Vel að þessu komnar

Landsmenn kunna að meta framlag björgunarsveitanna enda vitað að almannavarnaþjónusta væri ekki virk án sveitanna.

Til hamingju björgunarsveitarfólk. Vona að þið fáið frið til að njóta gamlárskvöld í faðmi ættingja og vina.

Björgunarsveitir „maður ársins“

Harmleikurinn í Vesturbænum

Fréttir dynja á okkur um harmleikinn í Vesturbænum þar sem dópbæli þreifst ágætlega fyrir þá sem þar vildu vera. Fréttir og ekki síður athugasemdakerfi blaðanna óvægin og á einn veg. Í huga fólks virðist einn sökudólgur. Fréttir berast af meintum brotum húsráðanda. Engar aðrar athugasemdir koma fram nema að kona hafi komið út úr húsinu í annarlegu ástandi. Lesendur geta sér til að það sé vegna fíkniefnaneyslu, sennilega margra daga. Allir stútfullir af fíkniefnum.

Faðir eins fíkilsins staðhæfir að barni hans hafi verið haldið nauðugu þar. Legg ekki dóm á það. Rannsókn mun leiða það í ljós. Mörgum finnst staða húsráðanda í samfélaginu ráði að mestu gjörðum og athöfnum lögreglu og dómara. Dómgreindarleysi. Ekki verður annað séð en lögboðnir aðilar verði að fara að lögum. Engin börn voru á staðnum, hér var um sjálfráða einstaklinga að ræða. Ráðist á laganna verði að ósekju að mínu mati. Réttargæslumenn hafa verið yfirlýsingaglaðir sem er forkastanlegt. Hvort það er til að fá meðaumkun með meintum þolendum eða láta á sér bera skal ósagt látið. Samræða við lögreglu hefði sennilega skilað betri árangri. Lögregla telur að málum sé blandað saman.

Fólk hefur látið hafa eftir sér, á snjáldursíðum, að eiturlyf hafi ekki áhrif á fólk, hvorki í gjörðum eða hugsunum. Skortur á þekkingu eða fordómar. Í fræðslubækling embættis landlæknis kemur fram að fólk missir ráð og rænu, vægt til orða tekið. Mesta prýðisfólk verður að villumönnum burtséð frá kyni. Fólk gerir hluti sem það myndi ekki undir öðrum kringumstæðum gera.

Á vef embættis landlæknis stendur ,,Áhrifin eru slæm. Mjög auðvelt er að pirra neytandann meðan hann er undir áhrifum og hætta er á að hann verði árásargjarn og beiti ofbeldi. Þá bælir amfetamín hungur-, þorsta- og þreytutilfinningu svo notandinn keyrir sig áfram þar til hann er orðinn örmagna en getur samt ekki slakað á eða sofnað. Þessu fylgja svo fráhvörf, s.s. ótti, pirringur, ofsóknarhugmyndir og oft alvarlegt þunglyndi. Andleg fráhvörf geta varað í marga mánuði eftir að notkun efnisins er hætt.” Áfram segir ,,Við mikla eða langvarandi notkun minnkar líkamsþyngd. Svefnleysi og árásahneigð fylgir mjög oft og stundum bregður fyrir mikilmennskubrjálæði. Geðsveiflur geta verið miklar og leiða stundum til alvarlegs þunglyndis.”

Fíklarnir sem voru í umræddu vesturbæjarmáli þurfa öll á hjálp að halda til að koma sér út úr neyslunni.

 

Heimild:

https://www.landlaeknir.is/servlet/file/store93/item10663/Stadreyndir_um_vimuefni_Veftexti.pdf

Því miður reynir ekki oft á þetta hér á landi

Hvílíkur asnaskapur. Svona mál eyðileggja fyrir fórnarlömbum nauðgunar. Mál af þessum toga finnast á Íslandi. Því miður tekur rannsókn á þessum málum á alla. Fyrst er að skoða nauðgunarkæruna og öllu því sem henni fylgir. Niðurstaða kemur. Á ekki við rök að styðjast. Eftir það verður sá sem kærður var að ákveða hvort hann vilji í mál og fá viðkomandi dæmdan fyrir lygar. Slíkt tekur á og langan tíma. Fólk veigrar sér við því ferli. Af þeim sökum fá færri dóm fyrir lognar nauðgunarkæru en í reynd ætti að vera.

