyn er ekki fjölbreytileiki, kyn er ekki róf, enginn er fæddur í röngum líkama og enginn getur sér til um kyn við fæðingu barns.

Í þessari heimsku hugmyndafræðin er mönnum sagt að karlmenn geti gengið með og fætt barn. Það vita allir, þeir gera það ekki.

Konur sem hoppa á þessa endemis þvælu eru aðgerðasinnar og þær ættu kannski að snúa sér að þarfari málefnum til að berjast fyrir. Það að karl fæði barn er líffræðilegur ómöguleiki og honum verður ekki breytt.

Að aðrar konurnar skuli þegja er öllu alvarlegra, allar hjúkkurnar, ljósmæðurnar og læknarnir. Þessir einstaklingar hafa lagt margra ára nám að baki um líkamann, líffræðina og sjúkdóma. Ekki orð frá þessu fólki um heimskuna sem fær að fljóta um samfélagið. Af hverju. Óttast það árásir eða?

Ef kynjafræðin, allavega sá hluti er viðkemur kyni, er ekki upplýsingaóreiða þá finnst hún varla.

Þvælan er gengin svo langt í Bretlandi að finna má svona veggspjöld. Óvirðing við ófrískar konur, og þá fallegu en erfiðu athöfn að eignast barn sem gefur af sér dásemdar ávöxt.

Er nokkur undra að kona spyrji, fæðir karlmaður barn út um endaþarmsopið?

 

Trans konur eru konur- vísindalega rangt slagorð

Eitt af því sem kynjafræðin segir nemendum á öllum skólastigum er að kvengervlar (trans konur) séu konur. Innræting. Alveg sama hvað María Hjálmtýsdóttir formaður kynjafræðinga og Sóley Tómasdóttir segja og aðrir sem styðja þessa fölsun. Kjánaskapur.

Fullyrðingin á sér hvergi stoð í vísindum og staðreyndum, né heldur að kyn sé róf, það er hugarburður fámennar hreyfingar. Félag kynjafræðinga vill þetta bull af fullum þunga inn í skólakerfið, meira en nú er. Drenglyndi, hópur foreldrar og kennara á Akureyri, vill það út úr skólastarfinu.

Ef Menntamálaráðherra er skynsamur, raunsær og með báða fætur á jörðinni fjarlægir hann þetta bull og ósannindi úr skólum landsins, nemendum til heilla.

Þróunarlíffræðingur varar okkur við

Slagorðið ,,trans konur eru konur" er vísindalega rangt og skaðar réttindi kvenna, segir Richard Dawkins.

Í nýrri bók segir þróunarlíffræðingurinn að vísindalegur sannleikur verði að sigra ,,persónulegar tilfinningar" og heldur því fram að akademískar stofnanir verði að verja staðreyndir umfram tilfinningar.

Í The War on Science gengur Dawkins til liðs við nokkra vísindamenn og heimspekinga sem halda því fram að akademískt frelsi og sannleikur í háskólum hafi verið kæfður með stefnu um fjölbreytileika, jafnrétti og aðlögun sem ýtti undir ósannindi undir merkjum félagslegs réttlætis.

Vísindalega rangt

Hann segist draga línuna við hið herskáa slagorð ,,trans konur eru konur" vegna þess að það er vísindalega rangt. Þegar því er tekið bókstaflega brýtur það á réttindum annarra, sérstaklega kvenna.

Það eru íþróttir kvenna, búningsklefar kvenna, kvennafangelsi og svo framvegis.

Svo öflug eru þessi ósannindi að dagblöð vísa til ,,getnaðarlims hennar" sem ómerkilegrar venju.

Eltir fólk sem segir sannleikann

Dawkins sagði við The Telegraph að trans aðgerðasinnafélög séu ,,ótrúlega grimm", elti fólk úr vinnunni og kalla eftir því að konur sem eru ósammála þeim séu afhöfðaðar og beittar líkamlegu ofbeldi.

Menn eru lagðir í einelti af yngri samstarfsmönnum t.d. í útgáfu sem fylgja transhugmydafræðinni og krefja þá um viðurkenningu á að karlar geti verið líffræðilegar konur.

,,Hvorki pólitík né persónulegar tilfinningar hafa áhrif á vísindalegan sannleika og það þarf að skýra. Ég hef áhyggjur af niðurrifi vísindalegs sannleika," sagði hann.

Það sem hefur gerst er að hreyfingar póstmódernisma innan akademíunnar eru skaðlegar og skýrir núverandi tísku fyrir lyginni að kyn sé á rófi.

Ekki langt síðan Alma Möller notaði það, heilbrigðisráðherrann sjálfur, læknismenntuð! Kyn á rófi.

