19.1.2019 | 12:01
Kennarar leggja sig fram
,,Flestir nemendur telja að kennurum sé annt um sig eða um 81% nemenda í 6. bekk og 65% í 10. bekk sem er jákvæð niðurstaða og rímar vel við almenna vellíðan nemenda í skólum landsins. Langflestir treysta kennara sínum vel og virðist það eiga við nemendur í öllum landshlutum."
Kemur ekki á óvart. Ekkert launungarmál að kennarar, almennt, leggja sig fram um að koma á móts við þarfir og óskir nemenda.
Mikið traust nemenda til kennara | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (0)
14.1.2019 | 17:54
Dæmi um hve mál velkjast lengi í kerfinu
Samkvæmt fréttinni gerðist þetta í september 2017. Hálft annað ár liðið frá verknaði kvennanna og nú fyrst er það komið í dómsal. Þetta er óásættanleg tímalengd á máli og málum yfirleitt.
Þar sem börn koma við sögu ættu málin að ganga hratt fyrir sig. Til að losna við forsjárdeildur úr dómssal ætti að stofa fjölskyldurétt. Myndi henta öllum, sem í forsjárdeildum standa, betur en það kerfi sem nú er í gangi.
Ákærðar fyrir að veitast að 8 ára dreng | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (0)
13.1.2019 | 20:35
Stóðu sig vel
Vissulega erfitt að spila einum færri í svona langan tíma eins og í þessum leik. Strákarnir okkar stóðu sig vel og geta gengið sáttir frá leikum, þegar frá líður. Vissulega svekktir nú. Nýliðarnir eiga eftir að læra meira, það kemur. Verður gaman að fylgjast með þeim í næstu leikjum. Tala nú ekki um á komandi árum. Ungu mennirnir eiga framtíð fyrir sér.
Sjö marka tap gefur ekki rétta mynd | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (0)
13.1.2019 | 10:33
Þessi hreyfing hefur misst marks
Upphaflega átti hreyfingin að vekja athygli á kynferðislegri áreitni og ofbeldi. Hvernig það fer fram, vera víti til varnaðar. Konur áttu að geta stigið fram og sagt frá reynslu sinni öðrum til upplýsinga. Við áttum að læra af þessu, verða upplýstari um hvernig slíkt fer fram.
Íslenskar konur, eins og oft áður, taka ekki bara hreyfinguna til sín heldur skrumskæla hana, illilega.
Hreyfingin er notuð sem nornaveiðar á eldgömul mál eins og þetta mál sýnir. Hreyfingin er notuð til að leggja mannorð fólks í rúst. Á skjön við upphaflegan tilgang. Þess vegna hefur hún misst marks í augum margra. Vonandi leggst þessi notkun hreyfingarinnar af. Efast þó.
Legg ekki mat á hvort maðurinn hafi gert þetta eður ei, var ekki á staðnum og því ógerlegt fyrir mig.
Framganga kvenna sem hafa eyðilagt annars ágætt framtak er, að mér finnst, til skammar. Þarf nú ekki annað en hugsa til baka, KÍ þingið sem ég sat. Ákveðinn hópur kvenna eyðilögðu frásagnir ungra kvenna af kynferðislegri áreitni. Frásagnirnar voru sagðar til að upplýsa kennara en hurfu í skuggann vegna hópsins sem taldi í lagi að beygja lýðræði kennara í nafni hreyfingarinnar.
Hreyfingin er ekki áhugaverð á nokkurn hátt, allavega ekki hér á landi.
Metoo-hópur stofnaður um Jón Baldvin | |
Tilkynna um óviðeigandi tengingu við frétt |
12.1.2019 | 15:30
Nei Inga- svona gerir maður ekki!
Öll virðing mín fyrir Ingu er farin. Hún hefur á stundum hitt naglann á höfuðið. Gagnrýnt þá stjórnmálamenn sem liðka um fyrir vinum og vandamönnum. Hún fellur í sömu gryfju. Það á að halda fjölskyldumeðlimum frá launuðum störfum. Einfaldara getur það ekki verið. Til er fjöldinn allur af fólki sem getur sinnt starfi sonarins. Mér blöskrar rétt eins og mér blöskrar framkoma Kráarþingmannanna.
