Miðflokksklausturskráarmálþófsþingmenn- til skammar

Þessir þingmenn gera hvorki þjóð né þini greiða með bullinu í sér. Vona að þingið sjái ástæðu til að breyta þingskaparlögum til að forðast svona bullukolla eins og Miðflokksmenn eru í þessari umræðu.

Miðflokksþingmenn enn í pontu

Athugasemdir

[Eggert Guðmundsson, 24.5.2019 kl. 10:38]

• Þessir svokölluðu "bullukollar" eru að reyna að koma vitinu fyrir þingheim og benda þeim á hvað stendur í þeirri reglugerð sem Orkupakki 3 er. Það virðist vera að Alþingismenn hafi ekki á nokkurn hátt kynnt sér innihald reglugerðarinnar. 

• Það væri meiri sómi af Alþingi að þeir þingmenn sem styðja Orkupakkann hefðu tekið þátt í þessari umræðu og þá sannfært Miðflokksmenn og 63% íslendinga sem eru andvígir þessu framsali á stýringu Orkumála á Íslandi.

• Og já - ég gæti tekið undir með þér að það þyrfti að breyta þingskaparlögum í þá átt að þingmönnum sé skylt að sitja í þingsal og taki þátt í umræðu  þegar fullveldisframsalsheimildir eru ræddar í ÞINGSAL eins og eru í ORkupakka 3.

[Helga D Sverrisdóttir (IP-tala skráð) 24.5.2019 kl. 14:01]

Þegar um svona gjörning er að ræða skilar það ekki nokkrum hlut. Miðflokksklausturskráarmálþófsþingmennirnir hefðu átt að byrja fyrr. Ræða málið í nefndum í stað þess að vera fjarverandi. Ræða málið þegar þeir voru í ríkisstjórn og málið kom upp á borð hjá þeim. Nú lítur þetta út fyrir að vera tóm þvæla og vitleysa sem enginn græðir á.

Skoðanir eru afar skiptar um málið hvort um framsal sé að ræða eður ei. Fjórði orkupakkinn er kominn á dagskrá Evrópusambandsins.

[Halldór (IP-tala skráð) 24.5.2019 kl. 15:03]

Því lengur sem þeir tefja þetta mál því betra, Þetta fólk er að gera okkur mikinn greiða með því að tefja þetta mál, ekki bara tefur þetta önnur mál sem gerir það að verkum að ríkisstjórnin kemst ekki í að gera ennþá meiri skaða fyrir land og þjóð heldur kemur þarna fram hellingur af upplýsingum um þennan blessaða orkupakka, þennan pappír á að stoppa með öllum tiltækum ráðum, þú hefur kannski áhuga á að greiða hærra rafmagnsverð en ég hef það svo sannarlega ekki. Því minna sem þessi skaðræðis ríkisstjórn kemur í verk því betra, hún er við það að toppa óstjórnina hjá Jóhönnu og co eftir hrun.

[Jónatan Karlsson, 24.5.2019 kl. 18:49]

Þú talar um bull og bullukolla Helga Dögg.

Ert þú þá kannski manneskja til að útskýra í stuttu og laggóðu máli kosti þess fyrir Íslendinga að samþykkja þennan orkupakka?

[Jónatan Karlsson, 24.5.2019 kl. 23:56]

Ekkert svar við þessari einföldu spurningu minni frá því fyrir fimm klukkutímum og nýrri bloggfærslu síðar er nefnilega svar útaf fyrir sig.

Takk fyrir hreinskilnina Helga Dögg.

[Helga D Sverrisdóttir (IP-tala skráð) 25.5.2019 kl. 10:06]

Sæll Jónatan.

Kíkti ekki á athugasemdir við færsluna og því ekkert svar. Nei ég get ekki svarað fyrri spurningu og bendi á þá kosti og galla sem setta hafa verið fram af þeim sem vita hafa á málinu. 

Í bullinu felst að halda uppi málþófi, vitandi að málið fer í gegn, aðrir flokkar hafa sagt það. Bullið felst í að hleypa ekki öðrum þingmálum að, setja allt í frost. Bullið er að Miðflokksmenn, allavega hluti af þeim, gátu á sínum tíma komið skoðunum sínum á framfæri. Bullið felst í að hertaka Alþingi Íslendinga á þennan hátt burt sé frá hvort það eru kráarþingmennirnir eða einhver annar flokkur. Bullukollar að láta sér detta í hug að nota Alþingi Íslendinga á þennan hátt- kannski ekki rétt orðanotkun en engu að síður læt það flakka.

[Jónatan Karlsson, 25.5.2019 kl. 11:14]

Sæl aftur.

Já þetta svar þitt er engu lakara en þögnin, því auðvitað virðist þú ekki geta talið upp eina einustu ástæðu fyrir því að Íslendingar hafi nokkurn hag af að taka augljósa áhættu við samþykkt pakkans.

Þú nefnir aðeins sem rök fyrir ásökunum þínum, að þetta málþóf sé til einskis og það tefji fyrir afgreiðslu annara mála og teljast það auðvitað léttvæg eða engin rök við einfaldri spurningu minni.

Hver skyldi nú vera tilgangur þess að láta öll önnur mál bíða, uns þetta eina mál er afgreitt?

Mannst þú eftir kosningaloforði Samfylkingar um 5 prósenta árlega endurheimtingu kvótans frá greifunum aftur til ríkisins, sem aldrei var staðið við, þrátt fyrir meirihluta þingmanna þeirra og VG?

Á hverju skyldi nú það fróma loforð þeirra hafa strandað öðru en fyrirsjáanlegu málþófi?

[Helga D Sverrisdóttir (IP-tala skráð) 25.5.2019 kl. 11:39]

Þau eru mörg loforðin sem stjórnmálamenn hafa gefið þjóðinni, líka Samfylkingin. Sem betur fer er ég ekki flokksbundin neinum flokki og skoðun mín til einstakra mála er ekki bundin flokki.

Málþóf á ekki að leyfa í þeirri mynd sem það er í dag. Vissulega mega menn segja skoðun sína, koma fram með álit og þ.h. en svona vinnubrögð eru ólíðandi, alveg sama hver á í hlut.