Dæmd fyrir að ljúga til um nauðgun

Fíkniefnaheimur í hnotskurn. Ljótur veruleiki

Sorglegt að lesa um örlög þessa fólks sem kemur við sögu í þessu máli. Skiptir þá engu hvert þeirra er. Fíkniefnaheimurinn er óvæginn að öllu leyti. Fólk selur sig fyrir næsta skammt og skiptir engu hver kaupandinn er. Fíkniefni spyrja ekki um aldur, stöðu eða efnahag. Nái efnið tangarhaldi á fólki er það þræll þess þar til það þiggur hjálp. Ekki á vísan að róa að fíklar geri það þó þeir þurfi á að halda.

Þegar fíkniefni ná bólfestu í líkamanum hefur það áhrif á heilann, hugsun ekki skýr. Ranghugmyndir láta á sér kræla. Hugsun er meira að segja brengluð. Fíklar hugsa bara um líðandi stund, ekki það sem kom áður né á eftir. Staður og stund ræður för og næsti skammtur. 

Margt hefði án efa mátt vera öðruvísi í þessu máli. Margt hefði mátt vera öðruvísi í ferlum sem fóru af stað, bæði hjá aðstandendum og laganna vörðum. 

Gæsluvarðhald yfir Kristjáni rennur út síðdegis

Björgunarsveitir ættu að hafa einkaleyfi

Björgunarsveitir sinna samfélagslegri skyldu. 

Björgunarsveitir hafa á að skipa úrvala liði sem mætir þegar kallið kemur.

Björgunarsveitir er hryggjarstykkið í almannavörum í landinu.

Björgunarsveitir þurfa fjármagn til að reka sveitir sínar.

Björgunarsveitir eru sveltar af sveitarfélögum og ríki.

Björgunarsveitir selja flugelda til að fjármagna sig sem og neyðarkallinn og rótarskot.

Björgunarsveitir þurfa stuðning allra sem ætla að skjóta upp flugeldum.

Björgunarsveitir þurfa á þínum stuðningi að halda, sama í hvaða formi.

Björgunarsveitir halda úti dýrum tækum og tólum.

Björgunarsveitamenn sjá sjálfir um að kaupa einkennisfatnaðinn.

Björgunarsveitarmenn sleppa öllu til að svara kalli, sama hvaða dagur ársins er.

Björgunarsveitarmenn sjá sjálfir um menntun sína í tengslum við starf sitt.

Björgunarsveitarmenn eru háðir velvilja vinnuveitenda til að sinna samfélagsskyldu sinni.

Látum gott af okkur leiða, styðjum björgunarsveitirnar, látum einkaaðila, sem hefur engum samfélagsskyldum að gegna, ekki hirða hagnað af sölu flugelda.

Góðar stundir! 

Kúnninn ræður hvar hann kaupir flugelda

Einhver fótur fyrir þessu

Verður maður ekki að gera ráð fyrir að einhver fótur sé fyrir ásökunum úr því þeir verða áfram í varðhaldi. Varla er það upp á punt. Fangarnir sem hér um ræðir ættu að varpa ljósi á málið þegar að því kemur. Hafa þó nokkurn tíma til að gera upp hug sinn. 

Hér á landi heyrir maður ekkert af rannsókn á Samherjamálinu. Jú, innanhúsrannsókn hjá Samherja...sem leiðir ábyggilega allt gott í ljós. Það gera innanhúsrannsóknir yfirleitt enda pantaðar af þeim sem málið varðar. Trúverðugar, um það má efast.

Kannski kemur hvellur á nýju ári í tengslum við rannsóknina, menn vinna sennilega á bak við tjöldin og vilja ekki opinbera nokkuð. 

