Orðskrípið ,,árásarþoli" og ég skil ekki

hvaðan blaðamenn fá orðið? Kannski úr lögregluskýrslum. Málfar beggja stétta er stundum kjánalegt svo ég taki ekki dýpra í árina. Sá sem verður fyrir árás er þolandi, fórnarlamb, varð fyrir líkamsárás, var sleginn eða laminn af þeim sem réðst á hann. Árásarþoli er orðskrípi sem ætti ekki að sjást á prenti. Haldi blaðamaður að þetta sé fínt orð er hann á villigögum.

Sama þegar fréttamenn tala um að bíll hafi klesst á annan. Barnamál þegar börn vita ekki að nota á sögnina að keyra eða ók. Bíll keyrði á annan bíl, hann klessti ekki.

Landinn ætti að hafa áhyggjur af barna og bullmáli margra fréttamanna. Lesi grunnskólabörn slíkar fréttir oft þá festist bullið í kollinum á þeim, nema foreldrar leiðrétti þau. Sjálfsagt að gera það.

Fimm réðust gegn einum í Kópavogi