Það er þessi póstmóderníska oflæti sem vísar vísindum ranglega á bug sem félagslegri uppbyggingu. Mannlegt yfirlæti hér er hugmyndin um að persónulegar tilfinningar geti breytt raunveruleikanum.

Trans aðgerðasinnar eru grimmir og háværir. Þeir herja m.a. á útgefendur sem vilja að þeir breyti sannleikanum í lygi.

JK Rowling getur séð um sig sjálfa, en verum minnug hvernig þeir eltu Kathleen Stock út úr Sussex háskólanum, og það eru alltaf konur sem þjást.

Á London Pride mótmælunum árið 2023 sagði Sarah Jane Barker, áður Alan Barker, við mannfjöldann: ,,Ef þú sérð Terf kýldu þá í andlitið…."

Stærsta ógn við akademíuna

Sally Satel, lektor við læknadeild Yale háskólans, varaði einnig við því að fjölbreytileikamenning læðist inn í vestrænar stofnanir.

,,Óheftur vöxtur fjölbreytileika, jafnréttis og skrifræðis innan háskóla og stjórnvalda er sennilega stærsta ógnin við akademískt frelsi, frjálsar rannsóknir, verðleika og sanngirni á Vesturlöndum í dag," skrifaði hún.

Lesa má greinina, sem er mun lengri, hér.

Fórnarlambsöfund- nýyrði transhugmyndafræðinnar

Ekki er ýkja langt síðan að Arna Magnea Danks sagði við samkynhneigðan mann að hann væri haldin ,,fórnarlambsöfund.“ Það er í hnotskurn það sem trans hreyfingar gera, mála transið út sem fórnarlömb og landinn á að hoppa á samúðarvagninn og þegja.

Aðrir öfundast sennilega út í fórnarlömbin, m.a. með því að segja sannleikann, það fæðist enginn í röngum líkama, kynin eru tvö. Kynjafræðin klifar á þessum ósannindum í öllu skólakerfinu.

Nýstofnuð heimssamtök LGB segja réttindi samkynhneigðra í hættu. Af þeirri ástæðu eru samtökin stofnuð. Vernda ber áunnin réttindi og einblína á þau sem á vantar. Það þarf líka að horfa til réttindi sem hafa horfið vegna tilkomu transhugmyndafræðinnar af stúlkum og konum.

Bev Jackson, meðstofnandi LGB Alliance, segir: ,,Samkynhneigðir karlmenn, lesbíur og tvíkynhneigðir eru þreyttir á að sjá hreyfingu okkar, tungumál og réttindi hverfa. Samtök eins og ILGA, sem eitt sinn barðist fyrir hinsegin fólki, selja nú fórnarlömb.“ 

Deilan kemur í kjölfar þess að Hæstiréttur Bretlands úrskurðaði í apríl 2025 að lagaleg skilgreining konu byggist á líffræðilegu kyni, ekki kynvitund. Úrskurðurinn hefur víðtæk áhrif á einkynja rými og þjónustu.

Nútíminn sagði frá tímamótunum LGB.

Framhaldskólanemar rísið upp

Það var skuggalegt að sjá þegar þingmaður sagði frá kennsluháttum Þorsteins V. sem kennir í Menntaskólanum í Kópavogi. Mynd af Snorra Mássyni var á glæru Þorsteins og enn sem komið er vita menn ekki hvað Þorsteinn hafði fyrir nemum sínum um Snorra Máson. Eitt er víst, það er fátt gáfulegt sem kemur frá Þorsteini V, í það minnsta það sem maður hefur lesið og hlustað á.

Skólastjóri Menntaskólans í Kópavogi hlýtur að láta málið til sín taka.

Framhaldsskólanemar sem þekkja sannleikann og vita að kynin eru tvö þurfa að rísa upp og mótmæla gegn þvættingi transhugmyndafræðinnar í skólakerfinu. Víða um heim eru nemendur farnir að gera það. Nemar hafa fengið sig fullsadda af þvælunni sem kynjafræðikennarar bera á borð fyrir það.

Þó menn hafni transhugmyndafræðinni hafna þeir ekki einstaklingum sem eru ósáttir í eigin skinni og enn síður að tilvist þeirra sé neitað. Eitt er mannvera, annað hugmyndafræði. Það er mikilvægt að þekkja líffræðina og vita að kyni er ekki breytt.

Þorsteinn V. virðist ekki þekkja mörk sín sem kennari. Eins og Snorri bendir á eiga kennarar að þekkja sín takmörk. Að taka fyrir einn þingmann af því Steina líkar ekki skoðun hans er skólabókardæmi um hvernig kennari haga sér ekki.