Sitja áfram í haldi fram í febrúar

Hvað skal segja...drengir!

Alda segir  ,,Ef við ræðum þetta ekki, ef við fræðum ekki dreng­ina okk­ar þá erum við ekki að fara að bæta þetta. Sam­fé­lagið þarf að taka þessa umræðu.“

Það mætti halda að Alda gangi út frá að foreldrar drengja viti um kaup þeirra á vændi. Veit eiginlega ekki hvað mér finnst um þessa orð. Ég er jafn viss um að drengir ekki frekar en stúlkur hugsi um vændi á uppvaxtarárum sínum, nema hafa það fyrir augum sér. Hversu margir drengir kaupa sér vændi? Er þetta ekki í nánast öllum tilfellum karlmenn, giftir karlmenn þar á meðal, sjálfráða karlmenn? Foreldrar hafa ekkert yfir lífi lögráða sona sinna að segja.

Væri óskandi að við gætum upprætt vændi en samtal við drengi er kannski ekki lausnin, það ætlar sér enginn drengur að kaupa vændi væri hann spurður. 

Því miður er ég ekki með ráð uppi í erminni.

Fimm ára stúlkur ætla sér ekki í vændi

Lestur barna og ábyrgð foreldra

Greinin birtist á Vísi, 21.12. 2019.

Eftir niðurstöðurnar úr PISA könnuninni hafa skapast umræður í samfélaginu um lestur og lesskilning barna. Það er vel. Góðar umræður eiga rétt á sér. Sitt sýnist hverjum um niðurstöðurnar eða fyrirlagningu PISA yfirleitt. Læt það liggja milli hluta hér.

Höfundur skrifaði grein fyrir tæpum þremur árum um ábyrgð foreldra meðal annars á skólagöngu barna sinna. Greinin á við í dag eins og þá. Í henni vitna ég til þingmanns á danska þinginu, Anni Mattihiesen, en í greininni segir:

„Anni segir ákvörðunina um að eiga barn sé foreldranna, ekki samfélagsins og uppeldið sé þeirra. Þegar ákvörðun um að eiga barn sé tekin fylgir því ábyrgð. Hún bendir á að það sé foreldranna að finna út hvernig heimilislífið gangi fyrir sig og hvernig það hangir allt saman. Forgangsröðun verkefna á að vera barni í hag og samvistir við barnið ætti að setja í forgang. Allt of mörgum börnum, í Danmörku, er plantað fyrir framan viðtæki, snjalltæki eða spjaldtölvu þegar heim er komið eftir vinnudag og dagsviðveru á leikskóla/grunnskóla.“

Sömu sögu má segja um mörg börn hér á landi. Höfundur telur að íslenskir foreldrar séu að því leyti ekki öðruvísi en þeir dönsku.

Börn horfa í auknu mæli á efni frá alls konar rásum sem streymt er gegnum Internetið. Má þar nefna Netflix og Youtube. Á Youtube er efnið búið til af öðrum notendum, oft óvandað og engin ritskoðun. Hér áður fyrr var barnaefni í sjónvarpi talsett, á góðri íslensku, en nú er öldin önnur. Börnum er plantað fyrir framan Netflix til að horfa á barnaefni, með ensku tali, án þess að foreldrar geri sér far um að þýða yfir á íslensku fyrir börnin. Allir eru meðvitaðir um að börn læra af þeirri tungu sem þau heyra. Börn fara á mis við mikið, úr því þeim er plantað fyrir framan skjá, að heyra ekki íslensku.

