Hann er því miður ekki sá eini

,,Ég er einnig faðir drengs sem hef­ur verið málaður upp sem skrímsli í Stund­inni, en þar er því nán­ast slegið föstu að hann sé hættu­leg­ur kyn­ferðis­brotamaður, þrátt fyr­ir að rann­sókn lög­reglu og Barna­húss hafi kom­ist að þeirri niður­stöðu að ekk­ert renndi stoðum und­ir ávirðing­ar barn­s­móður hans og fjöl­skyldu henn­ar gagn­vart hon­um sem born­ar voru upp í um­gengni- og for­ræðis­deilu."

Skelfilegt að lesa og skelfilegt að lögreglu og þar til bærum yfirvöldum sé ekki trúað. Brögð af þessum toga hafa verið notuð gegn feðrum til að tálma umgengni og því oftar en ekki tekst það. Mæður vita hvar á að ljúga upp á föður sem ekki bara missir tengsl við börn sín heldur og mannorð oft á tíðum. Því miður  er þeim ekki hengt. Í Danaveldi hafa menn tekið fyrir svona hegðun og tilkynningum um kynferðisbrot hefur fækkað í þessum málflokki svo um munar. Þar í langi eiga mæður að taka ábyrgð á gjörðum sínum.

Er ekki tímabært að stoppa svona hegðun af hálfu mæðra, þó það væri ekki nema barnanna vegna sem mega þola mikið vegna oploginna saka á hendur pabba þeirra. 


mbl.is „Ég er ekki kunningi Braga“
Tilkynna um óviðeigandi tengingu við frétt

Gullgrafaraæðið í rénun

Mörg fyrirtæki tengd ferðaþjónustu spruttu upp þegar ferðamannafjöldinn var hvað mestur, allir vildu græða og vera með. Verð á ferðum, þjónustu, mat og öðru var sprengt upp svo um munaði. Hefur ekkert með stöðu gengis að gera nema að nú fá þessir ferðaþjónustuaðilar minna í vasann, þeir gætu lækkað verð til að koma á móts við ferðamennina. Gott að sigta aðeins úr þessum geira.


mbl.is Á von á grisjun í ferðaþjónustunni
Tilkynna um óviðeigandi tengingu við frétt

Svart hagkerfi í þessari starfssemi

Hvað skyldi mikið af fjármagni ekki skila sér upp á borð. Margir bjóða gistingu án þess að hafa til þess tilskilin leyfi og hvað þá að þeir borgi skatta af upphæðinni. Skattayfirvöld ættu að leggja mannskap og peninga í að ná í skottið á þeim sem stunda þessi viðskipti án leyfa.


mbl.is 14,7 milljarða tekjur af Airbnb
Tilkynna um óviðeigandi tengingu við frétt

Og hvaðan á starfsfólkið að koma

Minnsta mál að byggja en hvaðan á starfsfólkið að koma. Mikil vöntun á hjúkrunarfræðingum og sjúkraliðum sem ættu gjarnan að vinna á þessum heimilum.


mbl.is 550 fleiri hjúkrunarrými á næstu árum
Tilkynna um óviðeigandi tengingu við frétt

Framámenn í Kennarasambandi Íslands láku upplýsingum til fjölmiðla

Á nýaf­stöðnu þingi Kenn­ara­sam­bands Íslands reyndu for­ystu­sauðir Kenn­ara­sam­bands­ins að kúga lýð­ræðið innan sam­tak­anna. Þeim tókst það ekki. Þökk sé þing­full­trú­um.

En hvernig málið bar að er í alla staði óeðli­legt. Eins og gengur og ger­ist þurfa þing­full­trúar athygl­is­hlé því mis­jafnt er hve frum­mæl­endur ná til fólks. Allt í einu ýtir sessu­nautur við mér og spyr „veist þú eitt­hvað um þetta?“ og sýnir mér frétt á mbl.is, sem birt­ist kl. 10:56 þann 12. apr­íl, um að taka eigi áskorun til afgreiðslu á þing­inu, sem ég sat, eftir hádegi. Ég gapti. Þetta er málið sem verð­andi for­maður skrif­aði um á Stund­inni, sem ég hélt að væri hug­ar­órar í mann­in­um, hugs­aði ég. Af hverju, jú því lýð­ræðið hafði tal­að.

