Sameina við næsta bæjarfélag

,,Í Þor­láks­hafnar­prestakalli eru tvær sókn­ir, Þor­láks- og Hjalla­sókn í Ölfusi og Strand­ar­sókn, með tæp­lega 1.800 íbúa og þrjár kirkj­ur." Ansi fámenn sókn. Það á að vera með presta eins og sveitarfélög, lágmarksfjöldi að baki hvers prests. Þjóðkirkjan er ríkinu dýr og ber að spara þar sem mest eins og annars staðar.

Níu sækja um prestsembætti

Fyndið ef hann segði annað...eða hneyskli!

Kemur nokkrum á óvart að starfandi hægri hönd forstjóra Samherja segi þetta. Annað væri fyndið...eða hneyksli. Las bókina ,,Ekkert að fela" og sé brotabrot af því satt sem þar stendur er lítið að hreikja sér af. 

Dregur mútugreiðslur í efa

Er hann skúrkurinn?Jón Ótt­ar Ólafs­son!

Nú er reitt hátt til höggs. Allur skítur grafinn upp. Í mínum augum eru það starfsmennirnir sem fengu upptökuna sem eru skúrkarnir og kannski sá sem nefndur er hér að ofan. Verður í hans verkahring að afsanna það fyrir alþjóð. 

Jóhannes fullur iðrunar vegna símtals

Myndbirtingar á snjáldursíðu, foreldrar takið ykkur taki

Skelfilegt að lesa þegar óprúttnir aðilar sækja myndir af börnum. Jafnvel fáklæddum börnum sem foreldrar hafa sett inn á samfélagsmiðla, sem er opinber vettvangur. Þarna er veiku fólki færð bráð á silfurfati svo ekki sé meira sagt. Myndbirtingar á samfálagsmiðla af börnum sem ráða ekki hvort þau eru til sýnis eru ámælisverðar. Hvers eiga börn að gjalda að foreldrar þeirra geri þetta, mér er spurn. Foreldrar sem birta myndir af börnum sínum hneykslast svo á að óprúttnir aðilar skuli horfa á myndirnar eða líka við þær. Öllu verra er að sá óprúttni getur tekið afrit af myndinni.

Er þessi sjálfsdýrkun og auglýsing um barn eð börn sín ekki fullkomlega óþörf. Getur fólk ekki sent mynd af barni sínu í tölvupósti til þeirra sem vilja fá myndir af barninu. Velti þessu fyrir mér.

Góð grein um málið:https://www.visir.is/g/2019190119072

Starfsmenn bæjarins mæta ekki- starfmenn grunnskóla og nemendur vita það ekki enn

Margir hafa aflýst skólahaldi, hleypa starfsmönnum sínum fyrr og fella aðrar samkomur niður, sökum óveðurs. Mér finnst fyndið að í þeim bæ sem ég bý, Akureyri, gáfu bæjaryfirvöld út að skrifstofur bæjarins verði lokaðar á morgun vegna veðurs, allavega til kl.11:00 og lengur ef þarf.

Starfsmenn grunnskóla og nemendur eiga hins vegar að bíða þar til síðar í dag, kvöld eða morguns, í óvissu um hvort skólahald verði á morgun eður ei sökum óveðurs.

Velti því fyrir mér af hverju er ekki hægt að taka sömu ákvörðun fyrir alla starfsmenn og nemendur bæjarins á sama tíma. Sé veður það vont að fullorðnir komast ekki til vinnu hvað þá með börn? 

Tap í Félagsdómi- fagna því!

Úrskurður Félagsdóms í gær.

Margt gott kom fram í dómnum. Ég fagna honum. Mörgu af því sem kom fram í vörn SNS er ég sammála og margir aðrir sem hafa lagt á sig viðbótarmenntun. Hef rökrætt á þeim nótum sem kom fram í dómnum. Verð að óska öllum, sem það vilja, til hamingju með niðurstöðuna. Fáein atriði sem mér þykja mikilvæg.

Nú þurfa grunnskólakennarar ekki að þvarga meira um jafgildingu launa heldur einhenda sér í kjarasamningagerð og halda félagsmönnum upplýstum um hvað sé í gangi og hvað sé í býgerð.

,,Með nýjum menntunarkafla hafi markmiðið verið að auka launalegan hvata í kjarasamningi til að einstaklingar veldu kennaranám...Það hafi jafnframt verið markmið samningsaðila að byggja menntunarákvæðin þannig upp að í því fælist aukinn hvati fyrir starfandi grunnskólakennara með B.Ed. próf, sem er um 90% allra starfandi kennara, til að ljúka M.Ed. prófi. Hafi stefandi komið með beinum hætti að innleiðingu ákvæðisins , þ.e. greinar 1.3.2.1. Orðalagi...hagað þannig að starfandi kennarar og leiðbeinendur, sem væru í starfi samhliða námi, nytu ávinnings af menntun sinni strax á meðan þeir væru á námsleiðinni.“ Frábært að fá inn % hækkun eftir hverjar 30 einingar. Hvati um það er ekki deilt.

,,Stefndi mótmæli harðlega kröfugerð stefanda í málinu. Telur hann að hvert mannsbarn (ég hélt það líka) sjái hve fullkomin mótsögn sé í því að greiða 90% grunnskólakennara laun líkt og þeir hefðu lokið fimm ára námi til M.Ed. prófs án þess að þeir hafi aflað sér slíkrar menntunar.“

,,Stefndi telur að misskilnings gæti í málatilbúnaði stefnanda um að hið nýja menntunarákvæði feli í sér mismunun og stríði gegn jafngildinarákvæðinu þar sem meistarpróf geti ekki talist viðbótarmenntun í skilningi menntunarákvæðisins eftir gildistöku laga nr.87/2008. Horfi stefandi alveg fram hjá þeirri staðreynd að öllum kennurum sé raðað í lfl.233 óháð því hvort starfsréttindi/leyfisbréf hafi fengið að loknu þirggja ára námi til B.Ed. prófs eða fimm ára námi til M.Ed. prófs.”

Heimilisofbeldi

Synd að sjá þetta. Gott að dómur féll. Því miður er ofbeldi af þessu tagi algengt. Lýðurinn talar ekki um þessa tegund af ofbeldi þegar heimilisofbeldi er rætt. Né heldur að börn séu fórnarlömb. Skiptir engu þó foreldri sé pirrað og þreytt. Ólíðandi framkoma við barn og meðhöndlun.

Sú mynd hefur skapast, sennilega af því öfgahópurinn ,,Líf á ofbeldis" er hávær, að heimilisofbeldi sé þegar karl beitir konu ofbeldi. Svo er ekki. Allt ofbeldi sem beitt er innan veggja heimilis er heimilisofbeldi sem og það ofbeldi sem fólk í nánum samböndum beitir hvort annað, líkamlegt og andlegt.

Við þurfum að snúa vörn í sókn og koma í veg fyrir allt ofbeldi, líka ofbeldið sem dómurinn tekur á.

 

Þreytt og pirruð móðir veitti dóttur sinni áverka