Hermundur Sigmundsson, prófessor í lífeðlislegri sálfræði, segir í grein sem birtist í Kjarnanum:

„Lestur er lyk­il­inn að öllum öðrum lyklum hvað varðar nám og þekk­ing­ar­leit. Lestur gefur okkur einnig mögu­leika á að öðl­ast gleði við að lesa bækur af ýmsum toga.“

Á meðan barn lærir að lesa og er læst þarf að þjálfa það. Þar liggur ábyrgð foreldra, sjá um þjálfununa. Foreldrar verða að leggja það á sig, barni til heilla. Vel læsu barni gengur betur í öðrum fögum eins og Hermundur bendir á, því þekkingarleit og öflun upplýsinga krefst góðrar lestrarkunnáttu og skilnings á því sem lesið er. Nauðsynlegt er að þjálfa barn daglega í lestri og ekki síður að ræða orðin sem það þekkir ekki. Kennarar eru allir af vilja gerðir og reyna sitt besta til að auka lesskilning nemenda en meira þarf til. Foreldrana. Þegar foreldrar lesa fyrir börnin (það eiga allir foredrar að gera), eða hlusta á barnið lesa, þarf að staldra við orð sem það skilur ekki. Barn sem rekst á orð eins rekkja, röðull, vanmáttugur, daglega, askur, ráfar, meinilla, reikar o.s.frv. þarf útskýringar á merkingu orðsins. Með útskýringum og notkun orða eykst orðaforði og skilningur. Mikilvægt er að tala mikið við börn og nota fjölbreytileika tungumálsins, það er hlutverk foreldra meðal annars.

Anni segist vilja sjá meiri ábyrgð foreldra því þau velji að eiga barn, það sé ekki á vegum stjórnvalda. Að setja barn í heiminn fylgir ábyrgð. Hún segir jafnframt það hlutverk foreldra að aga barn sitt og kenna því að segja, takk, afsakið og bjóða góðan daginn. Það er líka hlutverk foreldra að kenna barni sínu heiðarleika, að ljúga ekki og stela, mæta á réttum tíma og bera virðingu fyrir öðrum.

Samfélagsmiðlar taka í auknu mæli mikinn tíma frá foreldrum rétt eins og hjá börnum. Aldur þeirra sem nota samfélagsmiðla og fara reglulega á netið lækkar. Foreldrar eru fyrirmyndir og börn gera það sem fyrir þeim er haft. Hugsið ykkur um áður en þið takið tækin framyfir barnið ykkar.

Umfram allt mundu, þú átt barnið og því fylgir ábyrgð segir Anni og undir það má taka. Hvert barn upplifir æskuár einu sinni og því er mikilvægt að foreldrar haldi rétt á spilunum og séu til staðar fyrir barnið.

Höfundur er grunnskólakennari.

Stjórnmálamenn út úr öllum nefndum barnaverndar

Stjórnmálamenn hafa ekkert að gera í barnaverndarnefndum um allt land. Hrista á upp í kerfinu ekki seinna en nú. Út með pólitíkina úr þessum viðkvæma málaflokki. Ráða á þverfaglegan nefnd sem sinnir málefnum barnaverndar. Í barnaverndarnefnd gæti setið, félagsráðgjafi, sálfræðingur, lögfræðingur, grunnskólakennari, hjúkrunarfræðingur, atferlisfræðingur, læknir til að nefnda fagstéttir sem ættu að koma að málaflokknum. 

Að nota barnaverndarmál í pólitískum úthlutunarreglum fyrir sveitarstjórnarmenn er galið, svo vægt sé til orða tekið. 

Borgin bótaskyld í „ungbarnahristingsmáli“

Hvar eru konurnar?

Konur í atvinnulífinu vilja kynjakvóta í stjórnunarstöður á almenna vinnumarkaðnum. Hvað með þá sem fara út þegar hinir fara inn. Hvar eru konurnar þegar RARIK fer á stjá til að berja ís af línum og koma nýjum upp? Hvar eru konurnar þegar sjómenn eru annars vegar, skipstjórar, vélfræðingar o.s.frv. Eiga konur að vera í þægilegum störfum? Mér þykir þetta klént með kynjakvóta. Eru við ekki komin lengra en það að konur fari ekki inn á eigin verðleikum. 

Vissulega hefur konum fjölgað í björgunarsveitum sem er sjálfboðið starf og því set ég þær utan sviga.

Björgunarsveitir í Skagafirði fá 3,5 milljónir