Það sem situr eftir hjá mér, hvernig geta fjöl­miðlar fengið upp­lýs­ingar um dag­skrár­lið sem verður eftir hádegi og birt er fyrir hádegi opin­ber­lega. Og ekki nóg með það, Félag fram­halds­skóla tísti kl.13:56 og tístið hljómar svo „Áskorun kemur fram á þing­inu um að til­von­andi for­maður KÍ end­ur­nýi umboð sitt #metoo #thing­ki2018“ Gera má ráð fyrir að for­maður Félags fram­halds­skóla­kenn­ara tísti fyrir hönd félags­manna sinna. Skammar­legt.

Það er ljóst að framá­menn í Kenn­ara­sam­bandi Íslands komu upp­lýs­ingum til fjöl­miðla áður en þing­full­trúar fengu upp­lýs­ingar um mál­ið. Áður en málið kom á dag­skrá og án þess að umræða færi fram. Hef bara aldrei kynnst öðru eins sið­leysi af hálfu for­ystu­manna stétt­ar­fé­laga. Þetta er lít­ils­virð­ing við kjörna full­trúa og félags­menn.

Vegna þessa trún­að­ar­brests af hálfu for­ystu­sauð­anna voru fjöl­miðlar eins og gráir kettir í kringum þingið til að fá nið­ur­stöðu úr mál­inu. Þeim  var brugðið að þing­full­trúar mætti þessu sið­leysi og svör­uðu kon­unum fullum hálsi. Lýð­ræðið hafði talað og tal­aði á þing­inu.

Mér er óskilj­an­legt hvernig for­menn, vara­for­menn, stjórn­ar­menn og aðrir sem sinna trún­að­ar­störfum fyrir sam­tökin geti komið svona fram, trún­að­ar­brest­ur. Við í félagi grunn­skóla­kenn­ara þurfum ekki að hafa áhyggjur af áfram­hald­andi setu for­yst­unnar því skipt verður á aðal­fundi um miðjan maí.

Því miður sýndu fjöl­miðlar for­ystu­sauði þeirra sem báru upp áskor­un­ina áhuga og það sem hún sagði end­ur­speglar ekki á nokkurn hátt skoðun allra félaga innan Kenn­ara­sam­bands Íslands. Kenn­ar­ar, hvaða nafni sem þeir nefnast, kusu lýð­ræð­is­lega um nýjan for­mann og ekk­ert gat og getur breytt því.

Mér þykir ámæl­is­vert að hópur kvenna í æðstu stöðum innan KÍ gangi fram með þessum hætti og leki upp­lýs­ingum og í reynd búnar að ákveða og til­kynna um atkvæða­greiðslu. Þetta er trún­að­ar­brot að mínu mati, en það er verk lög­fræð­ings KÍ að skera úr um það, því ég minni á að lög­lega kjörnir full­trúar vissu ekk­ert um mál­ið, kom eins og skratt­inn úr sauð­ar­leggn­um.

Með þeim tveimur greinum sem ég hef skrifað um málið hef ég komið atburða­rásinni og mínum skoð­unum á fram­færi. Ég taldi það nauð­syn­legt svo að kenn­arar fái inn­sýn í þá vald­níðslu sem átti sér stað á 7. þingi Kenn­ara­sam­bands Íslands.

Mér var gróf­lega mis­boð­ið!


mbl.is Taka afstöðu um áskorun á morgun
Tilkynna um óviðeigandi tengingu við frétt

Forystusauðir innan Kennarasambands Íslands ætluðu sér að kúga lýðræðið

Und­ir­rituð sat þing KÍ á dög­unum sem full­trúi grunn­skóla­kenn­ara. Margt áhuga­vert kom fram á þing­inu en þetta er fyrsta þingið sem ég sit fyrir stétt­ina. Dag­skrá þings­ins var send út á réttum tíma. Þannig vissu allir hvað taka áttu fyrir og gátu und­ir­búið sig eins og vani er þegar verka­lýð­ur­inn heldur þing.

Ég varð vitni af ótrú­legri atburða­rás sem átti að enda með lýð­ræð­is­svipt­ingu kenn­ara innan KÍ.