Rísið upp framhaldsskólanemar, sýnið landi og þjóð að þið þekkið sannleikann um líffræðina. Látið ekki gegnsýrða kennarastétt ,af transhugmyndafræðinni, segja ykkur ósatt.

Framhaldsskólanemar sýnið landsmönnum að þið eruð verðugir fulltrúar framtíðarinnar sem þekkið sannleikann þó kennararnir ykkar gera það ekki. Verið skör ofar en kennararnir.

LGB klífur sig frá trans hreyfingum víða um heim

Það var tímabært að skynsamt samkynhneigt fólk sá ljósið. Aðskilnaður við trans-hreyfingar hefur verið í býgerð og nú gerðist það. Heillaspor.

Hommar og lesbíur víða um heim, líka hér á landi, finna sig ekki heima í trans hreyfingunni sem leggur áherslu á allt annað en jafna stöðu hvers manns.

Trans hreyfingar vilja forréttindi og hafa fengið það víða, því miður. Hér á landi líka og meira í býgerð hjá ríkisstjórn Kristrúnar Frostadóttur.

Hommar og lesbíur þekkja raunveruleikann, kynin eru bara tvö. Það passar við þau, sem falla fyrir eigin kyni eða jafnvel báðum.

Til hamingju, skynsemi ykkar er lýsandi og öðrum til eftirbreytni. Megi þessum samtökum vegna sem best og hjálpa konum og börnum að halda haus í þessari baráttu við trans hreyfingar.

Lesbíur eiga undir högg að sækja frá karlmönnum sem telja sig konu og vilja vera með lesbíum!

Hér má hlusta á meðlimi hreyfingarinnar frá Ástralíu, Kólumbíu og Frakklandi.

Trans hugmyndafræðin er; afturhaldssöm, kvenhatur, hómófóbísk og andvísindaleg.

Trans hugmyndafræðin grefur undan kvenréttindum, réttindum samkynhneigðra, rannsóknar- og tjáningarfrelsinu. Fjölgun barna sem líður illa í eigin skinni er áhyggjuefni og við verðum að forðast óafturkræfar meðferðir á börnum.

 

Að vera kona er ekki tilfinning

Það er bæði móðgandi og særandi fyrir konur að karlmaður, með lim og pung, geti þóst vera kona byggt á tilfinningum. Getum við flokkað það undir ,,hatursorðræðu" gegn konum og stúlkum? Fróðir menn verða að svara því.

Staðreyndir um kvenlíkama:

Fædd með leg, eggjastokka, eggjaleiðara.

XX-litninga (fyrir utan sárafáa gena og fæðingarkvilla).

Hefur á klæðum.

Mjaðmir eru breiðari en karla sem gefur konu möguleika á að ganga með barn.

Hefur brjóstkirtla til að framleiða mjólk ef á þarf að halda.

Munur á raddböndum, styttri hjá konum.

Ekkert af þessu er tilfinning eða upplifun. Kaldur veruleiki líffræðinnar.

Kona er kvenkyn, karl er karlkyn og því verður ekki breytt nema í kolli fólks.

 

 

Lyginn ráðherra

Heilbrigðisráðherrann hefur opinberað að hann er trans aðgerðasinni sem fer ekki með rétt mál í grein á Vísi. Hún reynir að segja þjóðinni að börn sem glíma við ónot í eigin skinni hafi verið andlega stöðug áður en þeim var vísað til meðferðar.

Það er vitað og sannað með rannsóknum að andlega óstöðug börn glíma frekar við ónot í eigin skinni en hin. Þar er einhverfa líklegust og hún þróast ekki eftir að tilraunameðferð hefst sem kallast ,,kynskipti.“

Áföll alls konar, kynferðislegt ofbeldi, kvíði, þunglyndi og aðrir andlegir sjúkdómar spila stórt hlutverk í líðan barnanna áður en læknisfræðileg ítök hefjast, oftast ómeðhöndlaðir. Ekki undir eða eftir meðferð.

Rannsóknir segja annað en ráðherrann

Það er heilbrigðisráðherra til minnkunar að tala eins og transaðgerðasinni. Auðvitað eigum við að segja sannleikann, kynin eru tvö og því verður ekki breytt. Í framhaldi má spyrja, af hverju ,,skipta“ karlmenn í kvenkynið, og konur í karlkynið? Hvað með öll hin kynin?

Cass skýrslan hrekur það sem Alma Möller segir. Það er vönduð skýrsla barnalæknis og teymi annarra lækna sem margar þjóðir nota sem leiðarvísir þegar börn eru annars vegar. Hví ekki hér?

Norskir læknar skrifuðu grein á dögunum og lýstu verulegum áhyggjum af þessu tilraunameðferðum á börnum sem ráðherrann talar um. Talaði Alma Möller um hætturnar og skemmdirnar?