Karl Gauti sár og hefndargjarn | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (8)
11.1.2019 | 09:53
Góð þróun- eldra fólk geti séð sér farborða
,,Tekið er fram í svarinu að í reikningsdæminu sé einungis um að ræða kostnaðarauka vegna þeirra ellilífeyrisþega sem þegar hafa sótt um, eða fá greiddan ellilífeyri hjá Tryggingastofnun ríkisins. Í dag séu hins vegar um 6.000 einstaklingar, 67 ára og eldri, sem búsettir eru á Íslandi, sem ekki hafa sótt um ellilífeyri frá Tryggingastofnun."
Vonandi fjölgar þeim sem geta lifað af lífeyrissjóðsgreiðslum eða öðrum greiðslum þegar lífeyrisaldri er náð. Greiðslur tryggingarstofnunar eru eða ættu að vera greiðslur sem þeir allra tekjulægstu þegnar njóta. Legg ekki mat á heildarupphæðina. Þó þannig að fólk geti lifað af laununum.
Margir eiga stór og dýr hús sem hefur margfaldast í verði, án þess að fólk leggi út í nokkurn kostnað og geta lifað af sölu slíkra eigna. Minnka við sig eins. Það er vel. Auðvitað eiga lífeyrisþegar að nýta það sem þeir hafa unnið sér inn eða ávaxtað.
Sameina og fækka á lífeyrissjóðum. Óhófleg útgjöld til stjórna og stjórnenda. Við erum 300 þús. og lífeyrissjóðirnir telja tugi. Skammarlegt að sólunda fé í yfirbygginguna.
Kostar 48 milljarða að hækka ellilífeyrinn | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (0)
8.1.2019 | 19:45
Það var og...Halla aðstoðarmaður ríkisstjórnar í jafnréttismálum!
Til að styrkja enn betur við stefnumótun á sviði jafnréttismála og vinnu á því sviði hefur Halla Gunnarsdóttir hefur verið ráðin aðstoðarmaður ríkisstjórnarinnar og mun vera ráðgjafi ríkisstjórnarinnar í jafnréttismálum."
Ég á ekki til orð. Halla Gunnarsdóttir sem hefur rægt feður á snjáldursíðum á nú að verða ráðgjafi í jafnréttismálum. Á síðunni forréttindafemínisti má lesa þetta:
- Ráðgjafi Katrínar Jakobsdóttur forsætisráðherra í jafnréttismálum, Halla Gunnarsdóttir er meðlimur í þessum hóp og skrifar innlegg þar sem hún hrósar konunum fyrir að taka þennan slag (þ.e. slaginn að kveða baráttu karla gegn tálmunarofbeldi í kútinn strax í fæðingu).
Hreint til skammar en ekki við öðru að búast með Vg í forsvari.
34 umsóknir um stöðu skrifstofustjóra | |
Tilkynna um óviðeigandi tengingu við frétt |
6.1.2019 | 10:19
Sækir Morgunblaðið upplýsingar um alla ofbeldismenn?
Réttlæti ekki ofbeldi mannsins, aldrei réttlætanlegt hvort sem það er kona,karl eða barn sem beitir því.
Nú velti ég fyrir mér hvort Morgunblaðið sæki allar upplýsingar um störf þeirra, hjá vinnuveitenda, sem dæmdir eru fyrir ofbeldi eða hvort hér sé um einstakt mál að ræða.
Heimilisofbeldi er því miður algengt og hægt að sjá dóma þar um. Mér þykir þetta afar sérstakt verklag.
Eimskip á hins vegar að vinna að málinu með brotamanni samkvæmt dómnum og ekki blanda fjölmiðlum í það.
Tjá sig ekki um framtíð ofbeldismanns | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (0)
5.1.2019 | 15:39
Skrýtið að það komi honum á óvart
Berum við okkur saman við önnur Norðurlönd á þetta ekki að koma á óvart. Af hverju hélt landlæknir fyrrverandi að ofbeldi á hendur barna væri sjaldgæfara hér en annars staðar. Hafi hann lesið norrænar rannsóknir kemur þetta berlega í ljós. Í þeim rannsóknum kemur líka fram að mæður beita börn sín oftar ofbeldi en feður. Hélt nú sannast sagna að alþjóð vissi þetta. Engu að síður sorleg niðurstaða. Stundum leiðir örmögnun foreldra til líkamlegra átaka sem er miður. Andlegt ofbeldi er erfiðara viðfangs, ljót orð, útilokun og tálmun.
Fjöldi íslenskra barna lent í ofbeldi | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (0)