Einn dag­skrár­liður á fimmtu­deg­inum var kynn­ing á ,,Einnig ég“ hreyf­ing­unni sem gengur undir myllu­merk­inu metoo. Kenn­arar hlust­uðu og veittu fram­sögu­mönnum athygli. Þegar þeim er þakkað óskar vara­for­maður FF að hópur kvenna í sam­tök­unum stígi á stokk til þakka þeim góða vinnu. Á sviðið stíga vara­for­menn og stjórn­ar­menn félaga innan KÍ. 

Allt í einu og án þess að biðja um orð­ið, eins og venja er á svona þingum sam­kvæmt þing­skap­a­lög­um, tekur stjórn­ar­maður Skóla­stjóra­fé­lags Íslands orðið og hefur lesn­ingu á áskor­un. Gjör­sam­leg gegn þing­sköp­um. Þetta var stoppað og kraf­ist svara um hvort þetta væri lög­legt m.t.t. þing­skap­a­laga. Hlé var  gert á fund­in­um. Síðar voru þing­full­trúar kall­aðir saman og þeim tjáð að ljúka mætti lestri áskor­un­ar­inn­ar. Það var gert. Í lokin var farið fram á atkvæða­greiðslu án umræðna vegna tíma­skorts á þing­inu. Þessu mót­mæltu fund­ar­menn og til að segja langa sögu stutta var ákveðið að færa málið um áskor­un­ina undir lið­inn önnur mál þar sem hann upp­haf­lega átti heima. Önnur ákvörðun var ekki tekin á þessum tíma­punkti um áskor­un­ina.

Á föstu­deg­inum óskar for­maður Skóla­stjóra­fé­lags Íslands eftir dag­skrá­breyt­ingu um að önnur mál fær­ist fram fyrir lið­inn for­manns­skipti í KÍ. Þingið sam­þykkti það enda til­lagan lög­lega borin upp og atkvæða­greiðsla fór fram um hana.

Áskor­un,  sem átti að vera sam­þykkt frá þing­inu, til verð­andi for­manns um að blása aftur til kosn­inga um for­mann KÍ var lesin upp. Eins og fyrr var óskað eftir leyni­legra atkvæða­greiðslu án umræðna. Sam­kvæmt þing­skap­a­lögum er það bann­að, sé efn­is­leg til­laga borin upp ber að opna mæl­enda­skrá sem var og gert. Sem betur fer var félags­vant fólk á milli þing­full­trúa sem gáfu ekki eftir að menn hundsuðu þing­sköp eða færu á svig við þau á nokkurn hátt.

Eftir nokkrar umræður kom frá­vís­un­ar­til­laga sem var sam­þykkt. Frá­vís­un­ar­til­lögu þarf að bera undir atkvæði um leið og hún er lögð fram. Menn höfðu tvo kosti, segja já- vísa til­lög­unni frá, eða nei- og halda  um­ræð­unni áfram. Heyrst hefur að mjótt hafi verið á mun­um, en menn verða að athuga, það var ekki kosið um til­lög­una heldur frá­vís­un­ina. Tölu­verður fjöldi þing­manna vildi að áfram yrði fjallað um áskor­un­ina sem hugs­an­lega tekin til atkvæða­greiðslu, kæmi ekki frá­vís­un­ar­til­laga. Hér er um tvo óskilda hluti að ræða.

Mér þykir það alvar­legt mál að for­menn, vara­for­menn og stjórn­ar­menn í stétt­ar­fé­lögum legg­ist á eitt að gera aðför að lýð­ræð­inu. Áskorun um að brjóta lög Kenn­ara­sam­bands Íslands var lögð fram af fólki sem stendur í fremstu víg­línu, þeirra sem á að gæta réttar okk­ar, kjara­samn­ings og að lög félag­anna séu virt. Að þeir leggi nafn sitt og gjörðir við slíkt er for­kast­an­legt að mínu mati. Krafan á þing­inu var að verð­andi for­maður færi á svig við lög KÍ og boð­aði til kosn­inga að nýju, sem lög KÍ heim­ila ekki. Rús­ínan í pylsu­end­anum var að þeir full­trúar sem stóðu þarna uppi ásamt for­manni FF myndu ekki gefa kost á sér, rétt eins og af kosn­ingu yrði.