Læknarnir segja; ,,Læknisfræðileg „kynstaðfestandi“ meðferð á börnum og ungmennum með kynjamisræmi felur í sér mikla óvissu og alvarlega áhættu. Núgildandi leiðbeiningar veita ekki nægilega vernd gegn mögulega skaðlegum aðgerðum eða þann stuðning sem þarf til svo hægt sé að veita varfærna og ábyrga meðferð í heilsugæslunni.“

Neðar í greininni segja læknarnir; ,,Þótt sumar rannsóknir hafi sýnt fram á skammtíma ánægju hjá sjúklingum er mikilvægt að hafa í huga að bæði kynþroskahemlar og hormónameðferð eru enn tilraunameðferðir. Enn vantar næg gögn til að sýna fram á varanlegan heilsuávinning, og margar rannsóknir glíma við veikleika eins og lágt þátttökuhlutfall og stuttan eftirfylgnitíma.“

Hættan er fyrir hendi

Eitt af því sem Alma Möller lætur vera að skrifa um eru aukaverkanir lyfjanna sem notuð eru fyrir börn. Samkvæmt skrifum læknanna eru aukaverkanir allverulegar og þeir eru ekki einu fagaðilarnir sem hafa varað við þessum meðferðum og aukaverkunum. Og, við erum að tala um börn, börn, börn.

Læknarnir segja; ,,Alvarlegar aukaverkanir hafa verið skráðar: ófrjósemi, varanleg skemmd á kynfærum, beinþynning, hjarta- og æðasjúkdómar og skaði eftir skurðaðgerðir. Slíkar aðgerðir leiða oft til varanlegrar ófrjósemi og geta valdið líkamlegum og sálrænum erfiðleikum til langs tíma.“

Alma Möller talar heldur ekki um þessa skelfilegu staðreynd, ,,Langtímarannsóknir eru fáar. Í sænskri rannsókn á 324 einstaklingum sem höfðu gengist undir kynleiðréttingu voru sjálfsvíg margfalt algengari en hjá jafnöldrum. Nýrri rannsóknir hafa ekki sýnt fram á skýran langtímaávinning á geðheilsu.“ Dönsk rannsókn á rúmlega 3000 manns, sem skráð er í heilbrigðiskerfið sem trans, sýndi fram á það sama.

Iðrun og eftirsjá

Norsku læknarnir og fleiri fagaðilar benda á að; ,,Sífellt fleiri sögur berast af sjúklingum sem iðrast að hafa gengist undir slíkar aðgerðir, sérstaklega meðal þeirra sem voru ungir þegar meðferðin hófst. Ungt fólk er enn að þróa sjálfsmynd sína og getur átt erfitt með að gera sér grein fyrir afleiðingum óafturkræfra aðgerða. Þetta eykur áhættuna á iðrun síðar meir – sérstaklega þegar kemur að fjölskyldumyndun og nánum samböndum.“ Nútíminn birti grein norsku læknanna.

Þegar menn hafa þó þetta miklar upplýsingar ætti það að duga til að hætta öllum læknisfræðilegum inngripum hjá börnum. Veitið þeim góða sálfræðimeðferð og stuðning þar til þau ná fullorðinsaldri.

Við viljum sannleikann Alma Möller heilbrigðisráðherra! Kynin eru tvö, hvorki tískubylgja né hugsanir geta breytt því.

Stelpur á Sjálandi fá ekki frið

Sorgleg og móðgandi ákvörðun hjá félagsliðum fótboltans á Sjálandi í Danmörku, liðum innan Danska knattspyrnusambandsins.

Þeir ákváðu að kennitalan ræður hvort þú spilir með kvenna- eða karlaliði. 

Hvað þýðir það? Jú að nú geta karlmenn með sprella spilað í kvennaliði hafi þeir breytt kennitölunni sinni sem fáránlegu lögin, kynrænt sjálfræði, leyfir þeim. 

Hvílíkur aumingjaskapur í forystusveit þessara liða. Þeir svíkja stelpur og konur. Enn á ný þurfa stúlkur og konur að berjast fyrir sérflokki í íþróttum. Upphaflega máttu þær ekki taka þátt, það þótti ekki við hæfi kvenna. Síðan fengu þær sérflokka því þær höfðu ekki roð við karlmönnum, að sjálfsögðu ekki líkamsbygging kynjanna er ólík.

Nú hefur ákveðinni tegund af karlmönnum tekist að skemma íþróttir kvenna. 

Reglan á að vera enga karlmenn í íþróttir og einkarými kvenna, þó þeir hafi breytt skráningu sinni í þjóðskrá. 

Hér má lesa frétt um ákvörðun liðanna.