Þingið sam­þykkti aldrei að atkvæða­greiðsla færi fram um  áskor­un­ina, eins og fram hefur komið hjá for­manni FF, enda hefði það verið ger­ræð­is­legt að taka lýð­ræðið úr höndum hins almenna félaga sem kaus sér for­mann KÍ.

Að mínu mati gerir fram­koma þess­ara ein­stak­linga þá væng­brotna eða nær van­hæfa í störfum fyrir félags­menn sína, en sitt sýn­ist hverjum um það. Þing­sköp, lög KÍ og lýð­ræði félags­ins var að engu höfð af for­ystu­sauð­un­um. Þetta upp­hlaup  sem varð á þingi KÍ hefur von­andi kennt félags­mönnum að lýð­ræðið er mik­il­vægt, við skulum minn­ast þess þegar kemur að kosn­ing­um.

Ég er auk þess veru­lega hugsi yfir að for­menn félaga innan KÍ skyldu ekki stoppa vald­níðsl­una sem felst í þessum gjörn­ingi. Af þing­inu fór ég reynsl­unni rík­ari, óhætt að segja það.

Höf­undur er grunn­skóla­kenn­ari og þing­full­trúi FG.


mbl.is Formaður KÍ skammaði fjölmiðla
Tilkynna um óviðeigandi tengingu við frétt

Forystusauðum KÍ til skammar

Fer ekki í grafgötur með að ég átti ekki til eitt einasta orð þegar stjórnarmaður Skólastjórafélags Íslands hóf lestur ályktunarinnar. Það leið ekki langur tími þar til lesturinn var stoppaður, sem betur fer. Valdníðsla þessara kvenna virðist ekki eiga sér nein takmörk. Lýðræðið átti að troða niður í svaðið og láta Ragnar Þór ákveða hvort yrðu aðrar kosningar. Hann hefur enga lagaheimild til þess. 

Þingfulltrúar lásu það á mbl.is að áskorun yrði tekin fyrir á þingi síðar um daginn. Til að lauma þessari áskorun inn settu stjórnarmenn aðildarfélagana kynningu á ,,Einnig ég" hreyfingunni. Í kjölfarið, án þess að nokkur almennur þingfulltrúi vissi, var allt annað málefni komið á dagskrá.

Hafi þær skömm fyrir þessar konur, þær gerðum engum greiða, þær tröðkuðu á lýðræðinu sem á að ríkja í hverju félagi og að mínu mati urðu sjálfum sér til skammar.


mbl.is Tillögu um áskorun vísað frá
Tilkynna um óviðeigandi tengingu við frétt

Endemis bull

Sú sem þetta ritar situr þingið. það hvílir enginn skuggi fyrir því né starfi þess. En hvort þessi skuggi hvíli í formanni FF get ég ekki sagt neitt um eða hvort hún varpi þessum skugga sínum á þá sem eru næstir hennar. Mér þykja þetta villandi fréttir og segir stöðuna ekki eins og hún í raun er. Eins gott að fjölmiðlar tali við fleiri en þá sem gaspra hæst.

Fréttin á mbl. takist með varúð!


mbl.is Skuggi hvílir yfir þingi kennara
Tilkynna um óviðeigandi tengingu við frétt

Af hverju eru þið svona lengi að koma ykkur að verki

Hve oft hafa þingmenn ekki rætt smálán og hvers konar okurstarfssemi það er, hve nauðsynlegt sé að koma í veg fyrir þau o.f.frv. SAMT GERIST EKKERT Á ÞINGINU í tengslum við málaflokkinn. 


mbl.is Smálán „ekkert annað en óværa“
Tilkynna um óviðeigandi tengingu við frétt

Sameina stéttarfélögin

Hef sagt það áður og segi enn, sameina á Félag ísl. hjúkrunarfræðinga og Ljósmæðrafélagið. Þar sem hjúkrunarmenntunin er undanfari ljósmóðurnámsins er galið að hafa tvö stéttarfélög sem semja fyrir sitt hvora stéttina. Spurning hvenær það gerist. Hjúkrunarfélagið ætti að semja fyrir ljósmæður sem sérnám ofan á hjúkrunarnámið. Því fyrr sem félagar sameinast því betra. 


mbl.is Styðja kjarabaráttu ljósmæðra
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband